Miss 鍾
Name
: 鍾麗玉 (connie)(小玉)
Age : 呢個未清楚...好快就知~
Work : 教師,3c
form teacher(應該自豪呀)
Description :對學生好好,用心教學(有d誇張喎),不過....有時都會發脾氣..(要改喇).眾miss當中,miss鍾算得上係美女呀,但係用可愛
形容更佳!仲有呀~miss鍾好瘦,比我地更加瘦!(慘啊..難道miss鍾無淡好食?!)
整體o黎講,小玉係一個好miss!!
喂~小玉生日喎...我地又點會無表示呀?!
睇下我地點慶祝啦~~ 
直擊 3月20日
班主任miss鍾生日大會實況~!
話說當日筆者o岩o岩在走廊同人車完大砲, 返番入班房o既時候,發現櫃桶入面有支鬼o甘嬌艷o既玫瑰, 「唔通.....有人想『追求』我?.....」突然有條茂利走過o黎, 大大聲o甘話:「喂,陣間向miss鍾獻花呀!」筆者頭頂o既「有人追我」石碑頓時碎裂, 碎成千塊, 再變粉末, 隨風飄散......突然諗番起頭先條茂利講話獻花俾miss鍾, 無啦啦獻嘜鬼野花呀....唔`知點解我當時只係諗到兩個場合, 一係歡送會、二係葬禮......
無理由係miss鍾死左o架! 班友仔仲o甘開心! 如果miss鍾係釘鬼左, 今朝早會都會宣佈叫我地默哀一分鐘啦! 於是我就傻更更o甘問隔離隻巨兔:「做嘜獻花呀?」巨兔又傻更更o甘答番我:「今日miss鍾生日丫嘛! 頭先你咪o係張birthday card上面簽左名囉!」o下.....嘜我有咩?點解我唔記得o既...?!
其後, 班友仔將塊黑板變鬼左身, 成為左七彩板;可以令全塊黑板
變到 一D黑色都無, 我諗除左我地之外, 無人做得到。
卒之小息完左, 班友仔熄鬼哂D燈, 靜待miss鍾o既來臨。
Miss鍾一入門口之際, 一句80分貝o既『Happy Birthday』首先嚇窒左小玉,
小玉都未搞清楚發生咩事o既時候, 主席卓宏翰就已經獻上~~蛋糕(仔)~一個,
上有蠟燭一支。跟住 大家大唱生日歌, 班友仔無大無細o甘唱「Happy
Birthday to 小玉」, 不過都逗得miss鍾好開心;
許完願唱完歌吹完蠟燭, miss鍾以為告一段落,可以開始默書,
點知由男女班長率領 先獻上玫瑰花兩枝, 再逐個逐個獻花,
一共四十枝。同場再加映卓主席「高演技
作流淚致謝詞」雖則係玩野左小小,但都搞到miss鍾眼泛淚光.....我地又整喊一個miss喇!
搞呀搞, 搞左成兩堂, 默書就因為大家情緒高漲o既關係
押後左, miss鍾見得閒, 就逐個逐個同學 講下自己o既睇法,
又笑左一大輪, 卒之打鐘, 兩堂英文堂就o甘過去。Miss鍾唔知係邊度拿左部相機o黎,
同大家 大合照, 又同班長啦,好多人影左D相, 終於搞埋個小息,
art堂就大遲到.......
點都好啦~今日係2000年3月20日,係miss鍾o既大日子,亦係呢個學期好開心o既一日。
希望小玉記住呢個生日,
希望小玉呢個birthday非常開心, 願望成真。仲有,
希望各位同學o係呢日都覺得好Happy, 都會記得呢日
『20/3.2000 小玉(生日) 同學(快樂)日』
筆者:林慶偉
嘩~吹蠟蠋..
(超級多謝 林慶偉) 
回主頁HoMe