我諗所有識我既人，都應該知道我曾經拍過一次拖同埋而家拍梗拖∼第一次既對象係邊個我諗就無謂講啦∼雖然話就話拍過拖，但係我覺得佢其實從來都冇鍾意過我∼
ｏ係中一果年∼我果班泥左個ｏ係隔離班調過泥ｏ既「鬼仔」，話佢係鬼仔又唔算完全係，一半一半啦，因為佢都係中國人泥ｇｅ∼唔知點解第一眼見到佢就有一種好奇妙ｏ既ｆｅｅｌｉｎｇ∼我諗呢ｄ就算係一見鍾情掛∼？
第二個學期果陣∼老師調左我坐ｏ係呢個鬼仔隔離∼呵呵∼我就梗係好開心啦∼同佢熟左，都有時會傾下計，玩下咁，跟住咪鍾意左佢囉∼而家講返起都覺得有ｄ難為情ｇａ∼ｈａｈａ∼我同佢做左五年同學，中三果年佢拍拖ｌｕ∼不過女朋友唔係我∼我第一個男朋友亦唔係佢∼不過就同佢有ｄ關係∼
雖然佢做唔成我男朋友∼不過都做左好朋友∼有陣時我都覺得做朋友好過拍拖，只係睇你甘唔甘心ｏ既ｏ者∼而家我呢個網站既站名咪就係個鬼仔個姓＋個名最尾個字拼出泥ｇａ ｌｏｒ∼唔好再問我點解用呢個名ｌａ∼ｈａｈａ
點解我話個鬼仔同我第一個男朋友有關係呢？
ｏ係中一果年，個鬼仔加入左我學校既其中一個紀律部隊（廢事講得咁明破壞形象），跟住我中二果陣都加入埋，原因梗係想同佢相處耐ｄ ｌａ∼就係咁，我就識左我第一個男朋友（唔方便講佢個名呀，就叫佢做Ｓ ｌａ∼你地千祈唔好估佢係邊個呀．．我唔會講ｇａ＞＜）。
ｏ係其他人心目中Ｓ係一個點既人我唔係好清楚啦，但係ｏ係我心目中佢係一個有原則，有頭腦同埋有領導才能既人∼ｈａｈａ唔係咁ｇｅ話我都唔會鍾意佢啦∼係咪先（因為有太多人話我眼光差啦＞＜）
初初我對Ｓ都冇乜感覺ｇａ，覺得佢係一個鍾意撩女仔同埋講核突野既人，但係同佢傾耐左電話又覺得佢份人幾好ｂｏ∼久而久之咪又鍾意埋佢囉∼果陣都係得我個隊副知呢件事ｇａ ｊａ（我果陣仲係隊員）
當我既思想仲ｏ係度一腳踏兩腳既時候，終於出現左新既變化，果陣差唔多成間學校都知我鍾意個鬼仔（呢個肯定唔係我既錯），無奈個鬼仔已經有女朋友ｌａ∼所以我都好盡力忘記佢∼ｏ係呢個時候Ｓ同我好朋友（簡稱淫蟲，女仔泥ｇａ）就搵左我，叫我將所有關於個鬼仔ｄ野丟曬佢，我地仲去左紅梅谷度將ｄ野燒左佢，同埋摺飛機。將ｄ野丟曬之後，覺得成個人都鬆左，原來要忘記一個人都唔係咁難ｏ者∼^^
好快就去到秋天∼我參加既紀律部隊就搞左個ＢＢＱ應下景，就係去之前果幾日，我全屋人都返曬大陸（我最憎就係返大陸），得返我一個ｏ係屋企，果陣差唔多晚晚都同佢傾電話，我見悶咪叫佢上泥陪下我囉∼ｏ拿ｏ拿ｏ拿．．．大家唔好心邪，果晚我就淨係同佢傾計就冇第二樣野∼但係突然之間佢就^3^左我一下（已經講得好含畜ｇａ ｌａ），我都唔知佢想點，同時我又覺得好眼訓，第二朝天一光佢就去左返工ｌａ。
之後果幾日我都好刻意咁避佢∼怕佢玩我掛，因為果陣我知佢鍾意邊個（唔係我），所以心情就忐忐忑忑咁∼直到去完ＢＢＱ果晚佢打電話泥叫我做佢女朋友∼就係咁樣，我地就開始左啦。
同佢拍左半年拖，我諗就係得頭果幾個禮拜係開心ｇｅ∼當中離離合合，不下數十次∼又成日鬧交，其實分手我係預左ｇａ，但係我唔想佢變成事實，半年，唔算長唔算短，當中我完全感覺唔到佢有重視過我，我都唔想係度「數」佢ｌａ，同佢拍拖要搞地下情，話怕Ｍｉｓｓ會知道，街又唔出，話怕比人見到，我地拍拖去得最多既地方我諗唔係我屋企就係佢屋企。
跟住發生左一ｄ意外∼令到我同佢冇辦法唔分手∼我差唔多足足喊左成個月，我淫賤五人組果四個ｆｒｉｅｎｄｓ差唔多日日都泥安慰我，唉∼其實喊又有乜用，都挽救唔到失去既野∼
之後我就不斷咁麻醉自己（放心ｌａ∼唔係吸毒唔係吸煙亦唔係性濫交），差唔多日日都同ｄ ｏ係網上識既朋友出街，當中都有好多霧水情緣，果陣諗住成世都係咁過，對愛情玩玩下，唔再認真，因為我好怕又再遇到一個好似Ｓ咁不負責任又．．．（下刪１０００字）既人，直到我同而家個男朋友ｍａｎｇｏ哥哥拍拖，我初頭都係咁諗ｇａ，不過佢真係對我好好ａｒ∼令到我由對人唔信任變到而家聽曬佢話^O^ｈｅｈｅ∼如果叫我搵過一個好過佢既人∼我諗都冇乜可能ｇａ ｌａ∼
我同ｍａｎｇｏ哥哥係ｏ係一隻ｏｎｌｉｎｅ ｇａｍｅ（網上馬場ａｒ）度識ｇｅ∼果陣我都仲未同之前個男朋友分手ｇａ∼果陣我同ｍａｎｇｏ 係ｏ係同一個會度ｇｅ∼（靚仔聯合國∼ｈｅｈｅ）其間本來有好多機會可以見面ｇａ∼但係ｍａｎｇｏ哥哥就死都唔得露面∼直到網上馬場收左檔，ｄ人轉曬去２代馬場Ｏｎｌｉｎｅ度∼我同佢先有機會見面∼
果日我約左幾個ｎｅｔ ｆｄ去網ｂａｒ度玩ｇａｍｅ∼當然有佢份ｌａ∼約左佢２點佢就５點半先到∼哼∼第一次見佢見唔夠５分鐘我就要返屋企ｌｕ∼返到屋企食完飯∼一上網就收到佢ｇｅ ｍｅｓｓａｇｅ∼佢話約我去旺角行街ｗｏｒ∼唔洗講都知佢又係遲到ｌａ．．．第二次見面佢比我既感覺真係幾惡劣下，又食煙又唔睬人∼同ｄ ｎｅｔ ｆｄ出過咁多次街∼當中都有人追我ｇａ∼所以果陣我對呢個態度惡劣又有不良嚐好既人都冇乜好感∼
真正對佢改觀係ｏ係年初３果日∼亦即係２月１４日，我同佢第３次出街∼果日除左我同佢之外仲有我２個ｆｄ－－空空同諸仔，我地又係去網ｂａｒ打機，仲去左粥舖食油炸鬼做宵夜ｔｉｍ∼果晚同佢雖然冇乜傾計∼但係佢比我既感覺同其他人有ｄ唔同∼好快∼我同佢又有第４次見面ｌａ
果晚佢收工經過我樓下∼咁ｏ岩我又同空空，ｍｏｍ同ｈｅｌｌｏ仔出街玩∼咪一班人齊齊打桌球囉∼其間又玩又鬧又笑，就係咁我同佢既感情就增加左好多ｌａ∼自從情人節之後，我差唔多晚晚都有同佢煲粥∼上天下地乜都講∼得閒又會出去睇下戲食下飯∼至於我地係點開始呢？有晚同佢傾電話，佢問我鍾唔鍾意芒果（佢個名呀）∼ｈａｈａ∼我就答話：「唔知呢∼∼鍾意ｇａ∼ｈａｈａ」 就係咁樣我地就一齊ｌｕ∼^^果日係２００２年３月１１日晚上１１時∼ｈｅｈｅ最開心就係佢已經戒左煙ｌｕ∼直到而家我地都係晚晚傾電話∼（唔知浩南仔幾時戒煙呢）∼得閒無事就睇下戲食下飯∼如果好彩既話∼你可能會撞到我地ｔｉｍ ａｒ^^
∼完∼