8月1日 (星 期 一)
裝 左 香 港 寬 頻 電 視，唔 駛 錢 可 以 睇 半 年，襟 過 佢 d 台，確 係 冇 有 線 咁 好 睇，但 免 費 既 話 冇 所 謂 啦。
8月2日 (星 期 二)
返 左 中 心 開 個 營 前 會，見 到 jennifer 起 度 做 YA，同 佢 傾 左 一 陣，都 唔 知 佢 想 唔 想 返 英 國 果 邊 讀 書，佢 自 己 本 身 又 好 多 顧 累 咁，但 問 題 都 係 俾 佢 自己 解 決 好。
8月3日 (星 期 三)
行 經 沙 田，新 城 巿 果 邊 變 得 都 幾 大，平 時 少 去 既 5 同 6 樓 都 開 左 唔 少 舖 頭，3 樓 依 然 裝 修 緊，將 來 呢 度 應 該 更 加 旺。
8月4日 (星 期 四)
天 氣 又 熱 返，但 依 然 堅 持 唔 開 冷 氣，習 慣 左 就 冇 乜 問 題。
8月5日 (星 期 五)
今 日 起 旺 角 食 飯 果 陣 見 到 中 學 同 學 呀 茂，冇 見 咁 多 年 佢 高 大 左，佢 就 話 我 冇 乜 點 變，聽 佢 講 而 家 做 design，記 得 佢 讀 書 果 陣 最 鐘 意 畫 到 d 書 全 部 公 仔，而 家 佢 做 呢 份 工 真 係 好 0岩 佢。
8月6日 (星 期 六)
下 午 飲 茶，兩 個 人 起 青 葉 食 lunch，埋 單 兩 個 人 100，lunch 黎 講 算 係 幾 貴。
8月7日 (星 期 日)
荒 失 失 奇 兵 上 左 咁 耐，今 日 先 至 有 機 會 睇，諗 住 上 左 咁 耐 都 應 該 冇 乜 人 睇，所 以 冇 買 定 飛，點 知 竟 然 都 咁 多 人，只 可 以 買 到 第 4 行 位，不 過 都 冇 預 期 中 睇 得 咁 辛 苦，套 戲 都 幾 好 笑，特 別 係 班 企 鵝，d 笑 位 好 過 癮，但 我 始 終 想 睇 英 語 版。
8月8日 (星 期 一)
psp 出 左 軟 件 可 以 玩 翻 版，手 思 思 想 買，今 日 終 於 斥 資 買 左，舊 果 部 game boy 睇 黎 我 會 收 埋 佢 lu。
8月9日 (星 期 二)
尋 日 買 左 部 psp，攪 左 成 晚 都 唔 掂，點 知 今 日 先 知 要 boot 機 碟，再 加 多 少 少 錢 買 隻 game 啦。
8月10日 (星 期 三)
今 晚 封 塵 三 俠 食 飯，何 伯 因 為 要 OT，等 埋 佢 食 果 陣 已經 成 9 點 鐘，去 左 好 耐 冇 食 既 意 粉 屋 食，以 前 記 得 我 地 成 日 起 度 食 飯，食 飽 重 去 健 康 工 房 飲 野 清 熱 氣，大 家 傾 返 中 學 時 期 d攪 笑 野，最 記 得 係 當 初 有 班 拆 筆 盒 黨，專 整 爛 人 地 d 鐵 筆 盒，攪 到 個 個 人 心 惶 惶，當 年 我 都 係 受 害 者 之 一，到 後 期 d 人 唔 係 轉 用 筆 袋 就 係 盡 筆 盒 隨 身 攜 帶，諗 返 都 真 係 好 好 笑。
8月11日 (星 期 四)
放 工 果 陣 出 門 口 發 覺 好 焗，聽 講 話 會 打 風.........
8月12日 (星 期 五)
真 係 掛 1 號 風 球，聽 日 個 camp 唔 知 有 冇 影 響。
8月13日 (星 期 六)
雖 然 冇 掛 3 號 風 球，但 個 camp 都 取 消 左，都 係 件 好 事，去 左 都 係 坐 起 度 行 唔 到 山。
8月14日 (星 期 日)
唱 k 發 覺 green box 入 會 有 好 多 優 惠，費 用 100，但 長 遠 黎 講 都 有 著 數，500 幾 分 已 經 可 以 換 兩 張 戲 飛，唱 果 陣 發 覺 而 家 好 多 新 歌 手，好 多 歌 都 唔 識 唱。
8月15日 (星 期 一)
尋 晚 失 眠，碌 來 碌 去 攪 到 成 3 點 先 訓 到，得 閑 冇 野 做 起 屋 企 做 下 運 動，可 能 肌 肉 都 有 d 疲 勞，做 完 有 少 少 痛，遲d 要 去 按 摩 先 得。
8月16日 (星 期 二)
東 touch 既 星 座 預 測 幾 準，呢 個 星 期 我 對 某 種 感 覺 真 係 開 始 幻 滅.....
8月17日 (星 期 三)
今 日 同 朋 友 起 poly 做 一 個 商 場 研 究 既 研 討 講 座，原 本 2 個 鐘 既 講 座， 但 在 座 既 人 都 好 少 出 聲，一 個 鐘 就 做 完，我 覺 得 自 己 都 算 講 得 幾 多，做 完重 有 100 蚊 禮 卷 同 一 隻 水 杯 做 紀 念，都 幾 抵。
8月18日 (星 期 四)
今 晚 朋 友 介 紹 去 荃 灣 一 間 cafe 食 晚 飯，但 個 地 點 都 幾 偏 僻，自 己 成 日 行 荃 灣 都 好 少 過 黎，呢 間 餐 廳 個 環 境 唔 錯，設 計 亦 都 花 左 d 心 思，叫 左 個 龍 蝦 加 煎 龍 利 柳，味 道 都 唔 錯，平 均 都 係 70 蚊 左 右，又 唔 收 加 一，唔 錯。
8月19日 (星 期 五)
今 晚 起 銀 菱 食 飯，幫 呀 基 慶 祝 生 日，又 大 一 歲 喇，呢 幾 日 個 天 係 咁 落 雨，攪 到 出 街 好 麻 煩，今 日 雖 然 得 4 個 人，但 叫 左 好 多 野 食，埋 單 個 價 錢 當 然 貴 左 少 少 啦，但 都 值 得，而 且 今 晚 大 家 傾 左 好 多 野 添，好 開 心。
8月20日 (星 期 六)
朝 早 返 工 又 落 大 雨，再 有 強 風，半 邊 身 濕 左，返 到 公 司 連 對 襪 都 要 濕 埋，下 午 就 出 左 旺 角，成 日 都 未 停 過 雨，迫 住 起 無 印 良 品 買 對 襪 黎 換，夜 晚 就 睇 朱 古 力 獎 門 人，俾 我 預 期 中 好 睇，故 事 然 簡 單 但 入 面 既 笑 位 就 幾 好 笑，同 上 次 添 布 頓 既 大 魚 奇 緣 完 全 係 兩 個 故 事，睇 得 好 開 心，但 一 定 要 睇 英 文 版，中 文 版 聽 朋 友 講 係 幾 悶，可 能 係 配 音 唔 好 既 關 係。
8月21日 (星 期 日)
今 日 冇 出 街，起 屋 企 睇 左 隻 非 常 青 春 期 既 vcd，個 故 仔 其 實 都 幾 牽 強，講 5 個 青 年 起 長 洲 既 故 事，見 到 森 美 小 儀 起 度 做 人 父 母 都 幾 好 笑，反 而 係 羅 蘭 起 套 戲 就 佔 好 重 既 角 色，佢 做 戲 都 幾 好 睇。今 日 收 到 張 月 結 單，發 覺 竟 然 唔 記 得 俾 錢，收 左 我 170 蚊 附 加 費，我 都 係 爭 佢 70 蚊，激 死 喇...罰 咁 多 都 有。
8月22日 (星 期 一)
今 日 公 司 發 生 左 D 問 題，老 細 唔 起 度 所 產 生 既 影 響 逐 潮 浮 現。
8月23日 (星 期 二)
下 午 跟 同 事 食 飯，傾 談 間 佢 對 呢 盤 生 意 都 冇 乜 信 心，而 且 睇 得 出 既 壓 力 都 幾 大，如 果 早 D 結 業 可 能 重 好。
8月24日 (星 期 三)
今 晚 打 波，之 前 重 擔 心 緊 唔 夠 人，點 知 最 後 黎 左 9 個，人 多 自 然 打 得 快 手，而 且 都 打 得 幾 開 心。之後 大 家 為 左 諗 食 晚 飯 既 事 都 諗 左 好 耐，最 後 誤 打 誤 撞 去 左 間 新 開 既 台 及 日 式 餐 廳，D 拉 麵 都 幾 好 食，飲 品 重 買 一 送 一，以 後 落 腳 既 地 方 又 多 左 一 個。
8月25日 (星 期 四)
返 到 屋 企 果 陣 見 到 有 個 小 朋 友 受 傷，流 到 成 地 血，坐 左 起 管 理 處 度 等 救 傷 車，後 來 睇 新 聞 先 知 佢 係 俾 人 襲 擊，將 一 個 小 朋 友 斬 到 咁 傷 真 係 好 過 份，夜 晚 樓 下 好 多 地 方 都 俾 警 察 封 鎖 左 查 案，睇 黎 件 事 真 係 好 嚴 重。
8月26日 (星 期 五)
雖 然 屋 企 有 煮 飯，但 突 然 間 想 食 麥 記，忍 唔 住 買 左 返 屋 企。
8月27日 (星 期 六)
中 心 攪 band show 比 賽，幫 手 做 義 工，對 音 響 冇 乜 認 識，只 係 幫 手 擔 擔 抬 抬 同 拍 DV，SET 機 真 係 冇 辦 法，今 晚 6 隊 參 賽，有 D 組 真 係 幾 好，睇 得 出 佢 預 先 做 左 好 多 功 夫，反 而 起 中 心 玩 開 果 班 可 能 因 為 個 主 音 冇 黎，要 搵 第 二 個 頂 替，表 現 有 D 失 準，最 後 3 甲 不 入，佢 地 睇 黎 有 少 少 失 望，但 比 賽 總 有 輸 嬴，下 次 重 有 機 會。
8月28日 (星 期 日)
今 日 係 童 軍 宣 誓 禮，一 大 早 返 去 幫 手，今 日 主 要 係 做 影 相 既 工 作，有 新 人 黎 亦 都 有 D 舊 人 因 為 其 他 原 因 走，有 D 小 朋 友 真 係 睇 住 佢 由 小 學 升 上 中 學，佢 地 越 黎 越 青 春，我 就 相 反，今 日 除 左 班 小 朋 友 開 心 外，佢 地 D 家 長 都 應 該 一 樣，見 佢 地 部 相 機 係 咁 閃，都 睇 得 出 佢 地 好 緊 張，有 D 家 長 完 左 活 動 後 重 幫 手 善 後，真 係 好 好 人，當 執 完 野 後 突 然 落 大 雨，心 諗 真 好 彩，天 公 都 真 係 做 美。
8月29日 (星 期 一)
今 日 諗 緊....當 一 個 你 當 佢 知 己，有 心 事 大 家 都 會 拎 出 黎 傾 既 好 朋 友，最 近 發 覺 佢 其 實 有 件 事 一 直 瞞 你，雖 然 件 事 其 實 對 我 冇 乜 大 影 響，簡 直 可 以 話 係 喜 事， 但 只 係 覺 得 一 件 開 心 既 事 點 解 唔 可 以 同 自 己 分 亨，重 要 用 各 種 籍 口 掩 飾，好 似 俾 人 玩 緊 一 樣，我 亦 唔 希 望 同 佢 之 間 既 關 係 因 為 呢 件 事 有 任 何 改 變。
8月30日 (星 期 二)
今 日 呀 妹 有 得 去 迪 士 尼，好 鬼 羨 慕，聽人 講 入 面 雖 然 細，排 既 時 間 長，但 又 真 係 玩 得 好 開 心，呀 妹 買 左 盒 曲 奇 返 黎，四 十 幾 蚊 都 真 係 好 貴，但 味 道 又 幾 好，包 裝 都 靚，抵 佢 搵 咁 多 錢。
8月31日 (星 期 三)
今 日 起 太 子 壽 司 亭 食 壽 司，計 計 埋 埋 呢 個 星 期 第 三 次 食，呢 間 野 每 隔 一 段 時 間 就 會 敲 鐘 話 有 優 惠，每 次 都 有 限 額，次 次 唔 同，好 攪 笑，今 次 食 飯 都 係 次 要，食 野 果 陣 個 朋 友 有 d 感 情 煩 惱，大 家 只 係 討 論 一 個 問 題，男 同 女 對 愛 情 觀 睇 法 確 係 有 d 唔 同，各 持 己 見，講 完 冇 乜 結 果，只 係 可 以 祝 佢 好 運。