Personalizar Office

Estu ye tan cenciellu qu´asusta...Esti ye´l nuesu oxetivu:

Un pocu teoría (pa saber lo que facemos)

A la hora personalizar un menú o una barra ferramientas lo que facemos ye camudar o facer una plantilla. Una plantilla namás ye qu´un modelu pa facer un documentu, pero que tamién incluye al menú y a la barra ferramientas, non sólu testu, tipos de lletra y demás.
La plantilla que s´abre con Word ye Normal.dot (la estensión de todas las plantillas de Word ye .dot) y esa ye la que vamos camudar, anque tamién podíamos facer outra nueva. Recomiendu encarecidamente guardar una copia de Normal.dot nún discu por si acaso llueu nos arrepintiéramos. La plantilla ta allugada nel direutoriu C:\Archivos de Programa\Microsoft Office\Plantillas.

Camudar l´aspeutu cola plantilla nun significa cambiar nin una sola llínea de código de Winword.exe, el programa executable de Word.

Podríamos camudar muitas cosas, pero nós namás vamos a cambiar el nome: Cerrar por Pesllar, por exemplu.
 
 

Cómo se fai

1.- Abrimos el Word como siempre. Sí, un documentu nuevu en blancu.

2.- Vamos al menú Herramientas y ehí a Personalizar. Agora Word ye nuesu... a partir d´equí entamamos la Personalización.

Esti ye´l resultáu de facer click en Personalizar:

3.- Sigún tamos na imaxen superior, vamos a Archivo, facemos click col botón izquierdo, y notaremos que se seleiciona nún recuadru, eso ye que vamos bien. Nel menú baxamos hasta Cerrar; agora calcamos nél col botón drechu del ratón, desplegándose outru menú como´l que s'amuesa la figura, lo que nos interesa ye´l campu Nombre. Asina que facemos click nél y yá podemos camudar Cerrar por Pesllar.

Podemos dir faciendo asina con tolos comandos de los menús ya incluso colos de los botones de las barras ferramientas d´igual manera.
Pa finar facemos click nel botón Cerrar qu´apaez en verde nel dibuxu d´enriba.

Pero espera...
        ¿Qué ye esi símbolín &?

Esi ye´l responsable que dellas lletras de los comandos del menú apaezan sorrayaos. A efeutos práuticos, eso significa que esos comandos puen executase calcando a un tiempu la tecla [ALT] y la lletra sorrayada pa un accesu rápidu dende´l tecláu. Nós, vamos a seguir el siguiente criteriu: Siempre que podamos deixaremos el símbolo sorrayando a la mesma lletra: Borrar- Esborriar, ye dicir, Borr&ar - Esborri&ar.

Sin embargu, si nun poemos caltenelu como en: Cerrar-Pesllar (nun hai C en Pesllar), pasamos de tou ya nun ponemos en ningún sitiu el simbolín &: &Cerrar-Pesllar. Ye que si sorrayamos la P de Pesllar, poemos armala guapa porque tenemos tamién Propiedaes, ¿entiendes?. Tampoco pasa nada grave si lo faes, pero nuno de los dos comandos nun furrulará l´accesu rápidu.

Como ya dixe enriba, la pallabra qu´apaez al allugar el cursor nos botoninos de la barra de ferramientas (ToolTip Text) tamién se puen camudar; facemos igual, ponémonos encima del botón cuyo nome queremos camudar y facemos click col botón drechu.

Al finar ya pesllar el Word verase como sal embaxu, na barra d´estáu, Guardando Normal.dot...

Más cousas

Excel y Powerpoint personalízanse esautamente igual que Word.

P´Access hai que dir al menú Ver, Barras de Herramientas y dempués Personalizar, pero la forma d´operar ye la mesma.

Si nos arrepentimos

Ya dixe enriba que debía facese una copia de normal.dot, ya que sería muitu trabayu volver a camudar tolos nomes; Resulta muitu más práuticu copiar la copia (que bien falo...) al direutoriu onde te la plantilla normal.dot y sobreescribila. N´últimu casu podemos esborriar el Normal.dot de manera que Word crea un nueu Normal.dot.