11月1日 (星 期 五)
放 工 後 幫 shrley 部 電 腦 換 dvd-rom，呀 盈 都 起 度，shrley 今 次 又 親 自 下 廚 煮 晚 飯，佢 整 果 d 野 食 真 係 好 味，又 豬 扒 又 雞 翼，食 飽 之 後 重 睇 埋 套 絕 世 好 爸 先 至 整 電 腦，我 有 我 整 佢 有 佢 地 睇，呀 盈 呢 個 電 視 精 晚 晚 都 追 留 金 歲 月，佢 話 睇 少晚 都 唔 得。見 shrley 部 機 慢 得 緊 要 就 索 性 同 佢 format 埋，咁 又 攪 左 幾 個 鐘，走 果 陣 差 唔 多 成 12 點，重 趕 得 切 塔 尾 班 車。
11月2日 (星 期 六)
牙 肉 開 始 腫 左 同 有 d 痛，攪 到 我 心 情 唔 多 好。
11月3日 (星 期 日)
一 早 訓 醒 牙 肉 重 惡 化 左，合 埋 口 都 覺 得 痛，諗 住 食 粥 應 該 重 ok，點 知 一 咬 就 痛 到 想 喊，攪 到 食 乜 都 係 咬 兩 下 就 吞 落 肚，重 見 到 其 他 人 起 度 大 啖 大 啖 咁 食 野，好 慘，救 命 呀..........
11月4日 (星 期 一)
起 藥 房 買 左 d 消 炎 藥 食 之 後 牙 肉 發 炎 既 情 況 已 經 好 轉，夜 晚 去 fanny 屋 企 整 電 腦 果 陣 佢 媽 咪 重 煲 左 皮 蛋 瘦 肉 粥，成 家 人 一 齊 食，真 係 好 味。以 前 屋 企 樓 下 d 小 販 而 家 冇 晒，想 買 糖 水 食 都 唔 得。
11月5日 (星 期 二)
牙 肉 發 炎 好 返 9 成，yeah~聽 日 去 食 日 本 野 慶 祝。
11月6日 (星 期 三)
今 晚 同 肥 健、志 遠 去 食 飯，肥 健 話 有 間 日 式 自 助 餐 起 帝 都 酒 店 諗 住 去 試，不 過 去 到 睇 下 原 來 已 經 冇 左，於 是 就 轉 移 去 另 一 間 日 本 料 理 大 久 保，聽 同 事 講 佢 地 d 野 食 幾 好，今 次 第 一 次 去 試，食 物 d 種 類 都 算 豐 富，有 壽 司、剌 身、鐵 板 燒、手 卷 等 等，如 果 人 多 既 話 可 以 包 間 房 食，好 似 日 本 d 和 室 咁 坐 起 地 蓆 上 面 食，不 過 佢 地 漏 單 既 情 況 好 嚴 重，落 左 order 既 野 成 日 都 冇 左 蹤 影，一 係 就 好 遲 先 黎，呢 點 真 係 要 改 善 下。
11月7日 (星 期 四)
今 日 公 司 好 忙 好 多 野 做，放 工 好 鬼 累，夜 晚 又 聽 到 一 d 唔 好 既 消 息，自 己 又 有 d 麻 煩 野 煩 緊，d 衰 野 真 係 一 次 過 黎 晒，快 d 攪 完 快 d 甩 難。
11月8日 (星 期 五)
今 日 返 中 心 傾 遲 d 去 醫 院 做 探 訪 既 野，對 象 係 嚴 重 弱 智 及 有 傷 殘 既 病 人，我 地 都 未 試 過 接 觸 這 類 人 仕，要 諗 d 遊 戲 俾 佢 地 玩 都 有 一 定 難 度，要 簡 單 同 埋 方 便 到 佢 地，今 次 開 會 其 實 都 係 得 初 步 構 思，乜 都 未 落 實，最 攪 笑 都 係 要 我 地 扮 病 人 要 人 地 諗 遊 戲 我 地 玩，誇 張 到 死，到 時 一 定 唔 會 咁 玩 啦，不 過 我 地 呢 班 義 工 睇 黎 都 幾 有 幹 勁，應 該 應 付 到。
11月9日 (星 期 六)
今 晚 收 到 呀 姨 電 話，外 婆 入 左 醫 院，最 近 佢 身 體 狀 況 越 黎 越 差，而 家 食 野 都 有 困 難，遲 d 重 要 做 化 療，人 老 左 身 體 既 問 題 就 不 斷 出 現，點 都 避 唔 到。
11月10日 (星 期 日)
今 日 同 呀 LO 出 街 shopping，好 耐 未 試 過 瘋 狂 咁 買 野，今 日 大 解 慳 囊，首 先 由 尖 沙 咀 出 發，先 去 行 利 時 同 百 利，同 以 前 去 既 情 況 一 樣，3 點 幾 都 唔 係 間 間 舖 頭 有 開，都 唔 知 佢 地 係 咪 星 期 日 休 息，而 且 女 裝 為 主，冇 乜 邊 d 合 我 心 意，之 後 去 左 海 港 城，起 citysuper 買 左 份 禮 物 俾 細 v 到 佢 影 畢 業 相 果 陣 送 俾 佢，相 信 都 幾 0岩 佢 用，原 本 諗 住 買 埋 wendy 果 份，不 過 未 搵 到 心 水 物 品，遲 d 先 買。之 後 行 去 新 港 中 心 發 覺 無 印 起 度 開 左 間 分 店，好 多 人 呀，間 舖 大 過 沙 田 果 間，乜 都 有 得 賣，最 受 歡 迎 依 然 係 文 具 同 埋 零 食，原 本 諗 住 買 對 拖 鞋，不 過 要 成 80 幾 蚊 好 似 唔 值，最 後 冇 買 走 人。然 後 落 左 旺 角，LO 話 想 睇 MP3 機 而我 就 睇 md 機，而 家 呢 mp3 機 真 係 好 迷 你，又 有 收 音 機 又 錄 得 音，原 本 我 都 想 買 一 部，不 過 見 自 己 部 相 機 又 可 以 聽 歌，不 如 買 條 ram 重 實 際，又 可 以 影 相，之 後 就 落 旺 電 買 ram，格 過 價 後 發 覺 最 平 都 要 340 蚊，照 買。之 後 行 潮 流 特 區，原 本 諗 住 買 心 愛 既 烘 儂 麵 包 2003 年 記 事 簿，不 過 都 冇，睇 黎 佢 已 經 唔 興 lu，然 後 行 落 信 和，見 到 全 職 獵 人 漫 畫 出 左，等 左 佢 成 年 先 至 出，頸 都 長 埋。之 後 落 金 太 朗 食 飯，咁 多 間 始 終 都 係 女 人 街 果 間 最 好 味，食 飽 落 埋 去 先 達 行 左 個 圈 先 走，非 常 充 實 既 一 日。
11月11日 (星 期 一)
呢 一 晚 唔 知 點 解 訓 極 都 訓 唔 到，眼 光 光 望 住 天 花 板 諗 左 好 多 野，有 以 前 ，有 而 家，重 諗 埋 將 來 可 能 發 生 既 野，最 後 自 己 得 出 一 個 結 論，而 家 以 佢 作 為 人 生 既 指 標。
11月12日 (星 期 二)
今 晚 細v 約 左 我 地 返 去 中 心 同 佢 影 畢 業 相，今 晚 中 心 好 少 人，又 有 d 課 室 空 左，於 是 就 借 左 個 課 室 去 影 相，我 今 次 買 左 個 文 具 套 裝 俾 佢，入 面 有 好 多 樣 文 具 應 該 都 幾 0岩 佢 用，不 過 可 能 夜 晚 既 關 係，可 以 去 影 既 地 方 唔 多，而 且 有 D 人 又 趕 住 走，於 是 影 左 半 個 鐘 左 右 就 執 野 出 去 食 飯，雖 然 時 間 好 短 但 睇 黎 細 V 都 幾 開 心，之 後 去 左 COCO DUCK 食 晚 飯，4 個 人 叫 當 日 晚 餐，MIKO 就 食 三 文 治，今 日 D 牛 扒 好 鬼 硬，咬 好 耐 都 唔 爛，呀 華 食 左 幾 啖 就 擺 低，呀 榮 就 成 碟 清 晒，犀 利，今 日 大 家 都 起 度 傾 工 作 上 既 野，真 係 覺 得 自 己 大 個 仔，冇 晒 童 真，呢 個 月 重 有 WENDY 同 呀 華 影 畢 業 相，將 來 又 多 兩 個 人 投 身 社 會 喇。
11月13日 (星 期 三)
原 本 諗 住 今 日 放 工 可 以 返 屋 企，點 知 肥 健 又 打 電 話 黎 叫 我 出 去 黃 金 睇 電 腦，於 是 今 晚 又 冇 返 屋 企 食 飯，黃 金 不 嬲 都 咁 多 人，不 過 d 人 都 係 起 度 格 價 又 唔 買 多，肥 健 好 快 就 幫 人 買 左 部 電 腦，我 今 日 就 買 左 個 card reader 都 係 75 蚊，都 幾 抵。之 後 就 去 左 甘 寶 間 公 司 裝 部 新 機，兩 三 下 手 腳 就 攪 掂，然 後 落 旺 角 食 許 留 山，返 到 屋 企 又 成 11 點，d 時 間 真 係 過 得 快。
11月14日 (星 期 四)
今 晚 起 中 心 eva 同 我 講 話 可 能 12 月 中 有 一 個 活 動 起 葵 芳 新 都 會 廣 場 需 要 一 個 司 儀，問 我 有 冇 興 趣，都 有 少 少 擔 心，因 為 上 次 咁 少 人 都 有 d 怯 場，今 次 要 起 個 商 場 攪 show 對 住 分 分 鐘 成 幾 百 人，而 且 今 次 拍 擋 方 面 係 另 一 個 機 構 安 排，同 一 班 未 曾 合 作 過 既 人 合 作，前 所 未 有 既 挑 戰，不過其實都 係 另 一 個 機 會，試 下 可 以 同 其 他 人 合 作 可 能 有 另 一 種 感 覺 同 識 其 他 野 都 好。
11月15日 (星 期 五)
今 日 起 中 心 同 班 義 工 再 傾 遲 d 醫 院 探 訪 既 野，呀 欣 已 經 具 體 講 左 今 次 服 務 對 象 同 埋 人 數，今 日 再 傾 返 遲 d 集 合 既 時 間 同 遲 d 佈 緻 既 野，暫 時 都 幾 順 利，應 該 冇 乜 問 題。之 後 出 荃 灣 食 糖 水，言 談 間 有 部 分 人 既 秘 密 睇 黎 守 得 唔 耐，哈...我 係 旁 觀 者，乜 都 唔 知 架，而 且 重 講 左 好 多 攪 笑 野，例 如 某 人 似 粟 子 老 師，有 d 人 個 頭 又 大 到 可 以 坎 爆 雲 石，笑 左 一 晚，不 過 呢 度 講 呢 度 散，俾 佢 知 道 我 地 咁 講 實 殺 死 我 地。
11月16日 (星 期 六)
一 個 歡 笑 既 星 期 六，今 日 同 wendy1號、wendy2號 重 有 connie 影 畢 業 相，亦 都 係 豬 扒 同 好 會 幹 事 既 序 會，出 席 既 有 會 董 呀 ming，會 長 肥 健、社 工 細v、教 師 miko 同 呀 華，重 有 學 生 菠 蘿、我 地 今 次 準 備 左 一 個 馬 騮 公 仔 送 俾 wendy，肥 健 就 送 左 花 俾 connie，今 日 科 大 都 幾 多 人 影 畢 業 相，可 能 因 為 佢 地 最 遲 聽 日 還 袍，周 圍 都 見 到 一 班 二 班 人 影 相，我 地 都 唔 執 輸，周 圍 都 影 餐 飽，影 相 唔 算 最 開 心，而 且 又 用 我 部 相 機 拍 左 好 多 movies 最 攪 笑 係 呀 ming 又 發 揮 語 不 驚 人 誓 不 休 既 本 色，成 日 講 d 九 唔 答 八 既 野，一 出 聲 就 笑 死 我 地，今 日 佢 最 經 典 既 就 係 將 魔 戒 既 [THE LOAD OF THE RING] 講 成 [THE 囉 OF THE WING] 大 家 都 諗 佢 講 呀 榮 既 PET PET，重 要 係 拍 三 部 曲 果 隻，笑 到 肚 痛。影 到 6 點 左 右 由 於 miko同 細v 佢 地 要 走 先，所 以 我 地 都 執 野 離 開，然 後 就 join 埋 polly、羊 肉，呀 榮 去 酒 樓 打 邊 爐，羊 肉 同 polly 已 經 好 耐 冇 見，不 過 佢 地 都 冇 乜 點 變，可 能 大 家 好 耐 冇 聚 埋 一 齊，於 是 就 發 癲，由 地 鐵 站 一 路 玩 到 入 酒 樓，今 次 攪 笑 野 包 括 打 邊 爐 有 穩 形 眼 鏡 湯 底、POLLY 讀 書 時 厚 到 好 似 防 彈 玻 璃 既 眼 鏡，今 次 呢 間 酒 樓 其 實 都 唔 算 特 別 多 野 食，而 且 有 陣 時 落 左 ORDER 既 野 都 冇 黎，不 過 果 D 呀 姐 就 好 好 人，成 日 都 話 有 D 私 伙 野 拎 俾 我 地 食，攪 到 我 地 成 抬 都 係 食 物，POLLY 之 後 飲 大 兩 杯 就 開 始 發 癲，又 發 揮 佢 女 色 魔 既 本 性，係 咁 講 咸 濕 野，好 彩 成 班 都 係 大 人，如 果 唔 係 就 兒 童 不 宜，CONNIE 有 兩 次 重 笑 到 流 眼 淚，我 地 就 肚 抽 筋，係 咁 起 度 又 食 又 玩 就 玩 到 成 11 點 幾 先 走，下 個 星 期 又 到 呀 華 影 畢 業 相，睇 黎 佢 地 到 時 又 會 發 癲。
攪 笑 版 天 氣 報 告 下 載
其 他 相 片 可 到 我 的 相 簿 欣 賞
11月17日 (星 期 日)
今 晚 起 明 珠 台 做 美 麗 有 罪，以 前 起 戲 院 睇 過 一 次 都 應 該 係 兩 三 年 前，果 陣 時 睇 左 都 唔 明 佢 想 講 乜 野，而 家 睇 返 就 覺 得 佢 呢 套 野 拍 得 好 好，將 現 實 既 野 反 映 出 黎，自 己 睇 返 都 發 覺 佢 有 d 角 色 同 自 己 幾 相 似，唔 怪 得 當 時 佢 可 以 拎 咁 多 獎。
11月18日 (星 期 一)
今 日 起 屋 企 睇 左 隻 不 速 之 客，尼 哥 潔 曼 做 的，開 頭 以 為 係 故 事 背 景 係 現 代，原 來 又 唔 係，本 身 好 鐘 意 睇 呢 類 懸 疑 鬼 片，每 次 都 要 睇 到 臨 尾 先 知 個 真 相，今 次 都 唔 例 外，又 估 唔 到 個 劇 情 係 咁，不 過 我 始 終 鐘 意 鬼 眼 同 不 死 劫 呢 兩 套，真 係 好 正，不 過 呢 d 片 睇 完 一 次 就 夠，睇 第 二 次 知 道 劇 情 就 唔 好 睇。
11月19日 (星 期 二)
互 聯 網 真 係 犀 利，竟 然 有 人 俾 左 個 網 我 可 以 download 哈 利 波 特 第 二 集，美 國 都 係 上 左 一 個 星 期，不 過 呢 d 好 片 點 都 要 入 戲 院 睇 先 得。
11月20日 (星 期 三)
今 日 起 麥 當 勞 買 野 食 果 陣 見 到 原 來 佢 d 可 樂 可 以 轉 新 果 隻 雲 尼 拿 味，重 唔 駛 加 錢，不 過 都 冇 試，下 次 買 支 試 下 先。
11月21日 (星 期 四)
今 晚 發 覺 鼻 塞 同 埋 喉 嚨 有 d 乾，睇 黎 就 快 病。
11月22日 (星 期 五)
今 朝 起 身 喉 嚨 又 乾 又 痛，果 然 病 左，好 彩 尋 晚 食 定 兩 粒 幸 福 傷 風 素，下 午 又 飲 左 碗 廿 四 味，都 好 左 d，不 過 夜 晚 約 左 人 去 食 甜 品 自 助 餐，睇 黎 喉 嚨 都 唔 會 咁 快 好 返，試 返 上 次 果 間 italian tomato，吸 收 左 上 次 經 驗，今 次 一 埋 位 就 出 去 排 食 物，今 次 兩 個 人 叫 左 一 個 pizza 一 個 意 粉，重 有 4 件 蛋 糕，已 經 好 多，重 試 左 我 上 次 未 食 過 既 芝 士 蛋 糕，味 道 都 ok，今 次 d 侍 應 態 度 好 過 上 次 好 多，唔 知 係 咪 有 人 投 訴 過，不 過 計 返 其 實 今 餐 蝕 左 俾 佢，我 地 計 返 如 果 散 叫 既 話 都 係 170 蚊 左 右，而 家 兩 個 人 收 220，蝕 左 50 蚊，夠 買 兩 件 半 蛋 糕，哈.....兩 個 人 食 真 係 唔 化 算。
11月23日 (星 期 六)
上 星 期 6 係 wendy 影 畢 業 相，今 次 就 到 呀 華，地 點 係 香 港 大 學，今 次 出 席 既 人 數 都 相 當 之 多，有 成 12 人，呀 華 今 日 又 著 到 四 四 正 正，polly 同 connie 都 好 有 心 機 幫 佢 執 到 件 畢 業 袍 正 晒 先 俾 佢 影 相，港 大 其 實 冇 乜 邊 d 靚 景 可 以 影，數 數 埋 埋 都 係 得 三 四 個，不 過 今 日 都 好 多 人，成 日 都 要 企 起 度 等 人 影 完 埋 位，我 地 今 次 送 左 個 相 架 同 一 支 筆 俾 佢，希 望 佢 鐘 意，今 次 又 拍 左 幾 套 片，其 中 有 段 係 講 呀 華 同 某 君 乜 乜 既 片 就 ng 左 好 多 次 先 拍 到，有 興 趣 可 下 載 看 一 看，影 到 差 唔 多 6 點 左 右 就 出 去 食 飯，重 去 左 高 街 鬼 屋 睇 下，以 前 d 人 話 佢 係 鬼 屋，而 家 變 左 社 區 中 心，connie 佢 地 話 好 正 重 想 上 去 睇 下，不 過 閂 左 門。之 後 出 返 去 荃 灣 食 飯，polly 介 紹 我 地 去 食 一 間 上 海 菜 館，果 度 d 野 食 真 係 唔 錯，5 個 小 菜 加 一 個 湯 都 係 218 蚊，重 叫 埋 小 籠 包，炒 烏 東 果 d 小 菜 食 埋 單 都 係 320 蚊，食 到 個 個 飽 晒，可 能 今 日 起 港 大 行 得 太 多 路，大 家 都 有 d 累，之 後 就 解 散，唔 知 下 次 咁 多 人 聚 埋 一 齊 又 係 幾 時 了。
其 他 相 可 到 我 相 簿 欣 賞
11月24日 (星 期 日)
之 前 果 幾 日 成 日 出 街 加 上 喉 嚨 可 能 尋 日 叫 得 太 犀 利 有 d 唔 妥，於 是 決 定 今 日 成 日 留 起 屋 企 休 息，上 下 網，睇 左 隻 我 老 婆 未 夠 秤 既 vcd，呢 套 戲 都 唔 算 好 好 睇，講 真 重 有 d 悶，唔 知 點 解 d 影 評 讚 佢 好，好 彩 套 戲 係 download 唔 駛 錢 買，呢 排 都 download 左 好 多 電 影 未 睇，次 次 開 著 左 部 電 腦 就 由 得 佢 自 己 download 自 己 就 走 去 做 第 二 d 野，雖 然 咁 做 就 即 係 同 買 翻 版 一 樣，不 過 好 既 戲 我 一 定 去 戲 院 睇，諗 返 好 似 11 月 我 都 未 去 過 戲 院 睇 戲 咁，黎 緊 12 月 咁 多 套 好 片，一 定 全 部 要 入 戲 院 睇 先 得。
11月25日 (星 期 一)
今 晚 出 席 左 一 個 唔 應 該 有 我 既 場 合，哈.....不 過 個 氣 氛 好 攪 笑，我 知 道 當 事 人 有 睇 我 網 頁，你 地 自 己 心 照 啦。
11月26日 (星 期 二)
最 近 係 咪 因 為 天 氣 轉 冷，d 人 既 心 情 都 轉 埋，成 日 都 聽 到 人 話 唔 開 心 既。
11月27日 (星 期 三)
放 工 去 左 打 羽 毛 球，而 隔 離 場 就 有 乒 乓 波 比 賽，參 賽 者 全 部 都 係 小 朋 友，不 過 唔 好 睇 少 佢 地，個 個 都 好 犀 利，我 同 任 何 一 個 打 睇 黎 都 唔 會 嬴，而 家 d 小 朋 友 真 係 幸 福，想 學 乜 都 有，d 家 長 又 捨 得 俾 錢，同 以 前 果 代 差 好 遠。
11月28日 (星 期 四)
今 晚 收 到 個 朋 友 電 話，不 過 同 我 講 電 話 既 反 而 係 佢 d 朋 友，好 奇 怪，又 問 埋 晒 d 好 細 路 仔 既 問 題，都 唔 知 點 答 佢 地 好。
11月29日 (星 期 五)
今 晚 返 中 心 準 備 星 期 日 醫 院 探 訪 既 物 資，今 次 準 備 左 3 個 遊 戲，其 中 一 個 拼 圖 雖 要 剪 大 量 既 紙 先 做 到，於 是 成 班 人 夾 手 夾 腳 去 整，成 10 點 幾 先 整 好，都 整 得 幾 靚 丫，希 望 到 時 可 以 大 派 用 場。
11月30日 (星 期 六)
好 鬼 累，放 工 後 直 接 返 屋 企 休 息，黎 緊 呢 個 12 月 睇 返 都 幾 多 野 攪，月 尾 重 去 清 遠 參 加 交 流 團，都 叫 做 完 成 左 一 年 去 一 次 旅 行 既 願 望。