12月1日 (星 期 三)
今 晚 陪 人 攪 d 感 情 事，其 實 都 唔 關 自 己 事，只 係 盡 人 事，但 人 地 唔 想 你 幫，你 點 幫 都 冇 用。
12月2日 (星 期 四)
苦 盡 甘 來，尋 日 辛 苦 今 日 開 心。
12月3日 (星 期 五)
終 於 有 定 案，公 司 做 到 出 年 10 月 結 束，到 時 唔 知 搵 乜 野 做 好。
12月4日 (星 期 六)
JNC 起 公 司 附 近 開 倉，今 日 終 於 買 到 dvd 機，199 蚊，功 能 又 唔 錯，抵 買。
12月5日 (星 期 日)
今 日 去 行 梧 桐 寨 順 便 去 食 齋，原 本 應 承 左 話 去 果 d 人，甩 下 一 個 甩 下 又 一 個，最 後 得 返 6 人 成 團，今 日 天 氣 又 涼 又 唔 熱，好 適 合 去 行 山，原 本 諗 住 上 到 主 瀑，但 LINDA 佢 覺 得 辛 苦，同 佢 行 去 底 瀑 我 同 佢 掉 頭，其 他 人 就 繼 續 上 去，但 佢 地 都 係 去 到 中 瀑 就 回 頭，之 後 返 萬 德 廟 食 齋，有 6 個 齋 菜，重 有 紅 豆 沙 同 百 合 杏 仁 湯，每 位 50 蚊，食 到 好 飽，起 呢 度 見 到 個 亞 視 演 員，但 唔 記 得 佢 乜 名，我 地 統 演 呢 個 咖 喱 啡......見 有 時 間 就 落 林 村 睇 許 願 樹，以 前 買 份 元 寶 掟 上 去 就 算，而 家 多 埋 裝 香 拜 神 既 儀 式，全 套 30 蚊，我 地 冇 玩 只 係 掟 樹 就 算，原 來 棵 樹 有 兩 棵，門 口 果 棵 係 求 事 業，入 面 果 棵 投 姻 緣，呢 度 原 來 重 有 個 號 稱 全 港 最 豪 華 既 公 共 廁 所，入 面 真 係 好 靚，d 人 出 到 黎 都 話 好 豪 華，之 後 就 回 程 返 去，今 日 全 程 行 得 唔 多，真 係 好 輕 鬆 咁 行。
12月6日 (星 期 一)
唔 知 係 咪 尋 日 行 山 吹 親，今 日 頭 好 痛。
12月7日 (星 期 二)
今 晚 去 左 dan rayen 食 飯，之 前 未 黎 過，感 覺 同 ruby tuesday 差 唔 多，食 物 都 大 同 小 異，最 好 食 係 d 甜 品，好 正。食 飽 去 睇 燈 飾，d 燈 都 開 晒 咁 滯，比 較 過 兩 邊 好 似 尖 沙 咀 果 邊 靚 d，今 日 見 到 好 多 人 拎 住 部 相 機 係 咁 影，平 安 夜 果 晚 實 迫 到 走 唔 甩。
12月8日 (星 期 三)
一 早 跟 同 事 上 大 陸 傾 賣 廠 既 野，基 本 上 只 係 做 一 個 旁 聽 者，一 切 都 交 俾 廠 長 同 賣 家 果 邊 傾，睇 黎 個 買 家 對 呢 度 都 幾 滿 意，但 一 日 未 拍 板 一 日 都 未 知 成 唔 成 事。
12月9日 (星 期 四)
呢 個 星 期 唔 知 做 乜，乜 野 都 唔 係 好 順 利 咁，撞 鬼。
12月10日 (星 期 五)
oh.....no......乜 攪 成 咁，投 資 真 係 有 風 險。
12月11日 (星 期 六)
今 晚 去 左 個 比 較 特 別 既 飯 局，雖 然 唔 駛 自 己 俾 錢，又 可 以 食 到 d 好 野，不 過 始 終 同 人 地 唔 熟，都 唔 敢 食 咁 多，而 且 飯 後 覺 得 中 等 階 層 同 我 地 呢 d 下 層 人 仕 生 活 的 確 有 少 少 不 同，雖 然 唔 可 以 話 完 全 唔 同 但 同 佢 地 相 處 點 都 覺 得 格 格 不 入，亦 都 明 白 我 朋 友 確 係 有 另 一 番 苦 況。
12月12日 (星 期 日)
今 日 周 街 shopping，起 laundry 買 左 件 最 鐘 意 既 公 仔 衫，呢 個 牌 子 既 衫 我 都 係 每 年 買 一 件，當 獎 勵 下 自 己，假 日 既 尖 沙 咀 好 好 行，冇 乜 人，之 後 出 返 旺 角，呢 度 就 多 人 到 爆，可 能 聖 誕 節 前 呢 人 要 大 肆 購 物 一 番，開 始 感 受 到 節 日 氣 氛。夜 晚 睇 左 套 BJ 單 身 日 記 2，冇 睇 過 第 一 集，當 全 新 既 戲 睇，個 女 主 角 真 係 好 鬼 肥，塊 面 賬 扑 扑 好 似 成 日 有 野 起 個 口 入 面 咁，故 仔 既 內 容 其 實 麻 麻，睇 返 d 有 少 少 似 港 產 片 橋 段，但 睇 完 都 幾 輕 鬆 既。
12月13日 (星 期 一)
老 野 終 於 搵 到 工，重 好 近 我 公 司，可 以 日 日 一 齊 食 lunch。
12月14日 (星 期 二)
今 晚 幫 fanny 整 機，又 可 以 玩 佢 屋 企 隻 狗，有 少 少 掛 住 以 前 隻 鴛 鴦，唔 知 佢 而 家 點。
12月15日 (星 期 三)
今 年 最 後 一 次 打 波，都 未 book 下 次，小 吉 同 基 又 已 經 搵 到 工，第 時 要 就 時 間 打 都 有 d 難 度。
12月16日 (星 期 四)
今 晚 返 中 心 執 營，入 面 d 塵 攪 到 我 走 果 陣 鼻 敏 感。
12月17日 (星 期 五)
封 塵 三 俠 聚 會，諗 食 野 都 諗 左 好 耐，唔 係 打 冷 就 食 日 本 野，最 後 去 左 食 上 海 菜，間 野 叫 三 六 九，除 左 上 海 食 品 外 重 有 d 小 食，感 覺 又 似 返 打 冷，攪 笑，食 飽 就 上 機 舖，玩 d 陳 年 舊 game，但 又 玩 得 好 開 心，下 次 又 咁 玩 先 得。
12月18日 (星 期 六)
今 晚 童 軍 佢 地 攪 bbq，順 便 慶 祝 聖 誕，不 過 玩 之 前 佢 地 都 要 做 返 少 少 童 軍 既 訓 練 先，唔 經 唔 覺 有 d 都 見 左 幾 年，好 似 佢 地 家 長 咁 睇 住 佢 地 大，每 次 bbq 既 後 遺 症 都 係 食 剩 好 多 野，今 次 都 唔 例 外，已 經 特 登 叫 少d，但 都 食 唔 晒，好 彩 有 人 肯 拎 返 屋 企，今 晚 最 期 待 既 還 節 係 抽 獎，人 人 有 份，個 個 都 開 心，連 我 都 有，真 係 多 謝 晒。
12月19日 (星 期 日)
今 日 出 旺 角 朗 豪 坊 shopping，可 能 臨 近 聖 誕，好 多 人，唔 知 係 咪 真 係 經 濟 真 係 好 左，好 多 地 方 都 係 要 排 隊 俾 錢，自 己 都 買 左 d 聖 誕 禮 物 送 俾 人 同 送 俾 自 己，夜 晚 睇 盜 海 豪 情 1 2 瞞 徒，睇 完 覺 得 同 上 集 好 唔 同，冇 左 果 種 緊 湊 既 感 覺，加 上 都 唔 係好 記 得 上 集 既 角 色 關 係，睇 睇 下 有 種 亂 既 感 覺，或 者 應 該 睇 下 上 集 先 再 睇 多 次 會 好 d。
12月20日 (星 期 一)
尋 日 飲 左 大 大 杯 starbucks 既 咖 啡，成 晚 眼 光 光，到 5 點 先 訓 得 著，好 辛 苦。
12月21日 (星 期 二)
今 日 冬 至，公 司 放 4 點，返 屋 企 食 飯，因 此 今 晚 都 食 得 好 d。
12月22日 (星 期 三)
爭 份 聖 誕 禮 物 未 買，今 日 一 定 要 買 到，總 係 覺 得 今 年 d 人 好 捨 得 駛 錢，個 個 都 一 袋 二 袋，唔 通 真 係 經 濟 好 返 咁 多。
12月23日 (星 期 四)
月 頭 開 倉 買 既 dvd 機，今 晚 睇 睇 下 壞 左，同 之 前 果 部 壞 既 情 況 一 樣，睇 到 dvd 睇 唔 到 vcd，激 死 又 要 拎 去 整。
12月24日 (星 期 五)
今 晚 平 安 夜，wendy book 左 抬 起 尖 沙 咀 ruby tuesday 食 飯，7 點 幾 起 地 鐵 站 走 果 陣 迫 到 人 山 人 海，今 晚 一 共 有 10 個 人 出 席，一 見 到 呀 ming 佢 果 種 9 唔 搭 8 既 行 為 又 出 現，當 然 攪 到 我 地 好 開 心，由 於 10 個 人 既 關 係，分 開 左 兩 邊 叫 食 物，大 家 叫 既 其 實 差 唔 多，不 過 我 呢 邊 得 我 一 個 男 仔， 果 邊 有 3 個，重 要 玩 鬥 氣，我 地 呢 邊 食 剩 野 冇 得 叫 甜 品，俾 佢 地 串 返 轉 頭，激 死......但 好 好 玩。而 且 有 半 價 coupon，埋 單 每 人 都 係 百 三，都 叫 幾 抵，原 本 諗 住 之 後 返 荃 灣 打 保 齡，點 知 呢 個 話 累 果 個 話 累 ....走 走 下 得 返 6 個，冇 乜 意 思 決 定 唔 玩，剩 返 4 個 男 仔 打 機，食 甜 品....呢 個 算 係 今 次 美 中 不 足 之 處。
12月25日 (星 期 六)
聖 誕 節 正 日，今 次 同 中 心 玩 開 既 朋 友 去 bbq，地 點 係 大 欖 燒 烤 場，荃 灣 搭 61m 就 可 以 去 到，同 尋 日 一 樣 今 次 又 係 10 個 人 咁 橋，呢 個 燒 烤 場 係 我 去 過 既 最 正 既 一 個，又 有 蝦 釣 又 有 麻 雀 打，環 境 又 唔 錯，食 物 都 好 正，釣 蝦 果 度 我 地 今 次 收 獲 好 豐 富，一 共 有 10 隻，不 過 有 一 半 係 用 手 捉，當 然 係 要 偷 偷 摸 摸 咁 做，今 次 每 人 準 備 左 份 聖 誕 禮 物 交 換，我 抽 中 左 呀 基 送 既 水 樽，好 實 用，多 謝 晒，另 外 kc 同 fanny 又 每 人 送 左 一 份，今 晚 一 共 收 到 3 份 禮 物，下 午 去....9 點 半 先 走，玩 左 6 個 鐘，之 後 重 要 出 荃 灣 打 機，飲 野，回 程 又 要 俾 錢 的 士 哥 哥 駛，但 好 開 心，值 得。
12月26日 (星 期 日)
原 本 個 fd 約 左 出 街，點 知 佢 個 妹 病 左 要 陪 佢，今 日 又 變 左 屋 企 打 機 日。
12月27日 (星 期 一)
今 日 要 返 工，同 個 同 事 返 上 大 陸 廠 度 傾 野，老 細 走 左 之 後 好 似 d 衰 野 接 腫 而 黎，跟 本 諗 唔 到 辦 法 解 決，越 黎 越 煩。
12月28日 (星 期 二)
泰 國 果 個 大 地 震 引 發 既 海 潚 真 係 非 常 犀 利，已 經 有 7 萬 幾 人 喪 生，睇 到 新 聞 都 覺 得 個 心 唔 係 好 舒 服。
12月29日 (星 期 三)
天 氣 突 然 間 變 得 好 凍，得 返 10 度，聽 講 重 會 繼 續 凍 落 去，夜 晚 起 屋 企 都 要 拎 張 被 包 住 自 己。
12月30日 (星 期 四)
今 日 提 早 同 班 朋 友 慶 祝 元 旦，起 間 酒 樓 度 食 飯，又 龍 蝦 又 片 皮 鴨，食 到 飽 飽。
12月31日 (星 期 五)
今 晚 除 夕 夜，公 司 放 早 一 個 鐘，夜 晚 睇 左 功 夫，雖 然 唔 可 以 話 唔 好 睇，但 同 周 星 馳 以 前 d 戲 好 似 有 少 少 分 別，以 打 為 主，唔 係 由 頭 笑 到 落 尾 果 隻，而 且 好 似 d 配 角 擔 晒 大 旗 咁，不 過 佢 地 又 真 係 好 出 位，扮 女 人 形 果 個 最 好 笑。之 後 原 本 諗 住 起 旺 角 打 邊 爐，但 間 間 都 企 滿 晒 人，最 後 出 返 荃 灣 食，不 過 去 到 又 發 覺 佢 果 度 好 多 野 都 賣 晒，得 返 d 丸 類 為 主，食 得 都 唔 係 咁 開 心。食 飽 去 飲 野，回 顧 下 今 年，順 便 諗 下 出 年 會 點，今 年 對 我 黎 講 都 幾 大 變 化，發 生 左 好 多 事，而 且 都 有 少 少 擔 心 出 年 既 日 子 會 點，希 望 唔 會 有 乜 大 問 題 就 最 好。