2月2日 (星 期 一)
雖 然 上 星 期 5 已 經 返 工，不 過 真 正 做 野 既 日 子 係 今 日，原 本 諗 住 應 該 都 幾 忙，點 知 又 唔 係，d 人 打 電 話 黎 都 係 拜 年 多，同 預 期 爭 d。
2月3日 (星 期 二)
天 氣 無 端 端 又 轉 冷，跌 左 成 7 度，幾 時 先 暖 返 ?
2月4日 (星 期 三)
今 日 同 個 朋 友 拎 部 全 新 既 數 碼 相 機 去 放，起 百 老 匯 見 到 重 賣 緊 成 7400 蚊，屬 於 高 價 貨，諗 住 應 該 都 係 放 到 5000 左 右，先 拎 去 深 水 步 一 間 幾 出 名 既 舖 頭 問 價，佢 話 收 5000，心 諗 旺 角 可 能 重 做 到 多 d 價，於 是 拎 出 去 旺 角 先 達 問，發 覺 間 間 都 唔 同 價，有 d 出 三 千 幾，有 d 重 話 唔 收，最 高 價 果 間 做 到 4900，最 騎 尼 係 拎 去 其 中 一 間 問，聽 到 話 深 水 步 果 間 開 5000，佢 好 驚 奇 話 冇 可 能 做 到，重 叫 人 打 去 果 間 舖 問，知 道 左 係 真 果 陣 佢 都 冇 晒 乎，但 又 好 似 好 唔 服 氣 咁，係 咁 彈 人 地 話 會 壓 我 地 價，之 後 冇 理 佢 我 地 就 走，諗 諗 下 廢 事 搭 多 程 車 返 去，而 且 怕 佢 可 能 同 深 水 步 間 舖 頭 有 景 轟，於 是 去 搵 返 出 4900 果 間 舖 頭 度 於 左 佢，呢 個 老 細 睇 落 幾 老 實，試 機 其 間 又冇 點 彈 部 機，睇 真 d 覺 得 佢 重 怕 醜 過 我 地，算 係 幾 順 利 咁 完 成 左 交 易。
2月5日 (星 期 四)
熱 氣 野 食 得 多，特 別 係 麥 提 莎 朱 古 力，個 咀 開 始 生 飛 滋。
2月6日 (星 期 五)
上 個 月 先 同 人 買 既 mp3 機，咁 快 又 俾 佢 整 壞，好 彩 維 修 部 起 我 公 司 附 近，幫 佢 拎 去 整 都 方 便 d，不 過 師 傅 話 佢 已 經 整 壞 左 條 線，有 保 養 都 冇 用。
2月7日 (星 期 六)
話 買 左 好 耐 既 行 山 鞋，終 於 今 日 先 買 到，舊 果 對 著 到 就 離 解 體，而 家 終 於 可 以 正 式 退 役。
2月8日 (星 期 日)
諗 住 今 日 落 雨 又 凍 決 定 唔 出 街，點 知 老 細 又 打 黎，幫 佢 做 d 私 人 事，不 過 佢 呢 件 事 都 確 係 幾 需 要 人 幫 手，當 係 幫 佢 做 義 工。
2月9日 (星 期 一)
起 街 撞 返 個 舊 同 學，唔 知 佢 係 咪 做 野 辛 苦，個 樣 睇 落 都 幾 殘，覺 得 自 己 都 幾 幸 福。
2月10日 (星 期 二)
天 氣 開 始 暖 返，不 過 公 司 唔 知 點 解 凍 過 出 面 成 兩 三 度，好 似 起 雪 房 做 野 一 樣。
2月11日 (星 期 三)
有 人 請 食 飯，去 到 沙 田 間 woodstone，d 野 食 好 貴，味 道 亦 一 般，但 個 氣 氛 同 環 境 唔 錯 。
2月12日 (星 期 四)
履 行 左 年 半 既 工 作 可 以 講 話 完 結，逢 星 期 4 又 得 閑。
2月13日 (星 期 五)
呢 排 刷 牙 流 牙 血 非 常 犀 利，決 定 今 日 去 洗 牙，幫 襯 左 屋 企 樓 下 間 診 所，對 上 一 次 洗 牙 已 經 係 年 半 前，呢 個 牙 醫 都 幾 快 手，成 個 過 程 唔 駛 20 分 鐘，不 過 都 好 鬼 死 痛，感 覺 到 d 血 係 咁 標 出 黎，恐 佈。醫 生 話 我 有 牙 周 病，開 左 d 藥 同 埋 俾 左 支 洗 口 水 我，重 教 我 正 確 既 刷 牙 方 法，好 似 小 學 去 果 d 牙 科 保 健 一 樣，埋 單 450，不 過 有 兩 隻 牙 有 少 少 蛀 左，可 能 遲 d 要 去 補 返。
2月14日 (星 期 六)
情 人 節，今 年 氣 氛 好 似 比 以 前 濃 烈 好 多，或 者 咁 橋 係 星 期 6 既 關 係，雖 然 唔 係 同 情 人 渡 過，收 到 唔 係 情 人 既 禮 物，但 一 樣 咁 開 心。今 日 餐 廳 好 爆，間 間 都 企 滿 人，影 貼 紙 相 都 見 有 人 排 隊，睇 戲 更 加 唔 駛 諗，熱 鬧 程 度 直 逼 聖 誕。有 人 同 我 講 左 句，愛 情 只 係 一 個 階 段，友 情 先 至 係 一 生 一 世，好 0岩，未 有 情 人 唔 緊 要 啦，重 有 我 呢 個 朋 友 嘛。
2月15日 (星 期 日)
好 耐 冇 去 行 過 山，今 次 路 程 係 由 紅 梅 谷 出 發，經 獅 子 山 再 行 返 落 去 黃 大 仙，呢 段 路 程 唔 長，慢 慢 行 都 好 快 行 完，不 過 就 有 好 多 景 睇，坐 起 山 頂 睇 景，跟 住 吹 風 涼 涼 地 都 幾 舒 服，可 能 之 前 幾 個 星 期 天 氣 都 唔 多 好， 今 日 特 別 多 人 行 山，山 頭 處 處 都 係 人，好 熱 鬧，全 程 行 左 4 個 鐘 左 右，出 返 黃 大 仙 都 係 4 點，重 可 以 食 tea，下 次 plan 行 澗 希 望 可 以 行 耐 d。
2月16日 (星 期 一)
最 近 俾 人 誤 會 緊 一 d 野，係 你 多 疑 定 係 我 既 行 為 令 你 誤 會，既 然 越 描 越 黑，索 性 由 佢~~
2月17日 (星 期 二)
去 牙 醫 覆 診，順 便 補 補 d 牙，食 左 佢 d 藥 之 後 真 係 好 好 多，牙 肉 再 冇 流 血，有 3 隻 牙 有 少 少 蛀 左，叫 佢 補 埋，成 個 過 程 都 唔 駛 30 分 鐘，埋 單 750 蚊，加 埋 之 前 果 次 洗 牙 一 共 用 左 成 1200 蚊，真 係 有 d 肉 痛，醫 生 話 我 果 4 隻 智 慧 齒 全 部 唔 夠 位 生，可 能 全 部 要 做 手 術 剝 晒，如 果 係 咁 就 麻 煩。
2月18日 (星 期 三)
每 個 月 一 度 既 麻 甩 佬 聚 會 又 起 今 日 舉 行，今 次 5 個 麻 甩 佬 去 食 buffet，不 過 唔 知 係 乜 野 形 式，食 物 雖 然 都 係 同 平 時 果 d 差 唔 多，但 係 個 外 觀 就 好 唔 同，以 細 件 為 主，芝 士 蛋 糕 個 size 得 一 粒 方 糖 咁 大，煙 三 文 魚 每 件 都 有 個 碟 仔 裝 住，賣 相 好 好。呢 間 餐 廳 另 一 樣 特 色 係 可 以 自 由 組 合 想 食 既 野，類 似 車 仔 麵 咁，揀 0岩 晒 想 食 既 材 料 俾 廚 師 煮 就 ok，好 唔 好 食 同 自 己 配 塔 都 好 有 關 係，連 pizza 都 可 以 自 己 加 料，因 為 有 呢 個 特 色 我 地 就 起 度 玩 勁 辣 大 賽，整 左 3 度 菜，第 一 度 菜 食 完 條 利 麻 辣，第 二 度 由 洋 蔥 青 椒 果 d 整 成，冇 乜 味，最 後 一 度 加 入 大 量 辣 粉加 辣 叔 仔，辣 到 腳 都 震 埋，真 係 男 子 漢 既 遊 戲，既 然 環 境、氣 氛 同 食 物 都 咁 特 別，貴 少 少 都 預 左，埋 單 位 位 190。
2月19日 (星 期 四)
同 事 話 我 最 近 好 似 肥 左，返 屋 企 磅 過 又 唔 係，攪 到 我 鬼 咁 開 心。
2月20日 (星 期 五)
原 本 每 個 月 都 會 打 兩 次 羽 毛 球，而 家 改 左 打 一 次，太 多 人 返 工 d 時 間 就 唔 到，今 次 有 成 8 個 人 打，打 既 次 數 少 左，打 完 都 唔 覺 累。今 日 重 見 到 呀 健 果 架 新 車，開 頭 聽 人 地 講 以 為 係 房 車，點 知 睇 完 都 係 覺 得 佢 似 跑 車 多 d，希 望 佢 小 心 d 渣。
2月21日 (星 期 六)
原 本 諗 住 係 一 份 好 普 通 既 禮 物，點 知 原 來 個 價 值 都 唔 平，雖 然 話 感 情 唔 可 以 憑 價 錢 衡 量，但 收 到 份 咁 貴 重 既 禮 物 真 係 有 d 唔 係 幾 好 意 思。
2月22日 (星 期 日)
好 充 實 既 一 個 星 期 日，今 日 辛 苦 晒 你 喇，攪 到 我 又 食 又 拎，你 d 咸 蛋 炒 蝦 同 埋 個 湯 都 好 好 食 呀，得 閑 冇 野 做 就 再 煮 啦，哈 哈~~~
2月23日 (星 期 一)
無 意 中 發 現 新 蒲 崗 彩 頤 花 園 d 雙 拼 飯 超 平，8 蚊 一 個，加 埋 例 湯 都 係 10 蚊，聽 講 非 典 期 間 重 係 6 蚊，不 過 食 左 又 發 覺 唔 差 喎，都 幾 好 食，但 平 成 咁 邊 有 得 做 架。
2月24日 (星 期 二)
起 電 視 見 到 樹 春 起 陀 槍 師 姐 度 做 黑 社 會，佢 話 拍 左 成 日 但 出 場 都 唔 夠 一 分 鐘，好 好 笑。
2月25日 (星 期 三)
今 日 終 於 試 左 長 沙 灣 間 法 國 餐 廳，之 前 聽 人 講 連 電 視 台 都 有 介 紹，位 置 都 幾 偏 僻，平 時 行 街 都 唔 會 咁 易 去 到，成 絛 街 得 佢 一 間 餐 廳，其 餘 都 係 車 房，食 物 方 面 唔 算 大 碟，一 個 set dinner 份 量 剛 剛 好，頭 盤 2 選 1，主 菜 4 選 1，重 有 餐 湯 或 焗 田 螺 2 隻，連 凍 飲 每 人 75 蚊，唔 算 好 貴，味 道 都 ok，雖 然 食 果 陣 係 8 點，但 一 路 都 見 d 人 渣 車 或 者 行 黎 光 顧，睇 黎 佢 地 都 係 慕 名 而 來 多，証 明 口 啤 唔 錯。
2月26日 (星 期 四)
老 細 做 既 野 越 黎 越 古 怪，都 唔 知 係 咪 想 唔 做，大 家 抱 住 你 話 點 就 點 既 心 態 做 野，盡 量 唔 好 得 罪 佢。
2月27日 (星 期 五)
原 本 諗 住 今 日 落 九 龍 城 食 飯，點 知 肥 健 又 有 野 攪 到 成 7 點 幾，唯 有 留 返 起 荃 灣 食，又 去 喜 多 坊 食 buffet，今 次 好 似 好 耐 冇 食 野 咁，係 咁 叫 魚 生， 食 左 超 過 一 百 件 都 有，佢 地 重 好 似 唔 多 夠，生 蠔 都 食 左 成 廿 隻，老 細 真 係 多 得 你 唔 少。
2月28日 (星 期 六)
尋 日 去 唔 到 九 龍 城 食 飯，今 日 補 去 返，九 龍 城 真 係 好 多 野 食，泰 國 野 都 有 好 多 間，重 有 中 菜，茶 餐 廳 同 糖 水 舖 等 等，如 果 住 起 度 真 係 唔 駛 憂 冇 野 好 食，試 左 間 泰 國 菜 同 一 間 出 名 用 蓮 子 做 糖 水 既 舖 頭，都 唔 錯，價 錢 都 唔 算 好 貴，不 過 九 龍 城 真 係 唔 多 就 腳，雖 然 有 小 巴 直 到 但 都 係 覺 得 遠。
2月29日 (星 期 日)
今 日 幫 ralph 帶 行 山，參 加 者 係 5 個 小 朋 友，地 點 由 釣 魚 翁 至 深 水 灣 完，路 程 唔 算 長，行 得 都 幾 舒 服，但 今 日 天 陰 陰，影 唔 到 乜 野 靚 相，由 12 點 出 發，到 行 完 都 唔 駛 3 點，今 次 行 山 竟 然 俾 我 地 見 到 朱 翁，佢 果 然 係 一 個 好 博 學 既 人，記 得 晒 附 近 山 頭 既 名，又 講 左 其 中 一 個 山 頭 個 名 其 實 係 譯 錯，行 山 人 仕 見 到 佢 都 同 佢 影 返 張 相 留 念，佢 果 然 係 一 個 鐘 意 戶 外 活 動 既 人。行 完 山 見 時 間 重 早，就 去 左 深 水 灣 度 俾 班 小 朋 友 玩 下，沙 灘 雖 然 人 多 但 落 水 既 人 唔 多，可 能 重 係 涼 涼 地 既 關 係，d 人 通 常 都 係 曬 太 陽 多，唔 知 我 幾 時 先 可 以 學 識 游 水。
好 親 切 既 朱 翁