12月1日 (星 期 四)
生日歌
登登登登登登
祝你生日快樂
祝你生日快樂
祝你生日快樂~~~~
yawn生日快樂
12月2日 (星 期 五)
今 晚 去 青 衣 跑 步，成 績 比 上 次 好 左，可 以 一 次 跑 7 個 圈，臨 尾 重 要 急 跑 兩 次 100 米，跟 住 又 腳 痛，星 期 日 重 要 行 山，唔 知 點 算 好，原 本 諗 住 起 青 衣 食 飯，入 到 間 茶 餐 廳 發 現 d 野 食 都 好 貴，又 冇 快 餐，茶 都 未 黎 就 走 左，最 後 落 返 荃 灣 食，3 0 蚊 唔 駛 食 到 飽 飽。
12月3日 (星 期 六)
聽 日 行 山，今 日 休 息 一 天。
12月4日 (星 期 日)
今 日 同 班 童 軍 仔 行 山，由 慈 雲 山 出 發 去 城 門 水 塘，前 段 路 要 係 咁 上 樓 梯 都 幾 辛 苦，個 幾 鐘 後 上 到 回 歸 亭 食 lunch，今 日 都 好 多 人 行 山，起 個 亭 食 完 lunch 就 拿 拿 臨 走 人，由 於 路 程 都 幾 長，尾 段 雖 然 舒 服 少 少，但 都 要 急 步 走，難 為 班 小 朋 友 係 咁 追 冇 乜 點 抖。之 後 落 到 大 埔 公 路 附 近 既 金 山 效 野 公 園 休 息，當 大 家 決 定 會 唔 會 早 d 完 結 果 陣，有 個 小 朋 友 食 食 下 朱 古 力，突 然 間 有 隻 馬 騮 起 後 面 一 野 從 後 撲 出 黎 搶 左 舊 朱 古 力，突 如 其 來 既 事 嚇 到 班 小 朋 友 大 叫，估 唔 到 呢 度 d 馬 騮 咁 惡，跟 住 有 班 外 國 人 坐 起 度 食 雪 梨 果 陣，又 係 咁 樣 俾 佢 地 搶 左 袋 梨 走，攪 到 個 個 都 唔 敢 起 度 食 野，經 商 議 後 大 家 決 定 提 早 完 左 個 路 程， 而 且 佢 地 亦 都 完 成 左 行 山 既 目 的，都 唔 算 叫 白 行。
12月5日 (星 期 一)
凍死人喇~~~
12月6日 (星 期 二)
凍 死 人 喇 part 2，今 日 拎 左 部 暖 風 機 返 公 司 用，好 彩 有 佢，公 司 先 冇 咁 冰。
12月7日 (星 期 三)
行 經 荃 灣 先 知 壽 司 亭 開 左 間 分 店 起 度，走 左 去 試 下，不 過 唔 知 係 咪 宣 傳 不 足，唔 係 好 多 人 幫 襯，食 物 質 素 都 ok，但 就 略 貴。
12月8日 (星 期 四)
天 氣 回 暖 返，呢 兩 日 又 去 返 20 度。
12月9日 (星 期 五)
原 本 同 yawn 佢 慶 祝 生 日 食 晚 飯，但 佢 病 左 黎 唔 到，冇 左 主 人 家 但 都 決 定 繼 續 出 黎，發 覺 旺 角 竟 然 冇 左 d 任 食 果 種，取 而 代 之 就 係 逐 碟 計，碟 碟 廿 幾 蚊，雖 然 味 道 都 ok，但 叫 下 叫 下 就 幾 貴，最 後 5 個 人 埋 單 差 唔 多 900 蚊，重 貴 過 稻 香。
12月10日 (星 期 六)
今 日 去 camp，地 點 係 西 貢 戶 外 康 樂 中 心，原 本 16 個 位，但 最 後 只 有 1 3 人 去，以 前 黎 過 一 次，但 只 係 bbq，今 次 就 玩 足 晒 佢 既 設 施，今 日 玩 左 佢 個 繩 網 同 卓 球，卓 球 竟 然 俾 呀 潘 佢 打 敗，真 係 顏 面 何 全，重 話 輸 左 會 請 佢 去 北 海 道，好 彩 佢 冇 認 真。夜 晚 bbq，但 d 食 物 麻 麻，d 腸 就 好 乾，雞 翼 就 燒 一 陣 就 有 陣 黑 色 油 起 面，唔 知 做 乜，d 炭 就 濕，燒 果 陣 好 似 煙 花 咁 係 咁 彈 d 火 花 上 黎，bbq 之 後 就 玩 左 d 集 體 遊 戲，d 新 仇 舊 恨 就 起 呢 個 時 候 解 決，睇 黎 係 似 分 化 我 地 關 係 既 遊 戲 多，沖 涼 後 就 玩 傳 統 節 目 UNO，2 點 大 家 都 好 累 就 訓 覺。
12月11日 (星 期 日)
8 點 身 刷 牙 洗 面 食 早 餐，之 後 玩 設 施，射 箭，網 球，壁 球 都 玩 過，著 住 牛 仔 褲 打 波 都 幾 辛 苦，打 完 有 d 累，之 後 返 房 執 野 食 lunch，出 camp 之 後 重 要 落 滿 記 食 糖 水，自 己 都 係 第 一 次 試，都 叫 ok，價 錢 又 唔 係 好 貴，唔 怪 得 咁 多 人 幫 襯，之 後 就 各 有 各 解 散，完 左 兩 日 一 夜 既 camp。
12月12日 (星 期 一)
世 貿 今 日 開 始，政 府 果 邊 嚴 陣 以 待，灣 仔 附 近 都 做 足 晒 預 防 措 施，唔 通 真 係 咁 誇 張。
12月13日 (星 期 二)
今 日 放 工 閂 門 既 時 候，發 覺 掛 起 門 口 既 鎖 頭 唔 見 左，相 信 係 俾 人 偷 左 拎 去 d 廢 鐵 舖 度 賣，連 鎖 頭 都 偷，有 冇 攪 錯。
12月14日 (星 期 三)
聽 日 開 始 凍，件 super warm 終 於 可 以 著。
12月15日 (星 期 四)
最 近 經 常 用 網 上 理 財 處 理 戶 口，但 d 數 睇 落 有 d 亂，要 慢 慢 去 跟 返。
12月16日 (星 期 五)
放 工 返 左 中 心 幫 班 小 義 工 整 攤 位，都 好 耐 冇 落 過 去，之 前 呢 班 義 工 都 有 見 過，但 大 果 班 做 左 咁 多 次 都 係 冇 進 步，成 日 起 度 玩 玩 下 就 算，反 而 細 少 少 果 班 就 真 係 睇 得 出 有 用 心 做 過，真 係 冇 眼 睇。
12月17日 (星 期 六)
今 日 睇 左 金 剛，雖 然 3 個 鐘 頭，但 就 冇 乜 悶 場，各 人 既 背 景 都 交 待 得 好 詳 細，隻 金 剛 睇 落 都 幾 真 實，但 當 d 恐 龍 同 佢 打 果 陣 就 覺 得 有 少 少 好 笑，成 個 島 既 動 物 幾 乎 都 係 加 大 碼，故 事 尾 段 都 幾 感 動，覺 得 隻 金 剛 真 係 好 慘，俾 d 衰 人 害 死。
12月18日 (星 期 日)
世 貿 終 於 完 結，尋 晚 既 小 型 暴 亂 相 信 都 嚇 親 唔 少 人。
12月19日 (星 期 一)
今 晚 去 九 龍 城 食 日 式 buffet，其 實 呢 間 野 d 味 道 麻 麻，只 係 108 任 食 既 話 就 的 確 好 抵，加 上 今 晚 有 甜 蝦 殺 手 呀 榮 同 埋 刺 身 吸 塵 機 肥 健 起 度，幾 乎 冇 可 能 食 剩 野，一 共 叫 左 5 輪 野，我食 完 第 二 輪 已 經 宣 佈 投 降，佢 地 重 可 以 係 咁 食 食 食，食 到 咁 上 下 無 聊 就 用 d 蝦 尾 砌 字 出 黎 玩，幾 無 聊，而 家 成 口 都 係 d 腥 味。
12月20日 (星 期 二)
天 文 台 話 星 期 四 冬 至 係 最 凍，跟 據 冬 至 大 過 年 既 定 律，今 年 做 冬 應 該 好 凍。
12月21日 (星 期 三)
今 日 去 旺 角 shopping，行 經 朗 豪 坊 見 到 4 個 光 頭 佬 起 間 屋 度 做 緊 真 人 show，平 時 食 飯 沖 涼 訓 覺 全 部 起 間 房 度進 行，佢 地 d 表 情 都 幾 得 意 吸 引 左 大 部 份 人 注 意，但 佢 地 既 表 演 時 間 成 兩 個 星 期，日 日 起 度 做 d 咁 既 事 都 幾 辛 苦。今 日 shopping 既 人 數 好 多，可 能 個 個 都 想 買 野 過 聖 誕，之 後 行 去 裝 修 完 之 後 既 好 景 商 場，2 樓 依 然 係 賣 遊 戲 機 同 埋 咸 碟，3 樓 就 變 得 似 模 似 樣，重 有 間 cafe，連 夜 冷 舖 都 有，感 覺 幾 攪 笑。
12月22日 (星 期 四)
今 日 冬 至，但 屋 企 不 嬲 冇 做 冬 既 習 俗，加 上 今 日 又 放 早，夜 晚 約 左 個 friend 起 尖 沙 咀 食 飯，起 海 港 城 重 見 到 李 蘢 怡，真 人 都 幾 靚，但 冇 想 像 中 咁 高。之 後 去 美 麗 華 一 間 日 本 餐 廳 食 飯，入 面 既 客 人 多 數 都 係 日 本 人，生 意 都 唔 錯，而 且 價 錢 都 唔 係 特 別 貴，唔 錯。
12月23日 (星 期 五)
起 葵 芳 買 左 對 鞋，明 明 標 價 見 到 係 6 百 幾，埋單 變 左 3 百 幾，唔 通 係 因 為 display 既 關 係。
12月24日 (星 期 六)
今 晚 平 安 夜，年 年 都 係 約 班 朋 友 出 黎 食 餐 晚 飯 慶 祝，今 晚 地 點 係 荃 灣 fat angelo，10 個 人 出 席，唔 講 唔 知 佢 地 今 晚 有 最 低 消 費，每 位 180 蚊，10 個 即 係 要 食 1800 蚊 野 先 掂。餐 廳 安 排 左 聖 誕 老 人 同 人 合 照，今 晚 熱 返 d 見 到 佢 都 覺 得 辛 苦，食 到 甜 品 環 節，check 返 單 重 欠 5 0 0 蚊 先 夠 數，甜 品 王 wendy 終 於 起 呢 個 時 候 出 手，打 算 叫 9 個 甜 品，侍 應 聽 到 俾 左 個 意 見 我 地，(雖 然 我 地 好 想 做 你 生 意......)聽 完 呢 句 大 家 心 知 肚 明，一 定 食 唔 晒，最 後 縮 返 叫 5 件，再 叫 d 飲 品，咁 就 剛 剛 好。食 飽 上 左 機 舖 打 陣 機，部 份 人 之 後 走 先，夜 d 再 落 仙 跡 岩 飲 野，見 到 以 前 起 中 心 做 既 PA，今 晚 送 左 份 禮 物 俾 個 friend，一 隻 扭 蛋，佢 差 一 款 儲 齊 但 扭 極 都 扭 唔 中，俾 我 2 次 就 扭 中，開 心 到 佢 飛 起，亦 係 佢 今 年 最 開 心 既 聖 誕 禮 物。
12月25日 (星 期 日)
尋 晚 4 點 先 訓，今 朝 俾 電 話 整 醒 果 陣 已 經 2 點，夜 少 少 去 會 董 屋 企 打 邊 爐，今 晚 都 好 多 食 物，除 左 傳 統 食 物 之 外，重 買 左 蝦 同 蟹，由 結 他 老 師 操 刀，之 前 第 一 次 見 到 佢 覺 得 佢 都 幾 少 出 聲，今 次 再 見 就 覺 得 佢 其 實 幾 好 玩，佢 今 晚 重 用 結 他 彈 左 幾 首 聖 誕 歌 黎 應 節，不 愧 係 師 父，果 然 特 別 唔 同，但 佢 實 在 飲 得 太 多 酒，對 健 康 唔 係 咁 好。飯 後 有 糖 水，17 蚊 大 大 煲 味 道 剛 剛 好，好 飽，連 續 兩 日 食 咁 多 野，個 肚 腩 仔 睇 黎 又 會 大 d。
12月26日 (星 期 一)
我 真 係 太 仁 慈 喇，咁 都 唔 嬲。
12月27日及28日 (星 期 二 及 三)
今 日 同 班 童 軍 仔 去 camp，地 點 係 長 洲 鮑 思 高 青 年 中 心，好 耐 冇 見 佢 地，有 d 重 係 小 童 軍 升 上 黎，之 前 有 個 比 較 百 厭 既 小 朋 友 今 次 都 有 黎，重 同 我 同 一 間 房，當 然 會 比 較 留 意 佢，但 今 日 先 發 現 另 一 個 問 題 比 佢 大 得 多 既 小 朋 友 起 度，重 攪 出 唔 少 麻 煩 事，到 最 後 要 見 家 長 處 理，如 果 我 有 個 咁 既 小 朋 友 都 唔 知 點 算。
12月29日 (星 期 四)
長 假 後 返 工，但 返 多 兩 日 又 放 假，冇 乜 mood
12月30日 (星 期 五)
今 日 大 陸 同 事 落 黎，陪 佢 shopping 成 日，上 次 佢 黎 都 係 幫 人 買 野，今 日 就 到 佢 買 自 己 野，又 手 袋 又 電 話，好 捨 得 駛 錢。
12月31日 (星 期 六)
睇 左 哈 利 波 特，覺 得 呢 套 已 經 唔 係 俾 小 朋 友 睇 既 片，一 開 始 已 經 充 滿 詭 異 神 秘 既 感 覺，但 反 而 覺 得 係 咁 多 套 最 好 睇 既 一 套，冇 乜 悶 場，而 且 都 幾 緊 張，香 港 既 女 仔 出 場 既 機 會 唔 多，但 就 幾 搶 鏡，一 出 場 d 觀 眾 就 有 反 應，個 結 局 有 少 少 傷 感，同 之 前 果 幾 套 好 唔 同。
一 年 回 顧：今 年 同 舊 年 一 樣 差 唔 多，工 作 上 依 然 係 過 住 冇 老 闆 既 日子，大 家 都 係 等 老 闆 娘 講 一 聲 就 結 業，得 過 且 過 咁 過 日 子。財 運 今 年 投 資 方 面 算 有 唔 錯 既 成 績，希 望 出 年 更 好。今 年 大 部 份 時 間 都 為 d 無 謂 野 煩 惱，諗 深 一 層 其 實 都 幾 無 聊，唔 諗 又 成 日 心 掛 掛，睇 黎 呢 個 情 況 會 持 續 到 明 年。今 年 亦 都 攪 清 楚 好 多 野，對 自 己 係 一 年 好 事，至 於 縕 釀 緊 既 野 就 由 佢 繼 續，始 終 都 係 未 知 點 講 好，出 年 先 算。