1/7 (星 期 一)
7 月 1 係 回 歸 5 週 年，冇 乜 特 別 感 覺，剩 係 知 HK 環 境 一 年 不 如 一 年。呢 一 日 同 西 西 佢 地 去 左 針 山 探 路，果 日 城 門 水 塘 可 以 叫 做 城 門 芬 蘭 浴，之 前 落 過 雨 跟 住 個 太 陽 又 曬 返 D 水 蒸 發 返 上 去，行 左 半 個 鐘 已 經 成 身 濕 晒，D 汗 就 好 似 流 口 水 咁 流 晒 出 黎。呢 條 山 路 都 好 多 斜 坡，算 係 幾 累 果 隻，之 後 落 山 重 慘，條 斜 坡 斜 到 企 唔 穩 要 跑 落 山 果 隻，磨 到 我 對 鞋 有 少 少 爛 左，1 點 半 就 行 完，比 我 想 像 中 快 左，連 續 兩 日 行 山 點 都 要 抖 返 夠 本。
2/7 (星 期 二)
今 日 睇 左 套 星 加 坡 片 叫 小 孩 不 苯，套 戲 內 容 其 實 都 係 講 返 一 班 小 朋 友 起 唔 同 背 景 長 大，待 人 處 事 種 種 唔 同 既 處 理 方 法，強 調 天 生 我 才 必 有 用，同 埋 管 教 孩 子 既 方 法，有 少 少 似 星 加 坡 版 的 真 情。大 人 既 演 技 固 然 出 色，三 個 小 朋 友 主 角 亦 都 做 得 唔 錯。但 套 戲 有 唔 少 內 容 都 係 好 似 有 少 少 諷 剌 新 加 坡 政 府 的 政 策，咁 都 俾 佢 起 當 地 上 畫 既.....?
3/7 (星 期 三)
近 排 發 覺 身 邊 既 人 一 個 一 個 咁 病，首 先 係 而 家 唔 講 呢 D 野 既 呀 榮，支 氣 管 炎，打 俾 佢 果 陣 把 聲 沙 到 聽 唔 到 佢 講 野 咁 滯，其 次 係 呀 健，傷 風，唔 通 又 爆 發 流 感......襯 而 家 我 身 體 重 未 有 事 都 係 匿 起 屋 企 休 息 下 先，黎 緊 呢 個 暑 假 都 幾 多 野 攪....千 其 唔 好 病 住。
4/7 (星 期 四)
月 頭 公 司 又 忙 到 天 昏 天 暗，諗 住 今 日 放 工 返 屋 企 抖 抖，點 知 西 西 打 電 話 黎 話 陪 佢 買 play station2，於 是 又 出 左 街，去 幫 襯 開 既 老 細 買，但 佢 果 度 又 冇 得 碌 咭，所 以 買 唔 到 部 機 但 都 幫 襯 佢 買 左 幾 隻 game 走，部 機 遲 d 去 玩 具 反 斗 城 買 啦。買 完 之 後 去 左 銀 龍 食 飯，不 過 呢 間 銀 龍 好 似 同 我 地 去 開 果 間 唔 同，高 級 D 既 感 覺，價 錢 又 高 D，一 個 飯 閑 閑 地 都 成 40 蚊，雪 糕 一 個 又 22 蚊，都 唔 知 佢 用 乜 野 整 既。見 到 後 面 張 抬 一 家 6 口，每 人 一 個 扒 餐，都 要 成 600 蚊 啦，重 有 3 個 係 小 朋 友，都 唔 知 佢 地 食 唔 食 得 晒，D 人 真 係 有 錢，我 要 努 力...我 要 發 達 呀~~~
5/7 (星 期 五)
嘻 嘻.......今 日 買 左 份 玩 具 俾 自 己，不 過 都 幾 貴 成 1100 蚊，不 過 貪 玩 既 我 真 係 幾 鐘 意，亦 都 好 佩 服 科 技 既 偉 大。今 日 拎 支 電 筒 出 黎 諗 住 聽 日 去 camp 用，點 知 佢 又 爛 左 喎，都 唔 知 幾 時 跌 爛 既，呢 排 乜 鬼 野 都 壞，買 返 都 買 到 我 窮 呀.....。
7/7 (星 期 日)
星 期 六 同 日 幫 中 心 帶 紅 十 字 會 同 埋 10 個 小 朋 友 去 鳥 溪 沙 青 年 旅 舍 宿 營，今 次 既 活 動 都 唔 係 好 辛 苦，可 以 講 話 係 幾 歎，剩 係 星 期 6 帶 佢 地 玩 遊 戲，夜 晚 成 班 人 一 齊 玩 killer 玩 到 成 1 點 幾。至 於 紅 十 字 會 方 面 有 一 班 小 隊 長 睇 住，都 唔 駛 我 膽 心。星 期 日 訓 醒 8 點 去 食 早 餐，返 到 房 都 係 8 點 半，同 fanny 兩 個 人 坐 起 度 冇 野 做 於 是 就 做 D 無 聊 野，玩 電 話~~~打 左 俾 幾 個 FRIEND，個 個 都 好 似 未 訓 醒 咁，我 地 簡 直 係 擾 人 清 夢。之 後 又 入 返 房 訓 覺，成 班 小 朋 友 就 起 廳 度 玩 UNO，唔 知 佢 地 做 乜 鬼 張 部 電 視 既 聲 音 開 到 100 度 最 大，拆 天 咁 滯，不 過 閂 埋 房 門 又 唔 覺 好 大 聲，都 幾 隔 音，之 後 食 完 LUNCH 玩 多 陣 就 開 始 回 程，呢 個 CAMP SITE D 飯 都 幾 好 食，餐 餐 都 食 兩 碗 飯，而 且 亦 都 好 乾 淨，俾 人 感 覺 相 當 好，不 過 佢 地 樣 樣 野 都 要 講 錢，而 且 房 租 都 唔 平，有 錢 先 至 好 黎。
真 情 對 話 : 小 朋 友 真 係 唔 識 講 大 話 (下 載)
大 合 照
8/7 (星 期 一)
聽 到 個 朋 友 屋 企 發 生 左 D 事，雖 然 同 自 己 冇 直 接 關 係 但 感 覺 都 唔 係 咁 好 受，開 始 明 白 人 生 雖 短 但 每 個 人 都 會 經 歷 不 同 既 事 情，各 有 各 精 彩。自 覺 到 現 在 為 止 一 切 都 算 順 利，雖 然 平 淡 但 活 得 開 心，正 是 我 一 路 以 來 都 希 望 過 的 生 活，可 以 更 好，但 都 係 睇 我 本 身 有 冇 想 做 既 意 思，暫 時 我 依 然 相 信 珍 惜 眼 前 人 是 人 生 最 期 本 的 坐 右 銘，我 珍 惜 身 邊 所 有 朋 友，望 友 誼 永 固。
10/7 (星 期 三)
今 日 有 人 請 食 飯，6 點 幾 去 到 深 水 步，見 個 friend 重 未 放 工 就 去 左 黃 金 商 場 睇 下 LCD 芒 先，個 場 依 然 係 咁 多 人，依 家 果 然 好 多 人 買 LCD 芒，差 唔 多 間 間 舖 都 有 得 賣，原 本 我 一 路 鐘 情 於 SAUSUME 呢 個 牌 子，不 過 聽 D 店 員 講 又 好 似 發 覺 一 D 牌 子 都 唔 差 咁，而 且 重 有 6 個 月 分 期，攪 到 我 都 心 郁 郁， 不 過 都 係 等 我 呢 個 元 配 真 係 唔 得 先 搵 繼 任 人 先 算。
11/7 (星 期 四)
原 本 今 日 諗 住 放 工 返 屋 企 休 息 一 下，不 過 肥 健 又 打 黎 話 陪 佢 食 晚 飯，於 是 又 出 左 街，本 身 已 經 好 熱 氣，今 餐 又 食 KFC，睇 黎 塊 面 遲 D 又 火 山 爆 發 一 樣。起 街 見 到 D 衛 生 幫 都 好 落 力 捉 垃 圾 虫，東 一 個 西 一 個 咁 包 圍 住 條 街 重 見 到 有 個 女 仔 俾 人 捉 到 正，咁 又 600 大 圓，呢 舊 垃 圾 真 係 貴。
12/7 (星 期 五)
每 個 月 一 度 既 羽 毛 球 活 動 又 開 始，原 本 諗 住 搵 班 初 學 者 既 人 去 玩，點 知 全 部 人 都 黎 唔 到，到 最 後 都 係 變 成 高 級 組 既 活 動，今 次 又 係 呀 健 4 個 加 我 同 菠 蘿 total 6 個 人 打，小 吉 之 前 去 完 中 國 旅 行 1 個 月 返 黎，影 左 好 多 相，用 左 7000 蚊 就 由 廣 洲 出 發 玩 到 去 北 京，真 係 羨 慕 佢 地 可 以 咁 本 事。打 完 波 之 後 大 家 去 左 銀 龍 食 飯，之 後 細 V、KC 佢 地 又 有 成 6 個 人 JOIN 埋 黎，TOTAL 12 人 食 野，要 拍 埋 3 張 抬 先 可 以 夠 我 地 坐，大 家 一 路 食 野 一 路 傾 計，好 似 成 間 銀 龍 得 我 地 咁，差 唔 多 成 11 點 先 散，返 到 屋 企 累 到 死，唔 係 因 為 打 波，係 因 為 傾 計 同 笑 先 累，真 係 好 開 心。
13/7 (星 期 六)
今 日 氣 溫 有 成 33 度，下 午 出 到 旺 角 成 條 街 都 係 人，諗 住 同 個 FRIEND 睇 戲 冇 咁 熱 又 可 以 涼 下 冷 氣，都 唔 知 做 乜 旺 角 百 老 匯 D 冷 氣 一 D 都 唔 凍，睇 睇 下 個 人 重 覺 得 有 D 焗 咁，好 彩 睇 果 套 係 未 來 報 告 有 少 少 懸 疑 成 分 氣 氛 冇 咁 緊 張，如 果 睇 笑 片 既 話 實 笑 到 出 汗。講 返 套 戲，其 實 開 頭 都 幾 好 睇，入 面 未 來 既 科 技 的 確 好 有 創 意，如 果 我 有 命 活 到 2056 年 既 話 到 時 真 係 要 比 較，而 且 入 面 D 笑 位 有 D 都 幾 好 笑，後 半 部 玩 懸 疑，真 係 要 留 心 睇 先 明 佢 地 做 緊 乜，整 體 黎 講 都 俾 4 個 粉 佢 啦。
14/7 (星 期 日)
今 日 跟 中 心 去 左 大 埔 樹 屋 同 埋 大 埔 既 哥 爾 夫 球 場，先 講 樹 屋，其 實 以 前 都 去 過 一 次，不 過 係 兩 年 前 既 事，今 次 再 去 發 覺 整 體 變 化 不 大，不 過 我 記 得 上 次 佢 地 有 一 個 活 動 係 教 人 玩 吹 箭 同 化 好 番 粧，今 次 冇 左，反 而 多 左 一 個 玩 橫 水 渡 既 活 動，企 起 一 架 木 伐 上 面 拉 條 繩 過 對 面，即 係 好 似 茶 是 故 鄉 濃 果 個 女 主 角 做 果 D 咁，當 然 唔 少 得 有 一 個 叫 爬 樹 屋 既 活 動，間 屋 其 實 唔 係 好 高，兩 層 樓 左 右，爬 到 上 去 跟 住 再 捉 住 支 柱 跣 返 落 黎 就 OK。不 過 有 D 小 朋 友 始 終 都 係 驚，有 一 個 起 上 面 又 喊 又 唔 敢 落 黎，攪 左 成 半 個 鐘 先 成 功 說 服 佢 落 黎，到 最 後 都 全 部 可 以 成 功 玩 晒。入 面 重 有 一 個 小 型 動 物 園，有 鸚 鵡、鵝、羊、雞 同 白 兔 仔，最 騎 尼 D 鵝，竟 然 鐘 意 食 草，重 食 到 佢 地 咁 大 隻。之 後 出 發 去 高 爾 夫 球 場，我 地 都 係 第 一 次 玩，有 個 好 似 呀 榮 既 教 練 教 我 地，高 爾 夫 球 睇 落 其 實 簡 單，其 實 都 有 一 D 學 問，初 初 打 成 日 都 打 唔 中，打 中 左 又 飛 得 唔 遠，握 桿 手 法 又 錯，而 且 要 對 準 一 個 方 向 打 出 去 更 加 冇 可 能，到 最 後 大 家 都 係 將 個 波 亂 咁 打 出 去 就 算。不 過 今 日 我 地 發 明 左 一 個 叫 高 爾 夫 占 卜 既 遊 戲，首 先 我 地 要 諗 一 樣 野，打 果 個 人唔 知 我 地 為 佢 卜 乜 野，跟 住 打 果 個 人 如 果 一 次 揮 桿 就 打 到 出 去 既 話 咁 呢 件 事 發 生 既 可 能 性 會 高 D，當 然 打 得 遠 就 更 加 好 我 就 俾 佢 地 卜 到 會 有 機 會 做 老 闆，呵 ....係 都 幾 好 ( 但 呢 個 遊 戲 只 限 初 學 者，高 手 當 然 棍 棍 都 中 )。
( 樹 屋 ) 及 ( 似 呀 榮 的 教 練 )
其 他 相 可 看 這 裏
15/7 (星 期 一)
由 我 買 電 腦 果 日 開 始 用 到 而 家 既 acer 15 吋 CRT 芒 終 於 起 今 晚 與 世 長 辭，享 年 5 歲，呢 個 芒 都 算 幾 襟 用，晚 晚 開 佢 3-4 個 鐘 佢 都 可 以 捱 咁 耐，而 家 可 以 話 功 成 身 退，睇 黎 聽 日 都 要 去 高 登 一 轉 買 個 新 芒 先 得 喇。
16/7 (星 期 二)
今 日 同 呀 榮 去 左 高 登 睇 芒，本 身 一 路 都 係 留 意 Samsume，咁 0岩 今 日 又 出 左 選 擇 介 紹 LCD 芒，打 開 一 睇，整 體 評 價 得 3.5 分，返 而 NEC 同 飛 利 蒲 重 有 Topcon 都 有 4.5 分，於 是 當 堂 對 佢 個 信 心 俾 佢 打 一 打 折 扣，最 後 行 晒 成 個 商 場 最 後 買 左 部 Topcon，重 有 分 期 都 冇 咁 肉 痛，但 我 覺 得 LCD 始 終 太 光，用 得 耐 隻 眼 好 累，或 者 要 一 段 時 間 適 應。
17/7 (星 期 三)
呢 幾 日 都 起 度 落 雨 ， 睇 黎 星 期 6 既 夜 行 應 該 都 去 唔 成 多，真 可 惜。今 日 起 屋 企 睇 左 隻 VCD 叫 兩 篤 笑，由 吳 君 如 同 張 達 明 做 TALK SHOW，我 個 F R I E N D 話 好 睇，不 過 我 睇 完 都 唔 識 笑，D 笑 話 好 似 低 級 得 滯，或 者 楝 篤 笑 始 終 係 要 起 現 場 睇 先 至 覺 好 睇。
18/7 (星 期 四)
明 珠 台 今 日 做 左 套 叫 蟲 界 既 特 輯，講 D 昆 虫 既 習 慣 同 埋 生 活 方 式，睇 到 都 打 冷 震，不 過 都 學 到 好 多 野，原 來 蟑 螂 有 兩 個 腦，冇 左 個 頭 都 重 可 以 生 存 一 段 時 間 等 等，咁 多 種 動 物 始 終 覺 得 昆 蟲 係 最 奇 妙，細 細 隻 既 生 物 就 有 唔 同 既 技 能 生 存 同 保 護 自 己，確 實 特 別。
19/7 (星 期 五)
今 晚 睇 左 黑 超 特 警 組 2，可 能 我 地 期 望 太 大，睇 完 出 黎 之 後 大 家 都 異 口 同 聲 講，都 係 第 一 集 好 睇 D，今 集 太 多 野 都 講 到 唔 拖 唔 水 咁，有 D 要 解 釋 果 D 又 輕 輕 帶 過，果 個 所 謂 女 魔 王 又 不 墈 一 擊 咁，俾 3 個 粉 佢 啦。之 後 大 家 去 左 食 飯，3 女 一 男 大 家 坐 埋 一 齊 都 係 講 結 婚 同 擇 偶 既 野，成 班 小 8 婆 咁，當 然 包 括 我，大 家 諗 諗 下 都 唔 經 唔 覺 做 左 20 年 人 有 多，有 陣 時 真 係 好 想 做 返 小 朋 友。
20/7 (星 期 六)
原 本 今 晚 有 個 夜 晚 行 山 活 動，但 見 天 氣 咁 唔 穩 定 到 最 後 都 取 消 左，於 是 果 日 就 返 左 中 心 去 幫 佢 地 手 執 玩 具，因 為 之 前 幫 佢 地 運 左 一 堆 人 地 捐 出 黎 既 玩 具 都 未 拆 箱，趁 今 日 有 時 間 就 幫 佢 地 睇 下，搵 埋 KAREN 黎 幫 手 可 以 快 D 手 攪 完。今 次 拆 開 一 睇，哇.....勁，有 好 多 筍 貨，最 堅 既 係 有 部 手 提 電 話 起 入 面，不 過 係 壞 的，可 惜，其 次 有 D 望 遠 鏡、類 似 PDA 既 記 事 簿 咁，連 蒸 氣 熨 斗，餐 具、水 壺、花 樽 都 有。我 地 心 諗 真 係 可 以 開 個 夜 冷 舖，今 次 大 家 都 有 d 收 獲，我 拎 左 個 mouse pad 返 屋 企，karen 又 拎 左 d 整 甜 品 既 工 具，有 d 又 拎 望 遠 鏡，整 車 果 d 零 件 咁。執 完 之 後 大 家 一 齊 叫 飯 返 黎 食，幾 個 人 一 齊 傾 計，菠 蘿 永 遠 都 係 最 攪 笑 一 個，成 日 俾 人 拎 佢 D 野 出 黎 講，不 過 又 真 係 幾 好 笑，真 係 傻 得 交 關。
21/7 (星 期 日)
非 常 好 天 既 一 日，帶 左 班 小 朋 友 去 赤 柱 既 YMCA 水 上 活 動 中 心 玩，成 20 個 小 朋 友 要 用 一 堆 物 資 去 砌 一 隻 竹 伐，材 料 得 4 塊 滑 浪 風 帆 用 既 浮 板、8 支 大 木 竹 同 埋 一 堆 繩。其 實 要 砌 都 唔 難，但 對 象 係 小 朋 友 點 都 有D 難 度，睇 佢 地 砌 果 陣 有 D 就 好 落 力，有 D 又 走 埋 一 邊 玩 沙 玩 水，有 D 人 又 好 勞 氣 唔 同 人 合 作 咁，睇 黎 今 次 呢 個 活 動 既 目 的 已 經 成 功 左，就 係 要 訓 練 佢 地 搵 出 自 己 處 事 既 門 問 題 同 諗 解 決 方 法，不 過 佢 地 咁 細 過 我 估 佢 地 聽 完 都 當 耳 邊 風，始 終 我 有 我 性 格，大 家 年 紀 差 唔 多 大 不 過 大 家 既 處 事 方 法 真 係 好 唔 同，可 能 真 係 同 佢 地 既 生 活 環 境 同 教 導 方 法 唔 同 啦。到 最 後 佢 地 都 勉 勉 強 強 整 好 架 木 伐 重 可 以 十 幾 個 人 坐 左 出 海 返 黎，都 算 冇 白 費 佢 地 既 心 機。今 日 好 猛 太 陽，耳 仔 又 唔 記 搽 太 陽 油，睇 黎 分 分 鐘 又 甩 皮。
22/7 (星 期 一)
屋 企 熱 水 爐 個 電 制 無 端 端 壞 左，開 左 閂 唔 返，攪 到 用 完 要 熄 總 制 先 得，話 時 話 個 制 都 壞 左 兩 次，咁 唔 襟 用 都 有。
23/7 (星 期 二)
放 左 工 俾 肥 健 捉 左 去 陪 佢 買 衫，之 後 諗 住 搵 呀 仙 跡 岩 billy 剪 一 剪 髮，不 過 佢 果 日 好 忙 叫 我 聽 日 先 去，所 以 又 剪 唔 成。返 到 屋 企 電 器 師 父 整 緊 個 電 制，10 分 鐘 唔 駛 攪 掂，咁 又 收 左 100 蚊，以 前 屋 企 d水 電 都 係 daddy 負 責，怪 自 己 當 初 冇 向 佢 學 野，唔 係 呢 d 錢 可 以 慳 返。
24/7 (星 期 三)
今 日 睇 到 一 個 叫 一 人 一 句 既 網 頁，入 面 有 D 金 句 好 適 合 自 己 同 身 邊 既 朋 友，例 如.....
人 們 因 為 容 許 別 人 如 此 的 對 待 ， 才 會 受 到 如 斯 的 對 待 。(People get treated the way they permit themselves to be treated.) ---- Jerry Springer
每 個 人 都 會 變 的 。 唯 一 永 恆 不 變 的 ， 只 有 時 間 ， 因 為 時 間 最 無 情 。 在 無 情 的 時 候 中 ， 每 個 人 都 會 不 知 不 覺 的 慢 慢 改 變 。 - - - 古 龍 < 絕 不 低 頭 >
失 去 金 錢 的 人，失 去 很 多﹔失 去 朋 友 的 人，失 去 更 多; 失 去 信 心 的 人，失 去 所 有。 ---- from Christy
想 睇 到 更 多 可 以 到 古 靈 精 怪 一 人 一 句 的 網 址
26/7 (星 期 五)
呢 排 天 氣 真 係 差 得 緊 要，今 日 勁 大 雨 又 行 雷，原 本 星 期 6 既 夜 行 活 動 又 宣 佈 取 消 喇，希 望 星 期 日 好 天 啦，因 為 要 去 睇 白 海 豚。夜 晚 去 左 荃 灣 一 間 酒 樓 打 邊 爐，每 位 58 蚊 任 食，不 過 間 酒 樓 有 樣 攪 笑 野，就 係 食 剩 野 要 罰 錢，每 一 兩 罰 5蚊，都 好 丫，等 D 人 唔 會 叫 左 又 唔 食 浪 費 食 物，埋 單 每 人88 蚊，又 茶 價 又 汽 水 錢，都 唔 算 好 著 數。
27/7 (星 期 六)
尋 晚 同 呀 榮 傾 開，話 去 佢 會 所 打 波，見 今 日 下 午 冇 乜 野 做 就 去 玩 下，佢 又 話 實 有 場 book 到 叫 我 帶 定 球 拍 同 波，點 知 去 到 又 話 有 比 賽 冇 得 book，攪 到 我 揹 住 個 球 拍 同 埋 兩 筒 波 起 條 街 度 行，最 後 去 左 天 水 圍 果 個 巿 政 局 打 壁 球，打 左 個 半 鐘 頭 後 又 諗 去 玩 另 一 樣 野，之 後 返 去 人 會 所 果 邊 book 左 一 個 鐘 頭 卓 球 打，哈....原 來 呀 榮 佢 起 卓 球 界 都 打 滾 左 一 段 時 間，卓 球 既 規 則 佢 都 好 清 楚，我 同 miko 完 全 係 初 學 者，不 過 玩 落 又 真 係 幾 好 玩，特 別 係 見 到 個 白 波 打 左 入 袋 就 最 開 心。最 後 miko 以 負 40 分 成 為 大 輸 家，呀 榮 就 拎 到 3 分。佢 個 會 所 都 幾 乾 淨，下 次 搵 多 D 人 去 一 定 重 開 心。