News


Bllokohen ne bregdetin e Himares 51 persona, kontigjet i trafikut klandestine VLORE, 1 tetor 01 Policia e Qarkut te Vlores ka bllokuar ne bregdetin e Himares 51 persona, kontigjent i trafikut te klandestineve, te cilet tentonin per te kaluar me gomone per ne Itali. Burime te policise thane per ATSH-ne se, 34 prej tyre u bllokuan naten e se dieles ne Uren e Palases dhe ishin duke udhetuar me nje autobus, prone e 55 vjeçarit Qemal Kamberi, njekohesisht edhe drejtuesi i tij. Gjate kontrollit te policise, udhetaret pranuan se ishin nisur diku per ne bregdet ku do te imbarkoheshin ne gomone, nderkohe qe 55 vjecari Kamberi nga qyteti i Vlores ka pretenduar se nuk kishte dijeni per destinacionin e pasagjereve te tij. Duke u bazuar ne provat e siguruara, policia arrestoi ne flagrance drejtuesin e autobuzit, duke i bllokuar atij edhe automjetin me te cilin transportonte klandestinet. Pak ore me vone, gjate nje kontrolli rutine, policia e Vlores bllokoi ne qytetin e Himares edhe 17 persona te tjere, kontigjent i trafikut te klandestineve, te cilet u shoqeruan per verifikime ne komisariatin e policise dhe me pas u lane te lire. Burime te policise vendore bene te ditur se nisja e gomoneve, prej disa muajsh eshte zhvendosur nga gjiri i Vlores, ne bregdetin periferik te ketij rrethi. Kjo ka ardhur si rezultat i masave shternguese te policise vendore qe ka ndermarre vazhdimisht operacione per bllokimin e trafikut te klandestineve me destinacion Italine.
Ceco peruron transformimin e Himares Himare Jane bere 2 perurime te rendesishme ne Himare, ndersa javen e ardhshme do te priten edhe shirita te tjere. Nje central i ri me 1200 numra dhe stacioni i ujit te pijshem i Spilese kane celur serine e perurimeve te dielen ne Himare. Shiritat i perurimit i ka prere nr.2 i Qeverise, Makbule Ceco. Pasi jane vizituar mjediset e telekomit komod dhe centralit te ri, qe ploteson nevojat e Himares, perpara godines eshte mbajtur nje miting elektoral. Krei i PS-se se Vlores, Theodhori Shia dhe kryetari i Bashkise se Himares, Viktor Mato, kane folur per investimet qe ka bere Qeveria per Himaren dhe bregun. Kandidati per deputet ne zonen elektorale 96, Sabit Brokaj, ka shpalosur alternativat e tij, duke u shprehur se do te vazhdohet rruga e nisur drejt progresit, prandaj vota e 24 qershorit duhet t'i jepet PS-se dhe kandidateve te saj. Prania e Cecos ka ngjallur entuziasem dhe ovacionet u shtuan, kur ajo nisi te flase. "I kemi kushtuar rendesi Himares, sepse ju e meritoni, ju jeni patriote e liridashes, jeni thesari i kultures". Faktet flasin vete dhe ato i ka ne kujtese cdo shqiptar, vijoi Ceco. Ajo ka sulmuar me tone te ashpra fillimin e ri te Berishes, qe do te thote cberje e Shqiperise. "Mos e hani ate kokerr ulliri dhe mendohuni mire para se te hidhni voten, pasi ajo ka peshe te rende, qeverisjen 4 vjecare. Berisha deshi te behej supermbret me kushtetun e vitit '94, por vota e popullit e hodhi ne koshin e plehrave, beme Kushtetuten e standarteve evropiane me '98, beme shtetin dhe arritem progresin. Ne kemi bindjen se ju himariote do te votoni per harmonine, jo per perjashtimin, per harmonine midis pushtetit vendor dhe atij qendror, te harmonise se brezave, dhe kurre p-r njeriun dhe partine e tij, qe desh te na ngrinte buzeqeshjen ne buze", ka perfunduar Ceco. Z. Luka 06/19/2001
Limprecht: Mbeshtesim marreveshjen PD - PS per listat e votuesve Ju faleminderit qe me ftuat per t'ju folur sot. Fakti qe ne jemi ne gjendje ta mbajme kete diskutim ne Universitetin e Shkodres perben nje hap perpara ne situaten e sigurise ne Shqiperi. Ai pasqyron vleren qe u japin Shtetet e Bashkuara zhvillimit te marredhenieve me te gjithe popullin dhe institucionet shqiptare, ne jug dhe ne veri, ne fshat dhe ne qytet, ne te gjithe vendin. Shqiperia ka bere nje perparim te rendesishem ne rrugen e saj drejt demokracise dhe une shpresoj se do ta vazhdoje edhe ne zgjedhjet e qershorit. Ju po ballafaqoheni me nje gur themeltar te demokracise, i cili mund te perforcoje apo te ktheje mbrapsht levizjen tuaj drejt rrjedhes kryesore evropiane. Zgjedhjet lokale te tetorit ishin nje hap pozitiv ne drejtimin e duhur, por disamangesi te dukshme procedurale e bene komunitetin nderkombetar te rekomandoje reforma te metejshme dhe te jape asistence per te siguruar qe zgjedhjet parlamentare te jene ne konformitet me standardet nderkombetare. Ne besojme se procesi qe po zhvillohet per implementimin e ketyre reformave dhe forcimin e institucioneve zgjedhore ne thelb ka qene nje proces i shendoshe. Mbetet ende pune per te bere, por secili prej jush ka pushtetin dhe pergjegjesine qe te ndihmoje ne sigurimin e zgjedhjeve te suksesshme parlamentare. Sot, une deshiroj te trajtoj keto ceshtje. Se pari do te flas per ceshtjet qe rezultuan nga zgjedhjet e tetorit. Se dyti, do te permend fushat e perparimit te bere qe atehere. Se fundi, do te diskutoj sfidat qe mbeten per zgjedhjet e ardhshme ne syte e komunitetit nderkombetar. Zgjedhjet lokale te tetorit ishin domethenese ne dy aspekte paresore. Se pari, ato treguan nje perparim te vertete nga zgjedhjet e dhjete viteve te meparshme ne ecjen drejt standardeve nderkombetare te zgjedhjeve dhe rrjedhes kryesore evropiane. Vezhguesit nderkombetare ne pergjithesi ishin dakord se pervec nje fare tensioni, zgjedhjet u zhvilluan ne nje atmosfere vecanerisht paqesore. Vezhguesit e zgjedhjeve te Ambasades ishin sidomos te impresionuar me perpjekjet e medha te shqiptareve per te shkuar ne qendrat e votimit dhe per te ushtruar te drejten e tyre te votes ne nje klime zgjedhore te qete dhe miqesore. Prania e policise ishte evidente ne qendrat e votimit dhe postblloqet ne te gjithe vendin dhe ne pergjithesi ajo i permbushi detyrat e saj ne menyre efikase dhe te permbajtur. Ne shpresojme te shohim nje entuziazem dhe respekt te ngjashem per procesin e votimit ne zgjedhjet e ardhshme. Nje vecori e dyte e zgjedhjeve lokale ishte se ato ofruan nje mundesi per identifikimin dhe korrigjimin e parregullsive zgjedhore me qellim qete behen permiresimet per zgjedhjet e ardhshme kombetare. Megjithese vezhguesit nderkombetare nuk konstatuan incidente te perhapur dhune apo mashtrimi, pati raportime te besueshme per parregullsi si ne raundin e pare, ashtu edhe ne te dytin. Per shembull, ne tre nga trembedhjete qendrat e votimit te Himares, vezhguesit nderkombetare deshmuan per parregullsi kundra Partise se te Drejtave te Njeriut, dhe retorika nacionaliste nga te dyja palet ne Himare kontribuoi ne nje atmosfere te ndere.........Vezhguesit nderkombetare dhe ata vendas identifikuan edhe mangesi proceduriale. Keto perfshinin pasaktesi ne listat e votuesve, mungesa te trainimit ne kohen e duhur per komisionet e qendrave te votimit, pergjigje te pakenaqshme nga Komisioni Qendror i Zgjedhjeve dhe gjykatave ndaj ankesave ne lidhje me zgjedhjet, si dhe edukim i pamjaftueshem i publikut mbi menyren si funksionon procesi zgjedhor. Sic mund te deshmojne SHBA asnje proces zgjedhor nuk eshte i imunizuar ndaj parregullsive teknike. Asistenca nderkombetare mund te ndihmoje ne zgjidhjen e ketyre ceshtjeve. Sidoqofte, eshte po aq, ne mos edhe me e rendesishme, qe qeveria dhe partite politike te punojne se bashku per te gjetur zgjidhje edhe per probleme te tilla.

Parlamenti Shqiptar miraton ndarjen e re elektorale. Bashkia e Himares perfshihet se bashku me Komunen e Lukoves ne zonen Nr. 97 duke formuar kordonin e vjeter te saj te Acrocheraneas, ndersa nuk eshte shkeputur nga "kthetrat e Laberise" se bashku me tre komunat e saj. Tirane. Nje bashkim i pakuptimte zonal parlamentar, ndersa nuk ka as rruge qe te lidhe dy komunitetet ate himariot dhe lab. Kerkesen e zones bregdetare qe te bashkohet ne linjat e saj kulturore, historike dhe infrastrukturore propozuar nga PBDNJ-e, socialistet e kane kaluar pjeserisht. Himares i eshte bashkuar Lukova duke formuar Acrocheranea-n ose Himaren e vjeter bregdetare, por nuk i eshte ndare Laberia, duke shmangur Bashkine e Orikumit nga kjo zone. Parlamenti shqiptar me se fundi ka miratuar ndarjen e re zonale. Zona me Nr. 97 perbehet konkretisht nga: Bashkia Himare........7500 votues, Komuna Lukove.........6800votues, Komuna Vranisht.......3000 votues, Komuna Brataj.........4500 votues, Komuna Kote...........3500 votues, Total................25000 votues. Sipas eksperteve politik te Keshillit te Europes dhe OSBE-se ne Tirane qe jane te interesuar ne procesin zgjedhor ne Shqiperi, mendohet qe atmosfera tensionuese e zgjedhjeve te kaluara lokale, qe solli rezultat ne manipulimin e dhunshem ne Bashkine e Himares, ka te ngjare te shnderohet serish ne zgjedhjet parlamentare te ardhshme. Nje nga arsyjet eshte se zona e Laberise, qe eshte e veshtire dhe rurale, nuk ka lidhje ne infrastrukture te pershtatshme me pjesen tjeter te Himares dhe Lukoves, per te vezhguar nje proces te ndershem elektoral. Keshtu komisionet, komunikimin me qendren do ta kene te veshtire si ne marjen e vendimeve ashtu dhe ne ekzekutimin e tyre. Zgjedhjet e kaluara treguan se dhe me prezencen e vezhguesve te huaj, manipulimet dhe dhunimet kaluan caqet ne Himare. Kesisoj reziku i manipulimit ekziston serish. Por tashme shpresohet ne nje proces te "paster" elektoral ne se dhe opozita nuk do te perserise bashkefajesine e manipulimit ne emer te "Interesave te Larta te Atdheut" ndersa ne Bashkine e Himares tashme eshte ne krye te saj nje kryetar i ardhur me vota te dhunuara dhe te manipuluara, kunder deshires dhe vullnetit te popullit te Himares. Pandeli Zoto

		Stavri Marko, kandidat për Himarën Kreu i OMONIA-s, Dule në bashkëpunim me drejtuesit e Partisë së Bashkimit të të Drejtave të Njeriut do të përcaktojë emrat e kandidatëve, midis të cilëve parashikohet edhe Stavri Marko, për zonën e Himarës. Emri i Markos shfaqet për herë të parë në listat e kandidaturave për Parlamentin e ardhshëm shqiptar, duke rivalizuar në njerën prej zonave ku gjatë zgjedhjeve të 1 tetorit u shfaqën mjaft diskutime dhe debate. Bëhet e ditur se kreu i minoritetit grek në Shqipëri, Dule, ka përzgjedhur Markon si kandidatura që do t'i propozohet Aleancës për Shtetin, i cili vjen nga shoqëria civile, por nuk përjashtohet mundësia edhe për një përplasje në rang individësh. Në lidhje me këtë zonë, partitë e tjera të koalicionit "Aleanca për Shtetin", nuk kanë konfirmuar ende emrin e kandidatëve të tyre, por, gjithsesi, pritet t'i jepet prioritet propozimit të PBDNJ-së. Eshtë kjo arsyeja që aleatët e kësaj partie janë ende në pritje të së shtunës, ku përcaktimi i emrave mund të konsiderohet përfundimtar. I pyetur për mundësinë e kandidimit, Marko deklaroi se gëzon mbështetje të plotë në zonën e Himarës, por edhe në zonat përreth. Kjo për arsye të njohjes së tij të plotë të problemeve të kësaj zone. "Eshtë një vend që meriton shumë dhe fatkeqësisht jeton ende në vështirësi ekonomike dhe sociale", u shpreh ai. Në lidhje me pikat kryesore, ku do të zhvillohet rivaliteti për premtimet elektorale, Marko tha se "është ende shpejt për të folur rreth tyre, por unë do të premtoj përkushtimin tim maksimal për të çuar Himarën në parametrat që meriton". Aktualisht Marko hyn në rivalitetet politike pas një aktiviteti të gjatë në gazetari dhe mediat elektronike, ku ka deputuar për vite të tëra. Pas punës në Gazetën Shqiptare, Marko ka punuar në BBC dhe vazhdon aktivitetin e tij si publicist. Gjithashtu, duke e krahasuar me ish-kandidatin për Bashkinë e Himarës, duket se OMONIA ka korrigjuar edhe një gabim tjetër që u përfol në atë kohë, duke e radhitur atë si të vetmin kandidat "me shkollë të mesme". Dhe ndërsa ditën e shtunë, kreu i OMONIA-s, Dule, do të shpallë përfundimisht emrat e kandidatëve, Marko parashikohet të zhvillojë takime me drejtues të tjerë në zonën e kandidimit. Nuk dihet saktësisht se si do të veprohet më tej nga koalicioni "Aleanca për Shtetin", por thuhet se partitë e tjera të këtij koalicioni do të trajtojnë si prioritet propozimin e PBDNJ-së.
Policia kap 34 kurde ne Qeparo, sapo kishin mberritur nga Greqia VLORE - Policia e Himarës, ne rrethin e Vlores, kapi ne te gdhire te se hënës 34 klandestinë krudë, në afërsi të fshatit Qeparo të këtij rrethi. Klandestinët kurde, midis të cilëve gra e fëmijë, po udhëtonin me furgona në drejtim të Vlorës per tu nisur me pas ne Itali, kur u kapen nga policia. Ata po mbahen në mjediset e postës së policisë së qytetit të Himarës dhe sot (e hene) pritet kthimi i tyre në Greqi, prej nga kishin hyrë 24 orë më parë përmes zonës kufitare, në afërsi të Qafë Botës (Sarande). Javën e kaluar, në afërsi të Sarandës, u kapen 30 klandestinë kurdë, të cilët duke shfrytëzuar të njëjtën linjë, synonin të arrinin në Vlorë për tu nisur më pas në Itali. Në përpjekje për tu larguar nga vendi i tyre e për të shkuar ne perëndim klandestinët kurdë provojnë peripeci të panumërta. Sipas deshmive te mjaft klandestineve kurde, te kapur nga policia e Vlorës, ata paguajnë deri në 4000 dollare për të përshkuar rrugën që i ndan nga Perëndimi i endërruar. Mjaft nga këta fatkeqë keqtrajtohen dhe grabiten nga trafikantët në këtë shtegëtim drejt shpresës. Vetëm javën e kaluar në qytetin e Vlorës u grabitën dhe u keqtrajtuan tre kurdë të moshës 27-40 vjeç, njëri prej të cilëve humbi jetën dhe dy të tjerë u dërguan në gjendje kome ne spitalin e Vlores.
DHËRMIU DËBON SI TË PAPËLQYESHËM 30 FSHATARË NGA KRAHINAT E VERIUT TË SHQIPËRISË. Himarë. Javën që shkoi pleqësia e fshatit Dhërmi ka vendosur të largojë me forcë rreth 30 fshatarë të ardhur arbitrarisht nga krahinat e veriut të Shqipërisë. Shkak është bërë një përplasje mes tyre dhe investitorëve vëndas konfrontimet e të cilëve shkuan deri dhe në armë. Sipas burimeve nga Himara, fshatarë të ardhur prej disa vitesh në krahinën e Himarës, kryesisht nga veriu i Shqipërisë, kanë protestuar me dhunë ndaj padronëve të tyre duke kërkuar rroga më të larta. Pronarët me këtë rast e panë të arsyeshme që të ngrinin rrogat e kërkuara, sipas pretendimit të tyre, por më vonë kuptuan se ky veprim ishte tepër i qëllimshëm dhe i vënë nga segmente jo dashamirëse për Himarën. Zona e Himarës ka pagat më të larta të ndërtimeve në Shqipëri dhe sipas pronarëve të objekteve ndërtuese, pretendimi ishte absurd. Ndërkaq nga bisedimet, cështja kaloi në përleshje të ashpër deri dhe në përdorimin e armëve. Kundër fshatarëve nga veriu, u vu i gjithë fshati, madje dhe të rrinj të ardhur nga Himara dhe fshatrat përreth. Si pasojë Kryepleqësia e Dhërmiut vendos që të ardhurit nga Veriu të largohen urgjentisht nga zona, duke përpiluar kërkesën në organet e rendit, e cila nuk vonojë të largojë të ardhurit. Veprimi i Dhërmiut u mirëprit nga fshatrat e zonës pasi ky kontigjent kishte qënë dhe shkak për vepra penale si vjedhje banesash, ullinjsh dhe bagëti . Lefter Meniko

Pronat rikthehen ne Parlament (Koha Jone 16.01.2000) Fillojne te vihen ne levizje ingranazhet ligjore per t'i kthyer pronat pronareve. Dje Kryetari i Kuvendit Skender Gjinushi, eksperte te qeverise dhe kryetare te grupeve parlamentare kane vendosur qe te fillojne te marrin ne shqyrtim kthimin dhe kompesimin e pronave e trojeve brenda qytetit dhe brenda fshatrave, qe do te thote se problemi i tokave pyjeve e kullotave do te vazhdoje te ngelet pezull. Keshtu projekti i sjelle qe ne shtator ne Kuvend nga deputeti republikan Godo do te trajtohet e shkrihet ne nje te vetenm se bashku me nje projekt qe po e pergatit qevria. Por inisiatori i ketij projekligji shume te rendesishen Godo shprehet disi mosbesues. "Qeveria ne limitet e afateve te percaktuara ne Kushtetute po ngutet. Ndofta kjo ka te beje me periudhen e parazgjedhjeve dhe ajo kerkon qe t'i beje pronaret per vete, pasi qe nga dita e miratimit te Kushtetutes s'ka bere gje tjeter vecse ka shperdoruar kohen kot" - theksoi Godo. Se sa seriozisht do ta marre qeveria projektligjin e pronave kjo sipas Godos do te duket ne mes te shkurtit kur drafti do te mberrije ne Parlament. Sipas tij, per problemin e tokave bujqesore eshte vendosur qe te krijohet nje komision qeveritar nen drejtimin e kryeministrit Meta. Komisioni me pare duhet te beje e perpiloje nje studim per te nxjerre numrin e sakte te pronareve, tokave te lira qe mund te kthehen ose kompesohen. Godo tha dje se projektligji per kthimin dhe kompesimin e pronave brenda qyteteve dhe fshtarave ka nje kosto te tij dhe per kete duhet te kaloje njehere ne qeveri. Po keshtu, sipas Kushtetutes tre vjet pas miratimmit te saj, pra ne 28 nendor 2001 Qeveria e Parlamenti duhet te kene filluar pergatitjen e ndryshimeve dhe projektligjeve te reja per pronat ne perputhje me dokumentin themeltar te Shtetit qe percakton se prona vetem trashegohet ose blihet.
	XHORXH TENET PARASHIKOHET TË VAZHDOJË TË KRYESOJË CIA-n AMERIKANE Pritet që presidenti i sapozgjedhur Bush t'i kërkojë z. Xhorxh Tenet të qëndrojë në postin e tij të drejtuesit të shërbimit sekret amerikan CIA, siç rezulton nga burime të brendëshme të Partisë Republikane. Sipas po të njëjtit burim, si senatorët e Partisë Republikane ashtu edhe ata të Partisë Demokratike janë të kënaqur nga puna e z. Teneti, i cili e ka origjinën nga Himara. Edhe presidenti i mëparshem Bush (jo junior) e vlerësonte z. Teneti në mënyrë të vecantë. "Ish presidenti Bush ka përshtypjet më të mira për zotin Teneti, ai ka bërë një punë shumë të mirë, përse të ngutemi ta zëvendesojmë,-deklaron një përfaqësues i Partisë Republikane, duke shprehur besimin se z. Teneti do të qëndrojë përsëri në postin e tij të drejtuesit të CIA-s amerikane. Presidenti Bush kthehet javën tjetër në Washington ku do të informohet dhe nga sherbimet sekrete dhe pritet të takohet me z. Teneti ditën e martë. (sipas agjensisë Reuters) Pergatiti per "Himara Internet" M. Gjoka
PRESIDENTI I GREQISE DESHIRON TE VIZITOJE HIMAREN Presidenti i republikes helenike, Kostis Stefanopullos, ka shprehur keto dite deshiren per te vizituar Himaren, por ka theksuar se ne kushtet aktuale, pas incidenteve te krijuara diten e zgjedhjeve dhe klimes qe pasoi ne marredheniet greko-shqiptare, kjo eshte e pamundur. Ne pritje per gazetaret ne Athine, zoti Stefanopullos, qe nga nena eshte me origjine nga Dhrovjani i Sarandes, u shpreh me admirim per historine e Himares, madje, duke folur per Himaren, iu mbushen syte me lot. Nga ana tjeter, kryetari i PS shqiptare Fatos Nano, ne nje interviste qe u botua te premten 15 dhjetor ne gazeten greke Elefterotipia, dhe i pyetur per Himaren, i anashklaoi pergjigjes, duke theksuar se minoritaret do te duhet te ingranohen ne radhet e partive shqiptare dhe jo ne partite etnike, sic eshte PBDNJ, sepse, sic thekson, "nese minoritetet nuk inkuadrohen ne politiken e vendit nepermjet partive te medha politike, atehere do te mbeten minoritete ne politike, me rol vetem periferik".
	Pronari i fabrikes kap grabitesit Ndersa kane kerkuar te vjedhin te hollat e fabrikes se vajit ne Qeparo, tre te rinj jane vene ne pranga. Shefi i komisariatit te policise se Vlores, Daut Braca, ka deklaruar per "KJ" ngjarjen e ndodhur ne Qeparo. Ka qene ora 19.30 e se dieles kur tre te rinjte I.Duraj, Xh.Shahaj dhe E.Vehka, te tre te armatosur me nje kallashnikov kane tentuar te grabisin fabriken e Vajit ne fshatin Qeparo. Ideja e tyre ka pasur per objekt grabitjen e te hollave pasi ata kishin konstatuar se kohet e fundit aty eshte punuar. Ata jane afruar ne objekt, por jane perballur me pronarin e Fabrikes se Vajit Anastas Gjikoshi, i cili kur ka pare njerezit e armatosur ka zbrazur ciften ne ajer, arme te cilen e kishte me leje. Kesisoj grabitesit jane larguar ne drejtim te Borshit. Menjehere eshte vene ne levizje posta e policise se Himares dhe vetem pas 30 minutash eshte bere e mundur venia ne pranga e tre te rinjve ne fshatin Borsh. Ata udhetonin me nje BMV me targe te huaj dhe menjehere jane shoqeruar ne komisariatin e policise se Vlores. Sipas Brace eshte bere arrestimi ne flagrance i tyre dhe si prove eshte arma e gjetur ne duart e vete grabitesve. Grabitja ka mbetur ne tentative dhe sipas komisarit kjo per faktin se pronari i fabrikes ka reaguar menjehere me armen e tij. Keshtu eshte nje rast per te pershendetur pasi ka qene operativiteti i policise se Himares qe ka bere te mundur venien ne pranga te personave adoleshente, dy te paret nga Saranda dhe njeri nga Qeparoi, te cilet duke perdorur armen dhe qe kane terrorizuar punonjesit do te realizonin grabitjen e te hollave ne kete fabrike.
	Grabitje me kallashnikove ne Qeparo Tre sarandiotë sulmojnë me armë punëtorët e fabrikës të vajit në Qeparo të Vlorës. Me kallashnikovë dhe të shtëna në ajër kanë hyrë në fabrikë dhe u kanë marrë të gjitha paratë dhe zinxhirët apo unazat e florinjta. Por të fortët sarandiotë nuk i kanë shijuar gjatë sendet e grabitura pasi sot janë arrestuar nga policia e Vlorës.
HIMARA, NE QENDER TE VEMENDJES SE PAKICAVE KOMBETARE DHE MINORITETEVE QE JETOJNE NE HAPSIREN SHQIPTARE . Athina mbledh shqiptarët Meta sot me Simitis: Si të bashkëpunojmë Tirana zyrtare pritet të kërkojë sërish nga Beogradi një qënrim të qartë për Kosovën, të dënojë krimet e Milosheviçit dhe të lirojë të burgosurit politikë. Nano, Meta e Milo janë sot në Athinë për të marrë pjesë në forumin : "Shqiptarët, shumicë dhe minoritet në Ballkan", që organizohet në Athinë nga Instituti amerikan Projekti i Marrëdhënieve etnike. Meta pritet të takohet sot me kryeministrin grek në një përpjekje për të normalizuar marrëdhëniet mes dy vendeve, të cilat u lëkundën pas zgje-dhjeve lokale në Shqipëri. Kosova Gjithë protagonistët e politikës shqiptare do jenë për dy ditë me rradhë në Athinë ku në një tryezë të rrumbullakët në praninë e përfaqësuesve të vendeve të tjera të rajonit do zhvillojnë pikëpamjet e shqiptarëve për rolin që mendojnë të luajnë pas zhvillimeve më të fundit në Ballkan. Organizatorët e këtij takimi, një nga OJQ-të më të rëndësishme amerikane u kanë shpërndarë gjithë pjesëmarrësve në debat tezat mbi të cilat do zhvillohen diskutimet për dy ditë me rradhë. Nga Tirana, në Athinë ndodhet Nano, Meta e Milo. Janë gjithashtu dhe përfaqësuesit më kryesorë të politikës kosovare: Rugova, Thaçi, Qosja e Surroi. Shqiptarët e Maqedonisë i përfaqëson si gjithnjë Arbër Xhaferri. Janë ftuar dhe shqiptarë nga zona e Preshevës. Do ketë dhe përfaqësues të Beogradit si dhe të minoritetit serb në Kosovë. Gjithë vëmendja e shqiptarëve në këtë takim do përqëndrohet tek Kosova. Ata do përsërisin qëndrimin e shpallur më parë se mbështesin rezolutën 1244 të Këshilit të Sigurimit të OKB. Pavarëisht ndryshimeve në Beograd autoritetet shqiptare do bëjnë të ditur se është ende herët për të diskutuar për statusin përfundimtar të Kosovës. Zhvillimi i zgjedhjeve politike në Kosovë gjatë fillimit të vitit të ardhshëm do jetë një nga kërkesat që do parashtrohet nga Tirana. Ndërkohë do përsëritet qëndrimi se për statusin final duhet respektuar vullneti popullit. Marrëdhëniet dypalëshe Prania e drejtuesve më të lartë të shtetit shqiptar në Athinë pritet të shfrytëzohet nga të dyja palët për të përmirësuar marrëdhëniet politike shqiptaro-greke, të cilat arritën gati në nivelin zero pas zgjedhjeve lokale të 1 Tetorit. Balotazhi në bashkinë e vogël të Himarës ishte katalizatori që nxori në publik mosmarëveshjet. Dje është dhënë një sinjali që shpreh vullnetin për përmirësimin e marrëdënieve. Eshtë zhvilluar takimi pikërisht mes dy politikanëve që bënë deklaratat më të ashpra gjatë përplasjes elektorale: Nanos dhe Cohaxopullos. Sipas një njoftimi i të zyrës së shtypit të Partisë socialiste "në takim është theksuar se ka ardhur koha për për t'i zgjidhur të gjitha problemet. Stavri Marko (Mare nga Gazeta Shqiptare)
	Nga Koha Jone, 1/12/2000 Shqiperi-Greqi, stad i ri marredheniesh "Ka ardhur koha per te zgjidhur te gjitha problemet qe do t'i sherbejne nje stadi te ri te bashkepunimit mes partive, qeverive, vendeve dhe popujve tane". Te ketij mendimi kane qene dje ne Athine, kryetari i Partise Socialiste, Fatos Nano dhe Ministri i Mbrojtjes se Greqise, Xohaxopulos, njeheresh edhe nje nga figurat kryesore te PASOK-ut, rreth bashkepunimit mes Shqiperise dhe Greqi. Nano u takua me Xohaxopulon ne Ministrine e Mbrojtjes se Greqise, ku u shtrua edhe nje dreke per kryetarin e PS-se. "Gjate bisedes u riafirmua vleresimi per partneritet strategjik mes dy vendeve, si ne kuadrin dypalesh, ne ate rajonal, edhe ne integrimin e Shqiperise dhe Ballkanit ne Evrope", njoftoi zedhenesi i kryetarit te PS-se. Nano dhe Xohaxopulos u angazhuan ne takimin e djeshem ne Athine per te nxitur me tej kontaktet politike dhe institucionale, duke perfshire perfaqesuesit politike te minoritettit grek ne Shqiperi dhe te organizatave te emigranteve shqiptare ne Greqi. Kryesocialisti Nano eshte takuar dje ne mbremje edhe me ministrin e Shendetesise se Greqise, Aleko Papadhopulos, nje nga figurat kryesore te PASOK-ut. Gjate dites se sotme ai do te takohet edhe me kryetarin e Bashkise se Athines, Avramopulos. Nano ndodhet ne kryeqytetin grek per te marre pjese ne debatin "Shqiptaret maxhorance dhe minoritet ne Ballkan", qe organizohet nga Instituti amerikan "Projekti i Marredhenieve Etnike". Kjo tryeze i nis sot punimet ne Athine, ku jane pjesemares edhe kryeministri Ilir Meta dhe Ministri i Jashtem Paskal Milo. P.Gj
	1/12/2000. Koha Jone Qeveria, fonde per ujesjellesin e Himares e Velipojes Qeveria cel fondin per ndertimin e dy ujesjellesave ne dy skajet e vendit tone. Keshilli i Ministrave ka caktuar dhe miratuar dje 3.2 milione leke per studimin dhe projektimin e Ujesjellesit te Velipojes dhe Himares, dy pikat me te rendesishme te turizimit bregdetar ne Jug dhe ne Veri te Shqiperise. Nga ky vendim do te perfitoje respektivisht qyteti i Himares dhe fshatrat Iliaz, Qeparoo, Vuno, Kudhes dhe Dhermi. Me ngritjen e ujesjellesit te Velipojes perfitojne Velipoja Rec i Ri, Reci i Vjeter Cas, Gomsiqe dhe plazhi i Velipojes. Me propozim te Ministrit te Puneve Publike, studimet dhe projektimet per keto dy subjekte, i kalojne ISPUN me prokurim te drejtperdrejte me pretendimin qe te mbaroje brenda vitit 2000. Ne keto kushte Keshilli i Ministrave parashikon qe investimi ne keto dy ujesjellesa te behet me fondet e buxhetit te shtetit te vitit 2001.
	Parlamenti: Deklarata greke nuk ka kuptim Deputetet shqiptare denuan dje deklaraten e fundit te ministrise se Jashtme greke qe kercenonte se nese nuk plotesohen standartet e te drejtave te monoritetit grek ne Shqiperi Greqia do te pengoje hyrjen e Shqiperise ne BE. Kryetari i Komisionit te Jashtem Parlamentar Godo u shpreh se "Nuk eshte hera e pare qe greket bejne presione te tilla". Sipas tij, ne kete rast ata nuk pengojne ndonje gje, sepse per hapjen e negociatave nuk ka votim. "Ne fazen e pare qe eshte Shqiperia nuk eshte se ne Bashkimin Evropian votohet, keshtu qe nuk mendoj se greket mund te pengojne vertet hapjen e tyre", tha Godo. Ndersa deputeti demokrat, Tritan Shehu ishte i mendimit se ne planin zyrtar te negociatave, Shqiperi do t'i filloje ato me BE-ne ne gjashte muajt e pare te vitit te ardhshem. Sipas tij, ceshtja e Himares eshte tashme nje problem i tejkaluar dhe nuk mund te rishfaqet perseri. Per te deklarata eshte disi e pakuptimte qe te behet ne nje klime te tille dhe kaq me tone te forta e detyruese. "Probleme do te kete midis fqinjeve, por si zhvillimet dhe problemet jane pasoje e fqinjesise dhe nuk kane pse te intrepretohen me tej" - shtoi ai. Shehu nga ana tjeter verejti se diplomacite e dy shteteve duhet te bashkepunojne e jo te ftohen, pasi rruga e Shqiperise per ne strukturat eurroatlantike kalon nga Italia e Greqia. 11/18/2000 Koha Jone

Policia bllokon dy skafe në gjirin e Borshit VLORE, 15 Nëntor Policia e Sarandës bllokoi në mesnatën e kaluar dy mjete lundruese, një skaf dhe një gomone, secila me dy motorrë. Dy mjetet lundruese, të destinuara për transport emigrantesh klandestinë, u kapën nga policia në gjirin e Borshit gjatë aksionit të ndërmarrë prej saj në det. Drejtuesit e skafeve nuk munden t'i shpëtojnë ndjekjes të mjeteve të policisë, aksioni i së cilës ishte i shpejtë dhe me plan të detajuar; ben te ditur per ATSH-ne burime te drejtorise se policise se Vlores. Mjetet lundruese mbahen nen ruajtje në komisariatin e Sarandës, ndërsa për dy drejtuesit e tyre, emrat e të cilëve nuk bëhen të ditur, u hap çështje penale. Në 24 orët e fundit, policia e Sarandës ka kapur edhe 29 persona nga rrethet veriore të vendit, të cilët i takojne kontigjentit klandestin. Këto aksione janë pjesë e veprimeve të përbashkëta që kanë ndërmarrë komisariatet e policisë të rretheve Vlorë, Fier dhe Sarandë për bllokimin e trafikut të klandestinëve me drejtim Italinë apo Greqinë. Një ditë më parë, në zonën bregdetare afër pyllit të Zvernecit, në periferi të Vlorës, u kap dhe u sekuestrua një superskaf.
	Filloi zgjerimi i rruges se Llogorase Njoftimi i fillimit te punimeve per zgjerimin e rruges se Llogarait nga reparte xhenjere te ushtrise perben nje ngjarje me rendesi per zonen e Himares. Potenciali i saj turistik mud te shfrytezohet ne se infrastruktura do te ndryshoje ne menyre rrenjesore. Por, te mesuar me pervojen e viteve me pare qe sa here qe ushtria mlekset ne hapjen e rrugeve, ne te vertete mbyll rruget me efikase dhe banoret e kaesaj zone nuk kane asnje perfitim nga keto ndertime, nuk mund te mos shfaqim dyshimin se ushtrise nuk i interson turizmi por ngritja dhe perfocimi i objekteve ushtarake. Ne vitin 1971 u ngrit nje kantier gjigand xhenjer ne Palermo per te ndertuar bazen me te fuqishme detare dhe rezultat i saj ishte mbyllja per njezet vjet e rruges bregdetare Qeparo-Palermo-Himare, krijimi i nje "Llogorai te dyte", dhe ndertimi i nje qyteze ne Spile me pallate per strehimin e Oficereve dhe kaptereve qe ne shumicen dermonjese nuk ishin nga Himara. Po ta lidhim dhe me premtimin elektoral te Z. Nano per te ngritur nje batalion te ri ne Himare "per te punesuar dhe oficeret e papune", mundet qe vertet qellimi i shtetit shqiptar te mos lidhet me turizmin. Qofshim te gabuar, Himara nga Nano, Berisha dhe paraardhesit e tjere te tyre kane pare me shume te keqia se te mira. Ilia Dhima

	Europarlament: Plan veprimi ne Shqiperi dhe vendet e tjera fqinje. Ekspoze nga Ana KARAMANOU, EURODEPUTETE E PASHOKUT (Diskutimi dhe votimi i raportit u be ne 26.10.2000 ) Parlamenti Europian aprovoi "Planin .." e paraqitur nga Karamanou me 103 vota pro, 74 kundra dhe 14 abstenime. Në ekspozenë e Karamanou ndër të tjera spikat fakti që në Planin e veprimit për Shqiperinë dhe vendet për rreth, merr parasysh në analizën e vet si shkaqet ekonomike ashtu edhe politike të emigracionit. Në raportin e saj Karamanou i bën thirrje Këshillit të Europës për të zhvilluar zhvilluar një strategji tërësore për valët e emigracionit nga Shqipëria dhe permes Shqiperisë duke perfshirë si emigrantët ekonomikë ashtu edhe refugjatëve dhe viktimave të tregetisë njerëzore. Shprehet gjithashtu shqetësimi për gjendjen e pasigurtë në Shqipëri e cila shfaqet nëpermjet një politike të paqëndrueshme, të karakterit të brishtë dhe konkurencës me dhunë të sistemit partiak, mosfunksionimit të kushtetutës dhe mosrespektimit te ligjeve. Paralelisht kërkohet, sidomos pas ngjarjeve të freskëta të mosrespektimit të të drejtave të njeriut në zgjedhjet lokale, të njihen dhe të respektohen të drejtat e minoriteteve në Shqipëri. Përmendet gjithashtu se, në bazë të Marëveshjes së Hagës asnje shtet nuk mund të dëbojë ose të kthejë refugjatë në asnjë menyrë në vendin nga u nis, ose në një vend të tretë kur egziston rrezik ndjekjeje për ta. Kerkohet gjithashtu nga vendet antare të EU të mos zbatohen masat e rikthimit të personave që ju është refuzuar legalizimi ose nuk ju është marrë në shqyrtim kërkesa e tyre për legalizim dhe organet kompetente të rishqyrtojne dokumentet e tyre për legalizim. Se fundi, ne perputhje dhe me Karten e OKB per refugjatet, Shqiperia akoma nuk mund te konsiderohet si nje "vend i botes se trete" i sigurte per refugjatet. Perkthyer nga komunikata per shtyp e dhene nga Jean-Yves Loog Bruksel, Tel :(32-2) 28 43439 e-mail: libe-press@europarl.eu.int

	Tirana zbut tonet me Greqine Deklarata e Himares lexohet "thjesht" ne parlament Lajmi i ores 7:55 PM TIRANE - Tirana i zbuti tonet me Greqinë. Më në fund Godo e lexoi deklaratën në lidhje me incidentin e ndodhur në Himarë, gjatë zgjedhjeve lokale. Ajo kaloi me një lexim të thjeshtë në seancë plenare. Ndërsa kryetari i Komisionit parlamentar për Politikën e Jashtme, Sabri Godo, e mori me vrull miratimin e kësaj deklarate, ai sot vetëm sa e ka lexuar atë para deputetëve. Në këtë deklaratë, autorësia e së cilës nisi dhe mbeti vetëm në Komisionin për Politikën e Jashtme, thuhej se "dënojmë shkeljen e Kushtetutës së Shqipërisë si dhe të Kodit Zgjedhor nga ana e disa deputetëve të opozitës greke gjatë zgjedhjeve që u mbajtën në Himarë. Në fillim u tha se kjo do të ishte edhe një deklaratë e Kuvendit, por mbeti vetëm si një deklaratë e një komisioni, nga të shumtët që ka Kuvendi shqiptar. Që kjo deklaratë mos mbetej thjesht për konsum të brendshëm, në fund të saj është shtuar se do të dërgohet për djeni edhe komisioneve parlamentare për politikën e jashtme të vendeve fqinje, megjithëse tashmë kanë kaluar disa javë që nga incidenti i ndodhur në Himarë dhe ai po harrohet. Dje Parlamenti miratoi edhe një tjetër deklaratë në lidhje me Kosovën dhe zgjedhjet që u mbajtën atje. Dy javë më parë në Kuvend u kërkua që të shtyhej deklarata për Himarën, sepse nuk mund të bëheshin dy deklarata në të njëjtën ditë nga Kuvendi. ad/mi (BalkanWeb) Stavri Marko

	DEMONSTRIM I HIMARJOTEVE Dje ne daten 23/10/2000 himarjotet demonstruan ne rruget e Athines. Demonstruesit u nisen nga platia Klathmonos parakaluan gjer ne parlament, para ambasades amerikane dhe u ndalen ne Ambasaden Shqiptare ne Athine. Qellmi ishte ti behej e ditur opinionit publik grek dhe boteror protesta e tyre ndaj manipulimeve ne zgjedhjet e raundit te dyte, ndaj ushtrimit te dhunes nga makina shterore mbi banoret e Himares. Kete e deshmonin dhe parrullat qe hidheshin dhe ku i kerkohej qeverise Shqiptare te mos nderhyje me forca policore ne Himaren paqesore. Ata i drejtuan nje note proteste Ambasades Shqiptare te cilen e ngjiten ne mur sepse askush nga Ambasada Shqiptare nuk ndodhej ne zyra. Dritat qene te gjitha te fikura biles dhe ne banesat e punonjesve te ambasades qe gjenden ne te njeten godine. GJON MUZHAQI

	KESHILLI I EUROPES DENON DHUNEN E VOTES NE HIMARE DHE KERKON PERSERITJEN E TYRE Tirane Keshilli i Europes i ka kerkuar Shqiperise te rishikoje seriozisht dhunen e ushtruar dhe paregullsite qe jane verejtur gjate raundit te dyte te zgjedhjeve ne Himare duke i kerkuar qeverise shqiptare qe te perserise zgjedhjet ne zonat sipas raportit te paraqitur nga verejtjet e komisionereve nderkombetare. Perfaqesuesi grek ne KE Athanasios Theodorakopoulos i ka kerkuar Keshillit te Europes, qe sipas raportit te vezhguesve ne bashkine e Himares, te meren masat shtrenguese per dhunen e ushtruar ndaj minioritetit etnik grek ne Himare, ndaj Shqiperise. Problemi Himara pritet te shtrohet ne Keshillin e Europes ne daten 25 tetor. Stavri Marko GILMAN SHPREH KEQARDHJEN PER VOTIME TE DHUNSHME NE HIMARE Washington D.C. Republikani Beniamin Gilman Shefi I Mardhënjeve Ndërkombëtare në Dhomën e Përfaqësuesve të Kongresit Amerikan, shpreh shqetësimin e tij për votime të paregullta në Shqipëri në raundin e dytë të zgjedhjeve. Në një deklaratë për shtypin prej zyrës së tij, vecanërisht zgjedhjet për Bashkinë e Himarës janë shoqëruar me dhunën ndaj anëtarëve të Minoritetit Etnik Grek Omonia në Himarë, zonë që jetojnë grekët etnikë në Jug të Shqipërisë. Në deklaratën e tij Gilman shpreh rezervat e tij për dhunimin e të Drejtave dhe Lirive të Njeriut, duke marë në konsideratë vërejtjet e bëra nga vëzhguesit e OSBE-së dhe ODHIR-it që ndoqën zgjedhjet në Shqipëri. Ndër të tjera Gilman tha se "ne konsiderojmë të rëndësishme zhvillimet demokratike në Shqipëri por paregullsitë në këto zgjedhje kanë treguar se ato më shumë se herë tjetër janë dhunuar gjë që ka shtrënguar Komunitetin Ndërkombëtar që të marë masat e nevojshme për të përmirësuar gjëndjen në Shqipëri dhe sidomos në zonat ku jetojnë minoritetet ashtu sikundër ndodhi në Himarë" Stavri Marko
	DEKLARATE PER SHTYP Qëndra Monitoruese e Medias për Minoritetet në Shqipëri, njofton Insitucionet Shqiptare dhe Ndërkombëtare se krahas acarimit të klimës greko shqiptare si rjedhojë e zgjedhjeve për Bashkine e Himarës, segmente policore pa uniformë dhe të Shërbimit Sekret Shqiptar SHISH, kanë ushtruar dhunë dhe presion ndaj përgjegjësit të kësaj qëndre Stavri Marko. Marko që i përket etnise greke në Himarë, disa ditë më parë i ka deklaruar një Agjensie të huaj se "Miloshevici është larguar nga Jugosllavia por sindroma e tij ka mbëritur në Shqipëri, duke akuzuar për shovinizëm sulmin e shtypit shqiptar ndaj Minoritetit Etnik Grek në Himare i cili gjëndet nën një presion terorizues prej insitucioneve ushtarake shqiptare" Kjo deklarate u pasua me një incident të SHISH kundër Markos gjatë vizitës së Kryeministrit shqiptar Meta në Himarë në prag balotazhi, ku persona civilë kanë ushtruar dhunë ndaj tij, dhe duke i thyer aparatin fotografik të cilin më pas e hodhën në det përpara syve të shumë gazetarëve të huaj dhe vendas. Ndërkaq sulmet ndaj Markos kanë vazhduar në Tiranë ku ai dhe familja e tij ndodhet nën presione të vazhdueshme terorizuese duke i kërcënuar deri në zhdukje prej SHISH-it. Për këtë arsye Marko ka njoftuar Institucionet Ndërkombëtare të Medias dhe të Drejtave të Njeriut, si dhe qeveritë shqiptare dhe greke se përgjegjës për cdo pasojë që të ketë në adresë të familjes së tij, ai bën akuzë publike shërbimin sekret shqiptar SHISH . Tiranë 17.10.2000 Shënim. Free Media Network është Qëndër Monitorimi e Medias për Minoritetet dhe Pakicat Kombëtare në Shqipëri e regjistruar në Gjykatën e Tiranës Nr.23987 Datë 13.06.2000.
	Greqia mund të presë ndihmat bilaterale ndaj Shqipërisë për mashtrimet e mundëshme elektorale në dëm të minorancës greke. Lajmi publikohet nga agjensia italiane e lajmeve, Ansa, e cila citon burime nga ministria e Jashtme greke. Athina akuzon Tiranën për "parregullsi të shumta në turin e dytë të zgjedhjeve lokale në Shqipëri, të konstatuara edhe nga vëzhguesit ndërkombëtar", dhe po mendon të bllokojë ndihmat ekonomike bilaterale, duke denoncuar situatën edhe në Bashkimin Europian që të mos i akordohen Shqipërisë fondet 'Interreg'. Sipas Greqisë, veçanërisht 700 grekëve të zonës së Himarës, u është ndaluar e drejta e votës dhe Athina mund të kundërpërgjigjet duke shtrënguar dhënien e vizave greke për qytetarët shqipëtarë. Eshte aksidentuar ne oret e vona te se martes ish- kandidati i PBDNJ per kreun e bashkise se Himares Vasillaq Bollano. Aksidenti ka ndodhur ne Qafen e Llogarase. Behet e ditur se Bollano po kthehej me nje automjet te drejtuar nga nje person tjeter nga Tirana, ku kishte marre pjese ne pritjen e dhene nga ambasadori grek Malias, me rastin e largimit te tij nga Shqiperia. Automjeti ka rreshqitur nga lageshtia e rruges ne piken me te larte te kesaj Qafe, dhe pas disa rrotullimeve ai ishte penguar nga nje peme. Per rrjedhoje jane shmangur pasoja me te renda. Bollano, me disa fraktura pa rrezik per jeten, eshte derguar ne spitalin e Vlores ku ka marre ndihmen e nevojshme mjekesore. "Të shpallen të pavlefshme zgjedhjet në qendrat e votimit në fshatrat Qeparo, Dhërmi, Palase, Pilur dhe Kudhës të Bashkisë së Himarës". Dega e PBDNJ se Vlorës dhe kandidati për kryetar bashkie në Himarë, Vasil Bollano i ka drejtuar sot një fletë-ankesë Komisionit Qendror të Zgjedhjeve. Sipas kësaj ankese "fitorja e PS është rezultat i zgjedhjeve të paligjshme të zhvilluara në këto fshatara. E kërkojmë këtë pasi zgjedhjet janë zhvilluar me kodin Zgjedhor të Republikës së Shqipërisë. Konkretisht është shkelur pika 4 e N 102 të Kodit Zgjedhor duke lejuar njerëz të armatosur në qendrat e votimit". GJON MUZHAQI NA NJOFTON SE KA FOTOGRAFUAR CDO GJE NGA VOTIMET NE HIMARE Ne kohen qe po zhvillohesh fushata e zgjedhjeve, qeveria shqiptare zhvillon manevra detare ne detin Jon dhe me kete rast tenton te mos lejoje himariotet ne Korfuz qe te kthehen per votime, por perfundimisht ata zbarkojne ne Sarande dhe me atobuza shkojne ne Himare. Ne kanalet greke u pa himarjoti Vangjel Menikon qe sic deklaroi me goje te tij, persona te panjohur (te shik-ut) e terhoqen ate perdhunisht nga Komisioni i Votimit ne mengjez dhe mbushen kutine e votimimit me rreth 400 flete te gateshme votimi, ne nje kohe qe kishin votuar vetem 20 vete (ishte ende heret ne mengjez). Policia shqiptare kreu dhe akte te tjera dhune. Vasil Bollano kandidati i PDNJ denoncoi kete vjedhje te pashembellt te votave. Sot u shpall fitues kandidati i partise socialiste ne te njejten menyre sic shpalli fitues veten Milloshevici. Kaq per sot. Te fala Gjon Muzhaqi