事無大小生活記事簿
2000年4月7日
無錯,呢度係舊網頁o既一部分,對上一次咁有雅興寫野已經係7個月前o既事喇,時間過得真係快.所以大家得閒都唔好睇番下面d野喇.其實呢度或多或少都係俾我當日記簿咁用...同埋吹下水......
九月六日
自從jupas公佈左結果就一路都唔得閒...其實入到2nd choice UST BBA己經唔錯.
至於呢段時間我做過D咩呢?我做o左好多o野.
首先去左3個o camp,識o左好多新同學,
尤其係全個F.7得我一個入左呢科收五百幾人o既科,就更加要識多d新朋友.
至於d o camp好唔好玩呢?一dd啦,不過總括o謠蕩潃蠵驤,聽講其他有d camp幾悶.
出o左camp隔o左一日就去o左預科班主任MRS. CHIU位於康樂園o既屋企.
佢屋企真係好大,有個大花園,仲有部投影大電視,仲有兩隻狗...
八月七日
今朝陪阿媽出旺角,撘地鐵o既時候我等登奕★q話出o黎睇下部電話接收好唔好.
o係站入面就冇問題,不過o係隧道就爭少少,始終唔及cdma.
下晝成家人去飲茶,點知部機o係酒樓就介附收到與收唔到之間.
八月五日
今晚約左班小學同學去京港酒店食buffet,去之前我要去油w地整小小o野.
點知突然間落咁大雨,好彩小學同學Betty o係附近做暑期工,
真係要多謝佢行咁遠o黎遮我去地鐵站.
今晚總共有八個同學出o黎食buffet,有d仲7年冇見添.
食到十點幾,跟住就番屋企.
八月一日
今日係星期日,十一點零鐘就同daddy去左好景o既和記中心到辦轉名手續,
諗住順便出埋部電話.點知去到先話冇nokia3210 o既貨,
跟住我daddy叫個服務員打電話去匯景間門市有冇貨,因為佢尋日見到有.
問到有貨之後,我地就即刻撘地鐵去藍田出機.
機就出左,點知要等到5號先轉到台,唉......
七月三十日
今日終於剪左頭髮,真係舒服好多.
剪完頭髮諗住去東港城買d野,點知未上商場就撞到屠夫同學(又會咁蹺o既),
就係咁我地就o係條街到傾左幾分鐘.
七月二十七日
話咁快十八歲就過去左,回想過去一年好似除左讀書同做左一個月工之外好似咩都冇做過.
七月二十六日
今日終於冇咁熱喇,d風都唔熱喇,仲好大風添,梗係啦,打風嘛,
天文台仲話今晚或者聽日掛三號風球.
喂,唔好趁我生日先打風好唔好呀,好掃興o架,雖然仲未有節目.
講開又講,我阿媽話呢我出世o個陣成三十四度,唔怪得我咁怕熱啦.
七月二十四日
下晝睇左曼聯對南華場波,曼聯o既球星已經買少見少喇,不過佢已經出哂僅存o既球星踢場波.
場波曼聯踢得好輕鬆,南華實力實在差太遠喇.
曼聯嬴二蛋太少喇,南華防守已經算唔錯.
除左睇波之外,我阿姨下晝o黎左我屋企,
仲帶左個要用乾冰保冷o既咖啡味雪糕蛋糕上o黎同我預祝生日.
我就真係未食過呢d蛋糕,都幾好食呀!
七月二十一日
今晚睇亞視直播曼聯對上海申花場波.哎,曼聯又出哂d新仔,搞到上半場都幾悶,
下半場出番d球星先叫做似樣d,舒寧咸就冇欺場喇.
不過亞視d評述就真係唔多掂,但係冇左何守信己經好左好多喇.
七月十七日
今日下晝同小學同學何b同肥仔(其實佢而家唔肥)荷里活廣場睇戲.
話時話,都成半年冇見過肥仔喇.
開頭肥仔話睇星戰,不過唔知點解佢地買到中華英雄o既飛.
呢部戲未上之前個氣勢好勁,不過今次好似重感情戲多d,
但係d特技都幾好睇,個CHINA TOWN佈景好正.
七月十六日
放左榜都有成個禮拜,對住咁o既成績,其實呢個禮拜我成日都o係度諗:
自問係一個唔適合讀理科o既人,如果我中六o個時冇番原校,
而係去第二間有商科o既學校讀預科,而家應該唔使考得咁差呀.
不過,事情都冇得番轉頭,只可以對自己講:
以後要珍惜機會,蘇州過後冇艇搭.機會往往是過去後才會懂得珍惜的.
七月十五日
今朝八點半就起左身,一開電視,見到無記仲做緊新聞,搞錯呀!巴西對墨西哥都唔直播.
結果由九點睇三個字波就要出去,要去city u交埋張jaspic form
(雖然應該冇用,但係俾左錢,冇理由唔去).
約o左屠夫(註:英華屠夫是也) o係藍田站等,張form對於佢絕對係冇用添啦!
出去o個時遇到好少見o既天氣,一邊出太陽一邊落大雨,結果見到條好靚o既彩虹.
去到city u,有好多人排緊隊,完全同交jupas form o個時係兩回事呀.
我地等左成三個字至搞掂,跟住去又一城豐澤睇埋場波,結果都係巴西大熱勝出.
跟住我地出旺角睇printer同scanner,不過冇咩收穫.
我地行到兩點幾走去搭98c番屋企,點知好唔好彩搭到部舊o既冷氣車
(呢條線好似換哂新車啦),
番到將軍澳部車仲要停一次就死一次火,結果部車個個站同燈位停完都要再撻車,唉...
七月十四日
一早起身,開電視睇美洲國家盃準決賽智利對烏拉圭,
場波都幾悶,智利沙拉斯又射失十二碼喇!唉...
結果場波一比一完場,又要亙射十二碼,仲要俾烏拉烏嬴埋,決賽又冇咁好睇喇.
七月十二日
今朝番到學校,科左成千三蚊去check卷.
嘩!好重皮呀,冇計啦,當買鋪大細啦.
check完卷,行去又一城行左一陣,準備搭地鐵走o個時先記得未姥ル芤,
結果又要行番學校,唉,又會咁黑o既.
下晝諗住堔侐,點知樓上又裝修,冇幾耐就俾佢嘈醒,真激氣!
七月十一日
今日晨咁早就起左身,驚多人去交表要排隊,
所以九點幾就去到,人就有好多,一堆堆,但係就唔使排隊,
交完表冇野做就番左屋企,繼續諗下使唔使查下份中文同account,
因為好貴,所以要認真諗下,但係阿媽話如果掂左就會影響一生人o既前途喎,
最後都係決定查哂兩科,希望掂啦.
七月十日
由於預計今日都未諗完,所以冇打算今日去交表,
結果成日留o係屋企繼續諗,諗到好夜,
終於決定搏一搏我有去interview o個科,希望interview幫到我啦,
夜晚online,今晚非常多人出現,但係佢地全部今日去哂交表,睇o黎聽日都係要自己去...
七月九日
今日係放榜o既日子,我雖然八點十至番到學校,但係全部人都收到成績單.
我睇睇張成績單,唉,今次又衰o左,全部比預期低一個grade,即刻咩心情都冇哂,非常失落,
呢次唔知點排好喇,ust,hku同poly account都冇可能,唯有慢慢諗,
下晝番到屋企,除左自己諗之外,仲幫左個考得好好o髽riend諗埋,
喂,你鐘意點排都得啦...
七月七日
雖然尋晚好夜,但係今朝十點幾就起左身,
下晝寫左陣homepage,但都係決定搞掂哂JUPAS張FORM先繼續寫
online時有個小學同學話俾我聽佢好緊張A-LEVEL會考成點,
其實我都有D驚,雖然依家驚都冇用...
回首頁 