3月1日 (星 期 六)

二 月 有 好 多 唔 開 心 既 野，三 月 要 將 d 污 氣 洗 晒。網 友 LOUIS send 左 d 好 有 意 思 既 圖 俾 我，一 共 7 張 分 7 日 post 上 黎。

(第 一 張)

3月2日 (星 期 日)

今 日 同 wendy 佢 地 去 左 睇 芝 加 哥，之 前 睇 過 情 陷 紅 磨 坊，用 佢 黎 比 較，芝 加 哥 好 似 好 睇 d，拍 到 好 有 舞 台 劇 既 feel，音 樂 節 奏 好 快，反 而 情 陷 紅 磨 坊 就 情 歌 為 主，唔 係 咁 0岩 我，李 察 基 爾 依 然 咁 有 型，但 兩 個 女 主 角 就...........好 彩 演 技 搭 夠，幾 好 睇，近 期 必 睇 之 作。

(第 二 張)

3月3日 (星 期 一)

今 日 冇 乜 野 做 就 將 人 地 過 年 前 俾 我 整 既 機 拆 開 睇 下，開 頭 都 冇 乜 頭 緒，後 來 終 於 搵 到 原 因，整 返 好，呵 呵，又 有 人 請 食 飯。

(第 三 張)

3月4日 (星 期 二)

魔 鬼 肥 健，今 日 又 搵 我 去 食 飯，好 耐 冇 行 過 葵 芳，不 過 都 唔 係 好 多 野 睇，而 且 冇 乜 特 別 野 買，肥 健 佢 今 日 買 左 套 消 防 員 的 故 事 既 二 手 漫 畫，320 蚊 20 本，平 過 新 既 幾 十 蚊，而 且 都 幾 新 丫，算 抵 買。

3月5日 (星 期 三)

今 晚 terri 無 端 端 約 出 黎 食 飯，完 全 唔 知 為 乜，後 來 先 知 原 來 佢 升 職，不 過 佢 話 人 工 同 福 利 都 冇 變，唔 理 三 七 二 十 一 ，都 屈 佢 請 食 飯，去 左 食 泰 國 野，叫 左 個 餐，不 過 好 辣。之 後 就 行 下 街 睇 下 野 諗 住 去 飲 野，上 左 旺 角 間coco duck，坐 低 晒 諗 住 叫 果 陣 侍 應 先 講 間 野 未 有 酒 牌，一 心 想 飲 酒 最 後 叫 晒 雜 果 賓 治，不 過 都 算 啦，佢 地 都 好 好 禮 貌，而 且 環 境 幾 靜，下 次 再 去 飲 啦。

(第 四 張)

3月6日 (星 期 四)

今 日 係 jennifer 生 日，夜 晚 就 成 班 同 佢 一 齊 慶 祝，去 左 pizza hut 食，知 道 jennifer 怕 凍 就 夾 錢 買 左 件 風 褸 俾 佢，個 款 都 幾 靚，樹 春 下 星 期 二 生 日 就 襯 今 日 同 佢 慶 祝 埋，我 知 佢 個 keyboard 壞 就 買 過 另 一 個 俾 佢，呢 個 應 該 襟 用 d。之 後 諗 住 睇 戲，但 太 夜 先 上 畫，冇 睇，行 左 去 廟 街 睇 野，今 日 好 多 呀 婆 起 度 打 小 人，我 諗 冇 人 打 我 掛，哈....今 晚 又 轉 冷，跌 到 12 度，重 諗 住 收 埋 d 冬 天 衫 添，又 要 等。

兩 位 主 人 家

(第 五 張)

3月7日 (星 期 五)

(第 六 張)

3月8日 (星 期 六)

朝 早 呀 欣 打 黎 話 星 期 日 同 班 童 軍 BBQ，原 本 plan 左 既 星 期 日 活 動 要 改 改，好 耐 冇 燒 過 野 食 喇。

第 七 張
(再 一 次 感 謝 Louis 的 圖)

3月9日 (星 期 日)

一 早 去 城 門 水 塘 同 班 小 朋 友 bbq，今 日 唔 知 點 解 咁 凍，上 面 好 大 風，吹 到 10 隻 手 指 都 疆 埋，下 午 就 再 去 jennifer 度 幫 佢 整 部 機，欣 就 起 佢 度 玩 鋼 琴，終 於 俾 佢 成 功 彈 晒 首 歌 先 走，攪 笑。夜 晚 就 約 左 LOUIS 陪 我 買 電 話，本 身 已 經 有 心 水，都 唔 駛 點 睇 就 買 左，當 係 今 年 送 俾 自 己 既 禮 物 啦。

3月10日 (星 期 一)

星 期 一 牌 留 起 屋 企 唔 出 街，將 另 一 部 人 地 唔 要 既 電 腦 執 一 執 又 可 以 用 返，重 勁 過 我 而 家 用 緊 果 部，遲 d 進 行 大 手 術 將 兩 部 合 併 先。

3月11日 (星 期 二)

樹春，生日快樂~~~~~~~~你睇到嘛。

3月12日 (星 期 三)

今 晚 去 尖 沙 咀 皇 家 太 平 洋 酒 店 食 飯，目 的 係 為 肥 健 減 壓，佢 呢 排 做 野 好 辛 苦 咁，呢 度 d 自 助 餐 幾 好 食，推 介 佢 個 芝 士 蛋 糕 同 焗 田 螺，好 正，d 侍 應 態 度又 好 好，值 得 再 黎。之 後 去 睇 夜 魔 俠，不 過 我 覺 得 蜘 蛛 俠 好 睇 d，呢 套 有 d 似 蝙 蝠 俠，一 個 悲 劇 英 雄 的 誕 生。睇 完 戲 成 11 點 半，肥 健 重 要 去 打 埋 機 先 走，返 到 屋 企 成 1 點 鐘，睇 黎 應 該 幫 到 佢 減 壓。

3月13日 (星 期 四)

兩 個 有 心 病 既 人 終 於 冇 事，可 喜 可 賀。

3月14日 (星 期 五)

夜 晚 飲 左 杯 奶 茶 就 成 晚 訓 唔 著，重 發 左 個 惡 夢，恐 佈。

3月15日 (星 期 六)

今 日 收 到 一 張 賀 貼，又 有 人 結 婚 喇。

3月16日 (星 期 日)

今 日 起 街 撞 返 好 耐 冇 見 既 yoki 同 呀 儀 兩 姐 妹，佢 係 我 初 初 玩 電 腦 果 陣 起 網 上 面 識 既 朋 友，之 後 重 有 約 出 黎 玩，好 耐 冇 見 佢 地 lu，但 個 樣 都 冇 乜 點 變 ，yoki 依 然 係 傻 大 姐 咁，呀 儀 就 一 樣 咁 斯 文，大 家 除 左 老 左 睇 黎 都 冇 乜 點 變。4 月 有 兩 個 fd 生 日，今 晚 起 旺 角 買 左 份 禮 物 遲 d 俾 佢 地，見 到 有 件 野 好 攪 鬼，不 過 冇 買，留 返 俾 5 月 生 日 果個 人 先 送，0岩 晒 佢。

3月17日 (星 期 一)

食 得 熱 氣 野 多，牙 肉 又 有 D 唔 妥。

3月18日 (星 期 二)

點 解 政 府 D 羽 毛 球 場 咁 難 BOOK 架，諗 住 8 點 鐘 起 身 即 刻 上 網 訂，但 都 冇 喎，激 死~~原 本 聽 日 諗 住 可 以 打 羽 毛 球，點 知 今 日 上 網 check 真 d 個 日 子 原 來 係上 星 期 3 既 場，我 竟 然 miss 左，真 係 激 死，冇 左 132 蚊 呀。

3月19日 (星 期 三)

原 本 諗 住 今 日 打 波 點 知 自 已 疏 忽 攪 到 冇 得 打，唯 有 化 悲 憤 為 食 量，見 自 己 有 張 自 助 餐 既 coupon 就 去 試 下，地 點 係 紅 磡 海 逸 酒 店，呢 度 環 境 幾 好 幾 靜，重 有 個 海 景，食 物 方 面 都 幾 豐 富，但 主 菜 d 野 麻 麻，比 較 鐘 意 佢 個 印 度 菜 飯，重 有 新 鮮 炸 好 既 天 婦 羅，反 而 佢 d 甜 品 好 好 食，食 左 好 多，芝 士 蛋 糕 同 埋 芒 果 餅 都 好 正，食 完 飽 到 唔 想 郁 咁 滯，重 俾 我 起 度 見 到 明 星 陳 妙 瑛，佢 真 人 都 好 高 好 靚，果 然 有 d 星 味，呢 餐 埋 單 一 個 人 成 二 百 幾 蚊 好 似 唔 係 咁 值。

3月20日 (星 期 四)

成 日 聽 住 收 音 機，都 係 播 緊 美 伊 大 戰 既 消 息，聽 到 收 音 機 入 面 好 多 人 講 都 唔 想 打 仗，戰 爭 真 係 可 怕。

3月21日 (星 期 五)

睇 黎 最 近 d 衰 野 重 係 未 完 結，今 日 又 到 屋 企 支 燈 壞，都 唔 知 壞 乜 開 極 都 開 唔 到，又 要 搵 人 黎 睇。

3月22日 (星 期 六)

今 日 無 端 端 喉 嚨 痛，睇 黎 就 快 病，尋 日 見 到 同 事 有 d 傷 風 估 唔 到 咁 快 就 傳 染 左，今 日 同 個 friend 出 黎 食 飯，佢 本 身 又 有 病，大 家 都 要 食 d 清 淡 野，最 後 試 左 間 上 海 小 菜 館，幾 好 味，見 有 d 時 間 就 去 睇 埋 下 一 站 天 后，原 本 諗 住 係 笑 片，但 睇 落 又 唔 係 好 好 笑，都 幾 好 睇，睇 戲 途 中 見 有 人 咳，都 幾 驚 係 咪 肺 炎，見 街 上 面 d 人 都 多 左 人 口 罩，睇 黎 呢 個 病 真 係 好 另 人 心 惶 惶。

3月23日 (星 期 日)

尋 日 食 左 d 藥 訓 覺，今 日 起 身 都 冇 乜 野，但 可 能 唔 夠 訓 始 終 有 d 累，今 日 同 eva 佢 地 去 行 山，地 點 係 香 港 徑 第 3 第 4 段，浴 途 其 實 都 冇 乜 特 別 既 景點，四 圍 都 係 d 樹，好 彩 今 日 冇 太 陽，而 且 都 幾 涼，行 起 上 黎 都 唔 算 好 辛 苦，全 程 行 左 14 公 里，話 長 唔 長，d 家 庭 行 既 話 就 0岩 0岩 好，途 中 發 生 左 d 趣 事，有 另 一 班 小 朋 友 見 我 地 班 小 朋 友 咁 細 過 都 可 以 行 到 咁 長 既 路，佢 地 竟 然 派 糖 獎 勵 佢 地，小 朋 友 有 糖 食 當 然 開 心，都 要 多 謝 呢 班 小 朋 友 先。可 能 起 山 上 面 吹 左 風，出 返 黎 竟 然 又 開 始 流 鼻 水，出 返 荃 灣 唯 有 食 左 碗 粥 就 返 屋 企 休 息，唔 好 變 成 大 病 就 好。

3月24日 (星 期 一)

如 我 所 料，真 係 病 左，成 日 都 冇 乜 精 神。

3月25日 (星 期 二)

肺 炎 恐 慌 真 係 開 始 蔓 延，好 多 藥 房 都 冇 口 罩 買，街 上 面 就 真 係 多 左 人 帶 口 罩，真 係 另 人 擔 心。

3月26日 (星 期 三)

都 重 係 有 d 咳，但 其 他 一 切 正 常，我 諗 唔 係 肺 炎 掛。

3月27日 (星 期 四)

起 警 訊 成 日 見 到 有 街 頭 騙 案，估 唔 到 今 日 竟 然 俾 我 起 大 陸 見 到，同 警 訊 做 既 有 9 成 相 似，6 個 騙 子 扮 鬼 扮 馬，諗 住 扼 d 貪 心 人，好 彩 冇 人 上 當。街 上 面 多 左 好 多 人 帶 口 罩，除 左 藥 房 其 他 冇 乜 關 係 既 舖 頭 都 有 賣，士 多...報 紙 檔 等 等，連 流 動 小 販 都 有，餐 廳 又 真 係 少 左 人 幫 襯，商 場 8 點 幾 都 冇 乜 人 流，最 多 人 既 我 估 係 機 舖，人 山 人 海，唔 知 會 唔 會 係 病 菌 既 瘟 狀。

3月28日 (星 期 五)

肺 炎 恐 慌，學 校 下 星 期 停 課，好 似 越 黎 越 大 件 事 咁，夜 晚 返 中 心 個 個 都 帶 晒 口 罩，所 有 活 動 班 又 取 消，都 未 見 過 d 咁 既 事，幾 時 先 好 返。

3月29日 (星 期 六)

收 工 後 去 拜 山，往 年 呢 個 時 候 好 多 人 上 山，不 過 今 日 唔 係 太 多，可 能 大 家 都 避 肺 炎 唔 敢 出 街，香 港 九 龍 新 界 都 有 人 病，唔 會 真 係 蔓 延 出 去 掛。

3月30日 (星 期 日)

今 日 到 元 朗 整 機，元 朗 都 幾 多 人 出 街，但 多 數 人 都 有 帶 口 罩，呀 欣 佢 今 日 好 攪 鬼，幫 佢 整 機 果 陣 問 左 我 成 2 0 次 食 唔 食 西 餅，食 唔 食 西 瓜，見 我 整 機 佢 又 話 好 悶 跟 住 就 自 己 起 度 執 屋，將 佢 平 時 屋 企 既 生 活 狀 況 做 晒 出 黎，佢 呀 媽 講 野 似 足 佢，句 句 頂 心 頂 肺，可 能 呢 d 係 佢 地 溝 通 方 式，整 完 之 後 重 請 我 食 b 仔 涼 粉，最 衰 得 兩 個 人，如 果 多 d 人 可 以 叫 佢 大 碗 果 d 食。

3月31日 (星 期 一)

聽 收 音 機 講 淘 大 花 園 E 座 成 楝 要 隔 離 10 日 唔 俾 人 出 入，估 唔 到 會 咁 嚴 重，睇 黎 D 住 客 好 不 滿，不 過 為 左 防 止 再 擴 散 咁 做 或 者 都 好 既。