10月1日 (星 期 五)
國 慶 假 期，好 多 人 都 放 假，今 日 睇 左 套 機 場 客 運 站，湯 漢 斯 做，好 耐 冇 睇 過 一 套 戲 係 咁 開 心，成 套 睇 落 都 覺 得 好 舒 服，而 且 好 多 笑 位，全 場 都 起 度 笑，除 左 主 角 做 得 好 外，有 d 配 角 都 非 常 正 斗，臨 尾 都 幾 感 人，睇 到 眼 濕 濕，熱 烈 推 介 呢 套 戲。夜 晚 表 姐 結 婚 請 食 飯，見 到 好 耐 冇 見 既 一 班 親 戚，但 冇 乜 點 傾 偈，剩 係 起 度 食，利 苑 呢 間 酒 樓 d 菜 都 幾 特 別，食 到 我 個 肚 漲 晒。
10月2日 (星 期 六)
上 次 中 秋 去 唔 成 bbq，今 次 補 去 返，地 點 亦 係 天 水 圍 果 間 千 葉 bbq 場，佢 真 係 好 近 西 鐵 站，過 一 條 馬 路 就 係。每 位 收 費 48，但 除 左 食 物 同 燒 烤 用 品 外，幾 乎 乜 都 唔 包，炭 要 10 蚊，飲 品 6 蚊，連 廁 紙 都 冇，於 是 即 刻 叫 夜 入 既 會 董 買 野 入 黎，慳 返 唔 少。今 晚 亦 係 金 枝 欲 孽 大 結 局，一 做 果 陣 全 個 場 都 靜 晒，完 左 之 後 好 多 人 都 唔 係 好 滿 意 個 結 局，嫌 佢 交 代 得 唔 夠 清 楚，之 後 繼 續 燒 野 食 同 傾 偈，幫 菠 蘿 補 祝 返 生 日，需 然 遲 左d，但 希 望 佢 鐘 意 份 禮 物 啦。
10月3日 (星 期 日)
今 日 幫 eva 同 班 家 庭 去 米 埔 睇 野 生 雀 鳥，自 己 都 係 第 一 次 去，呢 度 真 係 好 大 而 且 都 好 靚，唔 怪 得 要 列 做 禁 區，入 面 四 通 八 達，唔 係 有 人 帶 住 自 己 周 圍 走 分 分 鐘 走 失，不 過 要 睇 雀 記 得 要 帶 望 遠 鏡，唔 係 就 實 睇 唔 清 楚，今 日 好 彩 重 見 到 有 個 鳥 雀 起 我 地 好 近 既 地 方，大 家 睇 到 都 好 興 奮，呢 度 有 好 多 地 方 都 冇 去 到，如 果 做 左 佢 地 既 會 員 就 有 機 會 去 到，年 費 都 唔 算 好 貴，290 蚊，真 係 有 興 趣 既 話 可 以 考 慮 下。
10月4日 (星 期 一)
朋 友 帶 左 去 尖 咀 食 飯，原 來 街 巿 果 度 有 間 大 排 檔 好 出 名，叫 大 家 姐，老 闆 著 得 好 新 潮，睇 落 都 係 似 廿 幾 歲，而 且 好 好 招 乎，如 果 可 以 約 一 大 班 人 黎 食 飯 既 話 就 好 熱 鬧。
10月5日 (星 期 二)
外 公 今 晚 舉 殯，可 能 已 經 去 過 唔少 喪 禮，易 咸 既 我 表 現 得 都 幾 冷 靜......
10月6日 (星 期 三)
外 公 出 殯，有 另 一 個 世 界 既 話 希 望 佢 活 得 開 心，唔 駛 再 掛 咁 多 事.....
10月7日 (星 期 四)
老 細 最 近 cancer 返 發，呢 排 成 日 要 入 醫 院，聽 佢 語 氣 好 似 唔 想 再 支 持 落 去，遲 d 應 該 加 入 失 業 大 軍。
10月8日 (星 期 五)
封 塵 三 俠 聚 會，今 次 食 韓 燒，而 家 唔 係 太 鐘 意 呢 d 咁 熱 氣既 食 物，而 且 太 多 油，所 以 都 食 得 唔 多，之 後 竟 然 起 街 撞 到 舊 同 學，重 約 左 月 尾 出 黎 打 保 齡，當 然 要 到 時 大 家 記 得 先 好。
10月9日 (星 期 六)
收 工 同 同 事 一 齊 搭 車，傾 開 老 細 個 病 好 似 唔 係 太 樂 觀，雖 然 暫 時 都 未 知 係 咪 證 實 癌 症 返 發，但 都 要 有 定 心 理 準 備，大 家 都 唔 係 怕 佢 執 笠，係 怕 佢 突 然 唔 起 度 間 公 司 唔 知 點 算，乜 都 冇 交 帶，老 細 本 身 又 唔 知 佢 想 點，反 而 要 我 地 替 佢 擔 心。
10月10日 (星 期 日)
今 日 全 日 留 起 屋 企 冇 出 街，原 本 打 算 執 下 d 換 季 衫，但 又 冇 乜 心 情 去 攪，成 日 就 起 度 打 機 玩 下 電 腦 咁，無 無 聊 聊 又 過 左 一 日。
10月11日 (星 期 一)
老 細 聽 日 有 化 驗 報 告，希 望 佢 唔 好 有 事。
10月12日 (星 期 二)
今 晚 睇 左 套 生 化 危 機 2，對 呢 套 戲 都 唔 會 抱 太 大 期 望，只 因 睇 過 第 一 集 追 埋 落 去，反 而 都 有 好 多 驚 喜，套 戲 都 冇 乜 悶 場，幾 刺 激，驚 嚇 位 都 幾 多，嚇 到 坐 我 後 面 果 個 成 日 起 腳 踢 落 我 張 椅 度，如 果 有 打 過 佢 原 著 既 game 就更 加 易 投 入，整 體 黎 講 不 過 不 失。
10月13日 (星 期 三)
今 晚 同 班 同 事 去 食 海 鮮，佢 地 經 常 講 東 涌 有 間 食 海 鮮 檔 又 平 又 正，今 日 帶 我 去 試，起 東 涌 地 鐵 站 有 車 入 去，但 5 分 鐘 就 到，其 實 只 係 逸 東 村 入 d，搭 巴 士 總 站 就 到，今 晚 食 左 好 多 野，有 扇 貝、炒 蜆、瀨 尿 蝦，同 埋 一 隻 一 斤 重 既 龍 蝦 加 伊 麵 底，的 確 幾 好 食，而 且 都 唔 算 貴，每 人 大 約 200 蚊，但 星 期 6 同 日 最 好 唔 好 黎，因 為 多 人 到 離 譜，實 食 唔 到 海 鮮，食 完 重 有 車 送 返 出 去，之 後 去 同 事 屋 企 參 觀，佢 住 映 灣 園，入 面 好 豪 華，會 所 好 多 設 施，睇 落 真 係 好 正，有 錢 做 業 主 真 係 好。
10月14日 (星 期 四)
今 日 上 老 細 屋 企，見 到 佢 好 辛 苦 咁，連 行 幾 步 路 都 成 頭 大 汗，都 唔 知 講 乜 野 好。
10月15日 (星 期 五)
呀 妹 去 左 澳 門 返 黎，買 左 一 盒 二 盒 既 餅，但 就 冇 我 鐘 意 食 既 老 婆 餅，可 惜。呢 次 應 該 係 佢 第 一 次 出 門，佢 返 到 黎 都 係 咁 講 話 好 開 心，庇 護 工 場 安 排 既 活 動 都 相 當 吸 引。
10月16日 (星 期 六)
今 日 返 半 日，下 午 同 人 周 圍 去 睇 床 裖，我 自 己 訓 緊 果 張 連 一 寸 厚 都 冇，可 能 俾 我 壓 扁，但 就 訓 得 幾 舒 服，席 夢 絲 就 係 見 過 既 最 貴，65 折 都 要 成 二 千 幾 蚊，海 馬 就 一 般，最 平 當 然 係 果 d 上 樓 舖，但 唔 知 質 地 好 唔 好，買 呢 d 野 都 幾 講 學 問。
10月17日 (星 期 日)
都 有 一 段 日 子 冇 行 山 行 山，今 次 約 左 一 班 人，全 部 11 人 一 半 我 係 識，呢 次 行 山 同 平 時 果 d 好 唔 同，有 人 係 為 左 重 修 舊 好，有 人 係 黎 相 睇，有 人 要 操 fit 身 體，我 就 陪 人 黎 睇 戲，由 港 大 出 發，一 路 沿 住 山 路 上， 上 到 山 頂 又 落 返 港 大，路 程 其 實 唔 長，但 就 要 一 路 上 同 落，新 相 識 既 朋 友 多 數 都 係 hku 既 人，佢 重 帶 我 地 起 度 遊 港 大，其 實 諗 返 起 都 幾 攪 笑，當 我 地 好 似 第 一 次 黎 咁，但 算 啦，今 日 又 係 hku 開 放 日，可 以 睇 下 人 地 既 宿 舍，都 幾 大 同 幾 靚，見 到 間 房 有 人 連 床 都 唔 要，就 咁 放 d 床 墊 上 去 就 當 床，都 幾 攪 笑。夜 晚 睇 左 套 原 罪 犯，睇 既 原 因 係 佢 起 韓 國 拎 左 好 多 獎，睇 完 覺 得 呢 套 都 唔 差，主 要 講 一 個 人 想 搵 返 點 解 俾 人 鎖 左 起 一 個 地 方 15 年，出 到 黎 之 後 要 搵 返 真 相 既 故 仔，差 唔 多 睇 到 尾 段 先 知 內 龍 去 脈 咁 滯，幾 緊 張，不 過 套 戲 其 實 都 幾 血 腥，女 仔 真 係 唔 係 咁 適 合 睇，而 且 故 事 帶 出 既 野 可 能 未 必 個 個 接 受 到。
10月18日 (星 期 一)
老 細 睇 黎 都 知 自 己 乜 野 事，開 始 著 手 安 排 一 d 野，但 我 覺 得 佢 老 婆 成 日 乜 都 唔 理 有 d 過 份，而 家 覺 得 老 細 好 可 憐 咁，搵 左 錢 但 又 冇 命 駛，聽 日 要 上 大 陸 check 數，睇 黎 都 要 同 上 面 d 人 講 聲 做 定 心 理 準 備 會 好 d。
10月19日 (星 期 二)
老 細 入 左 醫 院 後，得 返 我 一 個 上 大 陸，同 上 面 d 人 傾 開，其 實 佢 地 都 心 裏 有 數，暫 時 都 係 見 步 行 步 步。
10月20日 (星 期 三)
公 司 同 事 煲 左 d 生 魚 湯 俾 老 細 飲，雖 然 有 飲，但 之 後 嘔 返 晒 出 黎，見 佢 精 神 雖 然 唔 錯，但 就 冇 乜 力，睇 到 咁 都 唔 知 點 好。
10月21日 (星 期 四)
老 細 個 病 冇 好 轉，乜 野 方 法 都 要 試，大 陸 d 同 事 求 神 問 卜 呢 d 都 試 埋，冇 希 望 中 既 方 法。
10月22日 (星 期 五)
今 日 重 陽 節 假 期，同 會 董、肥 健 加 penny 一 共 4 人 行 釣 魚 翁，今 日 好 多 人 登 山 掃 墓，行 山 既 亦 都 唔 少，由 五 塊 田 出 發，終 點 係 清 水 灣，路 程 唔 算 長，慢 慢 行 4 個 鐘 左 右 行 完，今 日 俾 我 地 發現 左 會 董 有 個 男 友，叫 呀 楊，雖 然 佢 話 重 未 成 事，不 過 以 後 又可 以 多 個 話 題，見 到 佢 真 人 就 更 好，走 果 陣 發 現 有 山 火，好 彩 已 經 落 左 山，唔 知 係 咪 因 為 d 人 拜 山 d 火 種 累 事。
10月23日 (星 期 六)
今 日 返 到 公 司 即 刻 收 到 老 闆 娘 電 話，話 老 細 情 況 唔 多 好，於 是 即 刻 去 醫 院 睇 佢，去 到 見 佢 雖 然 重 清 醒，但 已 經 要 插 喉 呼 吸，情 況 比 我 想 像 中 更 差，一 兩 日 既 變 化 竟 然 咁 大，老 細 重 交 帶 左 一 d 事 俾 我 地 做，見 到 咁 樣 已 經 唔 知 講 乜 好，相 反 佢 地 d 仔 女 同 老 婆 比 較 冷 靜，或 者 可 能 已 經 做 定 心 理 準 備，下 星 期 一 相 信 會 有 好 大 改 變，到 時 要 睇 我 地 公 司 3 個 人 點 安 排 處 理 到 時 情 況............
10月24日 (星 期 日)
呢 排 都 係 煩 緊 公 司 既 事，夜 晚 搵 個 朋 友 傾 傾 都 冇 咁 唔 開 心。
10月25日 (星 期 一)
今 日 再 探 老 闆，已 經 連 講 野 都 有 困 難，只 可 以 用 筆 寫 出 黎，捉 住 佢 隻 手 望 住 佢，都 唔 知 點 好，我 知 佢 其 實 有 好 多 野 想 講，佢 吩 付 我 做 既 私 人 野 希 望 可 以 做 得 好。
10月26日 (星 期 二)
凌 晨 收 到 電 話，老 闆 終 於 唔 起 度，佢 生 前 想 見 既人 到 最 後 都 趕 唔 切 見 佢 最 後 一 面。而 家 公 司 決 定 繼 續 做 落 去，老 闆 有 d 朋 友 都 肯 義 務 幫 我 地 俾 少 少 意 見，而 家 公 司 剩 返 3 個 人，大 家 都 要 跟 緊 d 睇 返 足 d。
10月27日 (星 期 三)
聽 日 要 處 理 老 闆 生 事 交 帶 既 私 人 事，令 人 有 d 擔 心。
10月28日 (星 期 四)
全 日 都 起 街 上 面 攪 老 闆 私 人 事，冇 返 過 公 司，尋 日 擔 心 既 野 總 算 冇 想 像 中 咁 麻 煩，而 且 都 叫 順 利，辛 苦 d 都 值 得。
10月29日 (星 期 五)
封 塵 三 俠 聚 會，何 伯 終 於 起 失 業 年 幾 後 搵 到 野 做，但 佢 就 唔 係 太 鐘 意 份 工，人 工 低 又 要 起 機 場 返，唯 有 叫 佢 做 住 搵 另 一 份，唔 知 我 遲 d 要 搵 幾 耐 先 搵 到 份 合 適 自 己 既 工 作。
10月30日 (星 期 六)
今 晚 中 心 攪 左 個 萬 聖 節 派 對，幫 手 做 義 工，佈 置 左 間 房 入 面 有 個 棺 材，個 個 都 心 諗 有 隻 鬼 會 起 入 面，遍 遍 就 冇 野，反 而 起 則 邊 彈 出 黎 重得 人 驚，而 且 熄 晒 燈 既 中 心 真 係 乜 都 睇 唔 到 咁 滯，更 加 恐 佈，化 左 個 中 國 疆 屍 裝，頭 頂 重 寫 住 老 婆，但 成 晚 都 同 另 一 隻 老 婆 鬼 分 開 左，睇 返 整 體 上 既 反 應 其 實 都 唔 錯，見 d 人 都 玩 得 幾 開 心，但 可 能 人 多，唔 係 個 個 都 有 得 玩，呢 點 可 能 佢 地 覺 得 有 d 可 惜。
10月31日 (星 期 日)
今 日 去 左 行 山，地 點 由 北 潭 坳 出 發 至 水 浪 窩，中 途 經 過 嶂 上，雞 公 山，今 次 行 得 都 幾 甘 下，都 有 d 擔 心 班 少 行 既 女 仔，上 嶂 上 段 路 都 幾 辛 苦，見 佢 地 索 晒 氣 咁，好 彩 到 頂 之 後 條 路 舒 服 d，然 後 就 起 上 面 食 lunch，今 日 呢 度 聚 左 好 多 人，可 能 真 係 好 多 人 行 山，食 飽 抖 陣 再 出 發 去 雞 公 山，又 到 上 山 時 段，行 到 索 晒 氣，尾 段 稍 為 舒 服 返 d，落 到 山 都 係 5 點 左 右。夜 晚 同 wendy 做 生 日，再 去 ruby tuesday 食，今 日 係 萬 聖 節，book 唔 到 位，唯 有 踩 上 門 碰 下 運 氣，又 俾 我 地 好 彩 拎 到 抬，傾 傾 下 大 家 決 定 下 個 月 去 行 梧 桐 寨 順 便 食 齋，之 後 去 林 村，希 望 攪 得 成，食 飽 飯 想 傾 偈，再 落 pub 飲 野，起 沙 田 搵 間 pub 都 幾 難，好 彩 frank 識 路，就 咁 傾 偈 傾 到 10 點 半 先 走。