9月1日 (星 期 一)
開 學 日，但 天 文 台 話 聽 日 可 能 打 風，返 一 日 又 放 假，d 學 生 最 開 心。
9月2日 (星 期 二)
下 午 掛 起 8 號 風 球，無 端 端 多 左 半 日 假，放 工 果 陣 天 氣 都 重 算 ok，入 左 青 衣 同 樹 春 佢 地 食 最 後 的 午 餐，之 後 佢 返 國 內 發 展，都 唔 知 幾 時 先 再見 到 佢，有 d 唔 捨 得。到 傍 晚 d 風 越 黎 越 大，吹 到 個 騎 樓 彭 彭 聲，又 濕 晒，聽 日 有 排 抹。
9月3日 (星 期 三)
起 完 全 唔 知 情 下 裝 左 有 線 電 視，返 屋 企 先 知，好 嬲............
9月4日 (星 期 四)
存 在 左 好 耐 既 問 題 終 於 有 人 發 現，唔 想 得 失 其 他 人 ，知 得 太 多 未 必 係 最 好， 唯 有 沉 默 是 金。
9月5日 (星 期 五)
去 左 個 fd 既 家 姐 屋 企 整 電 腦，呢 家 人 一 門 三 傑 (女 性)，正 所 謂 三 個 女 人 一 個 墟，把 口 一 開 就 唔 停 得，見 佢 地 三 姐 妹 傾 偈 成 日 鬼 殺 咁 嘈，但 講 野 果 陣 d 內 容 又 好 好 笑，都 未 見 過 有 d 屋 企 係 可 以 咁 開 心。
9月6日 (星 期 六)
美 食 推 介，尖 沙 咀 新 港 中 心 稻 香 酒 樓，午 巿 點 心 好 味，唔 怪 得 咁 多 人 排 隊。起 屋 企 裝 左 個 唔 想 裝 既 有 線，唔 想 白 交 月 費 有 陣 時 都 開 住 部 電 視 睇 睇，d 電 影 都 真 係 幾 舊，睇 到 個 超 級 星 期 天 都 幾 攪 笑，想 開 心 下 既 話 睇 左 無 妨。
9月7日 (星 期 日)
對 上 一 次 中 心 攪 既 果 洲 群 島 活 動 因 打 風 既 關 係 取 消 左，今 日 再 出 發，出 門 口 果 陣 都 重 係 落 雨，心諗 都 係 惡 劣，去 到 碼 頭 之 後 天 氣 開 始 轉 好 見 到 太 陽，諗 住 都 可 以 去 到，不 過 中 途 實 在 太 大 浪，好 似 海 盜 船 咁，有 d 家 庭 既 人 已 經 有 d 唔 舒 服，經 過 商 量 後 唯 有 臨 時 折 返，問 過 家 長 意 見投 票 後 最 後 改 去 左 南 丫 島，好 彩 果 邊 都 有 海 灘，可 以 俾 佢 地 去 游 水，3 個 鐘 頭 起 島 上 面 其 實 都 冇 乜 野 好 做，周 圍 行 坐 低 食 下 野 都 剩 左 成 個 鐘，唯 有 企 起 碼 頭 等 上 船，4 點 之 後 天 氣 開 始 變 差，狂 風 暴 雨，好 彩 時 間 0岩 0岩 好，上 左 船 先 落 大 雨，今 次 呢 個 活 動 真 係 多 災 多 難，只 怪 天 公 不 做 美。
9月8日 (星 期 一)
落 左 咁 多 日 雨 終 於 見 太 陽，希 望 呢 個 禮 拜 都 係 咁 就 好。
9月9日 (星 期 二)
成 日 都 頭 痛...可 能 唔 夠 訓。
9月10日 (星 期 三)
船 河 最 後 既 人 都 覆 實，大 家 都 好 希 望 去 得 成 果 洲 群 島，如 果 唔 係 就 真 掃 興。
9月11日 (星 期 四)
中 秋 節 正 日，公 司 4 點 半 放 左 人，起 街 行 左 陣 夜 晚 同 小 吉 佢 地 果 班 去 左 灣 仔 金 紫 荊 廣 場 睇 激 光 表 演，雖 然 今 日 人 多 但 又 未 至 於 迫 到 入 唔 到 入 去 果 隻，人 太 多 好 熱 好 焗，本 身 個 激 光 表 演 其 實 冇 乜 特 別，不 過 因 為 節 日 關 係 加 多 左 煙 花 呢 個 環 節，感 覺 就 正 好 多，睇 得 都 幾 開 心。完 左 個 show 之 後 就 步 行 出 銅 鑼 灣，用 15 分 鐘 就 去 到，(其 實 係 半 跑 咁 滯)，行 到 濕 晒，之 後 join 埋 kc 佢 地 果 班 人 諗 住 行 維 園，但 實 在 太 迫，入 到 去 跟 本 乜 都 睇 唔 到，俾 d 人 迫 幾 迫 已 經 又 焗 抖 氣 又 辛 苦，頂 唔 順 要 徹 退，呢 個 場 d 安 排 真 係 有 d 亂，出 入 口 都 係 行 同 一 段 路，冇 乜 秩 序 可 言，重 諗 住 入 去 佢 果 個 全 球 最 大 既 花 橙 睇 下 都 睇 唔 到，真 係 另 人 失 望。跟 住 去 搵 個 地 方 坐 低，飲 d 野 就 返 屋 企，為 左 聽 日 既 果 洲 群 島 之 旅 休 息，希 望 事 事 順 利。
激 光 表 演
維 園 花 燈
9月12日 (星 期 五)
籌 備 左 半 個 月 既 區 區 有 睇 頭 香 港 樂 悠 悠 1 比 99 全 城 行 動 心 連 心 歡 樂 傳 萬 家 燈 火 相 照 明 天 會 更 好 之 果 洲 群 島 賞 心 悅 目 奇 幻 世 界 攀 山 涉 水 之 旅 活 動 起 今 日 開 始，之 前 都 好 擔 心 因 為 天 氣 太 差 而 影 響 到 今 次 既 行 程，好 彩 今 日 天 公 做 美，陽 光 普 照 又 唔 大 浪，可 以 順 利 出 發，人 數 比 預 期 多 左 4 個，一 共 24 人，參 加 者 多 數 都 係 起 中 心 玩 開 既 朋 友，亦 都 有 d 係 朋 友 再 帶 黎，大 家 年 青 人 好 快 玩 熟，冇 乜 大 問 題。10 點 鐘 登 上 船，船 程 過 半 鐘 就 到 第 一 個 景 點，南 果 洲，由 於 太 大 浪 穿 唔 到 洞，唯 有 坐 駁 艇 去 個 洞 附 近 停 低 望 下，呢 度 有 三 個 洞，分 別 係 三 叉 洞，天 梯 洞 同 埋 迴 流 洞，三 叉 洞 同 埋 迴 流 洞 係 互 通 呢 個 係 佢 特 色 之 一。睇 完 洞 就 登 陸 上 南 果洲，先 沿 路 上 迷 你 天 后 廟，真 係 好 迷 你，然 後 落 個 淺 灘 睇 石 拱 門 (又 名 虎 口 大 洞)，之 後 上 返 駁 艇 返 船 食 lunch，適 逄 小 吉 同 呀 榮 又 係 9 月 生 日，就 順 便 同 佢 慶 祝 埋。可 能 因 為 天 氣 太 熱，有 人 終 於 忍 唔 住 要 落 水 玩 下，到 2 點 3 再 出 發 去 北 果 洲，經 過 燈 塔 再 到 山 下 塘 睇 懸 崖 硝 壁，跟 住 再 返 轉 頭 另 一 邊 睇 大 炮 石、魔 鬼 岩、地 心 黑 洞、棺 材 石 月 球 崖 同 西 式 棺 材 石，然 後 就 到 今 日 全 日 行 程 既 戲 玉，爬 山 上 月 球 崖，開 頭 呀 基 佢 地 話 好 危 險 叫 大 家 唔 好 落，而 佢 地 就 落 去 探 下 路，落 下 落 下 就 有 一 半 人 落 左 去，其 實 落 下 面 真 係 有 d 難 度，都 有 d 驚，但 過 到 對 面 之 後 就 易 得 多，一 路 爬石 上 去 就 ok，重 可 以 坐 起 棺 才 石 上 面 影 埋 相，其 實 想 黎 呢 度 既 一 半 目 的 就 係 為 左 爬 呢 度，可 以 成 功 完 成 都 好 開 心，多 得 呀 健 佢 地 果 班 登 山 專 家 幫 助。爬 完 山 都 差 唔 多 夠 鐘 塔 船 回 程，返 到 尖 沙 咀 已 經 5 點 半，睇 黎 大 家 真 係 當 左 係 一 個 團，臨 解 散 之 前 重 要 影 團 體 相，真 係 好 開 心。個 個 都 以 為 我 係 今 次 活 動 既 負 責 人，其 實 今 次 活 動 可 以 成 功 順 順 利 利 完 成 重 有 兩 位 幕 後 主 要 功 臣，基 同 埋 小 吉，全 賴 佢 地 做 足 資 料 搜 集，登 岸 同 上 落 山 又 多 得 佢 地 協 助，希 望 大 家 唔 好 忘 記 佢 地 兩 位 既 功 勞，希 望 下 次 有 機 會 再 安 排 到 呢 類 活 動。
9月13日 (星 期 六)
今 日 睇 左 向 左 走 向 右 走，之 前 未 睇 過 幾 米 本 原 著，不 過 都 大 致 上 知 道 個 故 事 內 容，所 以 都 冇 抱 太 大 期 望 去 睇，睇 睇 下 發 覺 呢 套 片 幾 正，拍 得 幾 輕 鬆 但 又 冇 失 去 呢 個 故 事 既 韻 味，都 幾 sweet，另 外 兩 個 大 配 角 既 戲 分 都 唔 少，一 見 到 佢 地 就 知 有 笑 料 發 生，臨 到 結 尾 重 聽 到 坐 我 後 面 有 d 人 喊，真 係 打 動 左 一 d 少 女 既 心，不 過 我 都 係 要 睇 返 個 原 著 睇 下 同 套 戲 有 幾 大 分 別 先 得。
9月14日 (星 期 日)
早 兩 日 重 鬼 咁 好 天，今 日 就 落 雨 落 唔 停，好 彩 唔 駛 行 山。
9月15日 (星 期 一)
網 上 見 到 有 人 整 左 幾 米 作 品 既 flash 版，雖 然 旁 白 係 國 語，但 都 幾 好 睇。
9月16日 (星 期 二)
頭 髮 好 耐 都 未 剪，有 d 唔 怪，今 日 終 於 有 時 間 攪，又 短 返。
9月17日 (星 期 三)
同 事 搬 新 屋，佢 屋 企 張 梳 化 送 左 俾 另 一 位 同 事，都 好 鬼 重，搬 到 手 都 軟。
9月18日 (星 期 四)
原 本 編 排 得 好 好 既 程 序 梗 係 出 現 d 問 題 拖 慢 左，激 死。
9月19日 (星 期 五)
今 晚 同 班 小 朋 友 一 齊 去 觀 星，雖 然 之 前 佢 地 上 過 堂 但 問 返 佢 地 果 陣 又 唔 記 得 晒，我 淨 係 第 一 次 聽 都 重 記 得，起 碼 識 睇 幾 個，不 過 今 日 都 好 多 雲，睇 得 唔 係 好 清 楚，火 星 依 然 睇 得 到，唔 知 佢 幾 時 走。
9月20日 (星 期 六)
裝 左 有 線 電 視 之 後 自 己 變 左 半 個 電 視 精，一 冇 野 做 就 開 住 部 電 視 黎 睇，連 d 陳 連 舊 戲 都 可 以 坐 起 度 個 幾 鐘 頭 睇 晒，好 似 d 師 奶 咁。
9月21日 (星 期 日)
如 本 諗 住 出 去 玩，點 知 又 撞 正 落 大 雨，起 屋 企 休 息 再 休 息。
9月22日 (星 期 一)
又 冇 飲 咖 啡 又 冇 奶 茶，好 地 地 都 會 失 眠，成 3 點 先 訓 到。
9月23日 (星 期 二)
只 差 一 點 點....就 甩 難....頂 住。
9月24日 (星 期 三)
開 心 地 渡 過 一 日，煩 左 成 年 幾 既 事 睇 黎 就 快 可 以 解 決，夜 晚 打 波 又 笑 餐 飽，次 次 要 我 7 點 起 身 book 場 都 值 得。今 日 菠 蘿 姐 姐 生 日，祝 你 生 日 快 樂 先。
9月25日 (星 期 四)
攪 左 成 晚 電 腦 野，眼 都 矇 晒。
9月26日 (星 期 五)
今 晚 又 同 班 小 朋 友 觀 星，但 今 晚 好 多 雲，乜 都 睇 唔 到，到 最 後 變 左 係 學 望 遠 鏡 既 用 法，都 幾 掃 興。
9月27日 (星 期 六)
行 行 下 街 無 端 端 SHOPPING 癮 發 作，買 作 好 多 野，原 本 諗 住 出 年 先 買 部 MP3 提 早 左 買，今 日 旺 角 好 迫 好 多 人，見 到 真 係 多 左 好 多 大 陸 既 自 由 行 旅 客 去 買 電 話..HI-FI 果 D，遲 D 10月1日 國 慶 長 假 一 定 重 熱 鬧。
9月28日 (星 期 日)
今 晚 同 karen 同 菠 蘿 補 祝 生 日，原 本 諗 住 去 尖 沙 咀 和 民 食 日 本 野，知 道 佢 出 名 多 人 已 經 6 點 去 拎 位，點 知 去 到 見 咁 多 人，我 地 成 7 個 人 要 等 張 大 抬 應 該 有 排，唯 有 打 消 呢 個 念 頭，改 去 另 一 間 wendy 極 力 推 介 叫 原 居 民 既 餐 廳，味 道 都 ok 但 份 量 好 似 少 左 d，唔 係 好 夠 食。食 飽 見 時 間 尚 早 就 起 尖 沙 咀 行 無 印 良 品，起 度 一 路 睇 野 一 路 玩，然 後 行 返 出 旺 角 食 糖 水，跟 住 會 董 又 提 議 行 廟 街，好 耐 冇 去，不 過 佢 依 然 都 係 賣 緊 以 前 差 唔 多 既 野，冇 乜 特 別，咁 就 起 條 街 行 左 成 晚。
9月29日 (星 期 一)
呢 排 成 日 失 眠，唔 知 攪 乜，第 二 朝 又 攪 到 冇 乜 精 神，撞 鬼。
9月30日 (星 期 二)
明 天 國 慶 假 期，今 晚 同 呀 基 佢 地 攪 左 個 觀 日 活 動，地 點 係 西 貢 南 蛇 尖，之 前 未 去 過，但 聽 d 人 講 難 度 高 過 鳳 凰 山，都 唔 敢 輕 視。放 工 後 返 屋 企 訓 左 一 陣，之 後 食 埋 晚 飯 就 出 發。原 本 諗 住 都 係 10 個 人 左 右，點 知 叫 下 叫 下 最 後 出 發 人 數 有 19 人，小 巴 都 要 分 開 兩 加 搭，入 到 西 貢 再 轉 的 士 入去 北 潭 凹，落 車 先 行 一 個 鐘 左 右，今 晚 除 左 我 地 再 冇 其 他 行 山 人 仕 上 去，由 於 離 日 出 時 間 重 早，於 是 就 搵 個 地 方 坐 低 大 抖 一 返，訓 覺 既 訓 覺，小 吉 就 教 睇 星，不 過 今 晚 d 雲 時 多 時 少，唔 係 咁 易 睇 到。抖 左 一 個 鐘 後 就 再 出 發 上 山 頂，亦 係 今 晚 既 戲 肉 所 在，總 共 有 4 個 山 頭 要 上，第 一 個 比 較 有 難 度，有 少 少 地 方 要 爬 先 上 到，第 二 同 第 三 個 山 頭 除 左 較 斜 大 致 上 都 ok，到 最 後 一 個 山 頭 亦 都 係 要 手 腳 並 用 先 上 到，差 唔 多 行 左 兩 個 鐘 頭 先 到 達，全 部 人 都 可 以 完 成 到，可 喜 可 賀。
