7月1日 (星 期 五)
今 日 香 港 回 歸 記 念 日，放 假，但 問 返 我 7 月 1 多 數 諗 起 乜，通 常 都 係 諗起 示 威，差 d 唔 記 得 左 果 日 係 回 歸 日，今 日 睇 左 套 強 戰 世 界，之 前 都 對 佢 幾 大 期 望 ，成 套 戲 個 節 奏 其 實 都 幾 快，睇 得 人 地 好 緊 張，覺 得 地 球 真 係 好 似 會 玩 完 咁，點 知 個 結 局 真 係 出 乎 意 料 既 簡 單，幾 句 說 話 已 經 交 代 晒，點 解 打 得 咁 辛 苦，真 係 虎 頭 蛇 尾。
7月2日 (星 期 六)
今 日 karen 約 左 返 中 心 影 畢 業 相，佢 話 咁 快 又 起 英 國 讀 完 一 年 返 黎，重 識 左 個 男 朋 友，可 喜 可 賀。但 佢 屋 企 最 近 發 生 左 D 事，希 望 佢 可 以 HANDLE 到，起 中 心 影 完 再 落 海 濱 公 園 影。夜 晚 就 出 左 去 食 上 海 野，大 家 成 班 傾 返 去 四 川 果 陣 既 開 心 事，諗 返 大 家 都 係 果 次 交 流 團 而 認 識，計 埋 今 年 大 家 已 經 識 左 5 年，讀 緊 書 既 都 差 唔 多 已 經 畢 業 晒，講 返 如 果 有 機 會 約 返 晒 全 團 人 出 黎 玩 下 應 該 幾 開 心，但 相 信 機 會 都 幾 微。
其 他 相 可 在 這 裏 收 看
7月3日 (星 期 日)
之 前 參 加 左 個 抽 獎，今 日 收 到 通 知 話 中 獎，但 佢 又 冇 講 中 左 乜 野，聽 日 去 拎 先 知。
7月4日 (星 期 一)
今 日 去 拎 獎，原 來 係 好 耐 之 前 參 加 左 既 遊 戲，咁 耐 先 通 知，一 個 手 提 用 既 藍 芽 手 制，同 我 預 計 果 樣 野 有 d 出 入。夜 晚 出 左 尖 沙 咀 巡 視 業 務，(即 係 行 街)，去 左 利 時、百 利 同 美 麗 華，但 都 冇 乜 收 獲，因 為 都 係 賣 女 仔 野 多，下 次 都 係 去 旺 角 銅 鑼 灣 睇 會 好 d。
7月5日 (星 期 二)
最 近 發 現 原 來 都 有 幾 多 人 睇 我 既 日 記，佢 地 不 約 而 同 都 有 一 個 問 題....你 原 本 30 歲 實 現 既 計 劃 係 乜?
7月6日 (星 期 三)
發 覺 自 己 好 少 食 生 果 同 菜，由 今 日 起 LUNCH 之 後 都 食 一 個 燈，唔 知 可 以 KEEP 幾 耐。
7月7日 (星 期 四)
倫 敦 遇 到 恐 佈 襲 擊，唔 會 又 係 911 咁 大 件 事 掛。
7月8日 (星 期 五)
今 晚 睇 左 隻 vcd 情 場 絕 橋 王，一 套 西 方 既 精 裝 追 女 仔，d 攪 笑 位 老 土 得 黎 又 幾 好 笑，用 黎 relex 一 下 唔 錯。
7月9日 (星 期 六)
原 本 今 日 跟 中 心 去 西 灣 宿 營，點 知 天 公 不 做 美，係 咁 落 雨，camp 最 後 都 要 取 消，最 失 望 係 果 班 學 生，佢 地 強 烈 要 求 落 雨 都 出 發，但 為 左 佢 地 安 全 都 係 要 取 消，我 地 本 身 都 有 少 少 失 望，之 前 以 經 plan 好 晒 玩 乜 遊 戲，而 家 全 部 玩 唔 到，夜 晚 重 要 開 始 好 天，真 係 整 定 唔 俾 你 去。
7月10日 (星 期 日)
今 日 去 左 會 董 屋 企 攪 大 食 會，唔 知 乜 野 原 因，誤 會 多 多，攪 到 我 地 一 頭 霧 水。今 日 整 左 雜 果 西 瓜 盆，會 董 又 整 最 拿 手 既 taramisu，其 實 都 真 係 幾 簡 單，我 下 次 又 試 下 自 己 整 先。呀 楊 就 第 一 次 整 者 喱，睇 住 個 盒 既 說 明 黎 做，整 左 3 盆，只 有 一 盆 成 功，不 過 都 係 講 心 意，會 董 既 結 他 sir 同 埋 penny 整 左 d 蝦，大 大 隻 又 好 味。之 後 出 元 朗 一 間 酒 樓 食 飯，呢 間 我 以 前 幫 襯 過，都 唔 錯，今 日 人 多 叫 左 好 多 野 食，不 過 好 多 都 係 熱 氣 野，遲 d 要 飲 涼 茶 清 熱 氣 先 得。
7月11日 (星 期 一)
原 本 plan 左 下 星 期 日 同 班 7 月 之 星 攪 既 生 日 會，叫 下 叫 下 叫 左 十 幾 人，相 信 係 有 紀 錄 以 黎 最 多 人 一 齊 出 黎 食 飯 既 一 次，大 家 都 好 期 待 今 次 既 飯 局，因 為 有 d 人 真 係 好 耐 冇 見，難 得 佢 地 又 一 口 答 應 話 得 閑，好 開 心。
7月12日 (星 期 二)
尋 日 起 街 上 面 見 到 個 負 心 漢，身 邊 既 朋 友 已 經 對 佢 完 全 失 望，見 到 佢 都 視 而 不 見。
7月13日 (星 期 三)
今 日 剪 髮，幫 襯 開 既 師 父 好 忙，洗 頭 既 時 間 重 長 過 剪 既，定 係 我 冇 乜 頭 髮 可 以 俾 佢 剪。
7月14日 (星 期 四)
個 fd 個 電 話 起 早 幾 日 跌 落 水 遇 溺 身 亡，但 佢 一 d 都 唔 覺 可 惜，因 為 個 型 號 都 非 常 之 舊，可 以 俾 個 藉口 佢 自 己 換，同 佢 睇 左 一 陣 電 話，d 款 多 到 睇 唔 晒 咁 滯，駛 唔 駛 出 得 咁 密。
7月15日 (星 期 五)
今 晚 肥 健 請 食 飯，慶 祝 佢 轉 工，地 點 係 好 耐 冇 去 既 銀 菱，我 都 幾 鐘 意 食 呢 間 野，味 道 唔 錯，而 且 而 家 都 多 左 好 多 人 黎 幫 襯，唔 似 早 期 咁 冷 冷 清 清，志 遠 冇 見 一 排，好 似 成 個 人 都 開 朗 左，死 仔 重 話 我 你 好 似 有 d 中 年 危 機，好 少 聽 佢 講 呢 d 野，之 後 去 左 尖 沙 咀 食 雪 糕，有 間 叫 da dalac，d 雪 糕 好 似 加 左 層 油 一 樣 ，好 滑，而 且 有 好 多 款，要 試 有 排 試。
7月16日 (星 期 六)
之 前 借 左 人 地 隻 史 力 加 第 一 集，好 耐 都 冇 睇，今 日 終 於 睇 到，覺 得 唔 夠 第 二 集 咁 好 笑，而 且 d 動 作 行 為 初 初 睇 都 幾 嘔 心，反 而 鐘 意 佢 果 d 童 話 故 事 既 配 角，幾 得 意。夜 晚 睇 左 奪 命 真 夫 大 結 局，冇 乜 追 開 但 間 唔 中 會 望 下，溫 兆 倫 都 冇 義 不 容 情 果 陣 咁 奸，如 果 佢 再 心 痕 手 辣 一 d 相 信 會 更 吸 引。再 夜 d 睇 埋 掌 門 人 不 敗 之 迷....無 聊，但 原 來 今 晚 亞 視 做 亞 洲 先 生，真 係 唔 知 有 幾 耐 有 冇 襟 過 去 亞 視 lu。
7月17日 (星 期 日)
今 日 真 係 熱 死 人，夜 晚 係 我 地 為 7 月 既 壽 星 仔 女 攪 既 生 日 飯 局，亦 係 有 紀 錄 以 黎 最 多 人 出 席 既 一 次 聚 會，有 5 個 因 事 黎 唔 到，都 有 15 人 出 席，陣 容 龐 大，起 佐 敦 book 左 一 間 私 房 菜 食 越 南 野，大 家 咁 耐 冇 見 當 然 雞 啄 唔 斷，反 而 平 時 多 多 野 講 既 菠 蘿 同 會 董 又 出 奇 地 靜，的 水 華 唔 知 係 咪 教 書 教 得 太 辛 苦，講 野 語 無 倫 次，直 頭 有 d 野 講 得 都 幾 過 份，唔 知 有 冇 激 嬲 人。飯 後 就 有 部 份 人 落 左 尖 沙 咀 飲 野，諾 士 佛 臺果 條 酒 吧 街 飲 野，我 地 第 一 次 見 到 有 水 煙 既 飲 品，同 睇 以 前 中 史 書 既 一 樣，一 個 玻 璃 大 樽，好 似 食 煙 咁 吸 入 去，侍 應 姐 姐 話 只 係 60 蚊 一 杯，又 話 唔 會 上 癮，不 過 我 地 冇 人 敢 試..... 傾 傾 下 成 11 點 幾 先 至 走.....好 開 心，下 次 咁 多 人 聚 會 唔 知 會 唔 會 係 一 年 後。
7月18日 (星 期 一)
熱 到 爆，放 工 落 車 返 屋 企 果 5 分 鐘 路 都 可 以 行 到 濕 晒，屋 企 隻 貓 熱 到 灘 左 起 度 唔 郁。
7月19日 (星 期 二)
今 晚 返 中 心 為 左 星 期 日 去 三 門 仔 既 活 動 做 一 個 簡 介 會，參 加 者 多 數 都 熟 口 熟 面，果 然 係 呢 度 長 期 既 支 持 者，唯 一 唔 同 既 係 佢 地 變 得 越 黎 越 大 過，同 初 初 見 果 陣 都 高 左 好 多。
7月20日 (星 期 三)
今 日 有 少 少 偏 財 運....hehe，夜 晚 原 本 約 左 兩 個 人 交 收 d 野，點 知 其 中 一 個 竟 然 甩 底，又 冇 電 話 又 唔 見 人，好 彩 另 一 個 守 時 又 有 禮，都 冇 咁 嬲，夜 晚 d 雷 聲 好 厲 害，好 似 壞 左 既 燈 膽 一 樣 係 咁 閃 下 閃 下，重 落 大 雨，廚 房 冇 閂 窗，石 油 氣 爐 被 攻 陷，濕 晒......
7月21日 (星 期 四)
太 耐 冇 寫 日 記，唔 係 好 記 得 今 日 做 過 乜。
7月22日 (星 期 五)
今 晚 打 羽 毛 球，由 於 唔 夠 人 既 關 係，叫 小 吉 叫 左 d 朋 友 黎 打，同 佢 地 行 過 山，但 打 波 都 係 第 一 次，stephen 好 厲 害，唔 係 好 夠 佢 打，白 靈 同 馬 仔 就 可 能 比 較 少 打，另 外 carol 個 朋 友 都 唔 係 咁 識 打，今 日 試 左 打 發 球 權 既 玩 法，好 覆 雜，都 係 打 返 直 接 得 分 好 d。白 靈 今 晚 全 程 拎 住 部 新 買 既 手 電 話 係 咁 影 相，猜 對 手 又 影，傾 偈 又 影，過 馬 路 都 影，好 攪 笑。
7月23日 (星 期 六)
今 日 去 書 展，4 點 鐘 去 到 已 經 見 人 龍 排 到 好長，排 左 半 個 鐘 終 於 可 以 入 去，同 舊 年 一 樣 咁 多 人，今 年 d 書 都 幾 吸 引，好 多 都 有 興 趣，但 最 後 只 買 左 本 35 歲 前 必 做 的 33 件 事。原 本 有 興 趣 買 果 套 麥 嘜 4 隻 一 套 既 vcd，但 要 成 290 蚊，好 似 貴 左 d，打 消 左 個 念 頭，行 到 8 點 鐘，之 後 出 銅 鑼 灣 食 飯，原 本 打 算 去 峰 壽 司 食，但 相 信 會 太 多 人 排 隊 冇 去，最 後 起 time square 對 面 間 燒 又 燒 日 本 餐 廳 食，食 物 只 係 一 般，佢 果 兩 位 老 細 身 兼 埋 侍 應 一 職，個 樣 好 有 型，坐 既 位 置 重 可 以 睇 到 time square 個 大 電 視，唔 錯。
7月24日 (星 期 日)
今 日 同 中 心 班 小 朋 友 去 大 埔 三 門 仔 玩，先 去 馬 屎 洲 參 觀，今 日 都 幾 猛 太 陽，雖 然 路 程 唔 長，但 都 有 少 少 辛 苦，去 到 馬 屎 洲 之 後 遇 到 潮 漲，想 行 前 少 少 都 唔 得，唯 有 起 附 近 玩，之 後 行 返 沿 路 出 去 酒 家 食 飯，天 氣 太 熱，食 飯 都 冇 乜 胃 口。飯 後 去漁 船 參 觀，同 漁 民 傾 左 大 約 一 個 鐘，了 解 左 佢 地 既 生 活，男 仔 始 終 對 於 賀 駛 倉 有 d 興 趣，參 觀 完 後 就 搭 車 返 中 心，回 程 途 中 同 佢 地 玩 車 上 遊 戲，之 前 買 左 本 海 龜 湯 既 書 今 日 終 於 有 用 武 之 地，小 朋 友 又 學 到 野 又 可 以 玩，比 iq 題 有 趣 得 多。
7月25日 (星 期 一)
尋 晚 睇 香 港 先 生 選 舉，娛 樂 性 都 幾 豐 富，班 女 人 好 似 未 見 過 男 人 咁，成 日 都 叫，唔 通 d 肌 肉 男 真 係 咁 著 數。今 日 返 到 屋 企 發 現 壞 左 電 飯 煲，檢 查 後 發 覺 佢 漏 電，入 面 已 經 生 晒 銹，唔 怪 得 會 壞，唯 有 換 過 新。
7月26日 (星 期 二)
今 晚 出 左 旺 角，shopping 癮 發 作 諗 住 買 野，雖 然 有 睇 中 既 野 但 都 冇 買，都 幾 忍 得 手。
7月27日 (星 期 三)
呢 排 睇 緊 起 書 展 買 果 本 35 歲 前 必 做 的33 件 事，睇 左 10 樣，覺 得 佢 講 d 野 都 幾 表 面，知 易 行 難。
7月28日 (星 期 四)
幫 shrley 整 機，夜 晚 起 佢 地 度 食 飯，佢 地 兩 公 婆 真 係 好 客 氣，成 日 都 覺 得搵 我整 機 唔 好 意 思，大 家 重 傾 下 工 作 上 面 既 野，大 家 諗 法 其 實 差 唔 多，可 能 我 自 己 都 已 經 慢 慢 變 成 長 輩。
7月29日 (星 期 五)
今 晚 表 哥 結 婚，但 冇 擺 酒 只 係 請 食 飯，一 去 到 酒 樓 就 俾 d 親 戚 捉 左 去 玩 0助 大 D，5 毫 子 一 隻，玩 左 幾 舖 都 有 d 收 獲，起 呢 個 時 候 佢 地 突 然 話 去 打 麻 雀，同 佢 地 呢 班 高 手 打 已 經 有 d 怯 場，加 上 後 面 個 師 奶 係 咁 起 我 後 面 指 指 點 點，令 到 我 更 加 分 神，打 左 半 個 鐘 就 輸 左 我 成 張 一 百 蚊 ，心 諗 簡 直 係 警 訊 既 騙 案 一 樣，今 晚 亦 都 係 我 咁 多 年 以 來 第 一 次 同 d 親 戚 打 麻 雀，呢 個 時 候 食 飯 鐘 一 響，簡 直 係 天 使 既 鐘 聲，甩 難，去 食 飯 喇。今 餐 都 好 豐 富，食 得 好 飽，今 晚 知 道 左 個 唔 好 既 消 息，其 中 一 個 表 姐 有 病，雖 然 有 買 保 險 但 唔 知 佢 醫 好 未，佢 舊 年 先 結 婚 估 唔 到 會 發 生 d 咁 既 事，身 體 健康 點 都 係 緊 要 過 有 錢。
7月30日 (星 期 六)
全 日 都 落 大 雨，出 街 好 唔 方 便，今 晚 睇 左 神 奇 四 俠，一 套 幾 簡 單 既 西 片，唔 駛 點 諗，但 坐 隔 離 既 小 朋 友 就 認 真 煩，成 日 起 度 嘈，雖 然 佢 父 母 都 成 日 叫 佢 收 聲，但 小 朋 友 始 終 都 好 難 叫 佢 坐 定 定 唔 郁，睇 得 好 唔 開 心。
7月31日 (星 期 日)
今 日 起 旺 角 打 算 睇 七 劍，起 百 老 匯 等 入 場 果 陣 竟 然 俾 我 近 距 離 見 到 拳 霸 tony jaa，佢 真 人 都 唔 係 好 高，睇 佢 個 樣 都 幾 nice 同 埋 有 少 少 怕 醜 咁，可 惜 冇 相 機 影 唔 到 佢。講 返 套 七 劍，其 實 都 ok，但 交 待 d 人 物 就 認 真 簡 單，幾 句 說 話 已 經 講 完，套 戲 兩 個 半 鐘 都 唔 講 得 晒，而 且 冇 乜 邊 個 主 角 係 最 突 出，奸 角 反 而 佔 左 多 d 戲 份，成 套 戲 最 攪 笑 都 係 見 到 王 敏 德 客 串 其 中 一 個 角 色，有 少 少 無 離 頭。之 後 食 鐵 板 燒，見 到 個 師 父 好 忙 冇 停 個 手，亦 因 為 咁 坐 起 度 等 既 時 候 都 幾 耐，呢 個 時 候 諗 起 遊 戲 機 果 隻 揀 材 料 整 野 食 俾 客 人 既 game，不 過 當 然 唔 會 有 等 耐 左 發 脾 氣 呢 part，而 且 個 師 父 都 幾 有 禮，等 耐 d 都 值 得。