8月1日 (星 期 五)
7 月 唔 知 點 解 過 得 特 別 慢 咁，可 能 hk 發 生 左 好 多 事，但 願 8 月 唔 好 咁。有 人 同 我 講 左 句 說 話，(教 會 令 我 們 失 去 好 多 朋 友)，於 是 自 己 諗 下，又 好 似 真 係，有 d 朋 友 真 係 返 左 教 會 之 後 就 好 少 聯 絡，或 者 佢 地 覺 得 果 度 d 人 更 值 得 交 朋 友，一 係 就 我 地 冇 神 咁 偉 大。
8月2日 (星 期 六)
今 日 去 豬 扒 同 好 會 既 別 墅 (ming 宅) 玩，會 董 今 次 親 自 下 廚 整 左 個 taramisu 俾 我 地 食，未 食 之 前 又 買 左 d 零 食 同 雞 翼 入 去，擺 明 係 一 個 大 食 會，miko 之 前 已 經 提 早 入 去 幫 手，但 佢 本 身 好 少 落 廚，整 咖 喱 魚 蛋 好 彩 有 呀 ming daddy 提 醒 落 糖 同 鹽，如 果 唔 係 後 果 不 墈 設 想，之 後 就 玩 麻 雀 同 啤 牌，不 過 玩 左 唔 耐 就 到 今 日 既 主 題 食 蛋 糕，睇 個 樣 都 幾 有 版 有 眼，食 落 去 就 真 係 好 好 食，冇 令 人 失 望，不 過 食 左 兩 件 之 後 真 係 覺 得 好 飽，唯 有 睇 vcd 等 d 野 消 化，唔 覺 唔 覺 又 睇 左 兩 套，推 介 佢 地 睇 左 套 爆 醬 武 林，笑 到 connie 標 眼 水，會 董 屋 企 入 面 有 大 量 vcd，吸 引 左 wendy 佢 地 既 貪 念，鐘 意 睇 既 全 部 借 走 晒，ming 亦 唔 執 輸 要 佢 地 登 記 返，十 足 十 d 租 影 碟 既 舖 頭，之 後 由 於 大 家 都 重 係 好 飽 食 唔 落 晚 飯，於 是 決 定 就 去 元 朗 一 間 叫 鴻 記 甜 品 既 舖 頭 食 糖 水，幾 好 食，但 個 地 方 都 幾 偏 僻，唔 係 人 地 帶 路 都 唔 識 去，食 埋 野 唔 驚 唔 覺 都 成 11 點 幾，今 次 豬 扒 會 活 動 都 幾 舒 服，0岩 晒 夏 天 唔 想 周 圍 走 果 班 既 女 仔。
味 皇 叫 法：好 好 味 呀~~~~
(其 他 相 放 在 我 的 相 簿)
8月3日 (星 期 日)
今 日 呀 榮 攪 左 個 大 城 石 澗 之 行，原 本 打 算 11 點 出 發，但 部 分 人 遲 到 加 埋 等 車 差 唔 多 成 12 點 先 開 始 行，之 前 從 未 行 過 石 澗，行 果 陣 都 幾 舒 服，有 D 樹 蔭，但 風 就 冇 乜，焗 到 成 身 汗，D 水 好 清 好 涼，如 果 有 帶 衫 換 真 係 會 落 水 玩 餐 飽，但 呢 度 D 路 部 分 都 幾 難 行，有 D 又 跣，D 女 仔 都 跌 到 幾 次，好 彩 冇 乜 大 問 題，另 外 呀 WILL 同 G A R Y 就 一 路 涉 水 而 行，同 我 地 玩 對 台，原 本 諗 住 行 晒 成 條 澗，不 過 因 為 遲 出 發可 能 趕 唔 切 落 山，行 左 3 分 1 就 走 左，下 次 要 帶 埋 泳 衣 黎 重 要 行 晒 成 段 先 得。
8月4日 (星 期 一)
起 灣 仔 見 到 呀 羅 蘭 姐，著 到 好 靚，好 似 去 飲 咁，睇 落 個 樣 好 開 心，唔 知 佢 去 邊。睇 左 人 妖 打 排 球 2，悶 死 人 喇，都 唔 係 講 打 波 既，一 味 起 度 懷 舊， 配 音 又 冇 以 前 咁 好 笑，慳 返。
8月5日 (星 期 二)
今 日 到 左 一 間 旺 角 新 開 既 櫻 井 料 理 食 日 式 自 助 餐，初 初 起 門 口 見 到 好 多 人，不 過 好 彩 都 有 位，d 刺 身 好 大 件，味 道 都 ok，不 過 吞 拿 魚 佢 雪 過 頭，攪 到 食 落 去 硬 晒，好 似 食 緊 有 渣 既 西 瓜 咁，三 文 魚 之 後 就 多 到 冇 人 食，重 有 d 天 婦 羅、手 卷 同 埋 炸 物 等，都 叫 多 野 食，不 過 如 果 講 返 食 物 質 素 都 係 大 久 保 正 d。
8月6日 (星 期 三)
今 日 打 羽 毛 球，可 能 星 期 日 行 完 澗 隻 腳 未 抖 夠，有 心 無 力，有 陣 時 見 到 波 都 唔 想 走，星 期 6 晚 要 去 夜 行，希 望 唔 好 落 雨 啦。
8月7日 (星 期 四)
累~~~
8月8日 (星 期 五)
老 細 話 買 左 我 屋 企 用 緊 部 電 腦，於 是 又 可 以 乘 機 換 機，咁 0岩 wendy 又 想 去 深 水 步 買 野，於 是 同 佢 一 齊 出 去 睇，不 過 可 能 今 晚 有 因 為 皇 家 馬 德 里 對 港 隊 呢 場 比 賽，黃 金 同 高 登 明 顯 少 左 人，行 得 好 疏 落，開 波 後 d 賣 mon 既 舖 頭 都 播 晒 足 球，睇 佢 地 都 冇 乜 心 機 做 生 意，wendy 今 日 滿 載 而 歸，佢 真 係 冇 黎 錯，重 介 紹 左 我 去 一 間 深 水 步 食 燒 味 既 舖，環 境 雖 然 差 左 d 但 食物 真 係 幾 好 ，抵 食。
8月9日 (星 期 六)
今 晚 同 一 班 小 朋 友 到 鳳 凰 山 睇 日 出，夜 晚 8 點 開 始 同 佢 地 講 解，執 野 買 食 物，差 唔 多 夜 晚 10 點 先 由 荃 灣 出 發，出 發 前 佢 地 重 精 神 奕 奕，未 知 好 戲 在 後 頭。接 近 12 點 正 式 出 發 行 上 去，用 左 個 半 鐘 頭 左 右 上 到 山 中 間 既 亭 休 息，個 亭 俾 另 外一 班 人 霸 左，重 用 繩 圍 住 晒 黎 掠 衫，過 分，唯 有 起 出 面 煮 野 食 同 休 息，初 初 天 氣 重 好 好，點 知 後 來 開 始 落 雨，重 大 霧，拿 拿 臨 執 好 野 匿 入 個 亭 度，好 彩 果 班 人 識 做 讓 返 d 位 出 黎，避 雨 其 間 一 路 都 有 人 上 緊 黎，越 企 越 多 人，企 到 大 約 3 點 半 等 雨 停 左 再 出 發，條 路 已 經 濕 左 好 多，好 彩 問 題 唔 大，不 過 霧 就 大 左 好 多，小 朋 友 開 始 有 d 頂 唔 順，成 日 問 幾 時 到，行 到 5 點 終 於 到 達 山 頂，但 已 經 有 一 大 班 人 坐 左 起 度，一 時 間 成 個 山 頂 堆 滿 左 人，我 地 又 坐 起 度 休 息，點 知 又 落 雨，真 麻 煩，心 諗 睇 到 日 出 都 幾 難，小 朋 友 上 到 黎 已 經 好 累，大 多 數 訓 著 左，5 點 半 天 開 始 光，不 過 山 頂 d 霧 依 然 未 散，企 到 成 6 點 半 先 見 到 少 少 蛋 黃，都 叫 做 睇 到，冇 上 錯 黎。6 點 半 開 始 落 山 往 昂 坪，落 呢 段 路 有 d 辛 苦，可 能 條 路 濕 又 係 咁 落 樓 梯，成 日 都 見 人 地 跌 到，小 朋 友 已 經 沒 精 打 采，8 點 終 於 落 到 山，可 以 休 息 食 少 少 野，佢 地 又 精 神 返 少 少，之 後 塔 車 返 去， 起 車 上 面 全 部 都 訓 晒 咁 滯，同 黎 果 陣 完 全 兩 回 事，好 彩 都 叫 順 利 完 成， 咁 細 過 行 真 係 辛 苦 左 佢 地。
8月10日 (星 期 日)
行 完 山 飲 埋 早 茶 返 屋 企 大 覺 訓，好 累。
8月11日 (星 期 一)
依 然 未 抖 夠~~~~
8月12日 (星 期 二)
起 大 陸 差 d 俾 人 起 後 面 偷 野，好 想 及 時 發 現，大 陸 d 治 安 真 係 差。
8月13日 (星 期 三)
原 本 諗 住 過 埋 今 年 先 換 機，點 知 公 司 又 想 要 部 平 電 腦，就 襯 今 次 賣 俾 佢，起 深 水 步 格 左 好 耐 價 ，最 後 揀 一 間 話 全 部 材 料 都 係 行 貨 既 舖 頭，個 sales 好 似 求 人 買 機 咁，講 到 好 可 憐，佢 話 要 兩 個 鐘 先 砌 好，之 後 去 食 埋 飯，打 埋 機，再 去 麥 記 食 雪 糕 都 重 未 攪 掂，去 返 舖 頭 睇 原 來 有 一 家 人 起 度 試 機 用 左 好 耐 時 間，個 師 父 又 口 水 多 個 茶，成 日 講 d 無 謂 野，攪 到 成 10 點 半 先 走 得，返 屋 企 即 刻 裝 返 軟 件 試 機，攪 攪 下 咁 又 兩 點，預 呢 部 機 起 碼 用 3-5 年 應 該 都 ok。
8月14日 (星 期 四)
表 姐 部 機 又 壞，又 去 食 免 費 晚 餐，佢 煮 乜 都 咁 好 食，連 公 仔 麵 都 零 舍 唔 同，食 完 重 整 湯 丸，好 飽。
8月15日 (星 期 五)
星 期 六 同 日 都 有 山 要 行，但 天 氣 唔 係 好 穩 定，唔 知 去 唔 去 得 成。
8月16日 (星 期 六)
好 耐 冇 唱 過 K，K 癮 發 作 下 決 定 同 wendy 佢 地 唱 TEA K，菠 蘿 佢 終 於 起 印 尼 去 完 交 流 團 返 黎，除 左 個 髮 型 唔 同 左 好 似 冇 乜 點 變，佢 去 左 成 個 幾 月 好 似 同 hk 有 d 脫 節 咁，好 多 歌 都 唔 識 唱，3 個 鐘 頭 好 快 過 左，唔 係 好 夠 喉 咁。原 本 夜 晚 有 個 夜 行 活 動，因 天 雨 關 係 取 消 左，半 推 半 就 下 去 左 睇 中 心 攪 既 一 個 band show，本 身 對 d 搖 滾 樂 唔 係 太 有 興 趣，可 能 怕 嘈，今 次 睇 左 都 覺 ok，d 表 演 者 都 幾 落 力。睇 完 show 去 食 晚 飯，fanny 發 覺 佢 銀 包 唔 見 左，返 過 中 心 搵 同 打 去 問 其 他 地 方 都 冇 人 執 到，可 能 起 街 跌 左，真 係 唔 好 彩，好 彩 冇 信 用 咭 同 埋 太 多 現 金，如 果 唔 係 更 大 件 事。
8月17日 (星 期 日)
今 次 幫 ralph 既 中 心 帶 小 朋 友 行 山，地 點 由 荃 錦 坳 至 屯 門 黃 金 海 岸，ralph 有 個 朋 友 原 來 係 起 之 前 既 war game 中 心 做 義 工，佢 重 認 得 我，世 界 真 係 細，呢 班 小 朋 友 個 個 都 好 行 得，呢 次 段 路 都 幾 長，而 且 沿 途 d 景 冇 乜，比 較 悶，可 能 部 分 小 朋 友行 得 太 快，中 途 發 生 左 走 甩 事 件，最 後 都 冇 事，今 次 段 路 有 20 公 里，都 幾 長，行 完 先 落 雨，算 係 好 好 彩。
8月18日 (星 期 一)
網 上 見 到 d 一 比 九 十 九 既 抗 炎 短 片，有 d 好 感 人，有 d 好 好 笑。
（１）抗炎狂想曲
（２）小豬不舒服
（３）向好看
（４）信不信由你
（５）香港必勝
（６）誰是香港小姐
（７）香港飛人
（８）等運到
（９）麥兜
（１０）2003年春天的回憶
（１１）香港是最好的
8月19日 (星 期 二)
做 左 呢 份 工 都 成 6 年，老 細 越 黎 越 冇 心 機 做 咁，睇 黎 都 快 玩 完。
8月20日 (星 期 三)
今 日 去 打 波，晚 飯 其 間 大 家 有 意 攪 一 個 中 秋 秘 密 活 動，要 開 始 籌 備..........
8月21日 (星 期 四)
朋 友 工 作 上 唔 如 意，幫 唔 到 佢 做 任 何 野，唯 有 聽 佢 訊 苦。
8月22日 (星 期 五)
天 氣 好 差，日 日 都 落 大 雨，好 悶。
8月23日 (星 期 六)
一 號 風 球，聽 日 重 諗 住 去 果 洲 群 島，兇 多 吉 小。
8月24日 (星 期 日)
俾 個 天 玩 死，當 黑 的 一 日，活 動 取 消 左 又 冇 人 通 知，攪 到 自 己 一 個 傻 左 出 去，好 蠢。
8月25日 (星 期 一)
本 身 好 鐘 意 食 日 本 野 既 我，今 日 起 元 朗 試 左 間 舖 頭，朋 友 不 嬲 都 話 呢 間 好 食，試 過 又 真 係 幾 好，樣 樣 食 物 都 有 返 咁 上 下，唔 怪 得 7 點 鐘 就 開 始 有 人 排 隊。
8月26日 (星 期 二)
今 日 起 奧 海 城 經 過 一 間 食 京 菜 既 舖 頭，見 門 口 非 常 多 人，應 該 唔 錯，但 冇 諗 住 去 食 但 都 拎 左 張 籌 睇 下，但 之 後 去 左 第 二 間 舖 頭 食 埋 野 返 黎 都 未 輪 到 我，誇 張 到 丫。今 日 重 起 一 間 賣 健 康 用 品 舖 頭 度 買 左 呀 榮 今 年 份 生 日 禮 物，好 過 癮，0岩 晒 佢 用。
8月27日 (星 期 三)
kc 去 完 英 國 旅 行 返 黎，約 左 佢 食 飯，睇 黎 好 似 肥 左 少 少，可 能 心 廣 體 胖。
8月28日 (星 期 四)
出 左 幾 日 街 好 累，想 抖 抖。
8月29日 (星 期 五)
中 心 既 童 軍 今 晚 做 宣 誓 禮，過 去 幫 佢 地 影 相 做 義 工，平 時 百 百 厭 厭 既 小 朋 友 今 日 表 現 得 好 乖，可 能 因 為 有 父 母 起 度 睇 住 既 關 係，企 起 度 成 個 半 鐘 頭，有 人 可 能 捱 唔 住 有 d 唔 舒 服 暈 左，好 彩 冇 乜 大 問 題，抖 下 就 ok，成 個 儀 式 總 算 順 利 完 成 晒。
8月30日 (星 期 六)
好 焗 好 熱，可 能 有 風 打。
8月31日 (星 期 一)
今 日 睇 左 魔 盜 王，開 頭 以 為 佢 好 似 盜 墓 迷 城 咁 刺 激 緊 張，但 原 來 又 唔 係，拍 得 幾 好 笑，另 一 種 風 格，個 男 主 角 諗 左 好 耐 先 睇 得 出 佢 原 來 係 拍 魔 戒 果 個 箭 手，都 係 箭 手 既 造 型 靚 仔 d，套 戲 都 唔 錯，冇 乜 悶 場。