[ Home ] [ 賽事直擊 ] [ 英格蘭球會分析 ] [ 意大利球會轉會球員 ] [ 球星擂台 ] [ 鳳溪一中97/98年度5C班壯男 ] [ 黎Link野啦 ] [ 林記的空間 ]
|
|
|
林記的空間
姓名 : ICQ個info有啦 別名 : 林記,net到通常用Penny 姓別 : 男 出生日期 : 1981年9月1日 地址 : 懶得打啦,問我啦 電話 : 唔想比人 嗜好 : ......... 蒲點 : Gamelife online RPG, 廣大newsgroup, ICQ, 而家少左去comic chat喇 婚姻狀況 : 單身 有乜想知就醫貓我 : yickhong@hotmail.com 間歇性日記 1998年9月25日 3:58a.m. 陽光普照 好悶 如果我唔悶都唔會update下呢到,所以以後大家係到見到我既心情都會係悶既多喇... 走黎寫日記,但係又唔知寫D乜好,惟一解釋都係唔想update其他工作量較大既部份,所以係咁兒寫篇日記當update囉,又覺得悶又唔肯做,睇黎我都真係相當之懶... 賽事直擊本來想做阿仙奴主場對曼聯既,但係阿仙奴大勝,攪到我開心得制走去訓覺,第二朝又冇左回事...尋晚場曼聯對利物浦又太夜冇得睇,咁真係唔知幾時至再做啦. 大家有Cable既網友有冇睇今個星期二YMC青年人民大會個跳舞大賽??D人跳舞真係跳得幾好睇,相當有動感,唔係係咁兒fing下手fing下頭就戚個D.個獨舞組冠軍真係好勁,唔知佢係咪學跳舞既呢?反而Steps只係跳一隻"5,6,7,8",另我失望一D,起碼要跳多隻啦!另個個嘉賓主持真係唔靚,D Fax讚佢靚都唔知係咪假既...仲有就係而家自從有廣東歌播之後,播少好多英文歌,就算播都係D boysgorup既多,所以我都好少睇啦... 1998年9月12日 8:41a.m. 天陰 心情幾好 好少可星期六咁早起身既,今朝六點幾就醒左,聽歌聽到而家至起身.琴日走番去鳳溪踢波.一開頭佢地話6A對6B,我地D外援冇得踢.凈係企係到dup雨.開頭一講6A對6B我都知我班前5C(即係6B)輸梗架啦,就算唔計外校生,橫計掂計都輸,本來段斤秤就絕對唔輸蝕,不過中場冇重心,前便冇波到,中場控唔掂後便就係咁比人dup,輸2:5都叫係咁啦.上年同今年其實我地班都叫差唔多,但中場少個狗記就真係唔同哂啦,加上人地D新人又勁(加埋鳳溪第一猛男,聽個名都夠照啦仲有兩個勁外校生),唔輸就有鬼囉. 另外特別情報,原來李鳴謙(狗仔)已經踢梗預備組(快譯通)喇,希望佢早日上甲組啦. 1998年9月5日 10:58p.m. --(太黑,睇唔到天氣) 心情唔錯 唉...做左學校既社既幹事,負責做打手,第一篇要打既,就系社既幹事人名單.部printer行極都唔郁,咪林住去小志強到打囉.臨出門口又唔甘心,攪下攪下,部野又print到喇,原來係條cable鬆左...但係又出唔到黑色,終於都係要去小志強到. 唔駛一陣就打完喇,跟住就梗係print啦.小志強屋企就凈低五張A4紙,好輕鬆就print左一張,跟住再print,點知部printer躡哂D紙入去,4張都有"一部份"既人名,4張紙一齊報銷...唉...只好落街買啦...於是我就熄左個芒同小志強落去買紙. 番上黎梗係開番個芒啦,點知我一禁再禁,個芒都冇野睇!!!唔通我咁就了結左小志強個芒???點知小志強一禁,又有野睇喇...唉...唔通我真係黑成咁???!!!... 1998年9月1日 2:49p.m. 天陰 心情一般 (我生日呀!!) 似乎係下午寫日記並唔適合,但既然呢個係一個間歇性日記,咁寫既時間又變得唔太重要啦.而家一路寫一路聽梗歌,邊隻碟?咪又係Ocean Colour Scene既Machin' already. 今日生日,但感覺唔大,同平日差唔多,亦同過去既生日一樣,禮物就得一份,仲要係自己送比自己,更慘既就係仲未買.唔講你唔知,古列治同添.夏達威都係今日生日既.不過古列治就慘喇,新上任就大敗一場,跟住就生日,唔知羅景定送贈興啦! 新學年開始,亦係我第一日番新校.大就梗係唔及鳳溪大啦!不過第一日識到班同學都唔錯呀.呢排鳳溪一中既newsgroup級於開始有人浦,但始終唔見老師出現,唔通全部做哂CD-ROM"只讀不寫read only"? 1998年8月22日 1號風球 心情一般 呢排係屋企悶到抽筋,有線推薦計畫得到個部Hi-Fi發揮作用喇.最近日日唔聽一次Ocean Colour Scene既Machin' already一次就唔安樂兼訓唔著.四點幾屋企冇人,撻係張床到冇野做,羅隻二手既Le Couple出黎聽,聽到第二隻歌,突然充滿幹勁,彈起身走去update呢個網頁.唉,日日係咁浪費青春真係唔係辦法...又林起以後冇得同小志強一齊上堂,更唔好話大家左係隔離位,唉...一切都係懶之過...話時話,相信小志強應該而家同我一樣係屋企無無聊聊流鼻涕...又突然林起今個月要交成四百幾蚊比isp,肉都赤埋...
|
