10月1日 (星 期 六)
10 月 1 黃 金 週 開 始，今 晚 同 菠 蘿 同 karan 補 祝 生 日，唔 記 得 今 日 放 煙 花，條 街 特 別 多 人，今 晚 聚 會 都 幾 開 心，又 食 左 好 多 日 本 野，講 返 大 家 其 實 都 好 懷 念 果 陣 去 交 流 團 既 事，重 話 要 攪 返 次 旅 行，但 要 就 時 間 同 日 子 呢 d 問 題 相 信 都 幾 辛 苦 下，唯 有 大 家 諗 下 遲 d 萬 聖 節 出 唔 出 黎 玩 好。可 能 因 為 食 左 天 婦 羅，喉 嚨 重 痛 得 緊 要，而 且 好 似 有 d 感 冒，幸 福 傷 風 素 又 冇 存 貨，唯 有 聽 朝 先 買。
10月2日 (星 期 日)
出 面 天 氣 熱 得 交 關，而 且 喉 嚨 痛 又 未 好 返，今 日 留 起 屋 企 休 息。食 左 藥 後 好 返 少 少，睇 左 套 港 產 片 vcd，擁 抱 每 一 刻 花 火，由 一 班 青 春 偶 像 演 員 做，睇 完 都 覺 得 唔 錯，而 且 都 幾 多 感 動 位，可 能 套 戲 想 帶 出 一 d 意 思，但 又 未 諗 到 係 乜，有 人 睇 左 話 返 俾 我 聽。
10月3日 (星 期 一)
同 事 今 日 同 我 講，早 兩 日 上 大 陸 玩，佢 朋 友 俾 人 打 左 荷 包，大 陸 D 賊 真 係 厲 害。之 前 同人 夾 份 買 既 六 合 彩，三 張 中 左 一 張，20 蚊 安 慰 獎，好 過 冇 啦。
10月4日 (星 期 二)
睇 新 聞 見 到 個 童 軍 領 袖 行 山 失 救 死 亡，而 且 佢 係 我 其 中 一 個 朋 友 以 前 曾 經 train 過 佢，大 好 青 年 就 咁 冇 左，亦 都 可 以 警 剔 下 自 己 就 算 幾 專 業 都 難 免 會 有 意 外 發 生。
10月5日 (星 期 三)
件 事 都 發 生 左 3 個 月，睇 黎 都 終 於 可 以 放 低....
10月6日 (星 期 四)
今 晚 睇左 電 車 男，開 頭 睇 果 陣 唔 知 點 解 好 有 代 入 感，可 能 同 自 己 既 生 活 有 d 似 既 關 係，初 段 都 幾 好 睇，但 又 覺 得 好 似 過 份順 利，果 班 所 謂 幕 後 幫佢 追 女 仔 既 人 亦 都 好 攪 笑，相 信 呢 個 世 界 真 係 有 果 d 未 拍 過 拖 又 係 咁 教 人 追 女 仔 既 人，每 個 人 既 生 活 背 景 都 各 有 唔 同，尾 段 既 劇 情 又 係 日 劇 果 種 慘 情，跑 跑 下 就 跌 到 個 女 仔 就 會 起 佢 面 前 出 現，講 一 堆 浪 漫 說 話 後，最 後 bingo 埋 個 女 主 角，拖 得 都 幾 長，整 體 黎 講 睇 下 都 冇 壞。
PS：yawn你 今 日 起 吉 之 島 買 左 d 乜 野 呀...? ^_^
10月7日 (星 期 五)
今 日 老 細 既 呀 二 同 佢 個 仔 落 左 黎，同 佢 一 齊 去 拜 老 闆，佢 走 左 到 而 家 已 經 一 年，時 間 過 得 真 係 快，拜 果 陣 小 朋 友 重 細，重 未 知 爸 爸 唔 起 度，大 過 左 佢 自 然 會 明 白，大 家 對 左 成 日，始 終 都 係 現 實 d 有 所 要 求，我 地 會 幫 佢 轉 告 老 闆 娘.........
10月8日 (星 期 六)
有 好 野 同 大 家 分 享......大 陸 版 一 夜 成 名_這 裏
睇 左 千 杯 不 醉 vcd，結 論 係.....好 彩 冇 入 戲 院 睇。
10月9日 (星 期 日)
最 近 積 極 睇 緊 套 外 國 電 視 劇 集 LOST，無 線 同 有 線 都 分 別 做 緊，我 就 上 網 download 晒 全 套，一 日 睇 兩 集，套 戲 都 幾 懸 疑，睇 黎 真 係 要 睇 到 尾 先 知 邊 個 先 係 成 件 事罪 魁 禍 首，而 家 重 有 4 集 睇 完。
10月10日 (星 期 一)
今 日 雙 十 節，聽 日 重 陽，今 年 d 假 好 似 好 密 咁，返 一 陣 又 放 。
10月11日 (星 期 二)
尋 晚 失 眠，應 該 係 同 飲 左 包 維 記 檸 檬 茶 有 關，4 點 先 訓 得 著。朝 早 起 身 拜 神，之 後 順 便 執 下 神 位，成 個 乾 淨 晒。夜 晚 去 左 食 飯，叫 左 片 皮 鴨 同 埋 荷 葉 糯 米 飯 焗 蟹，隻 蟹 d 糕 好 犀 利，好 似 食 咸 蛋 簧 咁，好 高 膽 固 脝，今 晚 又 飲 左 d 酒，走 果 陣 有 少 少 ring.....睇 黎 今 晚 可 以 有 覺 好 訓。
10月12日 (星 期 三)
今 日 全 日 焦 點 係 神 洲 6 號 成 功 升 空，中 國 人 既 驕 傲。下 午 公 司 得 自 己 一 個，好 少 有，加 上 又 冇 乜 野 做，起 度 睇 左 隻 vcd，龍 咁 威 2....我 覺 得 1 好 睇 d。
10月13日 (星 期 四)
同 個 fd 食 完 晚 飯 後，食 左 意 粉 同 蜜 糖 豬 手，之 後 佢 個 肚 竟 然 有 少 少 唔 妥，大 家 都 係 食 果 d 野，但 我 又 冇 事。夜 d 個 f d 同 我 講 左 個 未 經 證 實 但 可 信 性 甚 高 既 消 息....今 年 究 竟 發 生 乜 野 事，計 返 已 經 係 第 5 單，幾 時 輪 到 我 呢 ?
10月14日 (星 期 五)
今 晚 我 知 道 好 多 人 都 好 想 知 某 件 事 既 答 案，但 我 只 可 以 講 我 希 望 保 留 返 自 己 既 私 穩，亦 都 唔 係 大 家 所 諗 既 咁 覆 雜，咁 樣 相 信 對 大 家 都 好 d，否 則 我 可 能 真 係 會 close 左 呢 個 網 頁，唔 該 晒 大 家。
10月15日 (星 期 六)
原 來 套 LOST 唔 係 得 24 集，而 家 只 係 完 左 第 一 PART，唔 知 幾 時 先 有 第 二 PART。
10月16日 (星 期 日)
今 日 睇 左 套 高 兇 三 萬 尺，但 由 於 遲 到 左 成 半 個 鐘 先 入 場 既 關 係，睇 少 左 4 分 1 內 容，好 彩 唔 係 影 響 得 太 大，都 追 到 個 劇 情，不 過 套 戲 略 嫌 簡 單 左 d，好 多 野 都 係 單 刀 直 入，冇 乜 峰 迴 路 轉，同 我 預 期 差 d。今 晚 問 左 個 朋 友 兩 個 問 題 俾 自 己 參 考，遲 d 會 問 埋 其 他 人 睇 下 佢 地 d 答 案 會 唔 會 又 係 一 樣。
10月17日 (星 期 一)
放 工 返 屋 企 果 陣 望 下 自 己 條 村 其 他 樓，發 覺 空 置 率 都 幾 高，唔 知 係 咪 因 為 呢 條 村 d 交 通 唔 方 便 定 係 d 人 搬 晒 去 新 屋 果 邊。
10月18日 (星 期 二)
今 日 同 事 講 開，佢 可 能 出 年 年 尾 會 結 婚，真 係 替 佢 開 心，但 聽 佢 講 因 為 明 年 雙 春 潤 月，酒 席 起 今 年 年 頭 已 經 俾 人 book 晒，唔 知 訂 唔 訂 到，但 唔 知 到 時 我 地 間 公 司 執 左 未。
10月19日 (星 期 三)
今 日 上 老 闆 娘 度 幫 佢 清 咁 屋 企 d 垃 圾，包 括 老 闆 以 前 剩 低 既 物 品，無 意 中 發 現 其 中 一 袋 野 入 面 放 左 幾 萬 蚊 起 度，相 信 係 老 闆 收 埋 左 起 度 連 自 己 都 唔 記 得 左，d 錢 多 到 咁 真 係 唔 知 講 乜 好。夜 晚 同 poon 食 飯，佢 講 返 俾 我 知 我 地 原 來 成 年 冇 見，原 來 已 經 咁 耐，之 前 同 佢 睇 boot，見 佢 成 晚 囉 囉 戀 咁... 唔 知 買 唔 買 好，最 後 佢 都 想 買 但 又 冇 佢 size，整 定 佢 冇 緣，佢 重 話 聽 日 要 起 銅 鑼 灣 買 返，臨 走 前 聽 到 佢 講 既 一 句 說 話，雖 然 唔 係 同 佢 太 熟，但 聽 完 都 好 開 心。
10月20日 (星 期 四)
睇 一 遍 報 道，話 一 個 人 30 年 後 退 休 要 有 500 萬 先 可 以 維 持 現 有 既 生 活 模 式，一 個 普 通 打 工 仔 邊 有 可 能 做 到。
10月21日 (星 期 五)
今 晚 整 電 腦，重 有 住 家 飯 食，睇 黎 真 係 要 入 廚 房 落 下 廚 先 得，好 多 野 都 唔 知，特 別 係 海 鮮，今 晚 辛 苦 晒 你 喇。
10月22日 (星 期 六)
聽 日 去 行 山，一 個 二 個 臨 時 先 話 唔 得 閑 或 者 有 事，呢 d 朋 友 真 係 丫.....好 彩 都 重 有 d 守 諾 言 既 人。
10月23日 (星 期 日)
check 返 日 記 原 來對 上 一 次 行 山 係 4 月，即 係 剛 剛 半 年 冇 行 過 山，今 日 由 大 冒 山 出 發 到 深 井，食 早 餐 見 到 小 吉 佢 地 今 日 又 係 行 山，但 佢 地 行 城 門 水 塘 果 頭，我 地 呢 段 路 基 本 上 都 行 過 幾 次 冇 乜 問 題，而 且 都 唔 難 行，所 以 我 叫 埋 jojo 同 cammy 佢 地 一 齊 行。tim 就 叫 左 個 小 學 識 到 而 家 既 朋 友 呀 蚊 同 埋 幾 個 朋 友 一 齊 行，未 出 發 先 興 奮，呀 蚊 同 呀 tim 去 左 洗 手 間，呀 蚊 出 返 黎，見 呀 tim 唔 見 左 人 呀 賓 就 去 左 搵，之 後 又 唔 見 佢 返 黎，到 史 葛 去 搵，撞 鬼 3 個 都 一 去 冇 回 頭，大 家 都 覺 得 出 奇，最 後 派 出 呀 ben 去 搵，終 於 知 點 解，原 來 佢 地 起 度 等 呀 蚊，明 明 大 家 都 見 呀 蚊 出 左 黎 坐 起 度，點 解 冇 人 見 到，重 走 晒 入 去 等，出 到 黎 講 返 大 家 都 笑 餐 死。攪 攪 下 成 11 點 幾 先 出 發，今 日 都 叫 多 人 去 行 山，重 有 好 多 車 駛 上 黎，行 到 點 3 就 食 lunch，呀 榮 佢 地 好 似 拜 山 一 樣，買 左 成 隻 雞 同 tim 兩 個 人 食，剩 係 分 左 隻 雞 腳 俾 我，重 有 一 大 堆 零 食，好 似 攪 party 咁。多 謝 史 葛 佢 俾 左 隻 雞 翼 同 雪 梨 我，休 息 期 間 呀 蚊 拎 左 小 學 d 相 出 黎，裏 面 見 到 呀 tim 個 樣 冇 乜 點 變，但 就 好 攪 笑，最 正 係 果 張 扮 羊 帶 面 具 睇 唔 到 樣 既，又 笑 餐 飽。好 羨 慕 佢 地 d 同 學 可 以 重 keep 住 聯 絡，我 就 一 個 都 冇，連 相 都 好 似 冇 埋。食 飽 出 發，尾 段 都 叫 幾 辛 苦，可 能 大 家 都 好 耐 冇 行 山，落 到 深 井 果 段 都 有 少 少 腳 痛，好 彩 都 叫 全 體 安 全 到 達，而 驅 動 我 地 落 黎 既 動 力 就 係 呢 度 既 甜 品，黎 到 大 家 都 叫 野 食 之 後 就 各 有 各 散，我 就 同 榮 約 左 朋 友 食 飯，原 來 呀 榮 一 路 講 既 就 係 佢.......食 飽 呀 榮 走 先，我 就 同 個 friend 去 食 甜 品，之 後 先 返 屋 企，呢 個 時 候 隻 右 腳 好 似 俾 人 打 披 左 咁，行 路 窒 窒 下，jojo 同 cammy 辛 苦 晒，一 人 欠 你 地 一 支 甜 筒 啦。夜 d 傾 電 話 果 陣 人 地 問 一 個 問 題，我 都 唔 係 好 識 點 處 理，我 只 係 覺 得 有 d 人 太 小 氣。
唯 一 之 大 合 照
食 緊 半 隻 雞
大 食 會 份 量 既 食 物
10月24日 (星 期 一)
一 如 所 料，隻 右 腳 好 痛，痛 既 地 方 集 中 起 右 邊 菠 蘿 蓋 後 面 條 筋，唔 通 係 起 山 玩 拉 筋 果 陣 出 事，而 家 行 平 路 都 冇 乜 野，落 樓 梯 就 好 似 大 肚 婆 一 樣，要 扶 欄 杆 先 落 到尸。
10月25日 (星 期 二)
忽 然 大 家 都 有 興 緻 打 邊 爐，即 刻 約 埋 去 旺 角 稻 香 食 餐 勁，除 左 叫 d 傳 統 食 物 外，我 地 重 叫 左 大 閘 蟹，30 蚊 一 隻 又 唔 係 好 貴，今 晚 我 地 有 幸 見 到 雞 博 士 即 席 示 範 食 雞 子 ( 即 係 雞 既 睪 丸)，基 本 上 在 坐 見 到 個 樣 都 冇 人 敢 食，叫 左 碟 成 廿 粒 都 有 俾 佢 一 個人 食 晒，佩 服 佩 服，佢 重 話 雞 公 d 肉 (鞋) D，但 又 冇 乜 証 據，其 中 iris 就 答，可 能 佢 地 日 日 啼，重 扮 埋 個 動 作 出 黎，起 呢 個 moment，我 地 笑 左 佢 成 個 字，但 講 開 又 講，稻 香 d 野食 又 真 係 唔 錯，唔 怪 得 爆 晒 棚。
10月26日 (星 期 三)
唔 知 係 咪 尋 晚 食 d 野 唔 乾 淨，個 肚 唔 多 妥，全 日 都 頂 住 頂 住 咁。
10月27日 (星 期 四)
隻 腳 同 肚 都 唔 妥，冇 乜 心 機。
10月28日 (星 期 五)
無 意 中 知 道 左 個 妹 d 野，暫 時 乜 都 唔 做， 睇 定 d 先 好。
10月29日 (星 期 六)
今 日 睇 左 怪 誕 屍 新 娘，一 套 幾 特 別 既 戲，添 布 頓 既 片 一 向 既 詭 異 風 格，雖 然 係 講 愛 情，但 唔 係 各 得 浪 漫，可能 始 終 太 多 骷 盧 骨 同 鬼 怪，唔 係 咁 0岩 合 家 歡 睇。
10月30日 (星 期 日)
隻 腳 依 然 係 痛 緊，可 能 整 親 條 筋，今 日 留 起 屋 企 休 息，再 唔 好 返 唯 有 睇 醫 生。
10月31日 (星 期 一)
唔 講 都 唔 記 得 今 日 係 萬 聖 節，不 嬲 都 冇 特 別 慶 祝，今 晚 睇 左 套 怪 物，原 本 去 UA 睇 只 係 用 麥 提 莎 加 一 個 吉 包 就 可 以 換 到 張 飛，但 估 唔 到 門 口 排 晒 隊，連 9 點 幾 果 場 都 爆 埋，唯 有 去 百 老 匯俾 50 蚊 睇 正 價，差 20 蚊 真 係 分 別 好 大，去 到 都 重 買 到 飛，套 戲 其 實 都 唔 係 好 得 人 驚，睇 得 多 反 而 覺 得 冇 乜 野，不 過 林 嘉 欣 就 睇落 好 似 肥 左 d，舒 唔 化 粧 個 樣 都 幾 恐 佈，滿 面 雀 斑，個 小 朋 友 就 成 套 戲 都 係 要 不 斷 咁 喊，睇 黎 佢 辛 苦 d。可 能 今 日 萬 聖 節 好 多 人 扮 鬼 扮 馬，特 別 係 爆 炸 頭 都見 到 幾 個，重 有 帶 住 個 鬼 面 具 既 人 周 圍 嚇 人，可 能 尋 日 星 期 日 重 熱 鬧。