9月1日 (星 期 四)
梨 木 樹 件 襲 擊 案 終 於 捉 到 兇 手，原 來 係 佢 繼 母 安 排，真 係 絕。
9月2日 (星 期 五)
放 工 經 過 樓 下 好 多 人，原 來 係 重 組 案 情，呢 條 村 突 然 間 好 似 多 左 好 多 人 認 識 一 樣。
9月3日 (星 期 六)
今 日 起 大 欖 涌 燒 烤 樂 園 (而 家 大 會 指 定 既 bbq 場) 燒 野 食，順 便 同 呀 榮 慶 祝 生 日，由 於 佢 自 己 都 唔 知 我 地 買 左 蛋 糕 俾 佢 ，靜 雞 雞 放 左 入 佢 架 車 尾 箱。點 知 佢 手 車 又......頭 文 字 榮 就 咁 樣 將 個 蛋 糕 飄 移 到 變 晒 型，好 似 斜 塔 一 樣。上 次 黎 冇 蝦 釣，今 次 終 於 有 返，都 係 用 返 上 次 個 方 法....捉。今 次 有 6 隻，冇 上 次 咁 好 成 積，可 能 天 氣 熱，食 野 食 得 唔 多，不 過 都 幾 開 心，返 屋 企 途 中 接 到 個 電 話.....睇 黎 今 次 bbq 之 後 要 有 少 少 手 尾 要 跟.....
道歉啟示：YAWN，下 次 一 定 會 叫 你 黎 玩 架，但 我 記 得 我 冇 同 你 買 過 恤 衫 喎...哈。
9月4日 (星 期 日)
今 日 睇 左 喇 叭 書 院，5 個 撲 水 的 少 年 既 導 演 最 新 作，同 以 往 一 樣，天 馬 行 空 式 既 故 仔，再 加 入 大 量 笑 料，有 幾 part 真 係 俾 佢 攪 到 眼 水 都 標 出 黎，覺 得 重 好 睇 過 5 個 撲 水，而 且 又 少 左 日 劇 果 種 沉 悶 煸 情 既 元 素，睇 完 真 係 好 開 心。
9月5日 (星 期 一)
作 為 一 個 投 資 者，最 重 要 係 長 線 及 耐 性....我 好 似 缺 乏 左 呢 方 面。
9月6日 (星 期 二)
今 日 收 到 個 客 既 一 張 月 餅 卷，之 前 已 經 收 到 一 張。兩 盒 月 餅 要 勤 力 d 食 先 攪 得 掂，但 我 想 食 冰 皮 月 餅，可 以 當 甜 品 咁 食。
9月7日 (星 期 三)
封 塵 三 俠 中 秋 前 既 聚 會，是 但 搵 左 一 間 日 本 餐 廳，叫 一 休，都 幾 多 人 而 且 環 境 都 ok，三 文 魚 刺 身 都 係 30 蚊 一 磅，大 大 件 好 抵 食 ，兩 磅 已 經 好 夠。但 d 壽 司 唔 係 咁 掂，其 他 食 物 都 ok，由 於 叫 左 好 多 熱 氣 野，食 完 就 走 左 去 打 冷 舖 飲 啤 酒，齋 飲 無 聊 又 叫 多 兩 個 小 食，我 地 都 真 係 幾 食 得，自 從 肥 健 同 何 伯 轉 左 工 後 佢 地 都 幾 辛 苦，唔 知 到 時 我 轉 工 又 會 唔 會 咁。
9月8日 (星 期 四)
食 得 熱 氣 野 多，生 左 d 瘡 瘡，呢 排 要 食 返 d 清 淡 既 食 物 先 得。
9月9日 (星 期 五)
常識題：豬 扒 米 粉+朱 古 力+蘋 果 等 於 乜????
答：夜 晚 訓 覺 果 陣 會 肚 痛。今 日 聽 到 個 朋 友 講 左 句 說 話 好 正.....(唔 知 點 解 我 一 返 工 就 眼 訓，唔 知 呢 個 係 咪 病。) 呢 個 相 信 係 打 工 仔 都 會 患 上 既 病。
9月9-10日 (星 期 六 及 日)
今 日 上 大 陸，大 家 都 因 為 太 累 決 定 要 去 relax 下，都 係 飲 飲 食 食，有 荃 灣 蔡 瀾 介 召，唔 怕 冇 好 野 食，之 後 就 去 返 指 定 既 休 閑 中 心 按 摩，焗 完 桑 拿 再 俾 人 襟 完 真 係 舒 服 晒，今 次 重 可 以 訓 得 好 好，因 為揀 左 間 較 偏 既 房，唔 駛 起 出 面 俾 人 嘈 住 晒。第 二 朝 訓 到 12點 先 起 身，之 後 去 食 lunch，按 摩 附 近 有 間 飲 湯 好 出 名 既 飯 店，炸 雞 軟 骨 同 埋 炸 鮮 奶 卷 都 好 好 味。之 後 落 書 城，又 係 多 人 到 爆....起 書 城 附 近 新 開 既 商 場 萬 象 城，感 覺 上 好 似 香 港 既 朗 豪 坊，非 常 大，行 得 好 舒 服，唔 少 香 港 牌 子 都 起 呢 度 見 到，原 本 見 到 對 鞋 幾 好 想 買，點 知 個 size 唔 0岩，呢 度 重 有 得 踩 冰 同 埋 戲 院，踩 冰 50 蚊 兩 個 鐘，同 香 港 任 踩 好 似 有 少 少 貴，睇 戲 就 唔 知 幾 錢 張 飛，但 佢 地 而 家 先 做 強 戰 世 界，好 似 有 少 少 過 時。之 後 起 東 門 行 左 陣 就 去 田 貝 三 路 食 海 鮮，第 一次 食 大 閘 蟹，都 係 中 間 d 肉 同 膏 最 正，18 蚊 既 話 要 求 唔 可 以 太 高，重 有 椒 鹽 瀨 尿 蝦，貴 左 少 少 但 都 值 得，之 後 塔 的 士 返 火 車 站 走 人，兩 日 行 程 一 共 駛 左 400，食 左 3 餐 又 玩 左 按 摩，都 唔 算 太 貴。
9月11日 (星 期 一)
呢 排 好 多 人 病，要 小 心 身 體，係 病 都 要 等 到 中 秋 後.....迪 士 尼 今 日 開 左，唔 知 幾 時 去 先 冇 咁 多 人。
9月12日 (星 期 二)
聽 日 打 羽 毛 球，之 前 約 好 既 人 一 個 二 個 種 種 原 因 又 話 唔 黎，唔 黎 又 唔 早 d 通 知，成 日 問 到 先 講，好 過 份，以 後 唔 搵 佢 地 打。夜 晚 睇 左 套 魔 法 嬌 妻，好 普 通，可 睇 可 唔 睇。
9月13日 (星 期 三)
打 完 羽 毛 球，將 d 唔 開 心 既 野 打 走 晒，恭 喜 晒 小 吉，大 過 仔 喇.............
9月14日 (星 期 四)
呢 幾 日 可 以 RELAX 一 下......但 又 唔 覺 特 別 開 心。
9月20日 (星 期 二)
假 後 返 工，抖 左 咁 多 人，做 野 都 醒 神 d。
9月21日 (星 期 三)
睇 左 呀 嫂 既 vcd，都 冇 想 像 中 咁 唔 好 睇，但 都 唔 係 好 明 其 實 佢 想 拍 乜，又 唔 係 黑 幫 片，臨 尾 只 係 加 一 句，每 個 人 都 應 該 保 留 返 一 些 純 真，除 左 劉 心 悠 外 其 他 角 色 都 好 似 大 配 角 一 樣，林 嘉 欣 佔 既 戲 份 亦 都 想 當 少，剩 係 行 行 企 企 咁，唔 知 做 乜。
9月22日 (星 期 四)
1 號 風 球，唔 怪 得 呢 排 咁 悶 熱。
9月23日 (星 期 五)
無 端 端 11 點 俾 人 叫 開 電 視，以 為 有 乜 特 別 野 做，原 來 係 攪 笑 版 大 長 金，好 耐 都 冇 睇 過 d 咁 無 聊 既 節 目。
9月24日 (星 期 六)
打 風，天 氣 麻 麻，冇 心 情 出 街，去 i am nothing it 買 個 巨 無 霸 餐 返 屋 企 食，點 知 返 到 屋 企 先 知 佢 俾 錯 左 個 豬 柳 蛋 我，吹 漲。呀 姨 無 端 端 黎 左，每 次 黎 都 拎 好 多 買 左 唔 用 既 日 用 品 黎，目 的 都 係 為 抽 獎，之 後 同 佢 傾 左 陣，又 拎 左 好 多 野 上 黎，重 講 緊 佢 間 麻 煩 屋 既 野，好 攪 笑。
9月25日 (星 期 日)
3 號 風 球，天 氣 唔 好，加 上 尋 晚 夜 訓，今 日 12 點 先 起 身，訓 醒 身 邊 有 碗 炸 醬 麵，尋 日 落 order 叫 呀 媽 買，之 後 睇 罪 惡 城 vcd，套 戲 黑 白 為 主，某 d 地 方 又 會 有 顏 色，好 特 別，不 過 都 幾 核 突，有 d 似 標 殺 令，唔 係 個 個 受 到，原 本 想 執 下 屋，但 太 懶 最 後 冇 做，再 拖 下 先。
9月26日 (星 期 一)
打 風 唔 成 3 日 雨....今 日 全 日 都 有 雨 落。呢 排 夜 晚 玩 msn，同 個 friend 開 住 個 web cam，望 住 對 方 做 埋 d 古 靈 精 怪 野，講 d 無 聊 話 題，剩 係 講 食 唔 食 月 餅 都 可 以 講 成 晚，時 間 都 過 得 幾 快。
9月27日 (星 期 二)
今 日 好 似 唔 多 舒 服....喉 嚨 有 d 痛，可 能 同 早 排 食 得 熱 氣 野 多，放 工 搵 billy 剪 髮，佢 今 日 好 忙，見 到 佢 都 有 幾 個 客 起 度 等 緊，好 彩 早 d 黎 左。之 後 同 個 friend 食 米 線，食 食 下 無 端 端 有 人 大 叫 一 聲 (哇)，當 堂 全 場 靜 左 成 10 秒 都 有，唔 知 佢 做 乜，俾 佢 嚇 死，食 飽 行 左 陣 悅 來 坊，入 面 d 舖 頭得 兩 三 間，好 多 都 冇 人 租，見 到 間 玩 具 舖，有 一 家 日本 人 起 度 扭 hello kitty 公 仔，佢 個 女 好 得 意，個 呀 媽 扭 左 隻 公 仔 出 黎 就 不 斷 講 (卡 娃 伊)....即 係 得 意 既 意 思，好 溫 馨。做 得 謹 慎 d 反 而 俾 人 覺 得 懶 緊 張，為 左 呢 句 說 話 攪 到 我 成 晚 都 好 唔 開 心。
9月28日 (星 期 三)
尋 晚 3 點 先 訓 得 著，不 過 都 知 醒 起 身 返 工，夜 晚 同 louis 食 飯 順 便 同 佢 做 埋 生 日，佢 早 排 去 左 泰 國，shopping 買 左 好 多 野，聽 佢 講 真 係 好 抵，點 解 我 果 陣 時 去 又 唔 見 既....今 年 送 左 份 好 實 用 同 貼 身 既 生 日 禮 物 俾 佢，應 該 好 合 佢 心 意，晚 飯 就 起 目 黑呢 間 日 本 餐 廳 食 壽 司，荃 灣 新 開 張，都 唔 係 好 貴，重 有 平 時 好 少 見 到 既 款 式 可 以 見 到，元 朗 特 產 既 大 塊 三 文 魚 壽 司 都 有，20 蚊 碟，三 文 魚 刺 身 都 有，大 大 塊 4 件 只 係 35 蚊，不 過 食 元 就 好 滯，有 好 多 款 式 都 試 唔 到，佢 地 d 侍 應 既 衫 好 似 車 房 師 父 咁，不 過 呢 間 野 佢 標 榜 係 手 握 壽 司，但 坐 既 位 睇 唔 到 個 師 傅 點 整，下 次 望 真 d。
9月29日 (星 期 四)
原 本 今 晚 出 黎 陪 人 買 野，點 知 最 後 係 自 己 買 到 野 反 而 個 朋 友 就 兩 手 空 空.....同 佢 夾 份 買 左 60 蚊 六 合 彩，今 次 頭 獎 有 四 千 幾 萬....中 左 就..............( 但 我 記 得 上 次 買 果 張 全 張 飛 都 係 中 兩 個 字 )
9月30日 (星 期 五)
喉 嚨 開 始 痛，病 的 先 兆。