6月1日 (星 期 五)

兩 個 月 前 辭 職 既 採 購，今 日 竟 然 返 返 黎 公 司，聽 佢 講 原 來 係 老 細 叫 返 佢 返 黎，雖 然 聽 落 佢 都 唔 係 好 想 返，但 應 該 係 俾 左 d 好 吸 引 既 條 件 佢 先 會 肯 返 黎.....

6月2日 (星 期 六)

放 工 走 左 去 行 沙 田，人 好 多，加 上 西 田 今 日 又 有 大 減 價，迫 到 行 都 行 唔 到，確 實 又 真 係 好 多 野 都 幾 吸 引 人，但 自 己 就 冇 乜 野 想 買。

6月3日 (星 期 日)

今 日 真 係 熱 到 爆 炸，行 一 陣 已 經 覺 得 好 焗，透 氣 都 特 別 辛 苦。

6月4日 (星 期 一)

話 說 今 晚 睇 緊 電 視，隻 貓 企 左 起 度 發 呆，突 然 有 隻 壁 虎 起 幅 牆 行 過，估 唔 到 佢 一 把 年 紀 竟 然 可 以 即 刻 衝 入 幅 牆 度 捉 佢 出 黎，條 壁 虎 俾 佢 嚇 到 條 尾 都 甩 埋，我 只 可 以 講 句，貓 仔 你 好 野。

6月5日 (星 期 二)

今 日 公 司 又 走 一 個 同 事，佢 係 工 程 部 做 左 成 8 年，人 事 變 化 起 呢 度 已 經 變 成 左 平 凡 事，來 得 突 然，去 得 突 然。

6月7日 (星 期 四)

借 孖 展 其 實 好 簡 單，冇 想 像 中 咁 覆 雜，但 息 口 相 當 高，賺 死 銀 行。

6月8日 (星 期 五)

今 晚 同 欣 食 飯 補 祝 生 日，佢 終 於 讀 完 兩 年 既 設 計 課 程，可 以 relax 一 返，之 後 佢 又 繼 續 報 其 他 美 術 課 程，果 然 有 藝 術 家 既 潛 質。

6月9日 (星 期 六)

夜 晚 訓 訓 下 俾 雷 聲 嘈 醒，出 面 大 雨 到 得 人 驚，直 至 天 光 都 未 停。

6月10日 (星 期 日)

雨.......未 停 過

6月13日 (星 期 三)

今 日 係 呀 lo 同 我 呀 姨 生 日....生 日 快 樂

6月14日 (星 期 四)

出 門 口 見 咁 大 雨，帶 埋 把 新 傘 出 門 口，點 知 唔 止 大 雨，重 好 大 風，把 傘 就 咁 俾 佢 屈 斷，幾 咁 兒 戲。

6月15日 (星 期 五)

呢 排 都 冇 乜 去 過 機 舖， 今 日 行 左 上 去，都 係 同 以 前 一 樣，齋 睇 唔 玩，可 能 真 係 已 經 對 遊 戲 機 既 興 趣 細 晒。

6月16日 (星 期 六)

今 晚 睇 左 魔 盜 王 最 後 一 集，覺 得 第 三 集 娛 樂 性 都 非 常 高，其 中 第 一 集 既 馬 騮 仔 變 得 出 位 好 多，好 多 位 都 係 佢 帶 出 黎，尾 段 既 海 戰 亦 非 常 精 彩，特 技 玩 晒，結 局 就 有 少 少 令 人 傷 感，重 有 周 潤 發 都 幾 型 丫，但 後 段 已 經 死 左，可 惜。

6月17日 (星 期 日)

今 日 幫 terri 做 義 工，帶 班 失 明 人 士 去 科 學 園 同 埋 流 浮 山，最 後 去 錦 田，科 學 園 自 己 都 係 第 一 次 去，好 似 一 間 學 大 學 咁，每 座 大 廈 都 差 唔 多 樣，感 覺 行 行 下 就 會 盪 失 路 一 樣，所 謂 既 參 觀 都 係 去 佢 樓 下 既 大 堂 睇 幾 個 展 品，冇 想 像 中 咁 高 科 技 喎。之 後 出 發 去 流 浮 山 食 海 鮮，中 途 發 生 左 段 小 插 曲，就 係 同 抬 既 兩 家 人 竟 然 為 小 事 爭 執，雖 然 最 後 都 冇 事 (表 面 上)，但 一 睇 就 知 佢 地 兩 個 互 相 唔 妥，呢 餐 食 得 唔 多，40 蚊 好 似 唔 抵。之 後 去 錦 田 帶 佢 地 參 觀 一 個 類 似 大 笪 地 咁 既 地 方，乜 都 有 得 買，有 d 國 畫 成 萬 幾 蚊 就 咁 放 起 度，唔 知 真定 假，之 後 送 左 佢 地 上 旅 遊 巴 自 己 就 起 元 朗 走，第 一 次 帶 失 明 人 仕 去 活 動，感 覺 其 實 都 唔 差，只 可 以 講 乜 野 人 都 有。

6月19日 (星期二)

今 日 端 五 節 正 日，約 左 成 班 中 心 朋 友 去 船 河，今 日 只 可 以 講 係 非 常 好 天，太 陽 曬 到 暈 果 隻，加 上 又 係 端 五 節，西 貢 有 龍 舟 比 賽，碼 頭 封 左 唔 用 得，上 遊 艇 要 轉 乘 駁 艇 出 發，開 船 後 一 個 二 個 急 不 及 待 就 換 晒 短 衫 短 褲 同 泳 衣，曬 太 陽 既 曬 太 陽，唱 k 既 唱 k，去 到 白 臘 灣 就 登 陸，個 沙 灘 俾 太 陽 曬 到 好 似 火 燒 腳 板 咁，彈 下 彈 下 黎 行，食 完 午 飯 後 都 冇 人 再 去 沙 灘，起 晒 船 上 面 玩 跳 海，唔 識 游 水 既 我 都 跳 左 5 次，真 係 要 讚 自 己 先 得，開 心 既 時 間 過 得 特 別 快，話 咁 就 完 左，出 返 去 等 巴 士 果 陣，條 龍 長 到 屈 返 出 馬 路，好 誇 張，之 後 出 返 沙 田 食 埋 飯 先 走，有 間 茶 餐 廳 呀 tim 介 紹，又 唔 錯 喎...得 閑 可 以 黎 試。

6月20日 (星 期 三)

玩 完 好 累 ，唔 想 返 工 呀~~

6月25日 (星 期 五)

今 晚 出 席 西 西 媽 媽 喪 禮，雖 然 人 大 左 去 過 唔 少 呢 d 場 合，但 始 終 都 係 覺 得 怪 怪 地，唔 係 好 慣。

6月26日 (星 期 六)

今 日 睇 神 奇 四 俠，呢 一 輯 4個 變 左 神 奇 廢 俠，焦 點 集中 晒 起 銀 魔 身 上，4 個 變 晒 小 丑 咁 負 責 攪 笑 位 出 黎，做 乜 神 奇 女 俠 黑 左 咁 多，第 一 集 靚 好 多。點 解 外 國 電 影 重 係 將 中 國 形 容 得 咁 落 後，周 圍 放 滿 晒 單 車，d 人 重 著 住 文 革 d 衫，真 係 當 我 地 完 全 冇 乜 進 步。

6月27日 (星 期 日)

下 午 同 呀 姨 去 怡 東 食 tea buffet，多 數 人 都 係 拎 住 信 用 咭 既 優 惠 黎 幫 襯，食 物 都 唔 算 多，我 志 在 食 甜 品，夜 晚 去 女 朋 友 姑 姐 度 整 電 腦，第 一 次 上 去，好 大 既 一 個 居 屋 單 位，3 個 人 住 真 係 夠 晒。樓 下 間餐 廳 d 野 都 幾 好 食，特 別 推 介 佢 既 凍 雞，咁 橋 電 視 做 緊 一 擲 千 金，個 參 加 者 拎 住 個 一 百 萬，最 後 佢 用 16 萬 賣 左，真 係 替 佢 可 惜。

6月29日 (星 期 二)

今 日 冇 乜 特 別，只 係 俾 大 陸 廠 果 邊 拖 到 遲 放 工。

6月30日 (星 期 三)

電 子 儀 器 憤 墓 起 邊，答 案 就 起 下 面，我 部 call 機 呀......