2月1日 (星 期 二)
今 晚 睇 左 套 黑 天 使，感 覺 上 佢 同 夜 魔 俠 差 唔 多，個 女 主 角 都 幾 悲 劇 英 雄，套 戲 冇 乜 劇 情 可 言，都 係 打 打 殺 殺，而 且 好 多 地 方 都 交 代 唔 清 楚，最 衰 就 係 d 奸 角 好 不 堪 一 擊，真 係 全 部 都 一 招 俾 人 攪 掂，化 學 到 死。另 外 多 謝 k c 今 晚 請 食 日 本 野，又 一 城 呢 間 幾 好 食，個 油 甘 魚 頭 大 到 你 唔 信，其 他 食 物 都 幾 好 食，價 錢 中 等 唔 算 貴，俾 佢 80 分。
2月2日 (星 期 三)
今 晚 又 執 屋，今 次 到 個 衣 櫃 同 漫 畫，3 個 鐘 頭 完 成，執 完 真 係 多 左 好 多 位 剩。
2月3日 (星 期 四)
wing 今 日 起 澳 洲 返 黎，話 咁 快 又 一 年 冇 見，識 佢 果 陣 都 重 係 好 似 細 路 女 咁，話 咁 快 佢 就 黎 又 大 學 畢 業，時 間 過 得 真 係 快。
2月4日 (星 期 五)
今 晚 幫 樓 下 姑 媽 油 鐵 閘，患 左 老 人 呆 症 既 佢 重 認 得 我，但 就 真 係 冇 乜 記 性，成 晚 係 咁 叫 我 星 期 日 落 去 食 飯，又 話 要 帶 女 朋 友 一 齊 黎，攪 到 姑 丈 起 度 係 咁 笑，成 個 大 細 路 咁，睇 見 都 唔 知 好 嬲 定 好 笑。
2月5日 (星 期 六)
今 日 睇 超 人 特 工 隊，全 場 爆 滿 咁 滯，都 幾 好 睇，笑 位 都 唔 小，而 且 做 得 同 現 實 好 似，令 人 少 少 代 入 感，最 攪 笑 係 佢 地 d 超 能 力，個 個 唔 同 但 又 各 有 各 特 色，臨 尾 個 bb 既 能 力 要 賣 關 子，佢 就 真 係 好 正，過 年 想 笑 既 話 睇 呢 套 就 0岩。之 後 行 旺 角 花 墟，人 唔 算 太 多，見 到 有 種 用 試 管 種 既 花，幾 得 意，其 他 蘭 花 果 d 就 睇 既 人 多，買 既 人 少，年 宵 入 面 今 年 賣 既 野 真 係 好 (雞)，幾 乎 所 有 野 都 同 雞 有 關，但 就 冇 乜 邊 d 係 有 特 色，年 三 十 晚 再 黎 睇 下 有 冇 平 貨 執。
2月6日 (星 期 日)
今 日 行 維 園 年 宵，夜 晚 落 雨，但 就 唔 係 好 犀 利，都 係 雨 粉 果 d，可 能 因 為 咁 少 左 人 黎，行 得 都 幾 舒 服，同 旺 角 一 樣，乜 都 係 以 雞 為 本，今 次 我 買 左 頂 帽 俾 隻 貓，青 蛙 頭 款 式，但 佢 帶 左 個 樣 就 好 攪 笑，重 單 手 將 佢 拍 左 落 黎，佢 睇 黎 唔 鐘 意，重 打 算 叫 佢 過 年 叫 佢 帶 住 添。
2月7日 (星 期 一)
今 日 開 始 放 農 曆 年 長 假，唔 返 工 又 冇 出 街，冇 乜 野 好 做，訓 下
覺 打 下 機 又 一 日~~~
2月8日 (星 期 二)
年 三 十 晚，今 晚 再 行 旺 角 年 宵，今 晚 係 last day 迫 左 好 多，雖 然 都 有 少 少 雨，但 都 冇 影 響 d 人，原 本 想 買 棵 細 細 地 水 仙，最 後 都 買 唔 到，但 呀 tim 佢 就 買 到 桃 花，80 蚊 都 幾 大 棵，佢 已 經 買 左 三 年，唔 知 佢 今 年 有 冇 桃 花 運 行 呢。
2月9日 (星 期 一)
初 一 喇，往 年 都 係 去 外 公 果 邊 拜 年，不 過 而 家 佢 地 都 唔 起 度，做 後 輩 既 我 今 年 單 身 上 舅 母 度 拜 年，今 日 重 知 道 呀 姨 買 左 樓，雖 然 單 位 唔 大，但 夠 晒 佢 一 個 人 住，佢 話 點 都 有 間 自 己 既 樓 會 好 d，但 我 地 都 覺 得 佢 買 得 太 急，希 望 冇 買 錯。
2月10日 (星 期 四)
年 初 二，留 起 屋 企 等 d 親 戚 黎 拜 年，年 年 見 面 都 係 講 果 幾 句，有 d 悶， 夜 晚 重 同 佢 地 食 飯，收 到 好 多 利 是，又 食 到 d 好 野，都 幾 開 心。
2月11日 (星 期 五)
年 初 三，赤 口，唔 駛 出 去 拜 年，同 肥 健 出 街 打 左 成 日 機，聽 日 就 出 發 去 旅 行，要 好 好 休 息。
2月12日-- 2月16日 (星 期 六 至 星 期 三)
稍 後 將 會 刊 載 於 我 的 相 簿~
2月17日 (星 期 四)
完 左 個 長 假，今 日 開 始 返 工，聽 到 個 同 事 講 話 老 闆 娘 話 公 司 可 能 又 繼 續 做 落 去，重 會 調 整 人 工，聽 到 真 係 幾 開 心，暫 時 唔 駛 諗 搵 工 問 題。
2月18日 (星 期 五)
好 耐 冇出 過 葵 芳，葵 涌 廣 場 頂 樓 間 酒 樓 冇 左 之 後，上 面 又 間 左 一 堆 小 舖 位，另 外 果 度 開 左 幾 間 新 餐 廳，唔 駛 憂 冇 野 食，不 過 而 家 葵 芳 好 似 冇 乜 男 仔 野 買，全 部 都 係 賣 女 裝。
2月19日 (星 期 六)
得 返 9 度，放 工 食 埋 飯 返 屋 企 冬 眠。
2月20日 (星 期 日)
今 日 睇 左 套 魔 間 行 者，原 本 諗 住 有 好 多 特 技 場 面，點 知 同 我 預 期 有 d 分 別，有 d 似 007 版 驅 魔 人，奇 洛 李 維 斯 都 幾 型，但 套 戲 成 日 都 講 神 同 魔 鬼，好 多 似 曾 相 識 既 名 字 起 戲 中 出 現，有 幾 個 場 面 又 好 攪 鬼，同 套 戲 好 似 唔 係 好 夾，不 過 睇 下 冇 壞。
2月21日 (星 期 一)
公 司 又 改 制 度，終 於 可 以 放 銀 行 假，薪 金 亦 有 所 調 整，不 過 成 日 諗 住 做 既 時 間 唔 長，都 唔 開 心 得 去 邊。
2月22日 (星 期 二)
今 晚 肥 健 推 介 新 浦 崗 一 間 酒 樓，一 行 5 人 走 去 試，由 地 鐵 站 行 過 去 要 行 1 5 分 鐘 左 右，試 左 佢 幾 個 特 色 菜，有 炸 大 膳、糯 米 蒸 蟹、帝 皇 蝦、釀 鮫 子 等，一 共 叫 左 8 個 菜，雖 然 每 碟 份 量 唔 係 好 多，但 又 真 係 好 好 味，冇 介 紹 錯，但 要 過 黎 呢 度 又 真 係 遠 左 d。
2月23日 (星 期 三)
潮 濕 左 好 多，連 天 花 板 都 成 堆 水，反 而 地 板 就 冇，抹 餐 死。
2月24日 (星 期 四)
呀 姨 佢 買 左 樓，間 公 屋 交 返 俾 政 府，二 千 幾 蚊 供 一 個 月 又 唔 係 好 貴，但 重 要 計 埋 管 理 費 雜 項 果 d 其 實 都 唔 平，始 終 覺 得 佢 買 得 太 急。
2月25日 (星 期 五)
朋 友 屋 企 發 生 左 d 大 件 事，雖 然 具 體 唔 知 發 生 乜 野，但 對 佢 影 響 好 大，連 我 都 為 佢 擔 心。
2月26日至 27 日 (星 期 六 及 星 期 日)
放 工 後 上 大 陸 玩，同 有 三 大 惡 人 之 稱 既 呀 may 果 班 去，一 行 五 人 先 去 羅 湖 飲 下 午 茶，買 左 份 深 圳 地 圖，去 左 咁 多 次，今 次 終 於 識 行 去 東 門，下 次 唔 駛 再 搭 的 士，今 日 天 氣 麻 麻，成 日 都 落 微 微 雨，班 女 仔 話 要 做 指 甲，唔 駛 搵，果 度 已 經 有 班 呀 姐 起 度 撩，盲 盎 盎 就 去 左，佢 話 10 蚊，不 過 只 係 挫 指 甲，油 圖 案 就 要 60，駁 甲 就 80，佢 地 整 完 好 開 心，話 下 次 一 定 要 再 黎，不 過 佢 地 又 驚 整 花，之 後 都 好 小 心 咁 護 住，都 幾 攪 笑。之 後 佢 地 去 買 vcd，正 所 謂 3 個 女 人 1 個 墟，3 個 人 圍 住 個 sales 講 價，連 一 兩 蚊 都 講，雖 然 唔 係 平 好 多，但 都 好 過 冇。夜 晚 落 左 去 小 肥 羊 打 邊 爐， 同 香 港 一 樣 又 係 好 多 人 排 隊，但 價 錢 就 爭 好 遠，香 港 要 成 2-3百 蚊 一 個，呢 度 只 係 60 蚊，真 係 平 好 多，但 食 完 就 成 身 都 係 果 陣 羊 味，埋 單 重 俾 左 一 堆 50 蚊 COUPON，下 次 又 可 以 黎 幫 襯。之 後 就 去 休 閑 中 心 按 摩，重 試 左 佢 果 個 去 死 皮 既 護 腳 甲 服 務，但 我 冇 乜 死 皮，38 蚊 唔 係 好 抵 咁，肥 健 今 晚 玩 拔 罐，做 完 佢 個 背 好 似 俾 天 馬 流 星 拳 打 完 一 樣，好 攪 笑，不 過 今 晚 d 按 摩 小 姐 技 術 唔 係 好 掂，我 果 個 重 一 路 做 一 路 烚 眼 訓，真 係 想 俾 支 蠻 牛 佢 飲，做 完 成 4 點 9，一 覺 訓 到 第 二 日 11 點，起 身 再 沖 涼，埋 單 走 人，平 均 消 費 250 蚊，之 後 去 潮 江 春 飲 茶，睇 返 附 近 都 係 香 港 人 為 主，可 能 呢 度 消 費 高，食 飽 落 書 城，好 多 人，迫 到 唔 想 行，逗 留 一 個 鐘 後 去 附 近 食 tea，一 個 cake 一 杯 野 飲 加 個 pizza 每 人 要 60，係 咁 多 餐 入 面 最 貴，原 本 打 算 食 埋 晚 飯，但 又 諗 唔 到 可 以 去 邊 玩，決 定 提 前 返 hk 解 散，由 於 大 家 都 有 買 翻 版，過 關 佢 地 好 驚 俾 人 捉，於 是 採 取 拆 件 拎 走 方 法，我 拎 盒 佢 地 拎 碟，重 諗 到 好 多 攪 笑 方 法 衝 關，最 後 大 家 都 冇 事，平 平 安 安，佢 地 話 3 月 又 去 多 次，睇 黎 佢 地 迷 上 左 呢 個 玩 意。
2月28日 (星 期 一)
食 得 太 多 熱 氣 野，牙 肉 開 始 有 d 痛~~~~