3月1日 (星 期 二)

爭 左 朋 友 一 餐 成 3 個 月，今 日 終 於 可 以 補 返，佢 呢 排 係 咁 見 工，終 於 搵 到 一 份 唔 錯 既 工，但 佢 又 驚 自 己 應 付 唔 到，三 心 兩 意 唔 知 佢 想 點。

3月2日 (星 期 三)

今 晚 睇 左 套 捉 迷 藏，開 頭 聽 d 人 話 好 快 估 到 個 結 局，但 我 睇 到 最 尾 先 知，套 戲 感 覺 上 有 少 少 似 閃 靈，但 故 弄 玄 虛 方 面 佢 又 做 得 唔 係 咁 好， 不 過 睇 果 陣 都 有 少 少 緊 張，可 以 一 睇。

3月3日 (星 期 四)

會 董 ming 終 於 學 人 談 戀 愛，犯 左 朱 扒 同 好 會 禁 條，因 此 經 相 議 後 決 定 免 佢 會 董 一 職，由 wendy 擔 任。

3月4日 (星 期 五)

姑 媽 無 端 端 俾 左 張 梳 化 我，張 梳 化 真 係 幾 新 亦 幾 舒 服，但 有 個 好 大 既 問 題.....太 大，長 9 尺.....爭 少 少 掂 到 騎 樓 咁 滯，除 非 全 屋 傢 俬 移 位，如 果 唔 係 都 幾 阻 地 方。

3月5日 (星 期 六)

今 晚 朱 扒 同 好 會 聚 會，會 議 目 的 係 擺 免 會 董 一 職，今 晚 ming 帶 埋 佢 男 朋 友 出 黎，可 能 佢 地 第 一 次 見 到 我 地 有 d 怕 醜，佢 份 人 都 唔 錯，ming 你 要 好 好 珍 惜，其 他 人 就 問 佢 地 點 樣 起 一 齊，攪 到 佢 都 有 少 少 尷 尬，相 信 遲 d 玩 多 幾 次 就 會 熟。

3月6日 (星 期 日)

今 日 幫 人 砌 床，執 屋，夜 晚 當 然 有 人 請 食 飯，咁 就 一 日~~~

3月7日 (星 期 一)

中 信 嘉 華 張 信 用 咭 批 左，3 個 月 簽 滿 4800 加 200 蚊 就 可 以 換 ipod，要 努 力 搵 人 簽 咭 先 得。

3月8日 (星 期 二)

今 日 婦 女 節.....對 我 冇 乜 特 別。

3月9日 (星 期 三)

老 闆 娘 換 電 腦，幫 佢 買 埋 砌 埋 咁 就 一 晚。

3月10日 (星 期 四)

今 晚 去 左 佐 敦 一 間 意 大 利 餐 廳 食 飯，新 開 業，餐 廳 入 面 有 人 拎 住 個 結 他 起 度 唱 歌，晚 飯 唔 算 好 貴，主 菜 大 約 100 蚊 一 個，味 道 都 唔 錯，招 呼 都 幾 好，無 意 中 發 現 慢 必 佢 坐 起 隔 離，佢 地 果 邊 成 10 個 人，講 野 又 嘈 又 大 聲，破 壞 晒 d 氣 氛。

3月11日 (星 期 五)

元 綠 近 排 加 左 好 多 新 野 食，覺 得 佢 地 越 黎 越 似 一 間 餐 廳，乜 都 有 得 食，芝 士 做 既 菜 色 亦 都 多 左 好 多，我 最 鐘 意 食。

3月12日 (星 期 六)

今 晚 幫 中 心 攪 一 個 貧 富 宴，對 象 係 小 朋 友，雖 然 活 動 係 夜 晚 開 始，但 下 午 已 經 要 開 始 準 備 食 物，有 串 燒、湯、飯、沙 律，等 等，重 買 左 外 賣 同 寧 食，都 幾 大 陣 仗。夜 晚 正 式 開 始，睇 下 vcd 了 解 下 貧 困 地 區 小 朋 友 既 生 活，玩 下 遊 戲，到 壓 軸 遊 戲，抽 簽~~有 錢同 貧 窮 人 就 起 呢 個 時 候 決定，最 有 錢 人 有 5 個，佔 左 6 份 1，其 他 中 下 等 人 就 佔 大 多 數，抽 到 有 錢 人 就 大 魚 大 肉，連 我 都 想 食 佢 地 d 野，希 望 佢 地 明 白 世 界 上 幾 多 人 捱 餓，不 過 對 於 海 濱 小 朋 友 黎 講，今 晚 做 窮 人 食 得 差 d，返 到 屋 企 又 有 得 食，唔 知 佢 地 吸 收 到 幾 多。飯 後 佢 地 走 晒，剩 返 一 大 堆 手 尾，食 剩 既 野 亦 唔 少，好 彩 大 家 夾 手 夾 腳 洗 野 執 野，11 點 就 走 得，唔 係 都 唔 知 攪 到 幾 時，走 果 陣 出 面 好 大 風 好 凍 ，真 係 又 凍 返。

3月13日 (星 期 日)

尋 晚 攪 左 成 晚，今 日 又 咁 凍，休 息 一 天。

3月14日 (星 期 一)

太 耐 冇 打 日 記，唔 記 得 今 日 有 乜 事 發 生。

3月15日 (星 期 二)

今 晚 封 塵 三 俠 聚 會，酒 家 飯 局。

3月16日 (星 期 三)

今 日 財 政 預 算 案 公 佈，整 體 對 我 冇 乜 影 響，原 本 一 路 傾 開 大 陸 買 廠 既 買 家 今 日 通 知 決 定 唔 買，之 前 做 既 野 白 費 晒，重 駛 左 唔 少 多 餘 錢，迫 住 上 面 要 執 笠。

3月17日 (星 期 四)

公 司 之 前 搵 左 兩 個 會 計 師 攪 報 稅，發 覺 老 細 d 數 真 係 好 混 亂，攪 到 佢 地 都 頭 痕。

3月18日 (星 期 五)

今 日 幫 人 整 機，朋 友 起 大 陸 買 左 大 長 今 dvd，起 佢 屋 企 睇 左 個 結 局，但 之 前 自 己 都 冇 追 開，睇 完 都 冇 乜 特 別 感 覺。

3月19日 (星 期 六)

今 日 跟 中 心 去 camp，好 耐 都 冇 作 為 一 個 參 加 者 去 玩，地 點 係 西 環 摩 星 嶺，由 於 今 晚 bbq，先 買 一 大 堆 食 物，咁 橋 西 西 又 有 個 活 動 去 摩 星 嶺，咁 就 可 以 一 齊 玩，呢 度 可 以 望 到 海 景，夜 晚 睇 都 幾 靚，又 睇 到 青 馬 大 橋，可 惜 冇 帶 腳 架 影 唔 到 d 夜 景 相，bbq 果 度 由 於 買 多 左 好 多 食 物，最 後 要 拎 去 廚 房 煮 先 攪 得 掂，之 後 玩 左 小 小 遊 戲 就 沖 涼 玩 uno，12 個 人 一 齊 玩 都 好 耐 冇 試 過，玩 到 兩 點 就 訓 覺。

3月20日 (星 期 日)

camp 入 面 訓 覺，越 訓 越 凍，得 果 張 氈 仔，成 晚 訓 下 又 醒 下，食 完 早 餐 又 玩 遊 戲，分 大 人 同 小 朋 友 組，原 本 好 有 信 心 既 計 數 比 賽 竟 然 唔 夠 佢 地 黎，真 係 老 貓 燒 鬚，玩 到 12 點 就 坐 車 走 人，之 後 拉 隊 去 飲 茶，食 飽 先 至 散。

3月21日 (星 期 一)

今 日 有 少 少 頭 痛，可 能 冷 親。

3月22日 (星 期 二)

心 情 麻 麻，俾 果 個 人 激 死~

3月23日 (星 期 三)

今 晚 打 羽 毛 球，由 於 最 近 俾 人 放 飛 機 既 次 數 越 黎 越 多，有 陣 時 真 係 有 種 俾 佢 地 饒 起 既 感 覺，於 是 尋 晚 作 出 針 對 性 建 議，凡 係 應 承 左 黎 但 又 以 接 受 唔 到 既 原 因 甩 底 一 律 照 收 錢，獲 大 家 一 置 贊 成 ，咁 樣 對 其 他 守 信 既 人 亦 都 公 平 d，又 唔 會 攪 到 自 己 唔 開 心，唔 黎 自 己 亦 都 冇 損 失。

3月24日 (星 期 四)

好 好 護 理 自 己 牙 齒，因 此 今 日 去 洗 牙，好 彩 今 次 唔 駛 補 牙，埋 單 250。

3月25日 (星 期 五)

復 活 節 假 期 第 一 日，今 日 一 共 行 左 兩 次 山，朝 早 先 幫 西 西 site visit，由 馬 鞍 山 梅 子 林 行 到 去 北 港，今 次 相 信 係 我 行 咁 耐 以 黎 最 短 一 次，由 11 點 鐘 開 始 行，1 點 就 已 經 落 到 去，兩 點 半 返 到 屋 企，重 可 以 訓 陣 覺。於 是 今 晚 決 定 幫 terri 帶 夜 行，由 中 心 10 點 鐘 出 門 口 ，11 點 半 去 到 赤 柱 起 行，終 點 係 則 魚 涌，呢 段 路 其 實 都 算 幾 長，加 上 夜 晚 又 好 大 風，都 有 少 少 辛 苦，行 到 4 點 就 開 始 落 雨，路 程 重 有 一 半 未 行，由 於 好 多 人 冇 帶 雨 具，商 量 後 決 定 取 消，由 山 頂 行 返 出 巿 區，但 路 程 都 唔 短，足 足 行 左 成 個 幾 鐘 馬 路 先 出 返 銅 鑼 灣，起 度 食 早 餐 之 後 就 搭 地 鐵 返 荃 灣，果 陣 已 經 6 點 幾，都 叫 做 行 到 天 光，上 左 車 幾 乎 所 有 人 都 訓 晒，對 佢 地 黎 講 可 能 都 幾 辛 苦，不 過 亦 都 讚 佢 地 今 次 好 乖，相 信 terri 都 會 俾 佢 地 pass。

3月26日 (星 期 六)

返 到 屋 企 7 點 半，拿 拿 林 洗 完 對 腳 就 訓，2 點 鐘 起 身，沖 涼 之 後 出 街 去kc 度 打 邊 爐，玩 左 副 30 年 前 既 大 富 翁，一 玩 就 上 癮，重 係 大 嬴 家，好 開 心。跟 住 就 打 邊 爐，今 次 又 食 剩 多 野 喇，迫 住 要 帶 走，而 且 今 日 順 便 同 kc 做 埋 生 日，好 難 得 人 齊，食 到 好 飽 先 走。

3月27日 (星 期 日)

今 日 睇 左 套 見 鬼 10，之 前 睇 過 第 一 集 真 係 好 恐 佈，今 次 都 好 大 期 望，點 知 ~~唉，似 笑 片 多 過 恐 佈 片，超 級 失 望。今 晚 收 到 一 個 消 息，相 信 我 地 d 朋 友 聽 到 都 好 開 心，但 朱 扒 同 好 會 再 係 咁 好 快 遲 早 解 散。

3月28日 (星 期 一)

今 日 幫 人 整 電 腦，用 左 半 日，夜 晚 本 來 有 個 飯 局，但 某 d 原 因 由 茶 樓 變 左 做 茶 餐 廳 食，但 冇 乜 所 謂 啦。

3月29日 (星 期 二)

跟 飲 食 男 女 d 餐 廳 推 介，去 左 旺 角 一 間 叫 笑 笑 既 日 本 料 理 食 飯，有 d 似 和 民 既 格 調，坐 位 都 坐 得 幾 舒 服，而 且 d 野 都 幾 好 食，但 同 和 民 有 個 共 通 點，食 物 款 式 唔 多，希 望 下 次 黎 多 d 款 揀。

3月30日 (星 期 三)

成 晚 上 唔 到 網，唔 知 做 乜。

3月31日 (星 期 四)

今 日 都 係 上 唔 到 網，問 香 港 寬 頻 果 邊 又 話 冇 問 題，於 是 洗 機 試 下，都 係 唔 掂，最 後 先 發 現 條 上 網 cable 壞，攪 左 我 成 晚，激 死。