Die Kinders

Dit was 'n groot verassing toe ons hoor daar is twee kinders op pad. Die skok het ons eers later getref. Die skokgolf is nog steeds nie verby nie, maar ek dink dis darem nie meer te lank dan is hy darem grootendeels verby. Hier is 'n paar foto's waar die seuns allerhande dinge aanvang.

• Op die eerste naweek met die woonwa by Manyane het die kinders tot vervelens toe in en uit die woonwa geklim. Hulle het dit vreeslik baie geniet.

• Die naweek by Rustenburgkloof het ek die twee vir hulle eerste swem gevat. Die water was verhit en vir hulle was dit soos een groot bad. Die ander mense het nie vreeslik baie gehou van die doeke wat so groot opgeswel het van die water nie. Ons was gelukkig redelik gou daar uit.

• Met die Jooste familie naweek op Oom Kobus se plaas anderkant Upington het ons so warm gekry dat ons maar die kinders op ou plaas tradisie in die sinkbad laat swem het. Soos jy kan sien geniet hulle hulle gate uit. Ek moes egter die foto bietjie dokter vir ooglopende redes.

(Met die volgende opdatering plaas ek 'n paar eerste verjaardag foto's. Hou hierdie spasie dop !)

Vorige kinder blaaie

Terug na Etienne se foto album