3月1日 (星 期 四)

呢 兩 日 都 係 搵 工，冇 做 過 其 他 野。

3月3日 (星期六)

中 午 約 肥 健 落 葵 芳 食 家 鄉 雞，之 後 同 潘 行 葵 芳，出 返 荃 灣 買左 部 printer，食 麥 記，咁 就 一 日。

3月4日 (星 期 日)

夜 晚 同 肥 健 兩 公 婆 食 小 巴 黎，之 後 去 實 惠 買 左 盞 抬 橙，原 來 價 錢 差 異 咁 大，幾 百 到 幾 十 都 可 以 有 交 易。

3月5日 (星 期 一)

今 日 搵 工 打 去 問 一 間 公 司，原 來 係 以 前 公 司 既 客，呢 個 世 界 真 係 細。

3月6日 (星 期 二)

搵 到 工 喇，間 公 司 做 火 車 模 型，唔 知 發 展 好 唔 好 呢~~~

3月7日 (星 期 三)

中 午 同 舊 同 事 食 飯，順 便 同 佢 地 講 聲 搵 到 工，中 午果 陣 就 幫 中 心 買 左 一 堆 露 營 用 品，返 左 中 心 之 後 幫 佢 地 執 營，唔 執 由 自 可，一 執 就 真 係 發 覺 亂 得 好 緊 要，營 骨 可 以 撈 到 亂 晒，差唔 多要 全 部 營 都 要 同 佢 起 一 次 先 至 知 齊 唔 齊，究 竟 邊 個 攪 到 咁 亂，真 係 唔 知 問 邊 個 好，嫌 疑 人 又 死 口 唔 認 攪 亂 檔，變 左 無 頭 公 案，一 頭 霧 水。

3月8日 (星 期 四)

頻 撲 的 一 天，朝 早 先 幫 個 妹 拎 護 照，下 午 就 去 攪 回 鄉 証，之 後 出 深 水 步 幫 中 心 d 電 腦 格 價，再 出 旺 角 買 戲 飛，明 天 就 返 新 工，今 次 既 假 期 終 於 可 以 畫 上 句 號。

3月9日 (星 期 五)

第 一 天 上 班，先 了 解 佢 公 司 既 產 品，成 個 上 午 就 不 斷 睇 火 車 模 型，下 午 就 開 始 filing，有 好 多 單，而 且 都 幾 雜，但 咁 就 可 以 打 發 晒 成 個 下 午，都 唔 錯，原 來 一 份 正 正 式 式 既 寫 字 工 真 係 好 悶。

3月10日 (星 期 六)

今 日 睇 左 幽 靈 車 神，一 套 都 幾 幽 默 既 英 雄 片，但 同 其 他 外 國 英 雄 比 較，佢 就 冇 乜 特 別，唔 怪 得 受 歡 迎 程 度 只 係 一 般。

3月11日 (星 期 日)

今 晚 出 左 旺 角 nokia 中 心 整 機，好 多 人，足 足 等 左 成 個 幾 鐘，壞 既 原 因 重 非 常 無 聊，冇 電 ......

3月13日 (星 期 二)

今 日 好 多 野 做，成 7 點 先 收 工，夜 晚 約 左 呀 lo 拎 野 順 便 同 佢 食 飯，好 耐 都 冇 幫 襯 pokka，佢 同 以 前 一 樣，冇 乜 晚 餐 款 可 以 選 擇，散 叫 會 好 d。

3月14日 (星 期 三)

呢 排 成 日 起 公 司 附 近 搵 lunch 食，石 蘺 村 真 係 好 多 野 可 以 選 擇，粥 粉 麵 飯 樣 樣 有，但 就 爭 咁 個 商 場，食 飽 冇 乜 地 方 好 去。

3月15日 (星 期 四)

太 耐 冇 用 張 中 銀 咭 襟 錢，今 日 又 因 為 入 錯 密 碼 俾 人 食 咭，已 經 係 第 二 次 咁 樣，下 次 要 寫 低 個 密 碼 先 掂。

3月17日 (星 期 六)

放 工 約 左 成 班 朋 友 去 澳 門 玩，一 行 有 10 人，好 熱 鬧，出 到 去 先 去 酒 店 check in，今 次 我 地 去 乙水 仔 既 駿 景 酒 店，雖 然 離 巿 區 遠 d，但 入 面 都 幾 舒 服，夜 晚 出 返 去 金 沙 賭 場 食 buffet，d 海 鮮 真 係 好 吸 引，呀 榮 就 係 咁 食 左 數 以 十 計 既 生 蠔 同 三 文 魚 刺 身，我 始 終 都 係 最 欣 賞 佢 既 甜 品，食 到 飽 晒 先 走，之 後 落 樓 下 試 下 運 氣，開 頭 運 氣 唔 錯，都 叫 有 得 嬴，最 後 倒 輸 100，即 係 冇 運，跟 住 行 漁 人 碼 頭，星 期 六 既 夜 晚 都 靜 英 英，重 靜 過 尖 沙 咀 海 傍，始 終 都 係 冇 乜 野 睇，跟 住 搭 車 返 酒 店，落 左 車 竟 然 發 現 公 園 有 好 多 健 身 設 施，每 樣 亦 都 寫 左 各 自 既 既 功 效 同 鍛 練 既 地 方，香 港 真 係 好 少 呢 d 設 施，起 度 玩 左 差 唔 多 半 個 鐘 先 返 酒 店 休 息......

3月18日 (星 期 日)

10 點 起 身 落 樓 下 食 早 餐，食 完 就 出 返 新 馬 路 果 邊 shopping，澳 門 d 精 品 店 好 平，賣 d 公 仔 平 香 港 差 唔 多 一 倍，質 素 亦 都 差 唔 多，攪 到 佢 地 一 袋 二 袋 咁 拎 走，lunch kc 帶 我 地 去 一 間匍 國 餐 廳 食 飯，呢 間 餐 廳 真 係 冇 介 紹 錯，又 平 又 好 食。飯 後 就 出 發 進 行 shopping part 2，個 個 都 買 到 d 野，但 自 己 就 冇，之 後 去 埋 漁 人 碼 頭 拎 免 費 豬 扒 包 就 出 返 hk，結 束 左 兩 日 一 夜 之 旅。

3月19日 (星 期 一)

玩 左 兩 日，頭 有 少 少 赤，今 日 對 住 d 未 接 觸 過 既 船 務 文 件，有 少 少 頭 都 痛 既 感 覺。

3月20日 (星 期 二)

巿 面 出 現 一 千 危 機，一 千 蚊 好 似 唔 係 好 受 歡 迎 既 感 覺，原 來 而 家 惠 康 逄 星 期 二 係 無 膠 袋 日，又 俾 佢 扼 左 我 5 毫 買 膠 袋 添。

3月21日 (星 期 三)

今 晚 拎 d 野 落 中 心 俾 kc，見 到 佢 地 新 整 個 櫃，感 覺 上 好 似 同 間 房 唔 係 好 夾 咁，重 整 到 佢 地 部 傳 真 機 收 唔 到 fax，就 咁 攪 一 攪 又 用 左 成 晚 時 間，最 攪 笑 既 係 竟 然 忘 記 左 要 俾 野 kc.....

3月23日 (星 期 五)

今 晚 請 一 班 股 海 浮 沉 既 朋 友 食 飯，講 過 就 算 數，呢 餐 抵 請.........

3月24日 (星 期 六)

今 日 原 本 諗 住 去 拜 山，點 知 放 工 果 陣 見 到 落 大 雨，行 程 取 消。

3月25日 (星 期 日)

休 息......訓 覺

3月26日 (星期一)

起 新 公 司 都 做 左 成 兩 個 星 期，感 覺 上 公 司 d 人 真 係 好 靜，可 能 同 佢 地 既 工 作 性 質 有 關。

3月28日 (星 期 三)

下 午 同 個 舊 同 事 食 飯，今 日 終 於 見 到 真 正 既 老 闆 娘，同 我 想 像 既 唔 同，係 一 個 都 有 返 咁 上 下 年 紀 既 女 人，所 有 金 錢 既 出 入 完 全 要 經 佢 手，但 平 時 就 好 少 返 公 司，得 佢 個 仔 同 女 打 理，不 過 佢 好 nice，毫 無 架 子。

3月29日 (星 期 四)

繼 尋 日 見 到 幕 後 老 闆 娘，今 日 再 見 埋 老 闆，老 伯 伯 一 個。

3月30日 (星 期 五)

今 晚 上 左 表 哥 度，佢 部 電 腦 成 日 壞，原 因 係 佢 個 賭 波 網 中 毒，唔 怪 得 整 極 都 唔 得。

3月31日 (星 期 六)

今 晚 睇 左 忍 者 龜，原 本 以 為 係 笑 片 為 主，睇 完 先 知 係 一 套 動 作 卡 通 片，0 岩 男 仔 睇 多 d，h k 版 既 配 音 都 集 中 晒 起 林 海 烽 同 杜 文 澤 身 上，其 他 角 色 都 變 左 二 打 六。