Ons Woonwa

• Na +- agt jaar se getroude lewe het ek op een of ander manier vir Maryke oorreed dat ons 'n karrevaan kan koop. Ek weet nie of sy al haarself as 'n kampeerder beskou nie, maar sy het darem die verskoning dat ek gesê het ek sal alles doen. Op ons eerste naweek met die woonwa is ons na die Manyane kamp in die Pilansberg Natuurreservaat. Ons was nie so opgetrek met die kampeerterrein soos die baie lesers van die Caravan and Outdoor tydskrif nie.Alhoewel die ablusie geriewe nie te sleg was nie, was die gras baie droog en yl. Ons het dit nogtans baie geniet. (As jy fyn kyk sal jy twee baie stout klein mannetjies raaksien)

• Op pad terug van Manyane af het ons langs die pad net voor Lichtenburg gestop om te rus. Om die waarheid te sê het die kinders net te hard begin skree. Maryke is in die woonwa met die twee latte.

• Ons tweede naweek wat ons weg was met die woonwa, was ons Rustenburgkloof toe.Wat 'n fantastiese kampterrein. Baie bome, lekker dik groen gras en baie om te doen. Ons het dit baie geniet. Die ablusie geriewe kort al bietjie aandag, maar die res het oor en oor daarvoor opgemaak. Volgens my is dit die beste munisipale kampterrein wat ek al teëgekom het. Nie eers die Eiland kampterrein van Upington kom naby nie (sien 'n volgende opdatering vir die Eiland). Hier kuier Ouma Ester en Oupa Dennis van Pretoria by ons vir die dag.

(Hou hierdie spasie dop vir nog kamp foto's)

Terug na Etienne se foto album