4月1日 (星 期 二)
4 月 第 一 日 就 發 生 d 唔 好 既 事，夜 晚 睇 新 聞 聽 到 張 國 榮 跳 樓 喪 生，之 前 有 人 打 電 話 黎 同 我 講 我 以 為 係 開 玩 笑，點 知 後 來 聽 新 聞 報 道 先 知 係 真，今 年 真 係 唔 知 乜事。
4月2日 (星 期 三)
今 日 聽 到 公 司 講，做 左 成 14 年 既 同 事 做 埋 今 年 就 辭 職，都 算 係 俾 老 細 半 強 迫 情 況 下 而 下 決 定，雖 然 知 老 細 一 路 都 唔 鐘 意 佢，但 估 唔 到 佢 真 係 做 到 咁 絕，聽 到 都 唔 開 心。
4月3日 (星 期 四)
住 緊 果 楝 大 廈 都 有 人 染 肺 炎，迫 到 埋 身，勤 d 做 清 潔。
4月4日 (星 期 五)
近 來 肺 炎 咁 犀 利，周 圍 又 成 日 發 生 d 衰 野，今 晚 決 定 唔 理 咁 多 去 唱 k 減 壓，報 紙 又 話 冇 人 唱，點 知 排 晒 隊，可 能 個 個 都 心 諗 冇 人 去 掛，懷 念 張 國 榮，特 別 唱 多 佢 幾 首 歌，期 間 遇 到 警 察 查 牌，但 又 唔 見 有 人 入 黎 check 身 份 証，奇 怪 ，唱 完 成 2 點，聲 都 沙 埋。
4月5日 (星 期 六)
清 明 節，尋 日 玩 得 太 夜 今 日 留 起 屋 企，下 午 拜 完 神 就 同 你 貓 沖 涼，今 次 沖 涼 出 奇 地 冇 鬼 鍊 咁 叫，呢 排 佢 生 蜃，要 洗 乾 淨 d，之 後 傾 電 話，大 家 都 覺 得 好 悶 咁，睇 黎 豬 扒 同 好 會 下 星 期 要 攪 過 飯 局 先 得。
4月6日 (星 期 日)
今 日 去 呀 yawn 既 哥 哥 屋 企 燒 野 食，位 於 大 埔 圍 下 村，佢 哥 哥 係 一 個 藝 術 家，屋 企 有 d 好 特 別 既 擺 設，我 地 呢 d 凡 人 真 係 唔 係 睇 得 好 明，間 屋 3 層 高，佢 地 兩 個 人 住 真 係 好 夠，環 境 都 幾 靜，冇 乜 人，好 耐 都 未 試 過 一 班 人 出 黎 玩，都 幾 開 心，今 日 佢 地 玩 感 情 大 踢 爆，個 個 人 都 講 d，中 途 有 d 雨，好 彩 有 個 天 幕 未 致 於 淋 濕，星 期 日 諗 住 去 塔 門 玩，唔 知 攪 唔 攪 得 成。
4月7日 (星 期 一)
成 日 都 起 度 落 雨，夜 d 望 出 外 面 好 似 大 霧 山 咁，懞 查 炟 乜 都 睇 唔 到。
4月8日 (星 期 二)
雨 繼 續 落，希 望 洗 走 晒 d 衰 氣。
4月9日 (星 期 三)
今 晚 同 好 耐 冇 見 既 西 西 同 ralph 食 飯，佢 地 上 次 婚 禮 出 席 唔 到 今 次 見 返，都 冇 乜 點 變，去 左 間 越 式 酒 家 食 野，飯 巿 時 間 都 係 得 幾 抬 客，睇 黎 肺 炎 恐 慌 重 未 消 除。
4月10日 (星 期 四)
今 日 kc 生 日，祝 佢 生 日 快 樂，睇 電 視 見 到 又 有 新 措 施 控 制 肺 炎，同 新 加 坡 一 樣 要 懷 疑 受 感 染 既 人 留 起 屋 企 10 日，如 果 真 係 控 制 得 到 就 好。
4月11日 (星 期 五)
豬 扒 同 好 會 好 耐 冇 出 過 黎 聚 會，今 晚 進 行 一 個 飯 局，議 題 有 會 董 牛 一 去 扒 王 之 王 做 生 日 同 埋 肺 炎 藥 方，第 一 個 議 題 起 冇 人 投 反 對 票 下 通 過，當 然 主 人 家 死 都 唔 制，哈....。第 二 個 議 題，大 家 都 拎 肺 炎 呢 個 話 題 開 玩 笑，首 先 係 呀 ming 屋 企 相 信 謠 言，買 左 好 多 益 力 多 起 屋 企，於 是 大 家 就 叫 佢 用 益 力 多 洗 手，沖 涼，煲 湯 等 等，笑 到 肚 痛，我 地 發 明 左 一 張 藥 方，材 料 係 板 藍 根、銀 匊 露、益 力 多 加 埋 滴 露 煲 黎 飲，應 該 可 以 預 防 肺 炎，(我 諗 唔 會 真 係 有 人 睇 左 之 後 跟 住 做 掛)，好 耐 冇 試 過 笑 得 咁 開 心，飯 後 菠 蘿 提 議 影 貼 紙 相，但 7 個 人 迫 埋 一 齊 影 真 係 好 唔 掂，影 到 個 個 人 d 頭 都 得 一 半，有 d 似 鬼 相，不 過 算 啦...志 在 開 心，肺 炎 潮 快 d 過 去 就 好，攪 野 玩 都 易 d。
左 邊 果 位.............
4月12日 (星 期 六)
尋 晚 可 能 玩 得 太 癲，今 日 好 累，呢 種 天 氣 訓 覺 最 舒 服，下 午 3 點 幾 訓 到 成 7 點 先 起 身，爽 晒。
4月13日 (星 期 日)
睇 左 套 失 憶 界 女 王，得 啖 笑，應 采 兒 把 聲 真 係 唔 掂，講 廣 東 話 真 係 幾 難 聽。
4月14日 (星 期 一)
肺 炎 流 行，唔 知 香 港 有 冇 呢 隻 飲 品 買....(去 片)
4月15日 (星 期 二)
肺 炎 影 響，風 塵 三 俠 其 中 一 員 何 伯 俾 呀 媽 宵 禁，想 出 黎 開 會 都 唔 得 添。
4月16日 (星 期 三)
口 快 快 應 承 左 人 地 野，諗 辦 法 解 決 先。
4月17日 (星 期 四)
尋 日 打 完 波 加 上 夜 訓，今 日 成 個 人 好 似 散 晒 一 樣，放 工 後 去 左 打 冷，好 耐 冇 食，3 個 人 叫 左 6 碟 野，食 完 好 飽，而 且 重 好 抵，而 且 又 解 決 左 件 麻 煩 事，開 心 晒。
4月18日 (星 期 五)
復 活 節 4 日 長 假，但 我 冇 得 放，起 公 司 悶 足 一 日，夜 晚 同 菠 蘿 加 埋 佢 細 佬 去 買 數 碼 相 機，佢 話 買 黎 送 俾 vicky 做 生 日 禮 物，但 實 際 上 係 佢 地 3 個 用，開 頭 諗 住 去 百 老 匯 買，但 經 過 豐 澤 竟 然 重 著 數，不 過 佢 咁 抵 又 唔 做promote，要 人 問 先 講 好 似 有 d 蝕 底 左 俾 人，之 後 出 返 荃 灣 食 飯，原 來 有 間 叫 oliva cafe 既 舖 頭 我 都 唔 知，環 境 幾 好，d 侍 應 又 好 禮 貌，都 叫 食 得 幾 開 心，今 日 重 book 埋 星 期 日 去 浦 台 島 船，成 14 人，好 耐 冇 試 過 咁 多 人 出 去 玩，期 待。
4月19日 (星 期 六)
隻 貓 d 虱 患 呢 排 好 嚴 重，襯 今 日 有 時 間 又 再 同 佢 沖 涼，沖 完 之 後 確 係 冇 晒 ，之 後 過 多 陣 睇 返 又 有，都 唔 知 起 邊 走 出 黎，再 用 支 殺 虱 噴 霧 同 佢 噴 先 至 清 到，但 同 佢 噴 親 佢 都 掙 扎 得 好 緊 要，今 次 都 可 以 襟 住 佢 成 3 0 秒 先 俾 佢 走 得 甩，算 係 唔 錯。
4月20日 (星 期 日)
今 日 去 左 浦 台 島 玩，一 共 14 人，好 似 都 未 試 過 咁 多 人 出 席，一 早 去 到 聖 士 堤 反 灣 準 備 上 船，今 日 都 有 好 多 人 打 算 去 果 邊 玩，好 彩 之 前 book 左 位，如 果 唔 係 連 船 都 上 唔 到，冇 記 錯 既 話 今 次 係 第 三 次 黎，先 去 行 一 行 山，入 左 間 所 謂 鬼 屋，不 過 都 唔 恐 佈，似 間 爛 屋 多 d，之 後 又 行 到 個 懸 崖 邊 睇 左 陣 浪，行 左 2 個 鐘 左 右 就 行 完，之 後 去 食 飯，冇 試 佢 最 出 名 既 泥 猛 粥 同 埋 紫 菜 湯，叫 左 幾 碟 小 菜 食 就 算，食 飽 就 去 買 手 信，依 然 係 個 呀 婆 看 檔，佢 地 買 左 好 多 手 信，3 點 搭 船 出 返 去，wendy 又 唔 小 心 跌 左 張 船 飛，攪 到 要 買 過 張，講 開 呢 個 船 長 真 係 好 好 脾 氣，今 日 上 船 同 返 去 果 陣 都 有 d 無 理 取 鬧 既 人，佢 都 重 可 以 笑 笑 口 咁，真 係 難 得。出 返 去 赤 柱 之 後 肥 健 就 自 己 去 游 水，我 地 就 去 行 赤 柱 大 街，好 多 人，不 過 賣 d 野 都 係 合 外 國 人 多 d，起 海 灘 坐 下 傾 下 計 等 肥 健 游 完 水 就 回 程，完 左 今 日 浦 台 島 之 行。
4月21日 (星 期 一)
復 活 節 最 後 一 日 假，不 過 要 返 工，起 公 司 大 家 冇 野 做 就 吹 下 水，有 d 肺 炎 謠 言 真 係 好 攪 笑，有 d 人 竟 然 話 可 能 係 大 陸 既 細 菌 武 器，因 為 出 左 事 先攪 到 全 國 散 播，但 聽 落 又 好 有 根 據 咁，唔 知 真 定 假 喇。
4月22日 (星 期 二)
好 熱...收 埋 起 床 下 底 既 風 扇 要 出 動。
4月23日 (星 期 三)
將 d 冬 季 衫 入 箱，攪 到 我 鼻 敏 感 發 作，好 彩 搵 定 條 毛 巾 遮 住 個 鼻 先，睇 真 d 原 來 有 好 多 衫 都 好 少 著，包 埋 佢 遲 d 捐 左 佢 都 好。
4月24日 (星 期 四)
今 日 聽 到 教 育 署 話 小 學 重 未 開 得 學，真 係 唔 知 停 到 幾 時，食 飯 果 陣 個 個 都 話 個 政 府 唔 好，d 冤 氣 真 係 起 每 個 人 身 上 發 晒 出 黎。
4月25日 (星 期 五)
今 日 去 菠 蘿 屋 企 整 電 腦，佢 俾 左 d 相 我 睇，睇 返 3 年 前 去 四 川 d 相，真 係 令 人 懷 念，成 班 人 個 樣 都 真 係 有 d 唔 同 左，而 家 個 樣 睇 落 老 成 左，咁 又 過 左 3 年，時 間 過 得 真 係 快。
4月26日 (星 期 六 )
連 續 3 個 星 期 都 同 隻 貓 沖 涼，重 係 未 解 決 到 佢 d 虱 患，可 能 間 屋 有 虱 都 唔 奇，或 者 遲 d 買 藥 佢 食 先 得。
4月27日 (星 期 日)
今 日 去 左 行 山，細 v 帶 左 兩 個 新 朋 友 黎，分 別 係 呀 duck 同 呀 sam，而 wendy 就 帶 左 新 朋 友 amy 黎，可 能 大 家 年 青 人 真 係 冇 乜 所 謂，好 快 就 玩 得 熟，今 次 由 荃 錦 坳 行 落 深 井，由 於 之 前 未 行 過，全 程 都 係 咁 拎 份 地 圖 係 咁 望，臨 尾 雖 然 行 錯 左 小 小，但 好 彩 發 現 得 快，今 日 天 氣 幾 好，天 晴 但 又 唔 算 好 猛 太 陽，行 得 幾 舒 服，講 返 果 3 個 新 識 既 朋 友，sam 係 一 個 水 警，好 大 隻 ，個 樣 都 有 d 威 嚴，呀 duck 佢 就 同 呀 華 既 語 氣 好 似，我 地 都 叫 佢 呀 華 二 代，重 成 日 玩 菠 蘿，呢 點 同 呀 華 就 最 似，佢 之 前 隻 腳 做 過 手 術，行 到 臨 尾 佢 顯 得 有 d 辛 苦，不 過 最 後 都 支 持 到，值 得 佩 服，行 完 5 點 左 右，不 過 自 己 有 事 要 走 先，如 果 唔 係 可 以 同 佢 地 食 埋 深 井 燒 鵝 先 走，呢 個 惺 惺 相 惜 之 旅 就 咁 完 結。
4月28日 (星 期 一)
住 起 對 面 既 鄰 居 俾 人 噴 牆 追 債，不 過 唔 關 果 家 人 事，係 佢 d 親 戚 用 佢 個 地 址 借 左 錢，佢 地 報 左 警，管 理 署 都 有 人 上 黎 睇，原 來 佢 地 都 好 重 視 呢 d 事 件，睇 報 紙 以 為 呢 d 事 登 記 返 d 資 料 就 算，但 原 來 佢 地 都 做 好 多 野，希 望 果 d 大 耳 窿 唔 好 亂 黎 啦。
4月29日 (星 期 二)
起 公 司 聽 收 音 機，今 日 聽 到 會 考 英 文 聆 聽 既 試 題，聽 落 真 係 好 易，可 能 因 為 課 程 A，唔 知 課 程 B 會 係 點。
4月30日 (星 期 三)
明 天 佛 誕，有 多 一 日 假 期，今 晚 唔 知 點 解 咁 精 神，之 前 打 完 波 應 該 好 累，不 過 成 4 點 都 未 覺 眼 訓，同 志 遠 討 論 打 機 講 到 4 點 幾 先 訓，好 耐 冇 試 過 lu。