4月1日 (星 期 五)

今 晚 睇 左 哈 爾 移 動 城 堡，咁 多 套 宮 崎 俊 既 片 呢 套 都 算 幾 悶，冇 乜 緊 張 既 情 節，d 畫 面 亦 都 唔 見 特 別 吸 引，兩 個 鐘 頭 黎 講 算 係 幾 長。

4月2日 (星 期 六)

今 日 放 工 去 拜 山，由 於 下 星 期 就 係 清 明 節，今 日 都 算 好 多 人，搭 登 山 果 d 巴 士 條 龍 長 得 好 緊 要，所 以 都 係 決 定 行 上 山，沿 途 都 真 係 見 到 幾 多 人，個 個 一 袋 二 袋，祭 品 亦 都 非 常 多 元 化，同 自 己 比 較 就 真 係 簡 單 左 d。

4月3日 (星 期 日)

今 日 行 山，地 點 由 大 棠 到 深 井，上 半 段 都 順 順 利 利，重 行 左 落 輸 水 隧道 ，入 面 好 黑，重 有 蝙 蝠 大 大 隻 飛 黎 飛 去，嚇 鬼 死。中 午 果 陣 行 左 一 半，心 諗 應 該 好 快 行 完，點 知 就 咁 出 事，不 斷 行 錯 路，第 一 次 先 行 錯 路 落 左 懲 教 署 監 獄，本 來 可 以 起 呢 度 走，但 佢 地 想 行 多 陣，放 次 又 行 左 上 山，之 後 第 二 次 行 左 去 引 水 道 盡 頭 冇 路 行，再 次 上 高 d 既 山，上 左 幾 個 山 頭，開 始 有 d 擔 心 天 黑 落 唔 落 到 山，第 三 次 就 落 山 盪 失 路，去 左 個 冇 路 出 既 樹 林，最 後 就 去 到 救 世 軍 營 地，亦 都 起 度 搵 左 半 個 鐘 路 先 搵 到 條 馬 路 走 到，大 家 雖 然 累 但 都 要 盡 快 落 山，行 到 尾 段 隻 腳 真 係 開 始 痛 痛 地，最 後 真 係 天 都 黑 埋 先 落 到 深 井，今 次 都 可 以 話 係 咁 多 次 行 山 以 來 最 辛 苦，大 家 都 話 4 月 唔 會 再 行 山 住。

4月4日 (星 期 一)

今 日 兒 童 節....d 人 唔 講 都 唔 記 得，畢 竟 自 己 都 唔 係 兒 童 好 耐。

4月5日 (星 期 二)

今 日 清 明 節，同 班 童 軍 仔 上 城 門 水 塘 bbq，今 日 雖 然 人 多，但 亦 都 有 爐，童 軍 仔 今 日 要 考 章，要 佢 地 透 爐 同 原 野 烹 飪，今 次 食 物 雖 然 已 經 唔 預 多，但 都 一 樣 剩 返 好 多，迫 住 要 一 鑊 熟，全 部 用 錫 紙 包 住 整，而 且 佢 地 掛 住 玩 乜 都 唔 做，再 用 懲 罰 性 fall-in，要 佢 地 清 晒 d 食 物，咁 先 至 冇 剩 咁 多，食 完 後 就 行 水 塘，中 途 見 到 好 多 警 察 起 度 查 案，唔 知 係 乜 野 事，重 有 一 大 班 記 者，後 來 睇 報 紙 先 知 原 來 發 現 左 浮 屍，相 信 係 有 釣 魚 客 失 足 跌 左 落 水 塘，冇 黎 一 排，發 覺 城 門 水 塘 d 馬 騮 多 得 好 緊 要，一 家 大 細 企 晒 起 度，完 全 唔 驚 人，夜 晚 一 個 唔 小 心 分 分 鐘 俾 佢 搶 走 d 野 都 唔 知。

4月6日 (星 期 三)

個 妹 出 左 去 住 一 排，今 晚 無 端 端 返 黎 訓 ，唔 知 佢 同 男 友 發 生 乜 事。

4月7日 (星 期 四)

部 電 腦 張 display 咭 一 打 機 就 壞，諗 極 都 諗 唔 到 乜 野 原 因，今 日 決 定 試 下 買 張 新 既 試，點 知 又 真 係 冇 問 題，但 代 價 係 要 付 出 380。

4月8日 (星 期 五)

今 晚 飯 局，肥 健 帶 左 佢 女 朋 友 出 席，由 於 大 家 唔 熟，都 玩 得 比 較 拘 謹，遲 d 出 多 黎 玩 幾 次 或 者 會 慣。

4月9日 (星 期 六)

今 晚 睇 左 套 籍 著 雨 點 說 愛 你，都 唔 算 特 別 悶，成 套 戲 睇 落 都 幾 舒 服，都 有 少 少 感 動 位，但 又 未 致 於 另 人 流 淚，都 值 得 一 看。

4月10日 (星期日)

今 朝 幫 中 心 帶 個 行 山 活 動，對 象 係 小 朋 友，但 條 路 就 非 常 短，起 山 頂 玩 既 時 間 重 多，行 果 陣 有 班 警 察 起 度 唔 知 做 乜，可 能 係 訓 練 或 者 查 案，今 日 條 山 路 都 幾 濕，行 果 陣 都 要 就 住 就 住，活 動 完 結 後 夜 晚 去 城 門 水 塘 bbq，夜 晚 呢 度 冇 乜 人，加 埋 我 地 先 得 3 班，樣 樣 野 都 識 買 但 就 冇 買 火 機，好 彩 我 地 遇 到 燒 烤 之 母，佢 好 好 人，又 乜 都 有，借 左 支 火 槍 俾 我 地，炭 又 用 剩 兩 包，爭 在 冇 俾 埋 食 物 我 地，今 日 買 錯 兩 樣 野，第 一 樣 係 小 籠 包，有 人 話 可 以 燒，點 知 佢 買 左 麵 粉 做 果 隻，唔 係 雪 藏 果 種，一 拆 開 就 散 晒，唔 燒 得，第 二 樣 係 西 瓜，一 切 發 覺 係 壞，綠 楊 新 村 百 佳 呀 姐搵 我 地 笨 添....算 係 今 次 美 中 不 足 之 處，但 都 玩 得 幾 開 心，又 識 多 幾 個 新 朋 友。

4月11日 (星 期 一)

天 文 台 話 星 期 三 又 凍 返，跌 10 度，唔 係 嘛.....

4月12日 (星 期 二)

今 晚 麻 甩 佬 聚 會，上 星 期 聚 左 咁 快 又 聚，去 左 食 韓 燒，旺 角 果 間 都 算 唔 錯，有 好 辣 賴 尿 蝦，但 又 好 好 美，食 左 三 大 碟 先 夠，之 後 去 搵 家 康 買 衫，各 有 所 得，真 方 便，今 晚 真 係 凍 左 好 多，剩 係 著 住 件 短 袖，成 晚 都 縮 縮 下。

4月13日 (星 期 三)

真 係 凍 返，收 埋 左 既 長 袖 衫 又 要 拎 返 出 黎。

4月14日 (星 期 四)

今 晚 幫 fanny 整 機，佢 間 屋 裝 修 過，真 係 四 正 左 好 多，佢 隻 狗 見 到 陌 生 人 就 會 瀨 尿，俾 佢 敬 左 一 杯 茶，唔 知 佢 攪 乜。

4月15日 (星 期 五)

大 陸 公 司 發 生 左 d 事，而 家 可 能 提 早 執 笠，有 d 野 真 係 整 定 冇 野 好 講。

4月16日 (星 期 六)

唔 知 係 咪 俾 人 傳 染 左 d 感 冒，有 d 唔 係 好 舒 服。

4月17日 (星 期 日)

行 經 銅 鑼 灣，見 到 有 反 日 遊 行，好 多 人 都 起 度 睇，對 我 黎 講 已 經 見 怪 不 怪。

4月18日 (星 期 一)

無 端 端 俾 呀 may 捉 左 去 幫 佢 家 姐 度 整 機，咁 又 攪 左 一 晚，但 有 免 費 pizza 食，yeah~

4月19日 (星 期 二)

shrley 部 機 終 於 起 今 日 壽 終，諗 住 佢 可 以 玩 多 陣，迫 住 要 買 部 新，下 星 期 先 幫 佢 攪。

4月20日 (星 期 三)

今 晚 電 話 響 不 停，乜 野 人 都 有，電 腦 問 題...廣 告.....宣 傳....感 情......傾 閑 計 ....廢 話....未 停 過。

4月21日 (星 期 四)

未 來 三 日 都 去 玩，要 養 精 畜 銳。

4月22日 (星 期 五)

一 月 一 度 既 打 波，吸 收 過 往 經 驗，今 次 叫 8 個 人，不 過 都 有 一 個 因 事 而 缺 席，7 個 人 打 就 真 係 輕 鬆 好 多，又 可 以 傾 下 計。完 左 後 俾 kc 捉 左 返 中 心 搬 野，為 左 應 付 佢 地 星 期 一 既 開 幕 禮，見 個 個 都 好 忙 咁 執 野，睇 黎 事 態 相 當 嚴 重，果 晚 11 點 幾 先 走，但 佢 地 重 做 緊，真 係 辛 苦。

4月23日 (星 期 六)

今 日 去 塔 門 露 營，同 小 吉 佢 地 班 山 友 加 自 己 既 朋 友，兩 班 人 一 齊 玩，三 次 都 係 同 佢 地 黎，佢 地 都 熟 晒 路，由 於 之 前 有 人 話 冇 水，所 以 買 定 大 量 既 水 入 去，但 原 來 其 實 係 有 街 喉，重 拎 住 d 水 上 左 山，紮 埋 營 之 後 小 吉 既 朋 友 都 黎 到，今 晚 我 地 打 邊 爐，貪 佢 快 靚 正，食 完 都 成 10 點 幾，原 本 買 左 糖 水 最 後 都 決 定 唔 煮，之 後 就 玩 uno，新 仇 舊 恨 就 起 呢 度 解 決，玩 玩 下 大 家 分 成 3 個 勢 力，聯 合 國、恐 佈 主 義 及 第 三 世 界 國 家，最 後 攪 到 世 界 大 戰，uno 真 係 可 以 令 人 玩 得 好 開 心，玩 到 1 點 就 去 訓，今 晚 營 地 雖 然 多 人，但 就 好 靜，個 個 都 好 早 訓......

4月24日 (星 期 日)

夜 晚 訓 訓 下 流 鼻 水，睇 黎 係吹 親，唔 經 唔 覺 訓 到 9 點 起 身，食 早 餐，冇 乜 野 做 又 玩 uno，之 後 就 去 行 下 山，由 於 有 少 少 攀 爬，少 行 開 既jojo 就 有 d 辛 苦，好 彩 都 順 利 行 完，返 到 去 佢 地 已 經 執 定 晒 營 等 我 地 走，小 吉 班 朋 友 就 玩 埋 另 一 邊 先 返 去，有 人 趕 時 間 既 關 係 我 地 搭 快 艇 返 去，10 分 鐘 唔 駛 就 到 黃 石，出 返 北 潭 涌 呀 榮 重 車 我 地 出 荃 灣，更 加 快，食 埋 tea 就 返 屋 企，呢 兩 日 都 幾 開 心。

4月25日 (星 期 一)

病 病 地，頭 痛 同 咳，應 該 真 係 冷 親。

4月26日 (星 期 二)

今 晚 幫 表 姐 整 機，佢 部 野 真 係 慢 得 難 以 接 受，整 完 好 似 未 整 咁，一 樣 咁 慢。

4月27日 (星 期 三)

無 端 端 落 大 雨，而 且 又 涼 返。

4月28日 (星 期 四)

俾 肥 健 叫 左 出 去 食 飯，順 便 幫 佢 買 禮 物 俾 女 友，經 過 我 同 jojo 既 意 見，佢 到 最 後 都 未 決 定 到 買 乜。

4月29日 (星 期 五)

出 街 幫 人 買 相 機，旺 角 中 原 既 sales 已 經 認 得 我 地 咁 滯，今 日 終 於 幫 襯 左 佢，又 真 係 幾 平。

4月30日 (星 期 六)

尋 日 幫 人 買 左 相 機，今 日 到 wendy 自 己 買 左 部，之 前話 買 話 買 都 過 左 成 年 先 買 到，今 日 終 於 又 起 中 原 買 左，遲 d 佢 去 歐 洲 玩，可 以 影 多 d 靚 相。