2003年12月

12月1日 (星期一)

又到恐佈既月頭，公司例牌超多野做，今個月更加係多得出奇。

12月2日 (星期二)

好大疊單，好大疊公司落貨單~~~~~~~~~~~~~~~~~

12月3日 (星期三)

我既減壓既方法其中一樣係，食野，辛苦左一日食野既時候係最開心，最好係去 d 未食過既餐廳，今晚個 fd 帶左我去沙田新城巿間香辣屋食泰國野，平時假日實見到佢門口企晒人，可能今日閑日所以唔駛等就入到，其中最特別既食物就係糯米釀雞翼，剩係用雞翼既皮包住 d 糯米飯，都唔錯，但 d 串燒麻麻，沙爹王同小巴黎果 d 好食 d，下次要試下佢隻咖喱蟹先。起沙田行行下撞返起外國讀書既 wing，佢返左黎幾日，拖住個男朋友起街行，有多個 fd 有拖拍喇。

12月4日 (星期四)

你想選擇做邊類人：

a) 事不關己，己不勞心，平凡最快樂既人
b) 知得太多，為人擔心，為己傷神既人
c) 明白當中發生乜事但唔想捲入當中既人

好似 3 種人我都想做.......

12月5日 (星期五)

就好似長篇連續劇一樣，攪左咁耐，連局外人都發覺問題存在。

12月6日 (星期六)

減壓方法 2，shopping.....下午起尖沙咀海港城行左成日，多左好多新舖頭，賣既野都幾特別，平時起旺角都好少見，而且今日都好多人買野，特別係賣精品既舖頭都幾多人，起 3 樓有間特賣場，有好多平野賣，不過主要都係卡通物品同埋頸巾重有手提行李箱果 d 為主，不過有間賣坐氈既舖頭幾過癮，入面係一種叫雪豆既纖維，攬落去好舒服，買左個送俾人。除左 ice fire d 公仔衫之外，我又搵到一間自己鐘意既舖頭，叫 Laundry，賣衫為主，佢個公仔 logo 幾得意，不過佢 d 衫都唔係平，睇中左一件都諗左一陣最後都決定買，當係送俾自己既禮物，yeah~~

12月7日 (星期日)

下午起屋企清理廚房，實在太油，抽氣扇果 d 油漬用盡好多方法都唔可以洗得乾淨，其次就係個鑊蓋，個面 d 油就好似牙石咁又硬又黃，好恐佈，買過另一個新既算。夜晚去左姑媽屋企打邊爐，冇見佢都有一段日子，但佢好似精神左好多，不過佢本身有老人癡呆症，有陣時 d 性格好似小朋友咁，見佢咁樣有陣時都幾開心。今次打邊爐有好多平時冇既食物，好似石班、魷魚片、炸魚皮、魚泡、超大粒既雲吞等.....食完重有沙律、紅豆沙同埋蛋糕，雖然話人多，但真係點食都食唔晒，捧住個肚腩走。

12月8日 (星期一)

夜晚同人買野，食飯其間大家講返自己讀書 d 野，我估佢平時一定好少同人講呢 d 野，講到手舞足蹈，佢正經果陣時真係好正經，要睇到佢流露呢種性格真係好難得。

12月9日 (星期二)

起電視睇到柯受良過生既消息，嚇左一跳，做人真係化學。夜晚睇有線，見到果個 david 乜野魔術師既節目，之前睇報紙話佢吊住起個天唔食幾十日都冇事，呢個節目講佢表演街頭魔術，睇完真係目瞪口呆，完全諗唔到佢點樣做出黎，一個人點可以起街飄起，唔駛掂到人都可以將啤牌放左入人地件衫度，連彩票都可以話抽中果張就中果張，除非佢真係識 d 特異功能，好羨慕~~~~

12月10日 (星期三)

繼上次打羽毛球表演左向後翻側 pet pet 著地事件，今次到一字型插水飛過隔離場既創舉，我睇黎可以做特技人。

12月11日 (星期四)

放工後一班同事去左食日本野，由於其中一位同事即將離開，今次呢餐算係同佢餞行，佢係全公司做得最耐果位，足足 15 年，而我都同佢做左 6 年幾同事，佢既行為教識左我一 d 好重要既野，如果唔係個衰老細我估我地應該會一直做到間公司執為止，而家佢辭工都有 d 唔開心，不過人各有志，希望佢第時份工有更好前途啦。

12月12日 (星期五)

封塵三俠今晚定期聚會，每次飯局都叫好多野食同飲酒，原本今日諗住去試蒙古燒烤，但肥健又話之前食得太飽想改，最後去左食潮洲打冷，不過都叫左好多野食，又食又玩，當我地 3 個起埋一齊都有回復真我既感覺，唔係咁多人見到。不過肥健返到屋企就肚痛，大家都係食果 d 野但得佢有事，唔知點解。

12月13日 (星期六)

中心今晚有個聖誕聯歡活動，大家都非常之繁忙，我就負責台下安排得獎者上台既工作，不過好多得獎者又冇黎，為免場面冷清，就起周圍搵 d 人做頂替，諗返起都攪笑，小朋友既表演就吸引左好大班家長起度睇，相反到 band 組果 d 表演就差咁 d，其實睇佢地都好努力咁表演，奈何唔係咁多人欣賞。

12月14日 (星期日)

原本同一班中學生去行山，點知到最後得兩個人到左，決定叫佢地返屋企改做自己去行，而且佢地都要為黎緊既星期 6 既夜行探路，出發地點由西貢水浪窩出發至馬鞍山，之前行過一次不過已經成年幾前，今次可以當係重新行過一樣，段路唔算長，不過難處係上得比較急，早段平路唔多，可能辛苦左 d，1 點 9 上到山頂，起度食 lunch，佢地而且起度再 plan 遲 d 夜行既事，3 點落山，落山段路比較輕鬆，不過長左 d，出到馬鞍山恆安村都成 6 點，可能係遲出發既關係，如果唔係可以早 d。

12月15日 (星期一)

臨近聖誕，同事屋企發生 d 唔開心既事，替佢有點難過。

12月16日 (星期二)

今日公司其中一位同事 lastday，佢今次走左唔知幾時先再見到佢，老細又成兩個星期唔出現，好似特登想避佢咁。

12月17日 (星期三)

紅色炸彈一個，承惠 500。

12月18日 (星期四)

遲 d 參加一個錄像比賽，題目簡單但諗落又幾覆雜，加上拍檔又比較忙，今日難得可以傾傾，希望呢個月內趕得切。

12月19日 (星期五)

好凍，天文台話聽日得返 9 度，救命。

12月20日 (星期六)

今日睇左無間道 3，之前已經聽過唔少人話今集冇上兩集咁好睇，而且想表達既野太深，唔係好明佢講乜，對呢套野已經打左個折，睇完之後感覺其實都同人地講差唔多，經常將 d 時間穿插起過去同現在，睇睇下都唔知佢講以前定而家，鬥智方面又講得唔夠詳細，完全冇講黎明點樣可以識穿劉德華起佢寫字樓做過手腳既情節，難怪睇睇下有人訓著而且重扯好大聲鼻鼾，而我最唔明既地方其實黎明係忠定係奸，唔通要人睇多次先了解到。

12月21日 (星期日)

今日同星期一都放假，於是去廣州玩玩，自己同另一個 fd 都係第一次去，之前做既準備功夫亦都唔係太多，大家去到都係見步行步，先搭火車去深圳飲早茶，然後再搭大巴，車程大約 3 個鐘頭，起車訓醒就差唔多，落車後再搭的士前往酒店，book 左間叫廣州大廈既酒店，屬 4 星級，環境同埋房入面既設施都唔錯。
放低行李就開始起附近行，廣州俾我既感覺有兩個，好乾淨同埋好多公安，條街想搵舊垃圾睇下都唔係易，公安就差唔多一條街就企左兩個起度，呢 d 真係另我覺得有 d 意外，行經一個巿集，賣既野同香港差唔多，衫..頸巾...書... 公仔等，同香港差唔多。
之後去塔地鐵，閘口設計同香港既西鐵一樣，兩塊門仔咁，不過佢地 d 車票係一塊類似籌碼咁既智能卡，圓形塑膠一蚊咁，入閘果陣放起入閘機上面果個感應器就得，同八達通差唔多，出閘就入返落個投幣口就 ok，幾特別。雖然廣州地鐵通車左幾年，不過月台同列車睇落去都好新，可能保養得好，月台長期有一個保安企起度留意周圍情況，不過乘客就唔算太多，可能廣州人鐘意搭巴士。
落車後去到廣州上下九路行街，呢度等同香港既旺角，好多人，乜都有得買，又有戲院，有個地方叫做十八甫路，分成十八條小街，每一條街都係賣唔同既野，有海產、野味、古董、生果、小動物等等，比較特別係連鱷魚，蝎子，枕頭咁大既烏龜都有得賣，睇黎都係賣俾 d 人做野味。呢度比較出名既街頭小食係牛什同埋艇仔粥，牛什冇試，艇仔粥就幾好味，而且有樣魚皮起就未試過，香港果 d 係炸為主，呢隻就咁樣成塊魚皮，浸 d 醬汁就食得，幾爽幾特別。入夜後人流依然唔少，去左一間地圖推介既酒家蓮香樓食飯，2 個人食埋單都係 80 蚊左右，抵食。附近重有陶陶居既飯店，門面都幾豪華，下次再黎要試試。

12月22日 (星期一)

訓醒執埋野 check out，又去飲早茶，(其實都唔早....成 10 點幾)，飲完就去廣州景點之一，中山紀念館，其實入面都唔係有太多野睇，有一個展館講孫中山先生既生平事跡，而另一個好大既展館就未入得，睇黎佢係翻新緊，不過呢度個公園好大好靚，如果唔介意俾 5 蚊入黎坐下都幾舒服。行行下唔覺意入左一個住宅區，廣州 d 樓其實唔高，3 層樓房為主，但勝在環境寧靜，算係幾好。去完呢度就去火車站塔火車出返深圳，火車站堆滿左好多乘客返唔同既地方，麻煩在入閘既地方得一個，真係要迫入去咁滯，如果同塔巴士相比，火車只要兩個鐘就出到去深圳，快一個鐘頭。起廣州行左兩日，最後既行程就係落東門做腳底按摩消除疲勞先搭車返香港，完左呢兩日既行程，其實廣州有好多地方今次都冇去，好似動物園，皇花岡公園，六榕寺等，將來有機會一定要黎多次。

12月23日 (星期二)

無間道3大解構，睇完套戲唔明既話可以參考下：

時間
　　2002年6月14日
　　大陸派來的警察“影子”化名沈澄（陳道明，以下稱沈澄），第一次與韓琛見面。韓琛為
　　了試探沈澄，命陳永仁打了沈澄的弟弟沈亮，楊錦榮（得到韓琛通知？）趕到現場，將陳
　　永仁和沈亮帶走，韓琛、沈澄被傳到警察局。“六大影帝”碰頭。
　　陳永仁從警局出來，去看心理醫生李心兒（陳慧琳）
　　2002年8月16日
　　陳永仁跟蹤韓琛，在圖書館見到韓琛與楊錦榮交談。交談內容不得而知。
　　2002年8月16日─11月之間
　　陳永仁被韓琛派去與沈澄交易，（此時韓琛已經得知沈澄是警察），所以派陳永仁前去送
　　死。陳永仁把見沈澄的消息告訴黃志誠，黃志誠決定出動，前去緝拿韓琛。楊錦榮知道沈
　　澄是警察，所以阻止黃志誠前去。
　　在碼頭，陳永仁、沈澄、楊錦榮三個人相互交了底。陳永仁是黃志誠派給韓琛的臥底，沈
　　澄是大陸警方派來的臥底，楊錦榮是警方故意派出提供情報給韓琛的警察。警方之所以這
　　一次告訴了韓琛沈澄是警察，是為了留著韓琛以便清查警局內鬼。
　　2002年11月26日
　　劉健明殺韓琛。
　　2002年11月27日
　　陳永仁將韓琛留下來的帶子交給了警局樑警司，樑警司將帶子給了楊錦榮，要他調查內鬼
　　。其間有內鬼知道了帶子的事情，並告訴了二號臥底。陳永仁將劉健明在黃志誠死後與韓
　　琛通電話的錄音（帶子1）寄給了自己，寫醫生李心兒地址。因為此時警局裡只有劉健明
　　可以恢復他的警察身份。
　　陳永仁被二號臥底擊斃。二號臥底告訴劉健明說，一共有五個內鬼。劉健明將二號臥底擊
　　斃。
　　2002年11月27日－2003年11月之間
　　楊錦榮和沈澄見過一次面，相約查出陳永仁死因，調查劉健明的真實身份。
　　（沈澄和醫生李心兒見面，相約調查劉健明，而後沈澄回大陸。括號內文字片中沒有交代
　　）
　　2003年10月
　　劉健明被降職到庶務部。其間陳俊在楊錦榮面前自殺。手下告訴劉健明，楊錦榮可能就是
　　想洗底的內鬼。
　　2003年11月
　　劉健明調回內務部。
　　劉健明與李心兒同去陳永仁的墓地，臨走時，沈澄出現，李心兒和沈澄假裝互不相識。
　　沈澄告訴楊錦榮自己回來了，兩個人開始調查劉健明，在劉健明內務部的辦公室安裝了監
　　視系統。
　　劉健明和李心兒從墓地回來，李心兒讓劉健明看到了電腦中陳永仁的資料，並讓他偷走了
　　自己的電腦，第二天又故意告知了密碼。
　　2003年11月
　　劉健明跟蹤楊錦榮，拿走了楊錦榮給沈澄的錄音帶（帶子2），實際上中了楊錦榮和沈澄
　　的圈套。
　　（帶子2裡面錄著楊錦榮和韓琛的對話，對話模棱兩可，劉健明此時莫名其妙）
　　劉健明開始看李心兒電腦裡面陳永仁的資料，得知了楊錦榮和韓琛在圖書館見面的事情，
　　此時兩個人的對話是劉健明將帶子2的內容套加在上面的，而不是陳永仁自己的記錄。
　　李心兒的電話，劉健明此時開始出現了精神分裂，開始將陳永仁和自我混淆，拿起電話以
　　後出現了幻聽，以為電話裡的聲音是陳永仁在發現楊錦榮與韓琛在圖書館會面，給黃志誠
　　匯報的聲音。
　　李心兒的第二次電話。此時李心兒收到了陳永仁的帶子（即前面的帶子1）。李心兒並沒
　　有聽，而是將帶子交給了劉健明。在去警局的途中，劉健明由於精神恍惚，出了車禍。
　　在醫院，劉健明開始了真正的精神分裂，將自我和陳永仁混淆。臨走時親暱的拉著李心兒
　　的手。
　　從醫院回來，劉健明被李心兒催眠，說出了自己的真實身份。臨走，劉健明在李心兒的手
　　機裡錄音，說明天一定親手抓住劉健明（此時他將楊錦榮當作了劉健明）
　　
　　第二天
　　（李心兒將劉健明的身份告訴了沈澄，沈澄告訴了楊錦榮）
　　楊錦榮在沈澄的提醒下在劉健明的辦公室裡找到了帶子1
　　劉健明在楊錦榮的辦公室裡找到了自己和韓琛在電影院裡的對話的錄音（帶子3），帶子
　　3被陳永仁和其它帶子一並交給了警方，裡面的內容不足以指認劉健明是臥底。
　　劉健明拿到了帶子3，再一次出現了幻聽，聽到的是帶子2裡面的聲音。他帶人到了保安科
　　，放帶子，這一次聽到的卻是帶子3的聲音；沈澄將帶子1拿來，當場指認了劉健明的身份
　　。劉健明一時混亂，開槍打死了楊錦榮，自己開槍自殺未遂。

先說說楊錦榮，現在看來此人是警察部高層很信任的一個人，他的作用就是洗清警察部的內鬼。那他和沈澄又是什麼關系呢，楊事先一定知道沈的真實身份，所以才會趕到沈和陳的交易現場揭穿大家的真實身份，以免不必要的犧牲。至於楊和韓琛的見面，僅僅是交換情報各取所需而已，以前黃SIR和韓不也來過這套嗎，陳俊(李子雄)就是韓提供給楊的資料，所以陳俊在楊警官面前自殺了。
　　好了，在鏟除臥底計劃中，沈是最先懷疑劉建明的，所以他叫楊錦榮去查。陳永仁死後沈澄和楊錦榮在天台見面，他們在一個橘子上插了兩根香祭拜陳永仁，沈澄還說：人他媽都死了，這還有什麼用。楊回答：有些事，還是要去做的。於是我們就看到劉建明和李心兒從陳永仁的墓地離開的時候，沈澄故意出現了，他打給楊警官說：我回來了。楊說：那我們開始吧。
　　開始了，這裡就有幾初關鍵來了：
　　
　　關鍵一：陳俊的警察制服裡的鑰匙
　　陳俊也是內鬼之一，但劉建明並不知，陳死之前打電話到庶務部問自己的制服洗好了沒，劉建明親自給他送過去，當他拿出制服走出去的時候，這時有把鑰匙掉出來，劉建明還撿起來放進制服口袋。當他走到保安部的時候，正好陳俊在楊錦榮面前自殺了，劉目睹了楊神情陰鬱的走出辦公室。後來劉建明調回內務部，他查陳俊的自殺案，懷疑楊也是內鬼。於是劉建明想到了陳俊制服裡的鑰匙，所以回庶務部去拿，他的下屬查到陳俊是警察部保齡球會的。劉拿到鑰匙後，楊錦榮來詢問車位問題，此時楊也在查劉，他們的對話很有意思，劉說他來拿制服，楊答：警長制服啊，劉sir。顯然楊是故意讓劉來拿鑰匙的，那把鑰匙就是打開陳俊保齡球會儲物櫃的鑰匙，於是劉很“順利”的就找到了那幾張楊和沈在天台見面的照片，他進套了。
　　
　　關鍵二：停車場
　
　楊要進不步確定劉到底是不是內鬼，就要設更深的圈套。於是有了停車場那一幕，楊離去不久後返回，果然看到劉在場裝打電話，於是他告訴劉；那你小心點。劉開車走後他就取下自己車裡的跟蹤器看到劉鬼祟的身影，於是決定將計就計，玩起了貓捉老鼠的有遊戲，他故意出去寄了一盒帶子給沈，劉果然跟蹤趕到把帶子燒了。
　　
　　關鍵三：錄音帶
　　
　　有人說既然楊早就有証據了怎麼還在那等劉去偷了東西找他呢。非也，楊拿到錄音帶的時候也正是劉去他辦公室的時候。劉建明長期監視楊錦榮，加上偷看了李心兒關於陳永仁的檔案，已經開始精神分裂了。他當時已經在電腦屏幕上紅色墨水筆畫出楊辦公室保險櫃的齒輪密碼（也就是陳永仁和韓琛都死了之後的事情）這時電話響，他一接居然是陳永仁的聲音，還叫他查楊錦榮。顯然這是他精神分裂的幻聽。後來電話又響，是李心兒告訴他陳永仁寄了帶子給他，於是劉慌忙跑出去，卻找不到門在哪，他精神分裂已經不輕了。後來他開始計劃偷楊保險櫃裡的帶子，之前已經有個送水的陳伯出現，劉在裡面下了藥，但楊那麼聰明怎麼回不知道呢，他對陳伯說：陳伯你真厲害，我們沒水了你都知道啊。於是劉又進套子了----他“順利”進入保安部打開了那個保險櫃，當他轉動那個開關時，注意看，又另一支手也在轉一個開關，那就是楊錦榮，此時他正在劉建明的辦公室，劉故意制造車禍把李醫生那陳永仁的帶子拿了回來，於是楊終於得到劉是內鬼的証據了，他搞定後還打了個電話給劉：“你在我辦公室玩的開心嗎？”劉從天台逃走後回到自己辦公室，此時他已經精神分裂了，他把自己當成陳永仁，於是他聽到的帶子又是他的幻聽，他帶去抓楊，楊也正部署抓他，沈澄出現，他手裡的帶子才是楊從劉建明辦公室找到的，而劉由於精神分裂把自己和韓琛報信的帶子播放出來。那他從楊的保險櫃裡偷的帶子呢，那個帶子就是後來搜查他的辦公室找到的那個，播出來是：是誰，在敲打我窗 ~~這也就是為什麼楊死後，沈在楊的電腦裡看到一個片段：楊在劉的辦公室找到証據後，對著鏡頭對沈說：兄弟，你是對的。
　　
　　最後還想說說楊警官的死，本來楊喜歡單打獨鬥把人逼到絕路（比如陳俊），但是他沒想到劉建明已經精神分裂的很厲害了，“我是警察”一出口，劉就向他瘋狂開槍了，本來第一槍只打中右肩，楊也射出一槍，無奈槍法不準，沒打到劉的致命部位，反而自己送命了。也許有人回問，哇靠，警校優秀獎他都得了，他槍法怎麼不會不準啊，電影裡說了，楊同學當時最拿手的是寫報告，隱晦點的意思就是擅長拍馬脾，怪不得槍法不準了，唉，死定了。本來楊警官一老謀深算，聰明絕頂的人物是可以不死的，但正所謂導演和編劇要你死，你不得不死。就像導演和編劇不要劉建明死一樣，硬是創造了醫學奇跡啊~~

12月24日 (星期三)

一年一度平安夜，同往年一樣都出去玩一餐，今年我地唔出到咁遠，留返起荃灣玩，先起荃灣一間酒家打邊爐，呢間金輪酒家係第一次試，不過都唔錯，食物款式又多，都叫抵食。食飽就到交換禮物環節，雖然大家既禮物都唔同，不過有一個特點，就係全部都起千色店買，睇黎個個都好忙，至於換到乜野禮物真係有驚又有喜，或者真係天意，我就抽中左個香薰臘燭，幾靚一定唔捨得用。食完又起度玩左好耐 IQ 題，重有果 d 上山落山玩死人既遊戲，jacky 同 dorathy 比較慘 d，全部未玩過，攪到佢地頭大。飯後大家決定去打保齡，大家都係初哥，分兩個人一組，第一局係熱身，第二局就玩比賽，輸左要俾人用 DV 拍一分鐘短片承認失敗，原來咁都幾好玩，嬴左又可以拍低自己個得戚樣，得閑真係可以多 D 黎玩。打完波都成點幾鐘，送左 JENNIFER 返海濱就塔的士返屋企，遇到個健談既司機，15 分鐘既車程佢係咁同我講野，大家都覺得出年香港會更好，希望真係咁就好。

12月25日 (星期四)

公司冇聖誕假放，呢日要返工實在難過，寧願返左上午下午請假去玩，落左尖沙咀，海港城今日攪左好多 SHOW，有樂隊表演，兒童 SHOW，小丑雜技人表演，重有 YUMIKO 教化粧，不過俾佢化果個我覺得靚 d，入夜後尖咀越黎越多人，諗住起尖咀睇戲，不過好難買到飛，於是落返荃灣睇金雞 2，呢集我覺得好睇過上集，少咁 d 情慾戲，主要講返 hk 今年既事，但後尾果 part 講吳君如同張學友果 d 以前野又好似冇乜關係，最尾果度講劉德華做左特首呢 part 最好笑，佢真係做到戲入面咁既承諾就好。

12月26日 (星期五)

今日繼續要返工，好彩老細叫我上大陸，咁都唔駛坐起度咁悶，夜晚原本諗住睇果套真的戀愛了，心諗上左成個月都有應該好多飛賣，點知上網一 check... 差唔多場場爆晒，估唔到呢套戲重咁受歡迎，好彩上網 check check 唔係就大鑊，不過都要買 10 點果場先有位，開頭睇佢個戲名以為全部講愛情，不過原來唔係，love acturally 講埋友情...親情，套戲比我預期中好好多，溫馨得黎又幾攪笑，唯一唔鐘意點解呀 MR BEAN 戲份咁少，我想睇佢多 d 嘛。

12月27日 (星期六)

玩左 3 日，一日用二百都用左六百，為自己銀包著想，要抖抖喇。

12月28日 (星期日)

今日成個下午就起度幫人剪 DV 帶，我有我剪，朋友就起度玩貓，睇佢都幾鐘意玩貓，難為我隻老貓俾佢攪到冇晒精神。

12月29日 (星期一)

老細有病入左醫院，又有 d 票要佢簽，今日就去左醫院一趟，可能因為廣州懷疑有沙士個案，而家去探病要戴口罩先得，唔知老細乜野病，但睇佢個樣好似好累咁，下午佢就出左院，希望佢休息下就冇事啦。

12月30日 (星期二)

相信令好多人震驚的一件事.....梅艷芳去世

12月31日 (星期三)

03 年最後一天，估唔到今日都發生左唔少事，悲多過喜，今年既總結，冇上年咁開心。