3月1日 (星 期 一)
喉 嚨 唔 多 妥，有 三 大 疑 兇，
1.尋 日 食 既 叉 雞 飯
2. 屋 企 既老 婆 餅
3.街 邊 炸 薯 餅。
知 道 答 案 寄 e-mail 俾 我..........
3月2日 (星 期 二)
勁.....公 司 好 多 野 做，同 事 講 左 句....都 係 忙到 星 期 5 姐。
3月3日 (星 期 三)
無 端 端 又 凍 返，聽 日 得 12 度，加 上 有 幾 聲 咳....保 重。
3月4日 (星 期 四)
話 口 未 完，果 頭 就 病 左....
3月5日 (星 期 五)
驚 蟄.....屋 企 樓 下 見 到 好 多 師 奶 起 度 打 小 人，乜 真 係 咁 多 咩?
3月6日 (星 期 六)
放 工 見 有 時 間 去 拜 山，雖 然 離 清 明 重 有 成 個 月，但 已 經 有 唔 少 人 上 去 拜 山，連 路 都 封 埋，好 彩 重 有 巴 士 上 去。夜 晚 幫 jennifer 做 生 日，起 酒 樓 食 餐 晚 飯，佢 4 月 就 去 英 國 讀 書，都 唔 知 佢 下 年 會 唔 會 返 黎，希 望 佢 起 果 邊 俾 心 機 讀 書，唔 好 成 日 掛 住 玩 啦。
3月7日 (星 期 日)
今 日 同 小 吉 佢 地 行 澗，順 便 為 左 下 星 期 去 camp 探 一 探 路，今 次 地 點 由 西 貢 出 發，經 象 門 山，(爬) 上......馬 鞍 山，再 經 麥 徑 最 後 出 返 水 浪 窩，可 能 太 耐 冇 落 雨，條 澗 冇 乜 水 咁 滯，水 澗 變 成 石 澗，得 返 d 石 頭，行 左 一 陣 就 已 經 係 咁 上 山，上 上 下 就 變 左 爬.....中 途 都 唔 知 發 生 左 幾 多 次 輕 微 山 泥 傾 瀉，全 部 都 係 由 我 地 隻 腳 做 成，不 過 個 景 又 真 係 幾 靚，越 爬 越 高，個 view 就 越 靚，好 彩 今 日 大 家 都 係 行 得 之 人，都 冇 乜 大 問 題，出 返 麥 徑 之 後 又 跑 落 山，4 點 就 出 到 水 浪 窩，比 預 期 中 快，落 到 營 地 睇 返 個 地 方 唔 錯，都 幾 乾 淨，但 水 源 就 遠 左 d，到 時 真 係 要 裝 定 晒 d 水 上 去 先 得。
3月8日 (星 期 一)
行 經 旺 角，見 到 又 開 多 左 間 百 老 匯，一 條 街 有 成 6 間，重 要 間 間 都 咁 多 人，真 係 咁 好 生 意 咩 ?....相 反 豐 澤 就 冇 乜 人，其 實 價 錢 差 唔 多，可 能 豐 澤 冇 野 送，或 者 d 自 由 行 既 人 鐘 意 去 百 老 匯，星 期 一 行 商 場 冇 乜 人，d sales 都 熱 情 d，有 個 sales 見 我 齋 睇 唔 出 聲 話 我 係 果 d 斯 文 既 人 唔 sporty，都 幾 攪 笑。
3月9日 (星 期 二)
老 細 少 有 地 下 午 返 公 司，原 來 佢 屋 企 發 生 左 d 事.......
3月10日 (星 期 三)
樹 春 聽 日 返 黎 同 佢 做 生 日，陪 人 買 禮 物 俾 佢，最 後 選 左 份 超 實 用 既 俾 佢，應 該 0岩 佢 駛。
3月11日 (星 期 四)
樹 春 生 日，起 中 心 同 佢 攪，夜 晚 瑞 豐 飯 店 食 飯 其 間，fanny 將 佢 親 自 整 既 生 日 蛋 糕 奉 上，佢 今 日 6 點 就 起 身 整，用 左 好 多 心 機，第 一 次 整 算 係 咁。之 後 同 佢 出 荃 灣 打 機，食 甜 品，生 日 就 起 玩 玩 食 食 中 渡 過。
3月12日 (星 期 五)
今 日 可 謂 驚 喜 重 重，無 論 自 己 或 朋 友 都 有 事 發 生，原 本 豬 扒 同 好 會 咁 耐 冇 出 黎 聚 一 聚，諗 住 攪 返 個 飯 局 ，點 知 大 家 都 實 在 公 務 煩 忙，最 後 都 攪 唔 成，睇 黎 約 食 飯 都 係 星 期 6 或 者 日 食 會 好 d。
3月13日至3月14日 (星 期 六 及 星 期 日)
今 日 同 一 班 童 軍 仔 去 camp，幾 本 上 同 小 朋 友 去 都 預 左 冇 得 點 訓，有 一 班 小 朋 友 未 去 過 所 以 特 別 興 奮，要 佢 地 下 手 煮 野 食 都 有 d 難 度，因 此 米 就 煲 濃 左 少 少，魯 水 雞 翼 冇 入 味，個 湯 好 似 滾 水 咁，但 佢 地 又 食 到 津 津 有 味，發 肉 時 期 果 然 唔 同 d。由 於 太 夜 先 煮 晚 餐，原 本 諗 住 煲 雪 梨 水 做 宵 夜 都 煮 唔 到，由 於 聽 朝 重 要 行 山，所 以 要 細 果 班 童 軍 早 d 訓，都 花 左 唔 少 時 間，話 左 好 多 次 先 肯 訓。大 果 班 童 軍 就 俾 佢 地 自 己 玩，煲 糖 水，不 過 佢 地 都 幾 嘈，成 4 點 先 肯 訓，不 過 4 點 半 另 一 班 團 體 竟 然 起 身執 野 走，又 攪 到 好 嘈，5 點 半 佢 地 走 左 之 後 又 到 班 小 童 軍 訓 醒，救 命~~原 本 叫 佢 地 8 點 先 起 身，未 夠 7 點 就 彈 晒 出 黎，冇 法 自 己 同 其 他 人 都 起 埋 身，食 完 早 餐 就 去 行 山，打 算 由 營 地 行 去 馬 鞍 山 頂，不 過 時 間 唔 夠，上 左 山 冇 幾 耐 就 要 返 轉 頭，下 次 有 機 會 再 行。返 到 營 地 12 點 幾，佢 地 開 始 執 野 我 就 幫 佢 煮 lunch，佢 地 又 好 肚 餓 咁，全 部 清 晒，返 到 中 心 佢 地 又 要 洗 野，難 得 佢 地 重 咁 有 精 神，小 朋 友 真 係 唔 覺 累，同 佢 地 去 camp 都 幾 開 心，如 果 肯 再 聽 話 返 少 少 就 好。
3月15日 (星 期 一)
wendy 難 得 可 以 早 收 工，而 且 佢 又 想 睇 數 碼 相 機，今 晚 同 佢 出 旺 角 睇，佢 要 果 部 搵 晒 全 個 旺 角 都 話 冇，睇 黎 佢 要 揀 過 另 一 部。之 後 佢 帶 左 我 去 食 間 日 本 野 叫 鐵 板 超，有 個 刺 身 撈 飯 好 好 食，套 餐 有 幾 款 睇 落 都 好 吸 引，都 好 有 興 趣 試，可 以 黎 多 幾 次。
3月16日 (星 期 二)
睇 左 套 呀 sir 黎 自 樂 人 谷，都 冇 抱 太 大 期 望 入 去 睇，不 過 睇 完 出 黎 就 只 有 一 個 字 形 容，正~~~ 未 試 過 全 套 戲 都 係 咁 笑，個 男 主 角 d 表 情 最 攪 鬼， 小 朋 友 班 演 員 都 好 正，唔 只 識 演 戲 重 真 係 識 玩 音 樂，想 笑 餐 飽 真 係 要 睇 睇。
3月17日 (星 期 三)
朋 友 屋 企 出 現 問 題，雖 然 我 幫 唔 到 佢 d 乜 野，不 過 希 望 佢 講 完 可 以 放 鬆 d，唔 好 咁 唔 開 心。
3月18日 (星 期 四)
巴 辣 may 失 驚 無 神 打 黎 話 想 復 活 節 攪 個 camp，重 打 算 即 刻 去 信 和 租 渡 假 屋，但 我 又 冇 假 放，其 他 人 又 唔 係 咁 ok，佢 地 又 唔 想 某 d 人 去，睇 黎 都 係 攪 唔 成 多。
3月19日 (星 期 五)
今 晚 去 左 間 叫 香 港 老 飯 店 既 酒 家 食 飯，以 前 睇 雜 誌 介 紹 過，個 fd 話 好 食 今 次 黎 試，叫 左 個 套 餐，又 真 係 幾 好 食，d 侍 應 又 好 好 禮 貌，都 唔 算 特 別 貴，兩 個 人 連 埋 加 一 都 係 350。
3月20日 (星 期 六)
住 左 荃 灣 咁 耐，都 唔 知 原 來 有 間 日 本 野 食 起 荃 景 圍，都 係 要 人 地 帶 去 先 知，試 左 個 套 餐，未 試 過 食 d 海 膽 咁 大 舊，重 有 芝 士 火 鍋，三 文 魚 剌 身，炒 飯...全 部 都 好 食，甜 品 果 個 紅 豆 沙 好 滑，飲 奶 茶 一 樣，食 飽 重 可 以 步 行 落 返 荃 灣，當 係 消 化。
3月21日 (星 期 日)
只 可 以 講 ，玩 足 一 日~~~
3月22日 (星 期 一)
好 耐 未 試 過 放 工 時 間 搭 地 鐵，同 以 前 一 樣 冇 變，都 係 迫。
3月23日 (星 期 二)
睇 黎 同 大 陸 都 係 扯 唔 開 關 係，呢 頭 返 黎 果 頭 又 返 去。
3月24日 (星 期 三)
封 塵 三 俠 聚 會，順 便 祝 何 伯 生 日 快 樂，由 中 學 同 學 到 而 家 都 keep 住 聯 絡 都 唔 係 有 好 多，再 去 italian tomato 食 甜 品 buffet，d 蛋 糕 同 以 前 差 唔 多，冇 乜 分 別，但 服 務 質 素 好 左，以 前 態 度 都 幾 囂 ，今 次 差 唔 多 全 部 蛋 糕 都 試 過 晒，抵 食。yen 同 bee 都 係 今 日 生 日，祝 埋 佢 地 生 日 快 樂。
3月25日 (星 期 四)
又 落 雨，又 凍.....唔 知 星 期 日 會 唔 會 好 天。
3月26日 (星 期 五)
JNC 起 公 司 附 近 開 倉，下 午 陪 同 事 諗 住 同 佢 睇 mp3 機，點 知 輪 到 我 地 入 場 先 話 mp3 機 賣 晒，得 返 電 視 同 錄 影 機 果 d，雖 然 價 錢 都 好 吸 引，但 屋 企 果 部 未 壞 冇 理 由 又 買 多 部，同 事 話 聽 日 再 排 過 睇 下 會 唔 會 買 到。
3月27日 (星 期 六)
老 闆 個 媽 媽 過 生，今 日 去 左 殯 儀 館 一 趟，加 埋 今 日 心 情 唔 多 好，so down~~~
3月28日 (星 期 日)
今 日 踩 單 車，甩 底 人 數 有 成 一 半，得 返 5 個 人，都 預 左~~~商 量 過 決 定 以 後 約 人 用 講 一 次 就 算 既 政 策，鐘 意 黎 就 黎，唔 黎 就 罷。今 次 落 去 單 車 公 園 租 車，wendy 唔 帶 路 都 唔 知 有 度 咁 既 地 方，d 單 車 都 算 幾 新，由 沙 田 踩 入 大 尾 督，全 程 唔 駛 2 個 鐘，俾 我 預 期 快，今 次 唔 食 泰 國 野，食 一 間 西 餐 廳，味 道 都 唔 差，原 來 玩 艇 果 d 人 可 以 平 成 1 0 蚊，死 人 榮 食 完 先 講，蝕 左。食 飽 上 水 壩 度 坐 一 陣 回 程，返 到 沙 田 5 點，個 pet 好 痛，坐 得 太 耐，重 辛 苦 過 行 山。
3月29日 (星 期 一)
相傳是中國古詩，留意每句頭一個字..............
連天烽火漫無邊
戰事綿延滿人間
是該英雄出頭時
豬羊變色任我顛
楚河漢界戰國天
瑜亮情節非等閑
也怨老天未眷顧
是非總有清曉年
加霜覆雪麻煩牽
上無宮闕難成仙
阿蒙今已非比昔
扁擔欲撐半邊天
一木生子帶頭尖
共謀天下劃兩邊
三分藍袍破家門
隻手遮天禍人間
3月30日 (星 期 二)
今 日 勁 大 雨...尤 其 是 係 收 工 果 陣，有 傘 都 濕。
3月31日 (星 期 三)
難 得 羊 肉 攪 左 個 惺 惺 相 惜 於 旺 角 既 飯 局，俾 一 班 好 耐 冇 見 既 人 聚 一 聚，飯 局 地 點 起 雅 蘭 樓 下 利 苑 集 團 屬 下 既 日 式 餐 廳 舉 行。原 本 成 班 人 諗 住 開 開 心 心 食 餐 飯，點 知 呢 間 餐 廳 既 特 色 係 可 以 叫 埋 同 一 個 集 團 既 其 他 食 肆 食 物，於 是 大 家 坐 雖 然 日 式 餐 廳，但 就 全 部 叫 晒 中 式 小 菜，叫 左 部 份 食 物 冇 又 唔 出 聲，要 問 先 講，等 到 d 小 菜 食 完 都 未 有 飯，望 住 碗 飯 都 唔 知 點 好，又 要 叫 多 兩 個 食 物，連 埋 單 都 計 錯 單，真 係 俾 佢 吹 漲，下 次 幫 襯 都 係 叫 返 佢 餐 廳 本 身 d 菜 好。