5月1日 (星 期 日)
朝 早 去 左 三 門 仔，呀 yawn 我 今 日 迎 面 向 你 行 過 都 睇 我 唔 到，豈 有 此 理 丫，三 門 仔 好 似 一 個 小 漁 港，但 又 唔 係 出 名 食 海 鮮，沿 路 入 村 行 過 去 就 係 馬 屎 洲，一 個 幾 靚 既 石 灘，可 以 起 度 睇 到 好 多 天 然 既 岩 石，今 次 圍 住 個 馬 屎 洲 行，越 行 越 入，最 後 要 穿 林 先 出 到 黎，俾 d 蚊 針 到 傻。之 後 出 銅 鑼 灣 食 峰 壽 司，第 一 次 試，味 道 真 係 唔 錯，最 緊 要 服 務 態 度 一 流，滴 左 一 滴 冷 氣 機 水 落 我 度，即 刻 話 俾 經 理 聽 再 安 排 掉 位，唔 怪 得 咁 好 生 意，排 咁 耐 隊 都 抵。
5月2日 (星 期 一)
第 二 日 假 期，去 左 小 欖 bbq，又 係 果 間 大 欖 涌 燒 烤 樂 園，入 到 去 先 知 冇 得 釣 蝦，但 就 多 左 杯 雪 糕 送，咁 焗 既 天 氣 bbq 的 確 有 d 辛 苦，好 彩 book 到 麻 雀，一 路 打 一 路 燒 冇 咁 悶，夜 晚 有 返 d 風 都 冇 咁 辛 苦。
5月3日 (星 期 二)
fanny 買 左 部 新 電 腦，點 知 佢 開 唔 到，初 初 都 束 手 無 策，最 後 發 現 cpu 鬆 左，先 至 攪 掂。
5月4日 (星 期 三)
幫 paggy 買 左 部 數 碼 相 機，今 日 拎 返 中 心，fanny 又 壞 左 芒，順 便 幫 佢 買 埋，左 一 袋 右 一 袋，成 個 自 由 行 旅 客 咁。
5月5日 (星 期 四)
今 日 可 以 返 屋 企 食 飯，休 息 下。
5月6日 (星 期 五)
出 左 深 水 步 一 轉 幫 人 買 機，聽 日 再 幫 人 裝。
5月7日 (星 期 六)
今 日 幫 shirley 整 完 部 電 腦，佢 地 竟 然 送 左 件 衫 俾 我，當 係 報 答 我 之 前 義 務 幫 左 佢 咁 多 次 整 機，真 係 唔 好 意 思 收 ，遲 d 要 補 返 禮 物 俾 佢 地。
5月8日 (星 期 日)
今 日 睇 左 三 岔 口，之 前 對 佢 都 幾 高 期 望，睇 雜 誌 影 評 都 話 佢 唔 差，初 初 睇 果 陣 確 係 幾 緊 張，懸 疑 性 質 都 幾 重，三 個 男 主 角 關 係 都 幾 錯 縱 覆 雜，令 人 有 好 想 追 住 睇 落 去 既 感 覺，但 睇 睇 下 發 覺 開 始 有 d 悶，其 實 個 結 局可 以 好 簡 單 咁 做 出 黎，偏 偏 要 左 轉 右 轉，真 係 虎 頭 蛇 尾。
5月9日 (星 期 一)
呢 排 整 機 好 似 變 成 放 工 既 例 行 公 事 一 樣，今 日 又 攪 到 成 11 點，如 果 有 錢 收 既 話 我 諗 都 幾 可 觀。
5月10日 (星 期 二)
西 田 搬 遷，今 日 行 去 八 下 有 乜 野 買，好 多 舖 頭 都 清 D 舊 貨，收 埋 D 新 貨，一 般 都 有 8 折 左 右，自 己 都 買 左 D 野，但 唔 知 佢 幾 時 先 重 開 呢，之 後 睇 左 套 韓 片 童 行 歲 月，全 場 得 1 0 個 人，重 要 遲 成 20 分 鐘 先 開 畫，套 戲 其 實 都 唔 差，班 小 演 員 都 做 得 好 好，但 小 金 英 點 睇 都 認 唔 出 佢，可 能 大 過 左 少 少，都 有 D 感 人 位 睇 到 眼 濕 濕，我 咁 細 過 果 陣 重 係 一 舊 飯，邊 有 咁 多 事 發 生，我 覺 得 重 好 睇 過 三 岔 口。
5月11日 (星 期 三)
舊 果 部 MP3 賣 左 300 蚊，都 算 難 得，網 上 拍 賣 真 方 便。
5月12日 (星 期 四)
最 近 朋 友 為 左 d 感 情 事 煩 惱，我 都 唔 希 望 佢 行 差 踏 錯。
5月13日 (星 期 五)
今 日 同 呀 lo 出 街，陪 佢 起 旺 角 睇 鞋，俾 佢 搵 到 對 剩 返 好 少 貨 既 converse，如 果 佢 唔 買 或 者 我 買 左 lu。
5月14日 (星 期 六)
今 日 睇 左 早 熟，之 前 聽 人 講 話 唔 錯，睇 完 又 真 係 覺 得 幾 ok，故 事 雖 然 老 套，但 d 配 角 d 戲 做 得 真 係 好 好，黃 秋 生 發 嬲 果 陣 真 係 全 場 靜 晒，好 有 迫 力，余 安 安 都 出 奇 地 做 得 好， 兩 個主 角 就 一 般，但 睇 配 角 已 經 好 夠。
5月15日 (星 期 日)
今 日 幫 eva 帶 行 山，地 點 係 梅 子 林，雖 然 天 氣 麻 麻，但 都 有 少 少 太 陽 而 且 少 少 焗，不 過 上 左 山 就有 返 d 風，所 以 冇 咁 辛 苦，原 本 路 線 冇 打 算 叫 班 參 加 者 上 山，不 過 後 尾 都 有 一 半 人 上 左 去，雖 然 唔 算 難，但 都 會 幾 索 氣，落 山 亦 有 d 難 度，不 過 佢 地 都 全 部 完 成 晒，而 且 睇 到 佢 地 有 種 滿 足 感，都 幾 開 心。之 後 中 午 落 到 清 水 灣 俾 佢 地 自 由 活 動，我 地 就 坐 起 度 食 野 望 海 灘，今 日 好 多 人，但 我 地 冇 帶 泳 衣，坐 下 傾 下 偈 咁 又 3 個 鐘，之 後 搭 車 返 去。夜 晚 上 左 大 陸 玩，同 事 介 紹 左 我 去 田 貝 三 路 食 海 鮮，特 色 係 平，呢 度 成 條 街 都 係 海 鮮 店，而 且 d 食 物 真 係 好 平，埋 單 都 係 40 蚊 一 個 人，又 食 到 好 飽，下 次 一 定 要 再 黎。跟 住 去 按 摩，都 係 幫 襯 開 果 間，今 次 試 泰 式 按 摩，好 勁，下 下 都 俾 佢 襟 到 我 d 痛 位，俾 佢 練 完 真 係 鬆 晒，但 可 能 俾 佢 頂 得 個 肚 多，有 少 少 酸 痛 添~~~~
5月16日 (星 期 一)
出 返 香 港 重 早，於 是 去 睇 不 死 狗，李 連 杰 起 呢 套 戲 好 少 講 英 文，打 打 殺 殺 就 變 成 佢 既 例 行 公 事，不 過 今 次 就 睇 到 佢 起 戲 中 扮 軟 弱 一 面，呢 d 就 起 平 時 比 較 少 見 既 地 方。
5月17日 (星 期 二)
玩 夠，休 息 一 天。
5月18日 (星 期 三)
原 本 今 日 封 塵 三 俠 打 算 入 東 涌 食 海 鮮，點 知 有 人 遲 收 工 攪 到 成 8 點 先 入 到 東 涌，諗 過 之 後 決 定 唔 去 住，搭 地 鐵 出 返 荃 灣，同 一 個 站 出 而 家 變 左 要 收 10 蚊，有 d 唔 抵，最 後 變 左 去 酒 樓 食 小 菜，眼 闊 肚 窄 既 我 地 叫 左 好 多 菜，但 酒 樓 方 面 又 漏 左 好 多 單，咁 就 反 而 0岩 0岩 好，如 果 唔 係 就 真 係 食 唔 晒，可 以 話 好 好 彩。
5月19日 (星 期 四)
表 姐 部 機 終 於 壞 左，對 我 黎 講 係 好 事，唔 駛 成 日 幫 佢 整，今 日 就 出 去 幫 佢 買。
5月20日 (星 期 五)
尋 日 買 機，今 日 幫 佢 裝 windows，上 親 佢 屋 企 佢 都 整 左 好 多 野 食 我 等 我 食，今 日 都 唔 例 外，食 到 飽 飽 咁 走。
5月21日 (星 期 六)
落 左 幾 日雨，今 日 先 好 天，聽 日 行 石 澗 應 該 冇 問 題。
5月22日 (星 期 日)
今 日 行 大 城 石 澗，之 前 都 行 過 一 次，但 就 行 唔 晒 全 程，今 日 既 目 標 係 全 程 征 服，今 日 好 好 太 陽，而 且 有 d 焗，行 一 陣 就 成 身 汗，而 且 因 為 之 前 幾 日 落 過 雨 水 流 亦 都 急 左，沿 途 都 見 到 好 多 人，有 d 直 頭 野 餐 一 樣，又 煮 野 食，我 地 就 起 度 食 麵 包，今 日 最 攪 笑 既 就 係 無 端 端 見 到 一 隻 類 似 烏 龜 同 水 魚 混 合 體 既 野 游 過，有 人 重 捉 佢 上 黎，嚇 到 d 人 鬼 殺 咁 嘈，行 到 上 澗 頂 3 點 半，終 於 行 晒，再 行 個 半 鐘 就 出 返 城 門 水 塘 塔 車，今 日 都 唔 算 辛 苦，而 且 fanny 又 帶 左 兩 個 新 朋 友 黎，但 佢 兩 個 行 為 都 幾 古 怪，唔 知 下 次 會 唔 會 見 到 佢 地。
究 竟 呢 隻係 乜
右 上 角 個 呀 叔 無 端 端 入 左 鏡
5月23日 (星 期 一)
廚 房 既 磁 磚 剝 落 得 好 嚴 重，要 搵 個 師 父 黎 睇 下 先 得。
5月24日 (星 期 二)
之 前 部 電 腦 成 日 hang 機，困 擾 左 成 年 終 於 搵 到 原 因，可 以 過 返 正 常人 既 生 活 喇。
5月25日 (星 期 三)
今 晚 打 羽 毛 球，由 於 又 有 人 甩 底，得 返 6 個 人，打 完 真 係 有 d 累。
5月26日 (星 期 四)
搵 左 幫 公 司 攪 開 水 電 既 裝 修 師 父 睇 廚 房，報 價 要 成 7000 蚊，好 似 有 d 貴，不 過 都 係 整 啦，當 係 送 俾 媽 咪 既 禮 物。
5月27日 (星 期 五)
天 氣 好 唔 穩 定，今 晚 起 商 場 入 面 都 聽 到 行 雷 聲，d 雨 好 似 倒 水 咁 犀 利。
5月28日 (星 期 六)
今 日 幫 中 心 帶 班 學 生 去 長 洲 camp，呢 次 相 信 係 我 帶 咁 多 次 宿 營 以 來 最 輕 鬆 既 一 次，因 為 基 本 上 佢 地 全 部 都 係 自 由 活 動 時 間，完 全 冇 集 體 遊 戲 或 其 他 活 動，剩 係 起 度 行 行 企 企，而 且 呢 班 學 生 都 好 乖，唔 駛 我 地 點 擔 心，但 今 晚 都 發 生 左 少 少 趣 事，就 係 夜 晚 4 點 有 消 防 員 走 上 門，班 學 生 初 初 以 為 係 癲 佬 唔 敢 出 門 口 應 人，最 後 叫 醒 左 我 去 處 理，成 晚 就 係 半 睡 半 醒 既 情 況 下 訓 到 第 二 朝。
5月29日 (星 期 日)
訓 醒 果 陣 班 學 生 一 早 出 晒 去 打 波，原 本 打 算 俾 時 間 佢 地 落 巿 中 心 踩 單 車，但 佢 地 又 懶 到 唔 想 落，於 是 兩 個 鐘 頭 時 間 佢 地 又 起 營 舍 入 面 玩，我 又 無 聊 咁 渡 過 呢 段 時 間，之 後 食 完 午 飯 出 camp。夜 晚 睇 左 套 虎 膽 追 擊，好 耐 冇 睇 過 一 套 戲 全 程 都 咁 緊 張，冇 乜 悶 場，唔 睇 到 最 後 都 唔 知 個 結 局 係 點，比 我 預 期 中 好 得 多。
5月30日 (星 期 一)
廚 房 重 未 整 好，但 d 灰 就 飄 到 成 屋 係，地 版 好 似 沙 灘 咁....
5月31日 (星 期 二)
近 排 天 氣 涼 涼 地，放 工 食 飽 飯 訓 陣 都 幾 舒 服。