5月1日 及 2 日(星 期 六 及 日)
連 續 兩 日 假 期，同 肥 健 呀 榮 以 前 做 導 師 既 一 班 fd 去 大 浪 灣 camp，今 日 西 貢 好 多 人，11 點 已 經 有 成 班 人 起 度 排 隊 等 巴 士 入 西 灣 亭，到 步 後 再 行 多 30 分 鐘 左 右 就 到 大 浪 灣，之 後 去 拎 屋，一 入 到 去 既 感 覺 係.....咁 細 間 既，好 似 監 倉 一 樣，連 開 抬 麻 雀 都 冇 位 咁 滯，但 好 彩 都 叫 有 冷 氣 同 廁 所 都 夠 大。之 後 出 去 游 水，今 日 海 灘 好 多 人，水 清 沙 幼，同 上 個 禮 拜 行 山 果 陣 睇 完 全 唔 同，8 個 人 有 成 5 個 唔 識 游 水，唔 識 就 起 水 邊 打 沙 灘 波，之 後 行 上 四 疊 潭，起 網 頁 入 面 睇 好 靚，但 黎 到 又 唔 覺 有 乜 特 別，而 且 下 游 堆 滿 垃 圾，大 打 折 扣。夜 晚 燒 野 食，準 備 既 食 物 剛 剛 好 食 晒，好 少 有，今 晚 天 清 重 可 以 睇 到 星 星。食 飽 返 屋 玩，好 彩 帶 左 副 啤 牌 黎，其 他 人 都 冇 準 備 任 何 野，呢 副 啤 牌 就 成 為 我 地 呢 晚 既 寶 貝，成 晚 玩 killer，7 級 豬，3 點 上 床 訓。第 二 朝 9 點 半 起 身，要 等 齊 其 他 人 起 身，坐 起 度 食 個 麵 傾 偈，11 點 先 至 全 部 起 晒 身，執 齊 野 交 屋 行 去 咸 田 食 lunch，中 午 之 後 又 出 猛 太 陽，買 左 個 飛 碟 再 出 海 灘 玩，玩 左 個 幾 鐘，曬 到 條 頸 都 痛 埋，4 點 左 右 再 行 出 赤 徑 塔 船 出 馬 料 水，返 到 出 去 已 經 成 7 點 咁 滯，之 後 起 pizza hut 食 埋 晚 飯 先 走，結 束 左 兩 日 既 行 程。
5月3日 (星 期 一)
去 完 CAMP 後 第 一 日 返 工....好 多 野 做 呀.....冇 心 機。
5月4日 (星 期 二)
今 晚 睇 左 江 湖，之 前 睇 雜 誌 d 人 講 好 多 人 都 話 唔 好 睇，都 有 d 驚，但 都 買 左 飛 冇 法。睇 完 又 唔 覺 係 想 像 中 咁 差，拍 既 手 法 好 特 別，d 鏡 頭 影 既 角 度 都 幾 唔 同，睇 果 陣 都 有 d 緊 張，而 且 好 似 無 間 道 3 咁 成 日 玩 時 空 交錯，但 都 好 彩 睇 得 明，張 學 友 做 得 好 正，剩 係 睇 佢 已 經 夠 晒，同 埋 好 多 其 他 客 串 既 大 配 角，整 體 套 戲 俾 佢 70 分 啦。
5月5日 (星 期 三)
元 朗 有 間 大 榮 華 酒 樓 好 出 名，今 晚 試 左，老 細 原 來 係 果 個 成 日 起 無 線 做 飲 食 節 目 個 肥 佬，但 唔 知 佢 乜 名，佢 成 日 周 圍 走 去 人 地 d 抬 度，問 食 物 d 質 素，佢 個 肚 腩 大 到 都 唔 知 點 講 好，十 月 懷 胎 都 冇 咁 犀 利，腰 圍 我 諗 起 碼 都 50，食 物 方 面 都 幾 好，佢 出 名 係 五 色 雞 同 馬 拉 糕，試 過 兩 樣 都 好 味，冇 介 紹 錯，起 度 重 見 到 田 蕊 妮 同 佢 男 友 (但 又 唔 記 得 佢 乜 名....好 似 有 個 輝 字)，晚 巿 果 陣 好 多 人，好 多 都 要 等 位，而 且 食 食 下 都 會 聽 到 佢 地 嗌 咪 話 乜 野 賣 晒....都 幾 好 生 意，遲 黎 真 係 乜 都 唔 駛 食，會 董...你 牛 一 就 起 度 同 你 擺 壽 宴 啦。
5月6日 (星 期 四)
約 返 成 3 年 冇 見 既 netfriend 見 面，係 上 網 第一 班 認 識，亦 都 係 最 後 一 班，而 家 都 唔 會 起 網 上 亂 咁 識 人，大 家 個 樣 都 冇 乜 點 變，yoki 依 然 係 傻 大 姐，rosanna 同 alice 都 係 斯 斯 文 文，sunha 就 同 我 一 樣，樣 冇 變 工 作 冇 變，唔 知 下 次 再 約 出 黎 係 幾 時。
5月7日 (星 期 五)
由 於 中 心 裝 修，學 跆 拳 道 既 小 朋 友 要 去 另 一 個 地 方 上 堂，今 晚 幫 手 帶 班 小朋 友 去，原 本 諗 住 輕 輕 鬆 鬆 咁 攪 掂，點 知 架 旅 遊 車 遲 晒 大 到，d 家 長 當 然 又 有 微 言，等 到 車 黎 都 差 唔多 遲 左 成 個 鐘，小 朋 友 當 去 旅 行 咁 冇 乜 野，呢 間 旅 遊 車 公 司 真 係 大 整 蠱。
5月8日 (星 期 六)
夜 晚 個 天 行 雷 好 似 拆 天 咁，不 過 都 整 唔 醒 我，返 到 公 司 先 知 原 來 8 點 幾 掛 過 黑 色 暴 雨，掛 左 40 分 鐘 就 轉 紅 色，不 過 聽 講 都 玩 死 唔 少 打 工 仔，呢 場 雨 落 得 真 係 急。
5月9日 (星 期 日)
今 日 中 心 步 行 籌 款，幫 手 做 義 工，好 猛 太 陽 呀....曬 死 人。行 完 之 後 去 大 尾 督 環 保 農 莊 bbq，不 過 實 在 太 熱，都 食 得 唔 多，唯 有 食 甜 筒 同 埋 飲 汽 水，呢 度 有 好多 魚 睇，重 有 惡 魚 龜、鸚 鵡 既 表 演。之 後 搭 車 入 大 尾 督 俾 參 加 者 自 由 活 動，等 佢 地 返 黎 其 間 又 食 左 個 雞 翼 沙 律 加 支 可 樂，好 飽。夜 晚 又 返 荃 灣 食 日 本 野，飽 上 加 飽....返 到 屋 企 無 端 端 表 哥 上 黎叫 左 我 落 去 姑 媽 度 食 甜 品，佢 地 整 左 個 芒 果 糯 米 撈...好 簡 單 既 野 但 又 試 過，都 幾 好 食，救 命...頂 到 反 胃。再 係 咁 落 去 我 絛 單 車 腩 就 變 貨 車 腩，決 定 今 晚 開 始 晚 晚 做 1 5 分 鐘 situp...為 期 一 個 月。
5月10日 (星 期 一)
同 一 排 冇 見 既 neptune icq，己 經 兩 年 冇 去 澳 門 見 佢 地，聽 佢 講 返 原 來 呢 兩 年 都 變 化 幾 大，有 人 已 經 結 埋 婚，有 人 拍 拖 重 分 埋 手，唔 好 既 消 息 多 過 好 既，聽 完 都 唔 開 心。
5月11日 (星 期 二)
大 陸 好 熱....去 完 返 黎 有 d 頭 痛，可 能 曬 親。
5月12日 (星 期 三)
起 屋 企 又 睇 fear factor，今 集 聖 誕 特 別 篇，食 d 野 真 係 好 恐 佈，嚇 死 人。
5月13日 (星 期 四)
起 大 陸 行 行 下，有 個 人 無 端 端 行 埋 黎 問 買 唔 買 手 提，拎 左 部 3 星 機 出 黎，之 前 睇 報 紙 話 果 D 機，開 得 著，但 除 左 有 開 機 畫 面 外 就 乜 野 功 能 都 用 唔 到，今 日 俾 我 親 眼 望 見，部 機 又 真 係 幾 似，聞 名 不 如 見 面。
5月14日 (星 期 五)
上 次 去 雅 蘭 下 面 果 個 美 食 亭 食 野，今 次 去 佢 上 面 果 度，上 面 好 大，有 四 間 食 肆，食 一 間 叫 萬 人 迷 既 上 海 飯 店，呢 度 除 左 佢 之 外 重 有 間 食 素 既 同 埋 別 府 拉 麵 起 隔 離，4 樓 果 層 就 係 一 間 以 食 鍋 魚 出 名 既 舖 頭，有 d 似 打 邊 爐，呢 間 可 能 幾 出 名，所 以 人 都 特 別 多。今 次 起 萬 人 迷 食 過 佢 4 樣 食 物，火 腿 銀 絲 卷 係 最 好 味，其 次 係 高 力 豆 沙 同 菜 旁 蟹，個 紅 燒 肋 骨 就 唔 掂，好 硬，雖 然 佢 d 食 物 價 錢 唔 貴，但 茶 價 每 位 都 要 10 蚊，連 埋 加 一 埋 單 兩 個 都 要 210 蚊，唔 算 平，呢 間 野 另 一 個 特色 就 係 去 商 場 廁 所 條 匙，用 塊 神 主 牌 咁 大 既 咭 紙 綁 住，好 似 驚 人 偷 佢 走 咁，好 好 笑。
5月15日 (星 期 六)
今 日 同 班 童 軍 仔 去 香 港 歷 史 博 物 館 同 香 港 藝 術 館 參 觀，原 來 今 日 佢 地 攪 左 個 博 物 節，所 以 免 費 入 場，我 都 係 第 一 次 去 呢 度，展 區 分 左 8 個，由 原 始 時 期 既 香 港 講 到 60-70 年 代，館 場 好 大，而 且 都 幾 多 野 睇，最 鐘 意 都 係 近 代 果 個 展 廳，有 親 切 感。之 後 去 香 港 藝 術 館，5 樓 展 廳 有 個 ptotomo 既 展 覽，ptotomo 係 用 相 片，將 佢 cut 出 黎，組 合 成 一 個 立 體 既 圖 案，變 成 立 體 相 一 樣，童 軍 仔 可 能 重 細，對 藝 術 冇 乜 興 趣，反 而 對 架 識 郁 既 火 車 就 好 鐘 意，人 地 已 經 話 唔 好 掂，但 就 係 咁 有 人 攪，激 死 人，掛 住 睇 佢 地 都 冇 時 間 睇 人 地 d 作 品，上 到 車 當 然 俾 呀 欣 訓 話 一 番，希 望 下 次 佢 地 唔 好 咁 失 禮。
5月16日 (星 期 日)
夜 晚 收 到 個 電 話，朋 友 感 情 出 現 問 題，我 只 可 以 做 一 個 聆 聽 者，解 決 始 終 都 要 由 當 事 人 自 己 做 返。
5月17日 (星 期 一)
事 情 已 經 過 去，暫 時 雨 過 天 清..........
5月18日 (星 期 二)
老 細 又 講 香 港 既 未 來，講 到 好 灰，但 諗 深 一 層 又 有 d point。
5月19日 (星 期 三)
繼 上 次 汽 水 蓋 換 車 及 samsung 假 電 話 事 件 之 後，今 日 又 俾 我 起 大 陸 目 睹 騙 案，騙 徒 一 共 6 個 人，其 中 一 個 扮 西 藏 人，講 一 堆 騙 徒 先 聽 得 明 既 西 藏 話，有 一 個 就 扮 識 聽，同 佢 起 度 係 咁 講，又 話 自 己 信 佛，個 西 藏 人 聽 到 好 開 心，重 俾 左 d 所 謂 法 朗 既 錢 佢，跟 住 d 人 見 到 又 話 一 張 法 朗 可 以 換 到 幾 百 蚊 人 民 幣，其 中 一 個 騙 徒 跟 住 拎 張 中 國 銀 行 職 員 証 出 黎，又 話 果 d 錢 係 真，剩 低 既 騙 徒 就 你 一 句 我 一 句 咁，扮 晒 好 開 心 咁 起 度 換 錢，我 就 夾 左起 佢 地 中 間，想 笑 又 唔 得，d 戲 咁 鬼 死 假，好 彩 最 後 冇 人 落 塔，佢 地 又 白 做 一 場。
5月20日 (星 期 四)
都 有 一 段 日 子 冇 去 去 護 理 院 睇 外 公，見 到 佢 雖 然 隻 腳 重 係 唔 行 得 而 且 好 瘦，不 過 都 重 有 精 神，睇 得 出 佢 好 想 出 院，但 實 在 冇 法，要 行 返 相 信 都 唔 係 短 時 間 既 事。
5月21日 (星 期 五)
呢 排 睇 緊 本 哈 哈 笑 過 苦 日 子 既 書，透 過 小 故 事 講 解 人 生 哲 理，對 於 自 己 待 人 處 事 都 有 d 幫 助。
5月22日 (星 期 六)
朝 早 7 點 半 上 大 陸，神 咁 早 起 身，好 累 呀。
5月23日 (星 期 日)
今 晚 睇 左 史 力 加 2，但 我 連 1 都 未 睇，不 過 都 冇 乜 關 係，都 睇 得 明，套 戲 都 幾 好 笑，有 好 多 場 面 都 似 曾 相 識，而 且 個 美 術 總 監 又 係 香 港 人，睇 套 戲 既 笑 位 都 有 d 港 產 片 既 影 子，遲 d 要 搵 返 隻 1 黎 睇 先 掂。
5月24日 (星 期 一)
呢 排 嘟 嘟 姐 成 日 賣 家 居 電 話 個 廣 告，佢 又 真 係 平過 我 用 緊 既 香 港 電 訊 成 30 蚊 一 個 月，又 有 電 器 送，我 想 要 吸 塵 機 好 耐，順 便 襯 今 次 轉 埋，一 舉 兩 得。
5月25日 (星 期 二)
好 似 好 耐 冇 去 剪 髮，剪 開 個 師 傅 例 牌 講 果 句，係 咪 照 舊，我 又 例 牌 答 佢 係，佢今 次 真 係 照 舊 得 好 緊 要，剪 左 好 似 冇 剪 咁，咁 就 128。
5月26日 (星 期 三)
今 日 係 佛 誕，老 細 都 叫 一 個 信 佛 既 人，可 能 因 為 咁 今 日 返 半 日，下 午 睇 左 套 無 痛 失 戀，拍 得 都 幾 覆 雜 下，好 彩 睇 左 少 少 影 評 先 入 去 睇，睇 完 結 論 係....珍 惜 眼 前 人，戀 愛 總 有 甜 同 苦，每 一 刻 都 係 值 得 大 家 珍 惜 同 回 味。夜 晚 食 自 助 餐 幫 呀 欣 做 生 日，地 點 起 富 豪 九 龍 酒 店，呢 度 d 食 物 款 式 唔 多，亦 唔 算 特 別 好 味，不 過 環 境 都 叫 清 新 乾 淨，好 彩 有 張 6 折 優 惠 卷，唔 係 就 唔 抵 食。
5月27日 (星 期 四)
睇 睇 下 網 頁，先 知 中 銀 咭 之 前 做 既 優 惠 完 左，每 500 蚊 既 收 據 可 以 換 一 份 禮 物，原 本 31 號 完 結 提 前 左 17 號，唔 聲 唔 聲 換 晒 實 有 人 投 訊 啦，好 彩 我 只 係 簽 左 一 張，唔 係 就 呻 笨。
5月28日 (星 期 五)
星 期 3 先 食 完 既 九 龍 富 豪 酒 店 BUFFET，以 為 自 己 有 張 6 折 優 卷 已 經 好 平，點 知 今 日 收 到 中 銀 咭 既 PROMOTO 先 知 佢 竟 然 係 5 折 優 惠，真 係 要 呻 返 句.....頂。
5月29日 (星 期 六)
原 本 今 日 同 班 童 軍 仔 踩 單 車，點 知 又 因 為 落 雨 取 消，唯 有 陪 佢 地 起 度 步 操，而 家 改 做 下 星 期 去，希 望 到 時 好 天。夜 晚 行 開 旺 角，經 過 雀 仔 街，見 d 白 兔 仔 都 幾 得 意，都 想 養 返 隻，但 又 想 養 隻 短 毛 貓，不 過 好 驚 佢 走 鬼 左，睇 黎 養 兔 仔 好 d，重 幫 佢 改 定 名，跟 我 姓，單 字 叫 呀 飛，即 係 張 飛，型 爆，不 過 都 係 等 我 隻 貓 百 年 歸 老 先 算。