11月1日 (星 期 二)
今 晚 睇 左 黑 社 會，睇 完 唔 係 好 明 點 解 佢 三 級，可 能 因 為 涉 吸 黑 社 會 話 題，套 戲 其 實 有 d 似 黑 社 會 成 立 既 紀 錄 片，中 間 段 戲 就 集 中 起 梁 家 輝 同 任 達 華 既 鬥 法，但 最 搶 果 個 始 終 都 係 梁 家 輝，某 程 度 都 幾 緊 張，但 臨 尾 果 個 結 局 有 少 少 令 人 意 外。
11月2日 (星 期 三)
隻 腳 終 於 唔 痛 喇....好 野，今 晚 食 家 鄉 雞 慶 祝。
11月3日 (星 期 四)
睇 左 套 用 數碼 相 機 拍 既 短 片，入 面 見 到 一 班 女 仔 蝦 一 個 女 仔 既 情 況，睇 到 火 都 黎 埋，但 入 面 d 人 分 唔 到 係 香 港 定 大 陸 人，講 d 廣 東 話 好 純 正，但 畫 面 又 似 國 內 發 生，相 信 段 片 好 快 會 傳 到 周 圍 都 係，如 果 入 面 既 女 仔 係 香 港 人 既 話 相 信 好 快 就 會 有 警 察 跟 進，如 果 係 國 內 既 話 睇 黎 都 做 唔 到 d 乜。
11月4日 (星 期 五)
成 日 諗 住 7 點 起 身 book 場 打 波，不 過 次 次 都 訓 過 龍，下 次 一 定 要 記 得。
11月5日 (星 期 六)
食 老 麥 可 以 抽 獎，但 抽 親 都 係 薯 餅，冇 運 行。
11月6日 (星 期 日)
尋 晚 失 眠，差 唔 多 成 5 點 先 訓 得 著，訓 著 果 陣 已 經 聽 到 出 面 雀 仔 叫，今 晚 同 wendy 做 生 日，地 點 起 香 港 老 飯 店，對 於 食 方 面 有 高 要 求 既 佢 都 覺 得 呢 間 都 唔 錯，雖 然 貴 少 少 都 值 得。今 晚 重 起 度 見 到 盧 巧 音，冇 化 粧 既 佢 睇 落 好 普 通，差 d 認 唔 出。食 飽 就 起 附 近 間 da doice 食 雪 糕，佢 地 係 咁 試 食，攪 到 一 手 都 係 雪 條 棍，最 後 大 家 都 有 幫 襯，如 果 唔 係 實 俾 人 black list 都 似。
11月7日 (星 期 一)
天 氣 轉，鼻 敏 感 又 開 始 發 作，特 別 係 返 到 公 司 果 陣，包 雲 吞 變 成 每 日 既 必 做 事。
11月8日 (星 期 二)
今 晚 星 期 二 檔 案 講 行 山 既 安 全，之 前 發 生 既 綁 樹 黨 事 件 原 來 唔 經唔 覺 過 左 成 年 幾，重 講 左 d 行 山 結 娘 緣 既 故 仔，身 邊 有 朋 友 亦 都 係 因 為 咁 而 成 為 一 對。
11月9日 (星 期 三)
發 現 左 個 軟 件 叫 PPLIVE，可 以 上 網 收 睇 電 視 節 目，運 用 BT 原 理，越 多 人 睇 就 越 順，不 過 主 要 睇 到 大 陸 電 視 台，如 果 連 有 線 都 睇 到 就 好。
11月10日 (星 期 四)
返 到 屋 企 收 到 張 貼，親 戚 請 飲，之 前 見 到 佢 地 亦 係 佢 地 個 女 結 婚，咁 又 500，早 之 今 日 唔 買 野 啦。
11月11日 (星 期 五)
收 到 個 mail，內 容 都 幾 感 人，但 其 實 係 咪 你 想 同 我 講 d 野....?
http://www.mathsking.net/luck/
11月12日 (星 期 六)
今 晚 去 jacky 屋 企 bbq，順 便 參 觀 佢 既 新 居，間 屋 裝 修 得 幾 靚，又 連 天 台 ，最 重 要 見 到 佢 隻 狗，好 得 意，重 有 個 獨 立 屋 俾 佢 住，有 錢 真 係 好。燒 完 野 食 都 成 12 點 幾，搭 通 宵 小 巴 出 返 荃 灣，車 程 都 幾 耐，可 能 因 為 佢 途 經 既 地 方 多，之 後 再 轉 的 士，返 到 屋 企 成 點 半 LU。
11月13日 (星 期 日)
原 本 諗 住 出 街，點 知 又 俾 人 甩 底，慣 啦~~~~全 日 留 起 屋 企
11月14日 (星 期 一)
下 午 去 運 輸 處 幫 公 司 攪 車 牌 既 事，以 前 都 係 老 闆 自 己 攪，乜 都 唔 知 入 左 去 排 隊，原 來 要 填 form，車 主 身 份 証 同 埋 簽 名，好 彩 個 職 員 好 人，叫 我 可 以 出 去 後 補 唔 駛 排 隊，簽 名 果 度 重 叫 我 自 己 簽 返，( 雖 然 係 犯 法 )，但 估 唔 到 咁 多 人 排 隊，起 碼 等 左 成 45 分 鐘，起 度 重 見 到 有 班 專 門 幫 人 攪 續 牌 既 人，相 信 係 果 d 學 車 公 司 既 人，而 且 同 d 職 員 都 相 當 熟 絡，見 佢 地 有 傾 有 講 幾 開 心 咁，到 5 點 鐘 臨 近 收 工，重 可 以 見 到 d 職 員 起 度 食 西 餅，咁 好 既 政 府 工 起 邊 度 搵，成 個 下 午 就 起 運 輸 處 度 過 左。
11月15日 (星 期 二)
大 陸 同 事 以 自 由 行 身 份 落 左 黎 香 港，朝 早 陪 佢 去 沙 田 拜 一 拜 老 細，之 後 返 公 司 坐 下 傾 偈，下 午 就 同 老 闆 娘 飲 茶，聽 佢 講 返 自 己 有 果 兩 個 小 朋 友 之 後 佢 就 好 開 心，估 唔 到 我 同 佢 差 唔 多 時 間 入 職，佢 已 經 成 家 立 家 重 有 埋 小 朋 友。之 後 出 旺角 買 野，女 人 街 變 成 遊 客 街，好 彩 唔 算 多 人，起 金 舖 買 左 條 3 兩 重 既 頸 鍊，好 似 條 豬 腸 粉 咁 大 條，15000 蚊，好 誇 張 。 現 場 觀 察 所 得，入 親 黎 都 係 國 內 同 胞，而 且 都 幾 旺，唔 怪 得 成 條 街 都 係 金 舖。之 後 出 尖 沙 咀 行 星 光 大 道，同 事 話 覺 得 好 舒 服，現 且 香 港 真 係 乾 淨 得 多，最 後 上 火 車 站 都 會 廣 場 食 完 晚 飯 就 送 佢 塔 車 走，原 來 而 家 九 鐵 個 尾 站 係 尖 東，我 重 以 為 係 紅 磡 添，我 都 真 係 好 耐 冇 搭 過 火 車 喇。
11月16日 (星 期 三)
今 晚 去 左 青 衣 跑 步，對 上 一 次 跑 運 動 場 已 經 係 讀 書 果 陣 既 事，原 來 自 己 對 腳 重 未 好 返，第 一 次 跑 5 個 圈 就 開 始 痛，第 二 次 跑 3 個，第 三 次 跑 1 個，隻 腳 已 經 好 痛，唯 有 放 棄 坐 低 睇 人 跑，呢 個 場 都 好 多 人 跑 步，可 能 因 為 遲 d 有 幾 場 比 賽 會 舉 行，今 晚 重 見 到 呀 倫，大 家 寒 喧 左 幾 句，有 少 少 掛 住 helen 添，等 隻 腳 好 返 再 跑 過 先。
11月17日 (星 期 四)
呢 排 政 府 嚴 打 唔 扣 安 全 帶 既 人，同 事 個 呀 媽 就 因 為 咁 中 招，唔 知 罰 幾 多 錢 呢。
11月18日 (星 期 五)
睇 開 pplive，見 到 四 眼 雞 丁 已 經 可 以 起 網 上 面 睇 到，但 質 素 一 般，都 係 留 返 去 戲 院 睇 會 開 心 d。
11月19日 (星 期 六)
今 日 去 白 頭 佬 炸 雞 買 外 賣 返 屋 企 食，可 能 因 為 lunch 時 間 特 別 多 人，排 左 好 耐 隊 先 到 自 己，點 左 個 蜜 糖 雞 翼 套 餐 同 3 隻 巴 辣 香 雞 翼，返 到 屋 企 先 發 現 佢 竟 然 執 漏 左 3 隻 雞 翼 俾 我，可 能 忙 中 有 錯，就 咁 白 白 俾 多 左 成 10 蚊，四 眼 妹 你 好 野....
11月20日 (星 期 日)
今 日 出 發 去 東 坪 洲 玩，朝 早 6 點 半 起 身，好 早，call 左 成 朝 wendy 都 冇 聽 電 話，九 成 係 唔 知 醒，到 最 後 當 然 黎 唔 到，預 先 book 定 既 船 飛 雖 然 最 後 咁 橋 有 人 要，但 都 要 收 返 佢 錢 以 示 懲 罰。原 本 諗 住 係 幾 個 朋 友 去，點 知 friend 搭 friend 既 情 況 下 最 後 變 成 24 人 出 席，好 耐 未 試 過 咁 多 人。今 日 去 既 人 都 好 多，連 位 都 唔 夠 坐，而 且 都 相 當 大 風，凍 到 上 層 d 人 要 落下 面 避 下，個 幾 鐘 頭 船 後 終 於 到 達，影 完 張 大 合 照 後 就 出 發，由 於 大 家 步 速 唔 同，行 行 下 好 快 散 左 做 幾 批，好 彩 我 d 朋 友 之 前 黎 過，放 心 俾 佢 地 自 己 走，之 後 就 同 另 一 班 未 黎 過 既 人 繼 續 出 發，今 次 發 現 東 坪 洲 除 左 石 頭 多 之 外 其 次 應 該 係 蟻，周 圍 都 係，嚇 到 著 涼 鞋 果 班 鬼 殺 咁 嘈，如 果 呢 個 島 慢 慢 行 既 話 其 實 可 以 行 好 耐，可 能 有 d 人 真 係 平 時 少 接 觸 大 自 然，對 好 多 野 都 覺 得 好 新 鮮，5 點 鐘 搭 船 返 出 去，返 到 馬 料 水 已 經 成 7 點，解 散 之 後 部 份 人 決 定 出 元 朗 食 巨 型 壽 司，途 中 有 個 兩 歲 半 既 小 朋 友 見 我 地 玩 猜 拳，成 晚 就 起 我 後 面 不 斷 講 包 剪 搥，好 攪 笑，同 佢 講 野 果 陣 都 聽 得 唔 係 好 明 佢 講 乜，好 彩 有 兩 個 人 係 做 幼 稚 園 教 師，對 佢 地 黎 講 完 全 冇 難 度，但 個 小 朋 友 真 係 好 得 意，最 後 重 有 呀 榮 車 我 返 屋 企，雖 然 今 日早 左 起 身 係 辛 苦 d，但 又 真 係 幾 開 心。
相 集 可 按 這 裏
11月21日 (星 期 一)
諗 住 去 東 坪 洲 果 日 唔 好 曬 冇 搽 太 陽 油，點 知 今 日 起 身 先 發 現 甩 皮，重 以 為 爆 拆 添。
11月22日 (星 期 二)
呢 排 成 日 飲 茶，唔 係 同 客 去 就 同 老 闆 娘 飲，食 來 食 去 都 係 果 d，有 d 厭。
11月23日 (星 期 三)
今 晚 唱 k，好 少 唱 到 自 己 叫 埋 單 走，可 能 今 日 冇 乜 人，今 期 飲 歌，劉 德 華，繼 續 談 情 .....空 房 冷 冰 冰，山 伯 孤 零 零......
11月24日 (星 期 四)
儲 左 一 大 堆 白 色 衣 物 床 單，一 次 過 洗，但 個 枕 頭 袋 都 幾 污 漕，買 個 新 既 重 好。
11月25日 (星 期 五)
朋 友 收 到 個 內 幕 消 息，雖 然 唔 知 道 可 靠 程 度 如 何，相 信 佢 唔 會 俾 個 陷 阱 我 踩， 我 信 左 佢，希 望 佢 講 既 係 事 實 (編 號 894)。
11月26日 (星 期 六)
起 網 上 面 睇 左 套 冬 陰 公，唔 知 點 解 睇 落 去 好 似 漏 左 好 多 野 咁，係 大 陸 果 邊 cut 晒 定 係 個 故 仔 唔 完 整。
11月27日 (星 期 日)
冬 天 之 後 塊 面 好 乾，一 直 都 唔 明 點 解 女 仔 d 護 膚 品 點 解 咁 貴，今 日 終 於 領 悟 到，買 左 支 幾 貴 既 野 搽 面，但 用 完 又 真 係 舒 服 d。
11月28日 (星 期 一)
呢 個 朋 友 果 然 信 得 過， 佢 俾 我 既 消 息 亦 都 冇 假，遲 d 請 佢 食 飯 先。
11月29日 (星 期 二)
聽 天 氣 報 告 講，下 星 期 會 跌 到 15 度，冬 天 衫 終 於 可 以 出 籠 喇。
11月30日(星 期 三)
今 晚 起 演 藝 睇 左 套 詹 瑞 文 做 既 男 人 之 虎 棟 督 笑 show，入 面 差 唔 多 全 場 爆 滿，而 且 呢 個 show 已 經 係 第 四 度 演 出，睇果 陣 覺 得，哇.... 乜 咁 多 粗 口，絕 對 唔 0岩 小 朋 友 睇，但 睇 佢 形 體 動 作 又 真 係 幾 好 笑，但 睇 得 多 有 少 少 悶，差 唔 多 成 3 個 鐘，而 且 個 主 題 睇 完 真 係 唔 明 佢 想 表 達 乜 野 出 黎，而 且 尾 場 果 陣 就 不 斷 同 虎 標 萬 甘 油 賣 廣 告，都 唔 知 佢 係 咪 做 贊 助，整 體 黎 講 只 係 俾 佢 70 分。