6月1日 (星 期 三)
今 晚 去 左 食 cake buffet，都 係 果 間 italian tomato，但 佢 已 經 冇 以 前 咁 多 人，坐 左 一 半 人 都 冇，而 且 食物 方 面 都 冇 乜 點 加 款，來 來 去 去 都 係 果 d，以 後 唔 駛 拎 籌 walk in入 都 ok。
6月2日 (星 期 四)
廚 房 裝 修 左 一 個 星 期 喇，接 近 尾 聲。
6月3日 (星 期 五)
原 本 聽 日 去 釣 墨 魚，但 天 氣 咁 唔 穩 定，最 後 取 消。
6月4日 (星 期 六)
廚 房 終 於 裝 修 完，加 多 2 千 8 整 埋 個 鋁 窗，9 千 7 喇.................
6月5日 (星 期 日)
8 點 幾 俾 個 裝 修 師 父 整 醒，就 咁 俾 佢 整 醒之 後 訓 唔 著，原 本今 朝 行 山，但 天 雨 關 係 都 係 冇 去，下 午 出 左 陣 銅 鑼 灣，剩 係 用 10 蚊 買 左 個 架，之 後 又 落 大 雨，好 彩 帶 左 傘，唔 係 又 實 濕 晒。
6月6日 (星 期 一)
屋 漏 兼 逢 連 夜 雨....連 個 水 箱 都 俾 個 妹 整 壞 埋，裝 修 師 父...又 有 錢 俾 你 駛 喇。
6月7日 (星 期 二)
之 前 既 投 資 有 d 損 手，最 近 叫 做 好 返 d，但 都 係 蝕......
6月8日 (星 期 三)
今 晚 同 班 朋 友 去 九 龍 城 食 日 式 buffet，120 蚊 一 個 都 叫 抵，刺 身 三 文 魚 呢 d 一 定 要 係 咁 叫，重 有 雞 軟 骨，真 係 食 多 多 都 唔 會 厭，有 呀 榮 呢 個 大 胃 王 起 度，個 個 都 收 晒 手 佢 都 重 係 咁 叫，佢 個 胃 簡 直 係 無 盡 既 黑 洞，今 日 見 到 家 康 著 左 條 勁 低 腰 既 褲，衫 後 面 成 個 8 月 15 露 晒 出 黎，重 俾 其 他 人 係 咁 扯 高 佢 件 衫，我 真 係 笑 到 肚 痛，但 見 到 又 真 係 幾 嘔 心。
6月9日 (星 期 四)
今 晚 去 表 姐 度 食 飯，而 且 幫 佢 整 電 腦，食 到 好 飽，條 蒸 魚 好 好 食，飯 後 重 有 西 瓜，如 果 我 餐 餐 咁 食 應 該 好 快 變 肥 仔。
6月10日 (星 期 五)
原 本 今 晚 釣 墨 魚，但 朋 友 果 邊 book 唔 到 船，取 消 啦 ............
6月11日 (星 期 六)
今 日 端 五 節，可 以 放 多 半 日 假，屋 企 個 廚 房 同 鋁 窗 終 於 裝 修 好 喇，下 午 有 個 朋 友 上 左 黎 屋 企 整 野，佢 係 都 要 食 雪 糕，於 是 佢 自 己 出 錢 買 左 兩 盒 家 庭 裝 雪 糕 上 黎，26 蚊 兩 盒 又 真 係 幾 抵。
6月12日 (星 期 日)
今 晚 收 到 一 個 令 人 驚 喜 既 消 息，本 來 希 望 打 算 3 年 後 做 到 既 事 變 成 即 刻 做 到，心 情 確 係 有 點 興 奮。
6月13日 (星 期 一)
今 日 係 呀 LO 生 日，同 佢 由 中 學 識 到 而 家，都 已 經 10 幾 年，希 望 佢 早 日 搵 到 份 長 工，唔 駛 成 日 做 兼 職 教 師 咁 唔 穩 定。
6月14日 (星 期 二)
今 晚 睇 左 史 密 夫 對 史 密 妻，一 套 睇 得 幾 輕 鬆 既 作 品，兩 個 主 角 都 好 有 型，但 後 期 d 故 事 睇 睇 下 好 似 有 少 少 胡 鬧，美 中 不 足。
6月15日 (星 期 三)
今 晚 同 前 豬 扒 同 好 會 前 董 補 做 生 日，肥 健 死 都 要 同 佢 去 扒 王 之 王 食，話 要 襯 返 佢 身 份，自 從 佢 拍 拖 後 都 少 左 出 黎 玩，但 佢 把 口 依 然 係 唔 會 停，而 且 重 成 日 好 似 紅 娘 咁，周 圍 幫 人 撮 合 姻 緣，睇 黎 佢 遲 d 可 以 自 己 攪 返 間 婚 姻 介 紹 所。夜 晚 既 扒 王 之 王 基 本 上 同 朝 早 既 食 物 差 唔 多，但 價 錢 就 貴 左，由 於 平 時 lunch 都 會 起 度 食，今 次 自 己 都 唔 食 扒，叫 左 個 焗 飯，食 到 個 肚 好 飽。
6月16日 (星 期 四)
今 晚 搵 左 carman 帶 我 行 apm，自 己 本 身 係 第 一 次 黎，carman 佢 就 係 地 頭 虫，麻 煩 晒 佢 好 詳 盡 咁 講 解 左 每 層 有 d 乜 野睇，行 過 之 後 感 覺 上 覺 得 佢 係 行 得 舒 服 d 既 朗 豪 坊，一 d 都 唔 迫，而 且 人 流 都 唔 少，無 印 重 大 間 過 旺 角 果 間，而 且 今 晚 食 果間 泰 國 餐 廳 d 野 幾 好 食，遲 d 可 以 約 成 班 人 一 齊 黎 大 食 一 餐 先 得。
6月17日 (星 期 五)
今 晚 打 羽 毛 球，可 能 之 前 果 幾 日 都 出 左 街 既 關 係，感 覺 上 好 累，但 一 上 到 場 就 點 都 落 力 打，fanny 今 晚 成 為 眾 矢 之 的，成 日 將 d 波 打 落 佢 度，佢 自 己 又 成 日 好 似 幅 牆 咁 企 定 定，唔 打 中 佢 都 幾 難，夜 晚 飯 局 佢 果 種 蜜 運 中 既 表 情 好 快 又 俾 人 睇 穿 佢 又 談 戀 愛，今 晚 佢 重 唔 俾 人 玩 死............又 可 能 玩 得 太 癲，起 意 粉 屋 兩 次 倒 瀉 水，重 淋 落 我 度，好 彩 唔 係 好 中，唔 係 都 唔 知 點 走。
6月18日 (星 期 六)
今 日 發 生 左 件 趣 事，朋 友 去 旅 行 竟 然 大 頭 蝦 到 唔 記 得 帶 錢，於 是 拿 拿 臨 搭 車 拎 出 去 俾 佢，真 係 俾 佢 激 死。
6月19日 (星 期 日)
今 日 做 左 件 好 有 意 義 既 事，唔 出 街 全 日 留 起 屋 企，出 去 都 唔 知 做 乜 好，又 冇 戲 好 睇，全 日 就 起度 玩 電 腦。
6月20日 (星 期 一)
原 本 封 塵 三 俠 聽 晚 先 聚 會，臨 時 改 左 做 今 日，3 個 人 就 去 左 葵 芳 打 冷，重 要 坐 街 邊，好 有 無 間 道 第 二 集 既 feel，何 伯 搵 到 新 工 順 便 同 佢 慶 祝，雖 然 冇 得 放 星 期 六 同 日，但 個 人 工 都 叫 唔 錯，玩 少 d 又 可 以駛 少 左 錢 ，算 係 唔 錯，我 都 想 做。
6月21日 (星 期 二)
朝 早 7 點 俾 個 天 既 行 雷 聲 整 醒，有 冇 咁 大 雨 呀，跟 住 又 訓 返，再 起 身 果 陣 已 經 遲 左，俾 雷 公 整 蠱 左，但 出 面 真 係 好 大 雨，返 到 公 司 成 條 褲 都 濕 晒，黎 緊 呢 個 星 期 都 係 咁，睇 黎 呢 個 星 期 冇 一 日 會 好 天。
6月22日 (星 期 三)
個 妹 同 男 仔 鬧 翻，而 家 自 己 搬 出 黎 同 朋 友 住，睇 黎 可 以 復 合 機 會 都 幾 微。
6月23日 (星 期 四)
公 司 其 中 一 個 客 戶 清 盤，重 上 埋 報 紙，睇 黎 d 貨 款 都 未 必 收 得 返。今 日 發 現 個 mon 有 d 唔 妥，d 色 時 光 時 暗，睇 黎 遲 d 又 要 換。
6月24日 (星 期 五)
今 日 幫 表 姐 整 電 腦，實 際 上 乜 野 都 冇 壞 到，只 係 佢 地 冇 耐 性 又 緊 張。
6月25日 (星 期 六)
今 日 終 於 叫 做 好 天，雖 則 都 間 唔 中 有 雨，但 影 響 唔 大，行 街 既 人 多 左，原 本 想 起 銅 鑼 灣 買 對 鞋，點 知 個 商 場 D 鞋 舖 間 間 都 唔 見，最 後 乜 都 冇 買。但 起 TIME SQUARE 既 PAGE ONE 書 店 買 左 本 書，玩 推 理 遊 戲，好 正，同 D 朋 友 用 黎 打 發 時 間 就 0岩 晒。
6月26日 (星 期 日)
今 日 去 左 朋 友 個 朋 友 既 住 客 會 所 打 波，起 粉 嶺 某 屋 苑，但 唔 得 個 名，55 蚊 一 個 鐘，但 個 場 同 我 打 開 果 種 好 似 細 左 d，唔 駛 點 走 都 打 到，但 原 本 book 左 3 個 鐘，唔 知 係 咪 會 所 職 員 攪 錯，只 係 俾 左 兩 個 鐘 我 地，book 場 果 個 又 冇 乜 所 謂 唔 同 佢 傾，眼 白 白 睇 住 佢 俾 左 個 場 人，真 係 唔 抵。
6月27日 (星 期 一)
打 左 場 波 之 後 隻腳 同 隻 手 都 有 d 累，唔 覺 唔 覺 計 返 尋 日 都 連 續 打 左 好 耐。
6月28日 (星 期 二)
又 落 大 雨，真 係 冇 時 停。
6月29日 (星 期 三)
欠 公 司 最 大 數 既 其 中 一 個 客 戶 今 日 定 左 還 款 大 計，由 於 數 目 都 唔 少，佢 咁 樣 還 都 要 成 幾 年 先 清 到，到 時 間 公 司 都 唔 知 重 起 唔 起 度。
6月30日 (星 期 四)
有 一 段 時 間 冇 食 麥 記，今 日 去 到 發 現 佢 冇 左 雙 層 芝 士 孖 寶 個 餐，我 既 最 愛 以 後 要 變 成 散 叫 先 掂。