【第四十一至五十篇:P】
屁珊見小慈成塊面腫到豬頭咁，好奇怪。
屁珊︰「小慈，乜搞成咁呀﹖」
小慈︰「尋日同阿水去新界釣魚，釣釣o下魚，
突然有隻蜜蜂飛落我塊面度。」
屁珊︰「乜你冇用手提佢走咩 ﹖」
小慈︰「有呀 ﹗不過我o黎唔切用手趕，
阿水就已經用隻船槳將隻蜜蜂打死啦。」
小慈鬼咁無記性，次次叫佢買早餐，唔係買漏，就係買錯。
今日屁珊、魚魚和阿水三人商議後，決定用最原始
方法，乜都寫低o係張紙上面。
於是我地將要吃的早餐寫在紙上。
一︰牛肉粥、二︰餐蛋麵、三︰腸粉、四︰炒麵。
結果小慈不負所託，買了一碗牛肉粥、兩碗餐蛋麵、
三碟腸粉同四包炒麵。
小慈上班不久，就接到信，要求立刻離職。
小慈怒氣沖沖的質問經理屁珊。
小慈︰「屁珊，我有乜o野唔得，你要炒我魷魚呀 ﹖」
屁珊︰「又唔算多，計落係得兩樣囉 ﹗」
小慈︰「o下﹗邊兩樣？」
屁珊：「咪就係呢樣又唔得，果樣又唔得，兩種囉 ﹗」
阿雪去買砂糖。
但見老闆屁珊去打開上面寫了「胡椒粉」的櫃桶。
阿雪︰「喂 ﹗我去買砂糖喎 ﹗」
屁珊︰「呢 d 咪砂糖囉 ﹗」
阿雪︰「但係你個櫃桶寫住『胡椒粉』喎 ﹗」
屁珊︰「呵 ﹗我特登 ga ﹗用o黎呃老鼠，等佢o地見
到係『胡椒粉』咪唔會o黎偷食囉 ﹗」
警署裏，警察問被人打o既阿水︰「你記唔記得打
你果個人點樣呀 ﹖」
阿水非常肯定說︰「當然記得啦 ﹗我就係因為形容
佢個樣，先至搞到比人打咋嘛 ﹗」
警察︰「 ﹗﹖# % @ *」
小慈收到信要做陪審員。
他了解過這件案，發覺案情複雜，恐怕會拖一段長
時間，於是他向法官請求豁免。
小慈︰「法官大人，因為我係公司o既經理，而公司
有好多濕碎o野要我跟，我諗我唔可以行開咁耐 ﹗」
法官︰「你o既意思，係咪話公司冇o左你唔得咁話呀 ﹗」
小慈︰「唔係呀 ﹗法官大人，我就係知道間公司冇o左我，都
可以正常運作，我擔心畀佢o地發覺呢個事實，我就
冇得撈呀 ﹗」
阿水準備搭的士去機場。
佢於是就問的士司機︰「去機場要幾多錢 ga ﹖」
的士司機︰「大約三百蚊啦 ﹗」
阿水︰「咁樣呀.......行李要收幾多錢呀 ﹖」
的士司機︰「見你咁靚仔，行李免費又點話 ﹖」
阿水︰「太好喇 ﹗所有行李都係哂度，麻煩你送去
機場，我響機場入口等你 ﹗」
魚魚︰「點解你追求我o個陣，日日坐的士，依家日
日要坐地鐵 ﹖」
阿水︰「我覺得你好囉 ﹗」
魚魚︰「唔明 ﹗」
阿水︰「初時唔知你咁好，淨係坐的士，得個的士司機望
到你，依家識得你耐o左，知你咁好，梗係要帶你
坐地鐵，等多 d 人望到你囉 ﹗我都好自豪 ga ﹗
唔通你唔自豪咩 ﹖」
天堂上，小慈撞到阿水。
小慈︰「咦 ﹖你點死呀 ﹖」
「我係凍死呀 ﹗」阿水仲打哂冷震咁話︰「你都唔知
凍死o既滋味，真係好恐怖 ﹗首先就凍到頭暈暈，跟住o的
手指腳指就覺得好凍。凍到咁上下，你就好想訓覺……
訓訓o下就唔會再醒喇 ﹗」
小慈︰「咁慘呀 ﹖我心臟病發死o既，舒服好多 ﹗」
阿水：「係 ﹖」
小慈：「我懷疑o左我老婆好耐，於是有一日，我就扮返
工諗住睇o下邊個係奸夫啦 ﹗點知響屋企點搵都搵唔到，
廁所又搵過，床下底又搵過，連衣櫃都搵埋，都係搵唔
到 ﹗搵搵o下，一時嬲得滯就心臟病死o左喇 ﹗」
阿水：「唉……如果你入廚房搵o下個雪櫃，咁我o地兩個都唔
駛死喇 ﹗」
身患重病的阿水，病情惡化，恐怕唔頂得幾多日，於是魚魚非常悲痛地，用筆記下阿水的遺願。
此情此景任誰鐵石心腸，看到都會為之心酸，但見魚魚一字一淚，剎是可憐。
正說到緊要關頭，阿水突然一下氣喘，顯得非常辛苦，呼吸亦出現困難，魚魚寫寫下，亦被此情況嚇得手忙腳亂。
魚魚：「阿水，阿水！你唔好死呀！．．．」
阿水：「我都好唔捨得你．．．我愛你！」
「阿水！」魚魚猛喝一聲：「咪講呢Ｄ住啦！究竟火『葬』個『葬』字點寫呀，點．．．寫．．．呀．．．！」