4/8 (星 期 日)

今 日 原 本 同 terri 去 橋 咀 州 帶 行 山，可 惜 天 公 不 做 美 一 號 風 球 高 掛，又 要 取 消。於 是 同 左 個 friend 去 左 沙 田 行 街。哈 .... 雖 然 個 行 山 活 動 都 係 取 消 左，但 竟 然 又 俾 我 起 沙 田 見 到 terri，真 係 橋。兩 個 人 行 圍 成 個 沙 田，佢 買 左 套 vcd，我 又 起 實 惠 買 左 張 可 以 摺 得 埋 既 椅，用 佢 黎 取 代 我 張 電 腦 椅。原 本 想 去 睇 天 脈 傳 奇，不 過 去 到 戲 院 買 飛 又 FULL 晒，可 能 始 終 係 新 戲 多 人 睇，到 最 後 睇 唔 到 LU。之 後 又 行 多 陣，見 沙 田 好 似 越 黎 越 多 人 咁，跟 住 就 返 屋 企，咁 又 用 左 我 個 星 期 日。

5/8 (星 期 一)

放 工 後 突 然 有 執 屋 既 衝 動，於 是 就 開 始 清 理 自 己 D 垃 圾，之 前 同 隻 狗 沖 涼，養 左 佢 咁 耐 都 係 第 一 次 同 佢 沖，平 時 都 係 個 妹 攪 掂，原 來 鴛 鴦 佢 都 幾 ENJOY 沖 涼 果 種 感 覺，不 過 沖 完 用 風 筒 同 佢 吹 乾 個 身 都 幾 耐，如 果 D 毛 長 D 重 麻 煩。食 飽 飯 開 始 執 野，漫 畫、CD、一 盒 二 盒 野 重 新 執 過，有 D 野 拎 返 出 黎 睇 又 真 係 好 懷 念，好 似 以 前 買 落 果 D 遊 戲 機 同 埋 D GAME 咁，都 差 唔 多 買 左 成 10 年 重 玩 得 到，執 左 3 個 鐘 又 清 晒 櫃 頂 D 盒 咁 滯，呵....遲 D 又 買 D 垃 圾 返 黎 放 都 得。

6/8 (星 期 二)

可 能 尋 晚 執 屋 執 得 太 累，今 日 全 日 都 係 冇 乜 精 神 咁，重 有 D 腰 骨 痛，返 到 屋 企 訓 左 一 陣，8 點 幾 起 身 睇 電 視，而 家 做 緊 果 套 烈 火 雄 心 2 果 個 做 王 喜 個 女 既 小 朋 友 幾 得 意，幾 識 做 戲，睇 到 佢 就 開 心，人 細 鬼 大。

7/8 (星 期 三)

今 日 會 考 放 榜，有 幾 個 會 考 既 朋 友 聽 到 佢 地 都 升 到 中 六，都 替 佢 地 開 心。今 日 返 左 中 心 聽 到 一 個 都 唔 知 值 得 高 興 定 惋 惜 既 消 息，總 之 有 人 歡 喜 有 人 愁 啦。

8/8 (星 期 四)

今 日 約 左 呀 榮 佢 地 4 個 人 打 壁 球，原 本 呀 琪 同 呀 珊 話 到，臨 時 又 話 唔 黎，即 刻 急 call 呀 健 同 呀 cliff 佢 地 兩 個 黎 補 上，壁 球 如 果 同 一 個 識 打 既 人 玩 會 玩 得 好 開 心。呀 cliff 佢 有 玩 開 壁 球，同 佢 打 好 正，打 20 分 鐘 已 經 好 累，我 重 為 左 夠 一 個 波 而 仆 左 起 度，而 家 隻 腳 重 有 D 痛，都 算 係 第 一 次 打 波 整 傷。今 日 都 見 到 好 多 朋 友，不 過 全 部 都 係 我 見 到 佢 佢 見 我 唔 到，唔 通 我 隱 左 形?....哈。

9/8 (星 期 五)

尋 晚 唔 知 係 咪 打 波 太 累 既 關 係，加 上 隻 腳 又 痛，起 張 床 典 來 典 去 攪 到 成 3 點 鐘 先 訓 得 著，第 二 朝 起 身 望 個 鐘。哇.....10 點 鐘，遲 晒 大 到，好 彩 我 地 呢 d 彈 性 上 班 時 間，打 過 電 話 返 公 司 扮 有 事，於 是 又 施 施 然 10 點 半 入 門 口，哈。全 日 個 天 都 起 度 落 雨，星 期 6 有 個 露 營 睇 怕 又 係 要 取 消，唉....冇 癮。

10/8 (星 期 六)

同 我 既 預 測 一 樣，個 camp 取 消 左，於 是 放 工 直 接 返 屋 企，睇 左 隻 慳 錢 家 族vcd 後 就 玩 電 腦 玩 到 6 點。今 晚 起 無 線 睇 左 套 劇 叫 做 未 來 日 記，一 個 日 本 電 視 節 目，講 兩 個 男 仔 追 一 個 女 仔 既 真 人 show，開 頭 以 為 係 普 通 既 電 視 劇，但 原 來 全 個 節 目 都 係 真 人 真 事，睇 落 都 覺 幾 好 睇 ，哈 .... 香 港 有 既 話 我 估 都 幾 多 人 參 加。

11/8 (星 期 日)

睇 左 套 新 片 絕 世 好 B，今 次 套 片 賣 點 係 一 班 精 靈 又 可 愛 既 BB 仔，之 前 有 睇 過 絕 世 好 BRA 既 話 可 能 對 今 次 套 片 有 D 期 待，但 係 我 覺 得 今 次 既 笑 位 冇 絕 世 好 BRA 咁 多，而 且 成 套 片 既 節 奏 都 好 似 有 D 唔 配 合 咁，一 過 鏡 頭 過 左 又 講 另 一 樣 野。而 且 有 D 角 色 都 唔 知 做 乜，特 別 係 關 芝 林，出 場 就 成 日 起 個 畫 面 度 走 來 走 去，傻 婆 咁，冇 得 俾 佢 發 揮。今 次 既 配 角 多 左 好 多，雖 然 係 一 兩 幕 不 過 有 D 人 都 幾 搶 笑 位，整 體 黎 講 都 值 得 一 睇 既。

12/8 (星 期 一)

今 日 登 記 左 做 兩 樣 野，第 一：申 請 道 亨 張 信 用 咭，貪 佢 可 以 換 部 室 內 無 線 電 話，不 過 要 3 個 月 內 簽 2800 蚊，應 該 都 冇 問 題 既，遲 d 咁 多 fd 生 日，食 幾 餐 飯 都 攪 掂 。第 二：轉 用 香 港 寬 頻，i-cable 實 在 唔 掂，成 日 用 用 下 就 斷，果 個 客 戶 服 務 就 成 世 都 打 唔 通，趁 而 家 香 港 寬 頻 做 promote 就 即 刻 轉，重 係 98 蚊 月 費 簽 兩 年 約，都 算 抵，但 唔 知 質 素 如 何，我 諗 點 都 好 過 i-cable 掛。

14/8 (星 期 三)

今 日 豬 扒 同 好 會 聚 會，主 題 係 暑 假 完 結 大 聚 會，出 席 既 會 員 人數 有 8 位，去 左 荃 灣 楊 屋 道 街 巿 一 間 叫 珍 珠 樓 既 酒 家 打 邊 爐。呀 榮 話 呢 間 野 平 所 以 去 試 下，入 面 D 食 物 都 叫 做 齊 既，D 基 本 食 物 都 有，飲 品 亦 都 多 選 擇，食 野 係 次 要，主 要 係 大 家 一 班 人 可 以 圍 埋 一 齊 發 癲 傾 計，要 叫 齊 所 有 人 出 席 基 本 上 好 難，過 埋 暑 假 之 後 個 個 返 工 又 返 學，更 加 難 聚 埋 一 齊，wendy 同 細 v 都 畢 業 搵 到 野 做，呀 榮 繼 續 佢 既 雙 失 青 年 生 涯，其 他 人 又 開 學 喇，都 唔 知 下 次 再 一 班 人 出 黎 食 飯 又 係 幾 時 lu。埋 單 每 位 53 蚊，真 係 幾 平，環 境 都 叫 ok，可 以 再 黎。

16/8 (星 期 五)

今 日 同 菠 蘿 去 左 睇 一 套 音 樂 舞 台 劇，仙 樂 飄 飄 處 處 聞，女 主 角 係 原 子 鏸，我 同 菠 蘿 都 係 第 一 次 睇 舞 台 劇，雖 然 以 前 睇 過 呢 套 卡 通 片，但 已 經 冇 乜 印 象，所 以 都 係 當 一 套 未 睇 過 既 戲 劇 咁 欣 賞，原 子 鏸 既 演技 都 叫ok，不 過 佢 始 終 d 廣 東 話 唔 係 好 準，聽 起 上 黎 都 幾 攪 笑，入 面 另 外 有 一 班 香 港 合 唱 團 既 小 朋 友 演 出，都 幾 精 靈，係 今 次 舞 台 劇 既 第 二 個 靈 魂 所 在，今 日 有 好 多 家 長 帶 埋 小 朋 友 一 齊 黎 睇，不 過 唔 知 佢 地 明 唔 明，入 面 d 歌 唱 到 d 中 文 好 唔 正，真 係 要 好 留 心 聽 先 聽 得 到 佢 地 唱 乜，不 過 呢 個 經 典 既 故 事 點 都 有 一 班 忠 實 fans 既，相 信 長 做 長 有。

17/8 (星 期 六)

正 所 謂 天 有 不 測 之 風 雲，夜 晚 玩 玩 下 電 腦 突 然 見 到 出 面 落 大 雨，跟 住 天 文 台 就 話 掛 一 號 風 球，星 期 日 重 要 同 中 心 去 創 興 水 上 活 動 中 心，照 咁 睇 又 去 唔 成 多，如 果 咁 計 既 話 就 係 連 續 第 3 個 星 期 因 為 天 雨 而 取 消 活 動，當 黑。

18/8 (星 期 日)

原 本 諗 住 會 取 消 既 活 動 如 常 舉 行，今 次 比 平 時 多 左 阻 滯，首 先 有 個 家 庭 唔 知 會 唔 會 因 天 雨 取 消 而 唔 敢 黎，知 道 左 會 照 去 佢 又 未 準 備 好，成 班 人 起 度 等 佢 半 個 鐘 跟 住 佢 又 話 唔 去，重 話 我 地 安 排 唔 好 要 投 訊 呀 欣，攪 到 呀 欣 唔 係 幾 開 心。之 後 去 到 西 貢 轉 乘 佢 地 既 接 駁 專 車，有 個 家 庭 又 急 急 腳 跟 左 其 他 人 上 車，攪 到 我 地 又 要 搵 佢，到 下 午 水 上 活 動 就 更 加 慘，橫 風 橫 雨，借 返 黎 既 獨 木 舟 又 唔 救 分 俾 d 家 庭，佢 地 又 有 少 少 不 滿，最 後 都 解 決 左，同 karen 玩 獨 木 舟 就 簡 直 同 個 天 搏 鬥，係 咁 吹 又 俾 雨 淋，偷 渡 feel 又 即 時 湧 上 心 頭，玩 左 半 個 鐘 就 頂 唔 順 返 埋 岸 算，不 過 d 家 庭 好 似 預 左 濕 水 咁，一 d 都 唔 怕 濕。黎 緊 星 期 5 就 乘 風 航，唔 知 到 時 天 氣 會 唔 會 又 咁，係 就 死 囉。

19/8 (星 期 一)

今 日 又 有 機 會 去 見 工，去 到 石 硤 尾 一 間 社 區 中 心，入 到 去 嚇 左 一 跳，成 10 幾 人 坐 起 度，當 然 又 有 group interview，入 面 年 紀 由 10 幾 歲 至 50 歲 都 有，真 係 老 中 青 三 代 齊 晒，，佢 地 介 紹 自 己 果 陣 發 覺 有 d 人 學 歷 都 幾 高，有 一 個 女 仔 起 台 灣 讀 完 大 學 返 黎，有 d 起 國 內 做 過 教 師，有 d 又 做 過 社 區 中 心 的，之 前 見 過 咁 多 次 工 大 致 上 知 道 佢 地 想 問 乜，覺 得 自 己 今 次 表 現 都 有80 分，夜 D 收 到 佢 地 個 電 話 話 佢 地 請 我，不 過 人 工 同 我 要 求 既 有 d 出 入，最 後 婉 拒 左 佢 地，不 過 都 俾 我 體 驗 到 真 係 世 界 難 撈，咁 高 學 歷 既 都 唔 介 意 做 一 份 人 工 低 既 工 作，證 明 經 濟 好 極 都 有 限。

20/8 (星 期 二)

7 點 鐘 彈 起 身 上 大 陸，好 耐 冇 試 過 咁 早 起 身，無 非 係 為 左 可 以 早 D 出 黎 下 午 幫 MIKO 買 電 腦，2 點 鐘 等 埋 呀 榮 出 黎 一 齊 去 高 登，全 程 呀 榮 就 好 似 保 標 咁 四 圍 望，而 我 就 係 咁 拎 人 地 舖 頭 D 傳 單 黎 研 究，最 後 建 議 佢 買 部3200 蚊 既 機，佢 話 冇 問 題 (基 本 上 MIKO 只 係 陪 我 地 行，重 有 俾 錢 呢 個 工 作，其 他 野 都 係 我 負 責。由 於 要 等 間 舖 頭 砌 好 部 機 黎 試，我 地 上 左 去 西 九 龍 飲 野，中 途 見 到 亞 視 拍 野，有 尹 天 照 起 度，見 佢 地 拍 一 個 入 電 梯 既 鏡 頭 都 要 拍 十 幾 次 先 OK，唔 怪 得 一 集 電 視 要 拍 幾 日 先 得，拎 左 部 電 腦 之 後 就 返 去 我 屋 企 埋 手 裝 WINDOWS，呀 榮 同 MIKO 就 坐 起度 睇 電 視，坐 到 咁 上 下 就 出 荃 灣 食 飯。解 散 之 後 同 肥 健 去 睇 凸 務 之 王 決 戰 金 大 支，本 身 都 有 睇 第 一 同 第 二 集，今 集 明 顯 D 笑 話 大 眾 化 D，不 過 依 然 離 不 開 不 文 同 核 突 呢 兩 類，今 集 另 一 賣 點 就 係 搵 左 成 班 荷 李 活 明 星 去 客 串，最 攪 笑 都 係 湯 告 魯 斯 扮 AUSTIN POWER，型 得 黎 又 幾 攪 笑。睇 完 戲 食 少 少 野 返 到 屋 企 成 12 點，即 係 今 日 出 左 成 17 個 鐘 頭 街，累 死，攤 落 床 即 訓。

21/8 (星 期 三)

今 日 係 乘 風 航 既 航 前 會，參 加 前 最 擔 心 既 就 係 究 竟 同 邊 班 人 一 組 同 埋 始 終 驚 落 水，因 為 我 本 身 唔 識 游 水，落 水 即 時 失 去 所 有 能 力，今 次 航 前 會 放 低 左 其 中 一 個 心 頭 大 石，雖 然 成 班 人 我 識 既 只 有 兩 個，不 過 其 他 隊 友 都 好 落 力 幫 手 諗 食 物 同 其 他 細 節 既 野，雖 然 我 係 隊 長，不 過 我 一 早 同 佢 地 聲 明，我 係 唔 識 游 水，如 果 我 浸 親 你 地 應 該 識 做 囉，哈.....相 信 唔 死 得 既，後 日 就 出 發 喇，聽 日 真 係 要 食 D 好 野 先。

22/8 (星 期 四)

放 工 後 同 今 次 乘 風 航 D 組 員 出 發 去 買 未 來 三 日 既 食 物 同 埋 用 品，6 點 鐘 去 百 佳 買 左 D 肉 類 同 埋 調 味 料 後 然 後 又 去 街 巿 買 肉 類 同 蔬 菜，不 過 可 能 太 晏 去 街 巿，D 肉 食 店 都 閂 晒 咁 滯，買 左 生 果 同 菜 之 後 唯 有 返 去 百 佳 再 買 肉，佢 D 肉 真 係 幾 貴，四 磅 肉 都 要 成 舊 水 咁 滯，買 完 野 都 成 8 點 幾，返 到 屋 企 重 要 執 野，12 點 幾 就 上 床 訓 覺，準 備 聽 日 撞 受 挑 戰。

23/8 (星 期 五)

朝 早 去 到 尖 沙 咀 同 FANNY 食 早 餐 後 就 去 尖 沙 咀 鐘 樓 集 合，今 次 我 同 另外11 個 人 一 組，有 8 個 係 完 全 唔 識，好 彩 我 地 今 次 成 TEAM 人 個 個 都 肯 做 野，話 頭 醒 尾，10 點 幾 上 船，聽 完 船 長 講 返 今 次 TRIP 有 乜 野 活 動 後，就 去 換 衫 準 備，個 個 換 晒 泳 衣 準 備 後 正 式 玩 第 一 樣 活 動，首 先 第 一 樣 野 玩 一 個 叫 理 躍 龍 門，由 左 手 邊 爬 上 一 條 差 唔 多 3 米 高 既 橫 樑，要 大 家 好 有 力 去 慢 慢 拉 埋 其 他 隊 友 過 另 一 邊，難 易 度 有 3 粒 星。第 二 樣 野 玩 既 就 係 起 水 上 放 左 一 張 顫，然 後 起 佢 上 面 約 2 米 高 既 地 方勾 住 一 張 紙 去 拎 佢 落 黎，難 度 在 於 要 企 起 張 顫 上 面 重 要 企 一 個 人 背 住 另 一 個 去 拎 張 紙，起 下 面 既 人 就 要 按 制 張 顫 既 方 向 同 平 衡，唔 好 俾 上 面 D 人 跌 落 黎，難 度 3 分 半。第 3 個 係 起 一 條 木 上 面 去 拎 一 張 掛 起 度 既 紙，類 似 行 獨 木 橋，企 唔 穩 就 跌 落 海，要 運 用 槓 杆 原 理 去 平 衡，組 員 要 起 條 木 既 尾 端 用 實，而 行 上 去 果 個 人 就 一 步 一 步 咁 行 出 去 拎 張 紙，難 度 唔 高，值 兩 粒 半。最 後 係 行 獨 木 橋， 條 橋 約 長 3 米，行 過 對 面，睇 落 好 似 最 簡 單，不 過 其 實 係 最 困 難，可 能 本 身 條 木 好 滑，要 一 次 過 行 到 過 去 會 有 D 難 度，我 地 最 後 用 人 鍊 方 法 過 去，我 過 去 果 陣 都 跣 腳 跌 左 落 海，臨 落 海 前 講 左 一 句，SHIT，笑 到 其 他 人 死。夜 晚 完 晒 果 日 水 上 活 動 食 埋 晚 飯 後 就 玩 左 D 集 體 遊 戲，夜 晚 我 地 成 船 人 要 輪 流 當 更 做 保 安，我 地 果 組 係 當 1 點 至 3 點 更，可 能 係 第 一 晚，成 船 人 都 好 興 奮 唔 係 咁 早 訓，又 食 野 又 玩 咁，我 就 傾 計 傾 到 成 1 點 輪 更，身 為 隊 長 要 留 意 D 隊 友 訓 左 去 邊，都 唔 敢 點 訓，原 本 一 個 人 看 更 半 個 鐘，我 就 陪 晒 所 有 隊 友 看 足 兩 個 鐘，呢 個 組 長 真 係 唔 易 做，3 點 看 完 更 後 就 去 訓，原 左 第 一 日 活 動。

食 午 餐 同 及 一 班 隊 友

24/8 (星 期 六)

第 二 日 乘 風 航 既 活 動 起 7 點 鐘 開 始，做 左 柔 軟 體 操 後 就 落 水 游 早 泳，當 然 我 又 扶 住 件 救 生 衣 起 水 上 飄 浮，上 船 後 食 早 餐，跟 住 又 要 上 演 第 二 日 既 5 項 全 能 活 動，首 先 第 一 樣 玩 既 係 風 帆，基 本 上 係 坐 起 架 艇 度 遊 船 河，冇 乜 特 別。第 二 樣 係 玩 滑 浪 風 帆，教 你 點 樣 起 塊 板 上 面 平 衡 同 埋 拉 起 個 帆。第 三 樣 係 渣 快 艇，可 以 渣 住 佢 起 海 上 面 周 圍 去，感 覺 都 幾 爽。玩 完 三 樣 遊 戲 後 就 食 LUNCH，抖 左 一 陣 就 玩 下 午 其 餘 兩 項 活 動，第 四 樣 係 玩 馬 騮 架，要 扶 住 個 類 似 空 中 飛 人 既 扶 手 飛 到 出 海 中 間 然 後 放 手 落 海，呢 個 係 我 玩 乘 風 航 入 面 最 驚 玩 既 一 個，飛 出 去 果 一 殺 那 有 D 驚，重 要 跌 落 海 一 陣 間 先 至 有 水 泡 俾 到 我，攪 到 我 係 咁 飲 海 水，玩 完 之 後 有 D 想 嘔 既 感 覺。最 後 一 個 活 動 就 係 玩 類 似 飛 虎 隊 破 窗 入 人 地 屋 企 果 D 游 繩 活 動，呢 個 活 動 我 本 身 唔 怕，但 意 外 就 此 發 生，話 說 呢 個 活 動 游 繩 落 到 水 後 要 爬 繩 網 爬 返 上 船，爬 呢 條 繩 好 考 體 力，有 個 女 仔 爬 到 上 頂 果 陣 唔 夠 力，之 前 剩 係 聽 到 佢 嗌 左 聲 我 頂 唔 順 後 佢 就 起 上 面 跌 左 落 黎，我 呢 個 時 候 就 起 正 佢 下 面，頭 頂 當 堂 俾 佢 打 中，果 陣 時 我 當 堂 定 左 鏡，唔 知 乜 事，剩 係 知 個 頭 同 頸 都 好 痛，肥 健 同 KC 睇 到 即 刻 過 黎 睇 我，拖 返 我 上 船，開 頭 以 為 我 暈 左 唔 識 講 野，其 實 係 唔 知 呢 個 時 候 我 講 乜 好，船 長 同 我 檢 查 左 一 陣 問 我 有 冇 事 叫 我 起 度 抖 下，過 左 半 個 鐘 左 右 我 冇 乜 事 就 繼 續 返 個 活 動，講 真 呢 次 真 係 好 危 險，如 果 我 向 上 望 果 陣 佢 跌 落 黎 分 分 鐘 條 頸 都 俾 佢 撞 斷，事 後 佢 都 有 講 返 SORRY，我 都 冇 怪 佢 ，話 晒 都 係 意 外。
然 後 完 左 呢 個 活 動 就 到 第 二 日 既 戲 肉，名 叫 太 空 拯 救 計 劃，故 事 係 講 乘 風 航 冇 晒 能 源，要 去 搵 一 個 叫 能 量 水 晶 球 既 物 體，有 太 空 船 H5 同 V6 可 以 使 用，每 個 人 身 上 面 重 有 人 體 飛 行 器。其 實 即 係 要 我 地 成 班 人 首 先 去 到 船 尾，用 人 體 飛 行 器 (即 係 跳 水) 落 去，游 去 艇 仔 (H5) 度，再 將 佢 推 去 浮 板 (V6)，由 一 個 人 企 上 去 拎 一 個 淋 花 用 既 水 壺 (即 係 果 個 能 量 水 晶 球)，最 後 爬 繩 上 返 船 上 面 完 成，呢 個 活 動 好 要 求 大 家 既 合 作 性，我 地 果 組 都 好 合 拍，好 快 就 完 成。第 二 日 所 有 水 上 活 動 就 完 結，之 後 架 船 就 駛 左 去 一 個 可 以 泊 船 既 地 方 俾 我 地 沖 下 涼 買 下 汽 水 咁。我 地 果 組 人 負 責 今 晚 既 晚 飯，整 左 4 個 菜 一 湯，見 其 他 人 都 清 晒 D 食 物，我 地 都 好 開 心，証 明 我 地 冇 白 費 心 機，特 別 嗚 謝 我 既 組 員 MANDY 同 雪 兒，真 係 煮 得 一 手 好 食 物。
夜 晚 最 後 一 個 集 體 活 動 就 係 要 我 地 表 演 一 D 野 係 講 返 對 今 次 行 程 既 感 受，我 果 組 抽 到 係 用 廣 告 演 譯，大 家 早 一 晚 已 經 PLAN 定 用乜 野 廣 告，跟 住 再 練 習 一 陣 就 表 演，哈.....我 地 都 做 得 幾 好 架，起 碼 台 下 D 人 都 睇 得 明、識 得 笑。其 他 組 既 表 現 都 幾 好 架，笑 聲 不 斷。
夜 晚 又 到 輪 更 時 間，今 次 好 唔 好 彩 我 地 抽 中 看 3 點 至 5 點 既 時 間，3 點 鐘 要 起 身，唯 有 早 D 訓，到 5 點 當 完 更 即 刻 拿 拿 臨 返 去 訓，唔 係 實 頂 唔 順 第 三 日 行 程。

27/8 (星 期 日)

最 後 一 日 既 活 動，例 牌 朝 早 7 點 起 身 做 早 操 然 後 游 早 水，之 後 上 船 食 早 餐，然 後 又 由 第 三 層 夾 板 跳 落 海，基 本 上 已 經 跳 水 跳 到 慣 晒 冇 乜 感 覺，跳 多 一 次 唔 多。之 後 又 到 今 日 既 戲 肉 節 目 之 一，搶 灘 登 岸，每 組 得 兩 個 水 泡 游 去 離 岸 大 約 一 百 米 既 地 方。基 本 上 我 又 係 拎 住 個 水 泡 起 海 上 面 飄，其 他 人 就 負 責 推，最 攪 笑 係 兩 年 前 有 份 推 我 埋 岸 既 參 加 者 今 年 又 有 份，重 同 我 講，兩 年 前 我 推 你 埋 去 兩 年 後 又 係 我 推 你，真 係 俾 佢 攪 到 唔 知好 嬲 定 好 笑，最 後 都 成 組 人 成 功 登 陸。上 到 岸 後 玩 一 陣 就 返 上 船 食 lunch，然 後 就 到 今 日 第 二 樣 戲 肉，穿 洞，呢 個 我 上 一 次 都 冇 機 會 玩，今 年 咁 0岩 又 有 得 玩，成 班 人 落 水 穿 過 一 個 山 洞，入 面 D 浪 大 左 小 小，唔 識 游 水 就 成 日 俾 D 浪 推 返 轉 頭，最 後 都 要 人 拉 住 先 返 到 上 船，不 過 個 洞 環 境 都 幾 靚。玩 完 穿 洞 後 所 有 水 上 活 動 完 結，然 後 就 做 清 潔 工 作，攪 完 晒 架 船 返 到 尖 沙 咀 都 成 4 點 半，去 左 麥 記 食 野 之 後 返 屋 企，黎 過 大 昏 迷，訓 到 成 10 點 幾 先 識 起 身.....3 日 2 夜 既 行 程 就 此 完 結，不 過 感 覺 同 上 一 次 參 加 相 比 好 似 好 好 多，冇 累 得 咁 緊 要，可 能 強 壯 左。

26/8 (星 期 一)

玩 完 三 日 兩 夜 乘 風 航 後 D 疲 態 終 於 畢 露，原 本 諗 住 放 工 返 屋 企 繼 續 休 息，點 知 風 塵 三 俠 又 約 左 今 晚 出 黎 食 飯，唯 有 頂 硬 上，去 左 旺 角 一 間 食 日 本 鐵 板 燒 既 舖 頭 食，呢 間 舖 頭 D 食 物 幾 好 食，睇 住 師 傅 係 咁 起 度 煮 野 食，手 勢 好 純 熟，絕 不 馬 虎。試 左 佢 幾 樣 食 物，樣 樣 都 唔 錯，不 過 份 量 好 似 少 左 D，3 個 人 食 完 都 話 唔 夠 飽，不 過 講 真 呢 間 野 都 唔 算 平，埋 單 每 人 都 成 100 蚊，之 後 決 定 去 搵 第 二 D 野 食，入 到 油 麻 地 一 間 食 雙 皮 奶 同 燉 蛋 既 舖 頭，坐 左 一 陣 又 吹 下 水 咁。最 後 諗 住 行 入 廟 街 掃 街，點 知 而 家 廟 街 已 經 唔 俾 人 擺 街 邊，成 條 都 好 似 靜 晒，冇 乜 生 氣 咁，於 是 又 入 返 旺 角，去 左 間 有 得 坐 既 大 牌 檔，叫 左 D 小 食，不 過 味 道 真 係 唔 掂，D 炸 魷 魚 鬚 好 似 石 頭 咁 硬，油 到 食，食 完 個 咀 想 爛 咁 滯，下 次 請 都 唔 黎，全 日 就 起 度 食 食 食....咁 又 一 日。

27/8 (星 期 二)

夜 晚 返 中 心 參 加 乘 風 航 既 分 享 會，與 其 講 係 分 享 會 不 如 話 係 大 食 會 重 好，一 路 睇 船 上 面 拍 既 video 一 路 食 野，今 次 出 席 既 人 數 得 20 個 左 右，即 係 一 半 人 出 席，其 他 人 相 信 都 唔 會 再 黎 睇 相 LU。攪 攪 埋 埋 又 10 點 鐘 先 走，飯 又 未 食，成 班 人 又 去 左 濠 江 食，傾 下 計 咁，KC 聽 日 係 最 後 一 日 返 工，之 後 調 去 學 校，唔 知 新 黎 果 個 會 唔 會 攪 返 類 似 既 活 動 呢。

28/8 (星 期 三)

放 工 後 同 TEMPO 同 埋 呀 榮 去 荃 灣 大 會 堂 睇 中 心 攪 既 BAND SHOW，今 次 坐 到 爆 晒 棚，去 既 多 數 都 係 樂 隊 D 朋 友 居 多，講 返 個 SHOW，講 真 要 睇 一 班 唔 識 既 人 去 表 演 真 係 有 少 少 悶，睇 返 班 表 演 者 佢 地，其 實 都 睇 得 出 佢 地 好 俾 心 機 下 個 苦 工，要 我 表 演 其 中 一 樣 都 冇 佢 地 半 成 咁 好，不 過 睇 返 現 場 D 反 應 好 似 冷 淡 左 少 少，可 能 佢 地 含 畜 掛。睇 完 就 去 COCO DUCK 食 晚 飯，佢 地 10 點 後 D 小 食 半 價，都 幾 抵，原 本 諗 住 叫 個 30 幾 蚊 既 餐 食，點 知 佢 又 拎 左 兩 碗 爆 谷 過 黎，即 係 又 要 收 錢，埋 單 每 人 50 蚊。零 願 俾 多 20 蚊 食 佢 晚 餐，起 碼 有 餐 湯 同 埋 焗 田 螺 食 重 有 野 飲，起 碼 食 得 飽。

29/8 (星 期 四)

久 聞 大 學 D 迎 生 營 玩 D 野 出 位 今 日 睇 報 紙，見 到 中 大 佢 地 攪 果 個 迎 生 營 發 生 性 騷 擾 事 件，開 頭 以 為 佢 地 玩 果 D 咸 濕 遊 戲 過 火 得 滯 俾 人 投 訊，睇 真 D 原 來 重 有 出 埋 色 情 口 號 同 埋 橫 額，句 句 都 係 針 對 性 而 講，玩 得 都 真 係 幾 露 骨，最 攪 鬼 係 唔 知 佢 地 起 邊 度 搵 到 張 桑 拿 浴 室 既 POSTER，真 係 玩 晒 骨 場 FEEL，而 家 攪 到 上 晒 報 紙 同 新 聞 頭 條，睇 黎 之 後 D 大 學 CAMP 都 唔 會 玩 得 太 過 份 喇。

取 自 明 報

30/8 (星 期 五)

夜 埋 去 左 表 姐 度 幫 佢 整 電 腦，壞 既 原 因 係 佢 老 公 因 為 [好 奇] 入 左 去 D 色 情 網 頁，攪 到 成 個 IE 係 咁 彈 D 咸 濕 野 出 黎，諗 住 上 去 SET 走 返 佢 個 首 頁 就 冇 事，點 知 冇 想 像 中 咁 易，原 來 佢 將 個 bookmark 都 改 埋，舊 果 D 野 冇 晒，變 晒 咸 濕 既 書 簽，連 佢 入 面 既 登 錄 檔 都 改 埋，雖 然 而 家 暫 時 可 以 令 到 佢 唔 SHOW 出 黎，不 過 長 遠 黎 講 都 係 要 剷 走 再 裝 過 穩 陣 D，都 幾 大 工 程。