HELP DESKARENGANDIKO MEZUA.
Benetako pasadizoa.

Erasmus - Socrates Programarekin Strathclydeko Unibertsitatean egon nintzen ikasketan urtebetez. Bertan, eskatzen genuen ikasle guztioi bezala, debaldeko posta elektroniko edo e-mail kontu bat eman zidaten. Ikasturtea bukatu ta bueltatu ostean, beste posta elektronikorako kontu bat lortu nuen herrian. Baina lehenengo asteetan ezin izaten nintzen Strathclydeko kontuan sartu, gure mezuak gordetzen zituen hango posta zerbitzariaren izena gogoratzen ez baitnuen. Horregatik, unibertsitateko Help Desk izeneko laguntza zerbitzuari idatzi nion, arazoa azalduz. Unibertsitateko posta kontura bialdutako mezuak jasotzerik ez nuenez, nere helbide berrira erantzuna igortzeko eskatu nien.

Kontu bertan ez nuen erantzunik jaso. Hilabetea edo pasa ta gero, nere Eskoziar kontuan sartzen lortu nuen, ta bertara heldutako mezuen artean ondokoa irakurri ahal izan nuen:

Help Deskekoak erantzun egin zidaten bai... sar ez nintekeela esan nien helbidera. Mezuak biltzeko era bat azaldu zidaten, baina ez nuen erantzuna irakurtzerik sartzeko beste era bat aurkitu arte, erantzuna jadanik behar ez nuelarik.

Bueno, mezua idazteko erabilitako ingelesa ez zen primerakoa (presaka idatzi nuen, zeren eta hemen, unibertsitateetan ez bezala, kontsumitzaile partikularrentzako tarifen arabera ordaindu behar baitut konektatuta ematen dudan denbora). Hala ere, Help Deskaren erantzuteko era bitxia da, ezta?

Hala ta guztiz, Strathclydeko Internet eta posta elektronikoko zerbitzua oso ona ta nahiko azkarra izan zela aitortu behar dut. Edifizio ezberdinetako hainbeste konputagailu gelen artean, aukera dexente geneukan: posta elektronikoko programa ezberdinak, Netscapeko bertsio ezberdinak, telnet, hardware ezberdina... Hara joateko aukera izatekotan, aprobetxa ezazu.

Javier.