2004-08-21
今日係星期六，在家休息。
好耐冇整個網頁，睇番個留言版，原來仲有人睇的，很是開心！不過就勁多廣告...
我終於都有工返！要儲多o的錢！買車買樓！
又有人破鏡重緣。唉，所以呢，o的人話散話散，都係聽住先喇。
我將會好 aggrasive。 我都唔想，i want to have a higher living standard!
夠竟份工好唔好做呢？真係睇過至知，不過首要工作，就係買多套 suit。
個小 男人週記都終於執好 ！
呢期發o左癲咁買o野，可能細個冇錢洗，大個o左就彌補番曬以前辦不到的，但係，以前還以前，好多時，宜家睇番又好似唔係好鐘意，尤其係遊戲機。可能我成鬼日都輸，所以唔係好鐘意打機，除了賽車 game。
將見威！

2004-6-17
今日同阿爺去律師樓，好犀利！係告羅士打大廈的最高層！不過入到去就•••都只是一個比較亂的 office，一 d 都唔 pro。
好擔心阿爺搬o左之後會點，佢肯定會好辛苦•••
灣仔，我都幾鐘意的一個地方，人地話我應該冇咩記憶，但係我又好鐘意呢個地方。原來我同阿 ben 係讀埋同一間幼稚園，不過佢上午班，我就下午班。
要拆，我係有少少唔捨得，又如何！？最多可以做的，就係盡量影多 d 相！
約阿 ben，行兩個電腦商場，購入 usb speaker 一對，成惠三十五個大洋！
睇o黎 gorrie 架新車好似唔多老例喎...
九點幾係跑馬地的 McDonald 收到電話，netmon 叫我去 interview，多謝 NetYeung 的介紹！不過心中一寒！九點幾打黎約我去 interview，係唔係暗示我第日返工都起碼返到咁夜呢！？大檸樂...
去了阿 ben 度消滅時間，十一點先走。
坐電車出番去，我真係好鐘意個種感覺！係港島的感覺！
我真係好鐘意香港的歷史及文化，不是潮流。充滿殖民地色彩的香港，我其實好喜歡。我就係鐘意一 d classic o野，不過有人稱之為老套喎~~~
我喜愛品牌多過產品，睇每一套戲，我都十分留意當中使用過的品牌。尤其 Apple Computer！
elel，你終於都返來 lor。
為了令人唔好唔記得我都有個網頁，又要 keep 住加入新o野，例如日記及故事，網頁會逐步遷移去 http://home.netvigator.com/~loveckw 雖然個網頁係有d爛，我會快快改進的。

2004-6-16
整o左成朝個小男人週記，才記得個 list form 點用！
Patrick 做完個 writen test，走o左入o黎馬鞍山食 lunch，見佢咁誠意拳拳，梗係要見下佢喇，雖然得二十多分鐘！
之後就匆忙的去補習！
為o左唔好咁早返屋企，我決定找馬弟，因為佢多數都係新港城浦頭！
食了個 tea，成十八個丁麵餐，d 龍蝦丸仲要係一開三至四就當係有四舊！真係頂佢個肺！仲諗住好似 city 咁有三粒添！
馬弟女友都端裝。
晚黑去打籃球，很難得，出了很多汗，順便減下肥。
之後去新港城飲o野。阿鋼成為今次的主角！佢實開心死！
唔想返歸住，見有機會，梗係同傳說中和我一樣，深受"西"洋文的人教愛的香港"人"傾下計喇，其實，各人有各人的難處，佢雖然玩得，但都有良心，旁人可能誤解，但佢對係對人好好！同人著想，正所謂：西洋人知道西洋人諗咩！你係好人，我知道！
好耐都未試過，阿媽打來催我返屋企！
我真係唔捨得，咁又點姐？知鬼呀！

2004-6-15
星期二，今天 patrick 哥去做 HSBC 的 interview，真令人羡慕！唉，早知招聘會個時都 submit 埋佢喇！陰公！
之後就出了旺角去見下 Patrick 同 Ben，無無聊聊的！係！係仍然無無聊聊的！冇計，留係屋企，雖然好多o野可以做，執屋同整網頁，但係都係出o左街！
我買了賤精先生的 VCD，Ben 買了魔戒三。
為了消滅時間，入o左上水！
在 patrick，探下 rainbow，坐得悶悶地，諗住同 rainbow 玩下你最愛的波波，點知佢追追下就咬實個波唔放，我從佢口中搶極都唔放，突然佢又放甩個波係地度•••唉，學 patrick 話時頭，你估你同 rainbow 玩波，其實係 rainbow 俾個波你玩咋！諗落又幾似。唉唉，以我同 rainbow o既交情，佢居然咁對我！？我決定都係唔同佢玩，或者係唔俾佢玩我！
之後玩 Dreamcast，係電腦模擬器來的！
再睇埋賤精先生。
呢排真過癮，d 電話一係唔o黎，一o黎就起碼兩個一齊o黎，真係 drop 地址都 dorp 到傻。
九點鬆人，同埋阿 Ben，約了阿鋼去沙田食維苑餐廳。
愛搭巴士的我，上了85K。

2004-6-14
星期一，依然好鬼無聊。
十點起身，即係同elel改機票，係佢係會早一點回香港的，幾好呀。
幫raymond整 HDD，都冇咩事喎。
阿 Ben 又去 ASL interview，哈，都係咁喇。
打番天堂一陣，發現自己好似冇咩溫過win2003
又要去補習
勁，Gorrie買了電單車，仲有，佢男友突然回港，哈哈，不知道lu。
之後，我去新港城撞阿林同馬弟。原來三聯都幾多阿寬 d 書呀！

2004-6-13
星期日，好鬼無聊。
一點半係大學站俾張 compact flash 過慧明，佢去韓國玩，要影相嘛。
之後就威lor，我同阿昭就咁企係火車站度，爭持不下，我又唔入閘，佢又唔出閘，不斷咁打電話俾人睇下有咩做。
差唔多成四十分鐘，我忍唔住，迫了自己入閘，去了大埔elel家收下信同埋食埋兩包上次剩下來的薯片。
事關太悶，之後都係約人出新港城遊蕩，但又去了肥宣度睇半套拳霸。
陪人買波食 tea。
今日，阿媽唔俾我去打波，shit...
整o左成晚 apache，終於略有少成！要 password，禁止 download policy 檔！真係不錯！覺得自己叫做學到 d o野！

2004-6-12
今日係星期六，又係要返工的日子。
今日又同阿Ben同慧明去食 lunch，地點係尖沙咀新港中心的元綠。
行玩具反斗城個時見到 Nati，但係佢見唔我！佢仲係同個男仔一齊添！
之後，我就搭車補習。途中，俾人話了兩句。我又頂唔浦，悔氣的應了一句。

2004-6-11
今日晨咁早就就去脫智慧齒。十點就出到去 CityU。
半個鐘就搞掂，唉，平時遲少少個姑娘就"宜宜哦哦"咁，真係麻q煩。
之後就走去 CSC 度 print d mcse 的 brain dump。點知慢到嘔泡，成半個鐘先 print 到六十幾頁。damn it!
改個考試時間，因為背唔切個題目。接電話個個人又會記得我同 patrick，仲同我地傾計添。改到下下星期一
為免俾阿媽哦，都係快d返屋企。但係我又唔記得去拎隻 KFC 公仔，講起 KFC，記得以前都成日去。
返到屋企，傷口開始痛，等我仲懶醒咁唔食止痛藥。點知我都係頂唔浦。
阿媽要迫我目訓晏覺，唉，機都冇得打。
由於個 CD writer 虧o左o既關係，我都係問馬弟借個 Ricoh 24x 用住先。

2004-6-10
今日都唔記得o左自己做咩...
是旦喇，都係無無聊聊的一天。

2004-6-9
十二點先起身，撞鬼 lor。之前係 jobplus 睇見一份工，朝早走去 fax。
今 day 要返泳會，冇遲到！但都係要跑餐死，因為 partner 太準時到，故急了少許。
唔知點解，成鬼日都唔想返工。因為唔知自己要收幾多錢，故又收唔到人工住。
又要返去補習，269D 去城門隧道再轉 40X，遲了到。
九點半才回到家吃飯。
elel 你幾時返呀？很掛住你呀！
好想約個舊朋友出來吃頓飯。

2004-6-8
十點幾，終於去食早餐。吃了一個好唔抵的早餐，失敗。
電話冇電，知道阿媽好唔高興，又收到 elel 的漫遊留言，感覺很是浪漫。
忍唔住手，打o左十蚊機。
推了馬弟，冇去買DVD writer... 因為想快 d 返屋企，減少阿媽的憤怒！
係屋企，keep 住睇番 download 返來的 VCD 同埋 video
大口俾封 letter 我去幫佢拿 ITLES 成績，之後就去了肥宣屋企坐。
阿鋼果然係阿鋼。同我一樣，正X街仔！
就咁又一 day。

2004-6-7
今日係去 ASL 見工，都抱幾多信心的。
早到o左好多，咪係公司下面周圍盪，點知俾個"石焦"問我去邊，頓時魚皮...
ASL 個門面好靚！俾我感覺好正！
同一時間，有個人又o黎見工，聽說佢係勞工處找的！
in 個時，都冇咩o野，只不過佢話我又係 fresh grad.又冇 msce/mcp，最多買身去學校做 support，ok，都冇問題，但係同我講得6-7k。我很不甘心！
Ben 就in HP，Lawrance 就做了 Fiancial Planner
今日繼續要返補習的！
之後就出去同 Lawrance celebrate 生日，去九龍灣食打冷o野！
阿鋼真係有 d o野
食完o野去了 Gorrie 屋企。
我唔知點解，我冇打牌，又冇玩大富翁，只係o係度睇我的小男人週記二，最終我係成本睇曬的！不過代價係背部十分疼痛！
基於 Patrick 唔返得屋企住(因為係唔搭得小巴...)，所以我都冇走到。
成晚都係介乎係睡覺同傾計之間。

2004-6-6
星期日的今天，係去補習的！
補完就同個學生一齊去新港城去行了個圈。
今日好似係屋企發霉的！

2004-6-5
今日又要返工，唔想返，但又要返，唔返就冇錢！預計返埋今個禮拜三
返完工就約家姐慧明同阿 Ben 去時代食 lunch！吃了八十元，雖然貴，但好食！
之後，就去找阿寬的小男人周記二，找了很多樓上鋪都冇，都係商務偉大！一口氣入了三本書！
話時話，原來個廣播劇都係阿寬寫的，原在才知道我在中三時已愛上他的故事及作品！
懶的原故，又將補習推到明天。
由 Sogo 行返落去修頓搭 681，為的都只是可以揀位坐！
收到 elel 的名信片，很是高興！

2004-6-4
今日呢個日記係5號寫的！
今日好悶，好彩 ben、家姐慧明同 gorrie book o左場壁球！咁都冇咁悶。但係阿鋼呢死仔包又話要去深水步先真係冇佢收。事因我實在太悶，我都跟埋佢一齊去。
講起阿鋼，就即係諗番係之前一齊住 hall 的日子，真寫意！回想之前諗住會寫下住 hall 日記，點之•••都係煙消雲散！希望回憶能長在我心。
吃了一個平生係 city canteen 的第一個價值十六蚊的三文治，係唔記得叫做咩咩魚，都幾好食。
打球，都係咁喇，志在見下 d 朋友仔，我會用朋友去叫我的舊同學/同學，因為係我個字典裡面，朋友的關係比同學的關係要好得多。
有時候，我真係唔係幾鐘意來電顯示呢個發明，真係頂佢個肺！有等如冇。
之後，我又打得別勁。
打完波，mango 肯陪我去九龍灣展貿幫 elel 拿 TRF，真好！
ASL 叫我去 interview！好開心！因為做得成份工。
約埋一堆人去打牌，地點係不詳~~~
不過最終都係打唔成牌，玩了大富翁、PizzaHut 外賣加埋睇 AI。
就咁又一 day。

2003-11-17
係手寫緊英文日記的同時，突然諗起，假如一個人的目標、心願已經達成，又或者突然冇法實現， 那人的日子將會相當難過！完成的、為著找尋下個而煩腦，但境況都不算太壞；但心願冇達成者，即抱憾終生。好慘呢！ 就好似電視劇中的角式，一心為報仇而生活下去，仇人一旦死去，就真係會唔知自將會做咩。
咦•••好老套呀！係 lor，都唔知點解突然諗埋 d 老套o野。
唔係喇，都係 set 多 d 目標俾自己先！買勁多車，買勁多樓，結婚生仔。

2003-11-16

2003-11-15

2003-11-14

2003-11-13
elel 屋企整 toilet，起曬 d 磁磚，扑爛埋個 toilet。
等了又等，仲要有排掃同執。

2003-11-12
不夠睡，好炆，好討厭。
繼續做 HCI assignment！
發了脾氣。
晚上吃黃餐廳食蠔仔粥。都幾好食。
尾二架火車。

2003-11-11
冇曬足球堂，但依然要早起身，做 report！
上 WAN，但係太累，睡了半個小時。
做 report。
食 food court，其實都係食 KFC。
輪到 HCI 功課，大不了又通晚頂。

2003-11-10
睇 CCNA materials 睇到早上三點幾四點！
早起身，回校，等了半小時呢。
走 engineering in society。
做 security report！
又同唔到肥宣、ming、旺旺食飯，頂。好嬲！
好炆，笑唔出！
同 ben 到 elel 家食飯。
回家再做 report。

2003-11-9
又到補習日，今日只係補一個鐘。
到大埔同 elel 飲茶，大埔京都，好似好過我樓下間喎。隔離檯個兩個女都係有 d 問題，又粗口又成，都係癲癲o架喇。食完就閃。
在家，等了又等，睇了兩頁鐵刃，放進 VCD，等了又等。
最終都係要走了。

2003-11-8
都係今日先交 report。
留家休息。

2003-11-7
見老細，即係 supervisor 是也
尋晚成晚睇 FYP 的料，好累，但係要繼續做 report，因為星期六交唔到就當冇交。
過說問 Mango 拿 patsy icq，目的？梗係問佢拿個 report 來看看喇，咁多人跟 KL Chan，係得佢一個交o左個 report
做到十二點幾，都係時候返去
點知返去，Dr. Chan 唔見o左，icq 佢，去佢 office。但係最後係落o左 lab
今日 patrick 也回了 cityu。因為佢地之前去睇 Matrix 3。我就睇唔到！但係佢陪我食 tea。 重陪我去將軍澳無聊，係，冇錯，係去o左將軍澳。尚德呀，將軍澳中心都俾我地行曬。幸得 patrick 肯同我周圍行下！
之後 patrick 回家吃飯，同 ben and elel 到旺角的泉張居食梅菜扣肉，又真係幾好食喎！
番到屋企都成十二點幾，係時候完埋個 FYP progress report！

2003-11-6
考車日！
考車前補鐘。六個泊位都試過曬，三次斜路開車、停車。出埋街都冇咩問題，牛皮沙街臨讓路口位右線封閉。 有少少麻煩。
正式考試係有 d 緊張。個考牌官都幾 pk，成鬼日都催住曬。起初都冇問題，考大涌橋咪大涌橋lor， 但係到了勁短的燈口位，行o左一半個路口就一腳踩埋o黎。佢可能有佢道理，但係我覺得佢冇必要踩我 brake lor！ 我學咁耐車，80km/h 都行過，都未被師傅踩我 brake。我前面跟本就冇車，跟本就冇構成危險。踩 brake 只會令後車有危險！
跟住，我都冇曬心機考喇。
仲有隻白鴿飛埋o黎，佢仲俾前車轆過，之後，佢跛下跛下咁撞落我架車的擋風玻璃，再跌係我前方。唉，我都怕車死佢，咪唯有收油， 又唔可以停車，好彩，佢都飛走o左。我就慘喇，嚇餐飽。
pass 唔到個路試，代價係要俾三千一蚊再考過。
係勁唔開心！我渣車一定穩過好多人，佢咁都肥我！？
去陪 elel 食飯，又或者係 elel 陪我食飯。冇面返屋企，都未試過咁o既心情。

2003-11-5
星期三，Faculty Board Meeting。 CYC 個 Multi-Media Conference Room 真係靚到丫， 自己好似開緊高鋒會議咁。冇睇 agenda，係個 meeting 度勁揭 agenda，好不好意思
去了 Pacific Coffee 打了個轉。
返 IT Lab 度無聊。
上 HCI 都係咁喇。

2003-11-4
今日冇返足球，去 elel 家吃飯。
返學，但係遲到了少許。
Security今日做 Lab都係好快 KO
回家

2003-11-3
返學 lor
學車，仲係渣三個學車，真係開心死我o架。
模擬路試係冇問題的。
一個鐘坐係駕駛學院，睇雜誌同英文報紙。
兩個鐘冇抖過。多謝師傅教導，佢真係教得好好，pass 的話就寫張咭俾佢。

2003-11-2
今天又係補習的一天，仲補到好耐，同伊太傾了一陣。
過大埔同 elel食o野。澳門街個間 d o野食係 ok 的。但係 d 服務就真係麻麻地。
行街，elel 就買到條褲，我就都係咁喇。
佢之後出街睇戲，我就回家食飯。
有個笨蛋以為八達通負o左，但其實冇。

2003-11-1
今天原本係開開心心的走去同 patrick, ben 和 elel 去行南丫島，雖不知原來今天係籃球比賽。 冇辦法，之前係我應承了阿昭在先。唯有爽了 patrick 的約，對不起。
一起身，就大鑊。做了平身最唔鐘意的事---遲到
原本都以為唔洗出場，因為有 Patrick(另外一個 patrick)、mango、昭同埋阿發(唔係一齊做 Thiz 個個阿發)。斷估都唔駛出我，成大半年未打過 波，想打得好都難喇。雖不知有機會出下場，仲俾我入o左三粒波，有成六分咁多。真係開心死我o架！同埋，原來我個CE Year3 係有幾多人打波的。 從來都未見過咁齊人。起初都以為今次實掂，分分鐘入三格，點知後勁不繼。唉。
之後就落 Lab，等 elel 佢地。等下等下，最終都係見唔到住。
同 Philip、Mango去南豐餐廳食 Tea。讀o左兩年 City，都未去過。三個人叫三個大 Tea。好飽。
之後，隨車觀察，都係咁喇。
過去大埔同 elel、patrick 食晚飯。

2003-10-31
今日係城大夜宴日！
今年係 last year，緊係咩都要試下喇。所以包了一圍夜宴！
場面又真係幾盛大！個感覺好正！好難得有一大班同學仔一齊食飯，都唔知幾時先再可以有咁o既機會。
周圍同人影相，走去埋大口、阿鋼、阿車度影相。
吃了頭一味送就要走。唉，七十蚊又真係好唔抵！有冇得回水o架？
之後就學車去！
嘩，今日就激喇！顯徑一車遊！去了仁安醫院、世界花園，又有大斜路。
之後仲行埋個大埔公路，即係城口隧道出口，從美林村的那邊上去，再鏟番上去新城巿，再返駕駛學院。今晚真係正正正！多謝師傳。

2003-10-30
今 day 肥宣生日，生日快樂。
留家休息
學車，兩堂 lecture，都幾悶。
獨立訓綀，一般喇
都係冇過去大埔。

2003-10-29
學車！九點半真係好早！同埋，朝早渣車真係唔同！冇咩問題。
今 day 整機
先落旺角買杉，係同 elel 去買小朋友杉。
十一個半二個雙層芝士漢堡，好抵，吃了一個
係李鄭屋村飲茶，食o左勁多o野，係勁勁飽，係有兩個勁的，因為吃了好多包！
重裝九八！正！不過仲係個 powerdvd 有問題！
坐的士回校，好過隱
好夜回家，好貴，又係的士

2003-10-28
多謝我的 baby el！
今 day，係小弟的生日！
試 bluetooth，好正！
今個生日就真係肥仔喇，又模型、又 bluetooth module、又有斜咩袋、仲有 elel 的靚靚相架！
還有，好友的電話！好開心！
排名不分先後：黃洪、阿 Ming、大口、肥宣、阿鋼、大佬 Raymond、旺旺、 嘉敏、Do、阿四、韓建、Mango、仲有大學同學。如果漏名，敬請原諒，並通知本人！
多謝好友！記得我生日！都好滿足。
新x坑，即用個袋
我作東，吃元綠做 tea
中午飲茶，晚上九點半放學，再去尖沙咀吃台灣菜。再行海旁。
不過阿媽唔記得我生日
今日朝早就見到 robin li！真係唔多 lucky！考車個日一定唔可以返學校！

2003-10-27
倒數的一天，有莫明的黯然，失落。好采，起碼還可愛的小公主 elel 陪我！
我就是不喜歡將生日放進 icq 中，但又想收到別人的 happy birthday！
學車日見到 Robin Li，真係唔多老黎。
記得兩年前自己說過要過一個精采的十八歲定唔知係二十歲，回想過去，自己都算 ok 喇，都試過好多以前未做過的東西。
話說尋日我唔小心襟著部電話打o左俾人，朋友回電。
屋企人跟本冇過慶祝生日的習慣，慶祝生日跟本就係朋友度學回來的。
今年希望自己能激少 d 阿媽，對唔住。
今日撘車，突然諗到自己應該可以嘗試從 material supply 度發展，因為咩 product 都需要。
多謝阿昭、patrick、Ben，當然還有 elel！

2003-10-26
話說今日要補習。
補完習就去了大埔。係等elel期間，吃了麥當奴。之後都係過了大埔廣場打了一鋪機，只係兩蚊。
其實我係星期四個日，係撘火車回家個時，我是發覺坐我對面的一位，實我我的舊同學，係胡忠的舊同學。 其實我本不相信，但睇見佢係大學站一齊下車，就一定是他了！幾年沒見，差不多不認得，大概只係依稀的認得佢同佢朋友傾計時的聲音。 相信 Raymond 都會記得o既，他是姓藍的，很特別！
眼見 Ben 成日被人滋擾，我又諗起我的舊同學，係做傳銷的，還用粗口罵我的，欺騙的友情的。你怎麼樣？ 發了達沒有？如沒有，我很難想像到你怎樣面對我，姓黃的！
今期迷了百分百感覺的小說！可惜只看了兩集！再也找不到 ebook。

2003-10-25
我又發覺我之前打錯日期呢...
買電腦，四千唔蚊一部 AMD 2500+ 加一個我覺得勁正的 Philips 十五吋 LCD，我覺得好正！我次次同一砌機都好似幫自己砌咁 幾乎次次都係我心目中的 dream PC，不過次次都 out budget，呢次係唯一一次 just make！
買 LCD 都係要搵間包零死點的鋪頭有 so！
好正！有海鮮食！瀨尿蝦真係好正！
人就係咁得意，問人問題好多時都只不過我人地 support 下自己，希望人地答到心目中的答案，令自己好過一點！
哈哈，對得住思想，但過不了理性。看，人就係矛盾的。
喜歡elel，就是喜歡elel，嘻嘻。

2003-10-24
好似有番心機打日記，就o黎改番板去日記度，唔好遮住張隨心大相
今日都算早回city，為了個 project 盡最後努力，雖然我好似冇咩做到。
頂，有人對elel唔好，就即係同我過唔去！
雖然，冇咩人留言。但係我發覺我update下個網頁又會多o左人visit，這是令我高興的。
當然，我更希望elel留言；還有，我的好友！你知道嗎？好二次方呀！

2003-10-23
不捨得elel，但係都係要離開city去學車
學車，仲係連續兩個鐘，真係開心死我o架
落小巴行去駕駛學院，見到個女人抽煙。我都唔係幾喜歡女人/女仔食煙，至少，我的女朋友不能。
師傅話我今日好似有 d 緊張，開頭自己都唔覺。佢話我轉彎唔夠靚，踩 brake 又勁過頭。但係我今期係專登開快 d 的。 keep 住起碼 45 km/h 去。不過係插桅桿街度，唔知做咩鬼，想入三波個時唔小心拉了 hand-brake...痴鬼線，好彩唔係好大力 立刻入番三波...
返場內個時，斜路開車做了平生第一次溜後。都係自己之前冇試好個極力子，點鬼知個極力子咁鬼高。 唉...今堂真係英名盡喪...

2003-10-22
今日我犀利喇！我八點半就返到 Lab！因為要俾番張 CF 佢 Raymond 女友，所以咪要早陪佢返學！條友仔都唔係路，要我叫番佢起身 -_-||
同好友一齊返學，都好耐冇試過！約了遲d出來食飯，不過地點日期同時間都係未 confirm 的。
返到 lab 放曬 d CD 同一堆雜物係張檯度，咁先似自己的位嘛！

2003-10-21
唉，18號有位朋友生日，梗係要打個電話俾佢！仲同佢傾了一陣計，原來呢位朋友都幾明白我心點諗。多謝！
話說之前五號有個朋友生日，我係六號先醒起，唉，都唔係幾好意思！Anyway，生日快樂！
我就連自己係今個月生日都唔記得，希望大家唔好怪我失魂
其實，我真係唔想做大人，我都好想任性一下，亂來一下，一塌胡塗也好！

2003-10-20
我的好友若你回頭 仍一切依舊
我也不保證未來想要的便有
我的好友若你抬頭 看到星遠天厚
後日想不想我陪你看白晝

2003-10-13
突然發現原來自己下面個段係打錯日期！係十二號先o岩...

話說今日學車，em~~~死o左三次火，都係自己技術唔夠，係要玩o野成日吊極力子！
一個鐘內，死三次火，泊了至少六次車，三次三手掉頭， 二次斜路開車！真係犀利！

2003-10-14
話說今日撘681巴士返屋企，係天后個站有個女士上車，都算後生，但係我都係覺得佢一般，因為有了女友嘛。我留意的反而係坐我對面的兩個男人，個女人行過架車的走廊，對面的兩個男人就一直望到尾，個女人一路走，兩個男人就一路望。個女人都走o左去車尾，兩個男人擰到頸斷都要望到底，其中一個仲不斷由上到下，又由下到上的不斷打量，情景十分有趣！故特此一記！嘻嘻！

手信，有嗎？

究竟仲有咩人會留意我的網頁呢？

i love my P@lm 但我更愛我的愛人

會打電話嗎？

朋友再次尋回他想要的，咪幾好，唔好咩？呵呵，自己的自己選~~~

學車，好開心，因為係夢想，我的夢想多簡單