11月1日 (星 期 一)

今 日 拎 野 去 將 軍 澳 俾 人，計 返 荃 灣 出 發 到 寶 琳，再 返 葵 芳，大 約 要 45 分 鐘，其 實 都 叫 幾 耐。

11月2日 (星 期 二)

一 到 月 頭，公 司 又 忙，加 上 老 細 又 唔 起 度，開 始 有 少 少 亂 既 情 況 出 現。

11月3日 (星 期 三)

今 日 有 人 請 食 飯，去 左 佐 敦 間 樂 師 私 房 菜 度 食，不 過 今 晚 叫 左 好 多 野，又 熱 氣，食 完 真 係 牙 肉 痛。

11月4日 (星 期 四)

今 晚 同 年 幾 冇 見 既 朋 友 食 飯，大 家 都 冇 乜 點 變，我 重 以 為 佢 唔 記 得 我。

11月5日 (星 期 五)

好 耐 都 未 試 過 起 公 司 留 到 9 點，同 個 同 事 一 齊 諗 野，諗 諗 下 過 左 咁 耐 都 唔 知，但 又 唔 知 算 唔 算 叫 解 決 左 個 問 題，聽 日 先 算。

11月6日 (星 期 六)

由 於 下 午 要 去 camp，今 朝 又 要 上 大 陸 攪 d 野，於 是 7 點 鐘 就 出 左 門 口，0岩 0岩 好 一 點 鐘 出 返 黎，之 後 入 長 洲 幫 中 心 帶 個 camp，對 像 係 胡 漢 輝 班 學 生，由 於 以 前 發 生 過 d 唔 愉 快既 經 歷，今 次 去 都 有 少 少 擔 心 案 件 重 演，不 過 今 次 比 我 預 期 既 好 得 多，佢 地 呢 班 好 乖，玩 遊 戲 又 投 入，而 且 合 作 得 好 好，食 完 飯 又 肯 洗 碗，令 我 對 佢 地 既 印 象 完 全 改 觀，今 晚 有 夜 行，分 成 3 小 隊，行 一 段 都 幾 黑 既 山 路，但 路 程 唔 長，15 分 鐘 可 以 完 成，另 外 玩 左 兩 個 小 遊 戲，呢 度 睇 到 佢 地 合 作 精 神，我 果 隊 就 做 得 唔 錯。

11月7日 (星 期 日)

長 洲 camp 第 二 日 行 程，朝 早 起 身 先 做 早 操，之 後 就 玩 小 遊 戲 熱 下 身，竹 蜻 蜓 原 來 都 幾 好 玩，跟 住 玩 砌 金 字 搭，果 幾 舊 幾 何 物 件 我 尋 晚 用 左 成 半 個 鐘 都 攪 唔 掂，佢 地 最 遲 都 係 用 10 分 鐘 砌 好，真 係人 多 好 辦 事，重 有 玩 時 光 墜 道、拍 咭 同 埋 堆 塔，佢 地 呢 日 都 玩 左 好 多 野，午 飯 之 後 就 玩 水 柱、過 蜘 蛛 網 同 trust walk，水 柱 係 最 激，個 個 都 唔 錫 身 全 身 濕 晒，真 係 好 投 入，精 力 無 窮 既 佢 地 晚 飯 後 又 有 夜 行，今 次 既 路 稍 為 長 d，而 且 要 佢 地 獨 行 墳 場，都 幾 考 膽 量，佢 地 都 全 部 完 成 晒，重 以 為 佢 地 會 好 累，返 去 果 段 路 重 可 以 有 講 有 笑，用 無 限 體 力 形 容 佢 地 真 係 貼 切 ，聽 日 就 要 走，但 佢 地 個 camp 重 有 一 日，唔 知 佢 地 會 玩 乜。

11月8日 (星 期 一)

朝 早 7 點 出 camp 返 工，真 係 有 d 累，今 日 終 於 可 以 返 屋 企。

11月9日 (星 期 二)

今 日 同 ming penny 加 肥 健 食 飯，ming 話 想 去 愉 景 新 城 睇 高 達 展，佢 又 話 鐘 意 高 達，但 又 唔 識 佢 地 d 名，俾 佢 激 死。

11月10日 (星 期 三)

小 吉 同 基 返 左 黎，約 佢 地 打 波 順 便 聽 下 佢 地 咁 多 日 行 程 有 乜 趣 事，好 羨 慕 佢 地 可 以 去 咁 耐 旅 行，我 真 係 做 唔 到，聽 佢 地 講 d 趣 事 真 係 好 開 心，多 謝 佢 地 d 手 信 先。

11月11日 (星 期 四)

冇 乜 野 做 去 左 剪 髮，順 便 陪 人 出 旺 角 買 野，原 本 人 地要 買 野，到 最 後 兩 手 空 空 走 既 係 佢，反 而 我 就 買 到 野。

11月12日 (星 期 五)

老 闆 今 日 舉 喪 禮，我 都 係 第 一 次 出 席 基 督 教 喪 禮 儀 式，過 程 比 佛 教 果 d 短 得 多，希 望 老 闆 起 天 堂 過 得 舒 服，唔 好 成 日 煩 惱 d 公 事。

11月13日 (星 期 六)

今 日 菠 蘿 影 畢 業 相，佢 為 左 同 我 地 影 專 登 遲 一 日 還 袍 重 要 罰 錢，辛 苦 晒 佢。今 日 適 逢 又 係 city 既 畢 業 禮，見 到 好 多 人 拎 住 一 個 個 公 仔 同 花 起 街 度 行，但 浸 大 果 邊 d 人 已 經 影 晒 咁 滯，所 以 今 日 果 度 好 冷 清，而 且 景 點 唔 係 好 多，好 快 影 完，但 佢 d 課 室 每 座 都 分 開 屬 於 自 己 既 學 系，呢 個 就 幾 特 別。之 後 周 圍 行，shopping 食 飯，咁 樣 又 過 左 一 日。

11月14日 (星 期 日)

今 晚 睇 左 不 瘦 降 之 迷，唔 知 係 咪 套 戲 反 應 麻 麻，今 日 假 期 票 價 都 係 35 蚊，加 埋 用 信 用 咭 買，又 可 以 平 4 蚊，套 戲 其 實 係 套 紀 錄 片，個 個 都 以 為 剩 係 睇 一 個 人 起 度 係 咁 食 麥 記 30 日，不 過 最 好 睇 唔 係 呢 度，反 而 佢 搵 左 好 多 權 威 或 者 專 家 去 評 擊 快 餐 既 壞 處，最 有 趣 係 小 朋 友 睇 相 認 人，耶 蘇 冇 乜 人 識，麥 當 勞 叔 叔 就 個 個 都 認 得，不 過 睇 耐 左 就 發 覺 套 戲 其 實 都 幾 針 對 快 餐 致 肥 呢 點 黎 講，鏡 頭 無 時 無 刻 都 會 影 住 d 好 肥 既 人，而 且 一 個 人 要 食 30 日 麥 記 跟 本 係 冇 乜 可 能 會 咁 做，而 且 又 要 專 登 唔 做 運 動，所 以 睇 完 呢 套 戲 我 都 唔 會 減 少 食 快 餐，最 多 之 後 做 返 多d 運 動。

11月15日 (星 期 一)

今 晚 有 人 請 食 飯，重 搵 家 康 幫 手 買 左 對 鞋，有 7 折，今 年 都 冇 買 過 鞋， 買 對 貴 d 都 唔 係 好 過 份。

11月16日 (星 期 二)

今 日 幫 fanny 整 機，冇 去 佢 屋 企 一 排，屋 企 又 有 狗 又 有 倉 鼠，動 物 園 一 樣。

11月17日 (星 期 三)

今 日 收 到 張 紅 色 炸 彈，但 收 得 好 開 心，希 望 快 d 可 以 去 佢 個 婚 宴。

11月18日 (星 期 四)

天 氣 涼 左 好 多，今 晚 終 於 可 以 食 屋 企 飯。

11月19日 (星 期 五)

今 日 張 自 己 件 風 褸 連 公 司 條 倉 匙 反 鎖 起 貨 倉 入 面，又 冇 後 備 匙，聽 日 要 搵 人 開 鎖 先 掂。

11月20日 (星 期 六)

自 從 睇 完 果 套 不 瘦 之 迷，前 後 應 該 有 成 一 個 月冇 食 過 麥 記，今 日 終 於 忍 唔 住 食 左 一 次，重 要 一 係 唔 食，一 係 食 好 多，芝 士 孖 寶 餐、雞 翼、蘋 果 批，好 正 呀.......

11月21日 (星 期 日)

今 日 起 象 山 村 做 攤 位，推 廣 一 個 老 人 中 心，但 場 面 都 幾 冷 清，唔 係 好 多 人 黎，企 耐 左 開 始 有 d 覺 無 聊。夜 晚 出 左 去 行 旺 角 朗 豪 坊，雖 然 係 好 多 層，但 就 冇 銅 鑼 灣 或 者 又 一 城 果 d 商 場 咁 好 行，一 貫 旺 角 風 氣，人 多 ....但 就 真 係 開 左 好 多 舖 頭，行 呢 度 真 係 可 以 乜 都 買 齊，而 且 又 真 係 好 高，成 十 幾 層，有 條 電 梯 一 路 直 上 5 層，望 落 樓 下 都 有 d 驚，第 時shopping 又 一 個 好 去 處。見 有 時 間，去 行 埋 尖 咀，有 d 燈 飾 都 開 始 左，但 唔 多，過 多 一 個 禮 拜 應 該 幾 靚。

11月22日 (星 期 一)

起 屋 企 睇 返 之 前 d/l 左 既 電 視 節 目，呢 晚 就 咁 坐 起 度 過 左。

11月23日 (星 期 二)

今 晚 返 左 中 心 幫 手 執 d 露 營 用 品，都 幾 亂，特 別 係 d cookset，好 難 先 叫 執 返 齊 一 套，執 果 d 已 經 用 左 成 晚。

11月24日 (星 期 三)

原 本 今 日 都 幾 開 心，不 過 因 為 一 個 人 一 d 事，成 個 心 情 轉 晒。

11月25日 (星 期 四)

今 晚 入 元 朗 千 之 壽 食 日 本 野，之 前 食 過 一 次，超 巨 型 三 文 魚 刺 身 同 壽 司 重 有 芒 果 蟹 子 沙 律 我 重 記 得 好 清 楚，今 次 4 個 人 去，試 既 野 都 多 D 而 且 又 唔 會 咁 快 滯，例 牌 D 野 又 係 大 件 到 飛 起，食 完 個 刺 身 拼 盤 真 係 有 D 滯，之 後 侍 應 聽 到 我 地 叫 4 個 軟 殼 蟹 手 卷，佢 用 好 奇 怪 既 眼 光 望 我 地，心 諗 不 妙，即 刻 改 叫 兩 件 先，都 唔 係 好 大 件 先 叫 多 兩 個，不 過 都 要 拆 件 食 先 掂，食 到 好 飽 最 後 重 出 荃 灣 食 甜 品 先 滿 足，真 係 飽 晒。

11月26日 (星 期 五)

聽 日 天 氣 會 跌 到 落 16 度，終 於 可 以 著 冬 天 衫。

11月27日 (星 期 六)

今 日 肥 健 媽 媽 生 日，被 邀 出 席 佢 個 飯 局，擺 左 兩 圍，食 既 野 又 好 豐 富，好 飽，多 謝 晒 佢 請 客。

11月28日 (星 期 日)

乜 都 冇 做 過 但 好 似 好 累，因 此 今 日 可 以 訓 到 好 晏，而 且 又 冇 出 街，全 日 打 遊 戲 機。

11月29日 (星 期 一)

今 晚 去 左 旺 角 唱 k，呢 間 neway 晚 巿 自 助 餐 竟 然 有 打 邊 爐，重 有 其 他 食 物，都 叫 幾 豐 富，但 就 唔 係 好 多 信 用 咭 有 優 惠，荃 灣 果 間 著 數 d。

11月30日 (星 期 二)

有 100 蚊 元 綠 優 惠 今 晚 去 左 食 壽 司，佢 又 出 左 幾 款 新 野，但 始 終 都 唔 夠 元 氣 咁 好 食。