|
Kampere bie de boer |
|||
| truuk | |||
|
OPKOMST: Ro: Gaon veer hie de tent opzètte? Sj: Jao, hie motte veer zeen. Ro: Goh, ’t is hie waal sjoan, zoa landelik en veural zoa greun en nog mie van die sjoan kleurkes…. Sj: Es veer deze zomer in de Ardénne gaon kampére, dao is ’t nog veul sjoaner. Dao höbste deepe dale, wilje woeste riviere, watervalle, kale hoage rotse…….. Ro: Woarum motte veer noe eesj in Sjweikese oefene mit kampére veurdat veer deze zomer noa de Ardenne gaon? Sj: Omdat ich neet mit uch helemaol wiet weg in ut boetelanjd gaon kampére, es geer nog noaits van uch laève in ‘nne tent gesjlaope hubt, Noe pak dichzelf ‘ns, doe bis nog noats wiër op vakantie gewaès es nao dien Oma! Ro: Puh, mèr wo miene Oma woont dao zeen auch veul Berg en auch ‘nne woeste rivier….. Ra: Wo woont dien Oma danne? Ro: In BERG AAN DE MAAS!!!
Ongertusje
kump Diederik-Jan van achter oet de zaal kreunend en sjteunend, mit zien
Samsonite op wielkes en golftèsj, aangelaupe. Ra: Aha, dao höbste ozze toerist auch eindelik. En jong, waar dich daè berg ’n bietje zjwaor? D-J: Wat meen jij wat zo’n golftas niet weegt? Ra: Kènt noaits zjwaor zin…….…..doe höbs mèr klein bèlkes!! Wat moste trouwens in godsnaam mit ’n golftèsj hie!? Veer gaon kampére!! D-J: Ik heb volgende week ’n belangrijk toernooi en ik moet mijn handicap nog oefenen…. Ra: Dien wat?? Dien handicap?? Dat is zeker gekomme omdat ze dich ’n keer mit zoa’ne golfclub veur dien harses höbbe gehauwe en datste noe kals alsof ste mit ‘nne heite aèrpel in de moel lups…………………. Wie kleiner de bal, wie groter de kwal. Sj: Noe sjei ‘ns oet mit det gekibbel! Veer motte de tent nog opzètte! Ro: Nou, ich zou waal ‘ns ’n tentje wille opzètte mit Rambo! Ra: Kiek mèr oet, angèsj reig ich dich aan mien mèts en zal ich DICH opzètte! Sj: Roewe, waè haèt de tentsjtèkke mitgenomme? D-J: Ik zou ze meenemen…..mèr eh…...ik had geen plaats meer in mijn golftas…..! Sj: Wat gein plaatsj mie…..kom mèr hie mit die golfsjtèkke, dan gebroeke veer die waal! D-J: Ja maar…… ik moet nog oefene met putte Sj: Putte? Veer goan gaar oets neet noa Puth. Hie mit die golfsjtèkke!
Waè haèt ‘t
tentdook? Ro : Hie, ich höb ’t zelf aanein genèijt op miene nèijcursus! (vouwt
ein bleumkessjtof oape) Sj: Rambo help mich effe mit daè tent, haèt eemes de haèringe mitgenomme? Ra:
Hie ich höb ze in miene tèsj zitte! (haolt
’n pot haèringe oet zien rugktèsj) Sj: Noe bruk mich de klomp,…… Ro: Ich höb houtliem bie mich! Sj: Ich bèn op vakantie mit de 3 sjtomste aèrpel van gans Limburg geluif ich! Pak mèr ’n paar keije, dan zètte veer dao de tent mit vast! Wat höb geer trouwens allemaol mitgenomme in uch tèssje?? Jeder
pakt noe versjillende dinger oet zien tèsj of koffer: D-J:
pakt NRC-handelsblad, laptop, GSM,
book van Mannekoar en 5kilo aèrpel oet zien koffer Sj: Wat most doe dao allemaol mit? D-J: Ik moet de aandelen van de Sjweikeser Boys in de gaten houden, die staan nu ook op de beurs genoteerd. Sj: Sjweikeser Boys??? Aandeile??? Ut is Ajax toch neet!? En ze höbbe ‘t aafgelaupe jaor neet ‘ns gevoetbald! D-J: Jazeker, ze zijn het afgelopen jaar explosief gestegen…..geen blessures…..ze verliezen niet meer……geen dure uitstapjes meer van het bestuur……. Ro: En wat is dit danne? ’n Kirkbook?? Oh nei, ’t is ‘n book euver ’t Sjweikeser Mannekoar!? D-J: Voorzichtig daarmee, dat is ’n duur boek, ik heb daar veel geld voor betaald om er met mijn naam in te mogen staan! Ro: Sjteis doe doa mit diene naam in?? Wat ‘nne kak!! Daorum is ’t zoa duur! Ra:
Haolt 6 rollen wc-papier, verbandjdoas oet rugkzak D-J: Waarom heb jij zoveel wc-papier bij je? Ra: Dat höb ich neudig es ich van dich de sjiet krieg!! Sj: Witse trouwens wie ‘nne Hollènjer, wie Diederik-Jan, wc-papier gebroekt?? Ra:
Nei, zègk ‘t ‘ns. Sj: Daè pakt 1 vèlke papier, vouwt dat dubbel, scheurt dao ’n rundje oet, deit ’t sjtukse wc-papier door ’t gaat op ziene middelvinger, vaègt zich de kontj mit ziene vinger aaf en vaègt dan mit ’t wc-papier ziene vinger aaf…. Ra: En wat deit ‘r dan mit dat rundje?? Sj: Dao maakt ‘r zien nagel mit zuuver!! Ro: Rambo, woveur haet zoa’ne sjtoere keal es dich zo’n grote verbandjdoas bie zich?? Ra: Dao zitte pleisters in taège bloare, taège eksterauge, taège rauke…… Ro: Taège ut rauke? Doe raukst toch gaaroets neet!? Ra:
Dat kump omdat die pleisters zo good zinne! Ro: Wo plèkst doe die pleisters danne? Ra: Op mien moel! Sj: Robbert wat höbst doe allemaol bie dich? Ro:
Oh, eehh….miene reisföhn, ’n romannetje van de Boeketreeks en
get aseline veur es ich schjrale lippe krieg……… Sj:
Höbs doe geine pietsjlamp bie dich Robbert? Ro:
Nei….., ich höb waal ’n flikkersjtèrke
bie mich!! D-J:
En wat neemt onze superkampeerder dan allemaal mee? Sj:
’n Tandjebeursjtel, ‘nne gum en 2 inlegkruutskes! D-J:
Wat moet je met ’n gum en 2 inlegkruisjes?? Sj: De gum is veur mien ongerboks zuuver te hawte en de inlègkkruutskes kènste es professioneel kampeerder euveral veur gebroeke: èste bloare oppe hakke krigst of veur oppe sjouwers taège ’t schjoere van de reeme van de rugkzak, de vot mit aafvege es ut WC papier op is en tensjlotte kènste der ut kampvuur nog mit aan te make! Dus,
leer dat noe van mich, unne echte kampeerder haet altied
inlegkruutskes bie zich ….. Allways. Ro:
Sjaak, ich höb honger…..wat aète veer vanaovend? D-J:
Ik hoop op zijn minst “haute cuisine met minimaal 3 gangen en
’n lekker wijntje! Sj:
Dan zulste die gange toch zelf motte goan grave….dan vungst hie
missjiens get kniensgange! Ro:
Oh, zitte hie dan knienkes? Sj:
Jao, wat meinst doe dan, hie zitte zelfs vosse, hèrte en wilj
sjweine! Ra:
Wilj sjweine, wilj sjweine??…Die goan ich dan vange en die reig
ich dan aan mien mets.. en ich fileer ze.. en prik ze aan ’t sjpit veur
boave ’t kampvuur… en van hun derm maak ich dreugwoosj …en in zien
bek sjtop ich ‘nne appel …en van ’t Sjwènske, van ’t Sjwènske…..(daobie
gevaèrlik sjeijend mit zien mets) Sj:
Rustig mèr, rustig mèr Rambo. Leer dich eesj mèr ‘ns ’n blik
knakweusjkes oape te make zonger dich aan de blikoapener te sjnieje. Ra:
(Beteuterd)
Jong,…moste dao noe ummer op truk
komme (daobie
hilt haè ziene doem in ’t verbandj omhoag) D-J:
Ik wil wel alleen gefilleerd vlees hebben! Ra:
Ich filleer ‘m waal mit mien Jachtmèts! D-J:
Alstublief wel hygiënisch,niet met zo’n mes waar je overal mee
in zit te vroeten Ro:
Nou, in mich maog ‘r waal vroete……… Ra:
Ich vreutel allein mèr in vrouwluuj, sjaèle nicht! Ro:
Hie zitte angèsj gein vrouwluuj! D-J: Daar zul jij anders geen last van hebben: Albertje Mol ha,
ha, ha, ha (jederein lacht) Ro:
Geer kènt mich waal oetlache es homo,… mèr ich hub waal al un
vrouw zjwanger gemaakt en dat kènt geer noch neet zègke!! Ra: Doe zeker,…. un vrouw zjwanger make….!! Waè
waor dat dan waal: SJUGAR LEE HOEPER? Ro:
Nei jong, wie ich klein waor hub ich mien Mam zjwanger gemaakt! Ra:
Diene Mam???? Ro:
Jao, ich haij heure PIL geruild veur un aspirientje! Sj:
Robbert, gank doe mèr ‘ns get hout sjprokkele veur ’t
kampvuur, dan kènne veer mit ’t aète beginne! Panne en besjtèk oet rugkzakke pakke, kampvuur make mit hout en keien er om haèr Sj:
Jonges wat drinke veer bie ut aète? D-J:
Melk! Ro:
Milk! Ra:
Ich hoof gein milk! Gaef mich mèr beer! Sj:
Wat ich hoof gein milk! Doog neet zo lèstig, motte veer veur dich
weer beer haole!? Ra:
Nei, ich drink gein milk, dao hub ich uns de naas mit gebroake! Ro:
De naas gebroake? Wie kènste noe mit milk drinke de naas braèke??? Ra:
Ja, de KOO ging opèns zitte! Ro: Doe mit dien beer. Drink noe mer milk dat is good veur dich. Krigste nog veul sjoandere lekkere spierballe van, lekker dink!! Al
dat beer is niks veur dich! Ra:
Wiezo dat dan neet? Ro:
Dao zitte vrouwelijke hormonen inne? Ra:
Vrouwelijke hormonen? Ro:
Jao, want ummer èste teveul beer gedronke höbs, geiste sjtom
kalle en heel sjlecht autorieje! D-J:
Weten jullie trouwens dat kamelen 6 dagen kunnen lopen zonder
te drinken? Ra:
Dat is nog niks, ozze Raod van ellef kènt 6 daag drinke
zonger te laupe!! Sj:
Zoa, de sop is klaor! Estebleef!
(deilt aan jeder sop oet) Sj: Wie sjmaakt de sop? D-J:
Slecht!! Sj:
Slecht? Hebbe ze jou thuis niet
geleerd met twee woorden te spreken? D-J:
Erg slecht!! Ro:
D’r zit unne sjoonsreem in mien sop!! Sj:
Dat is om ze te binge!! Ich heij niks angèsj Ra: In ’t leger krege veer altied kou sop en ummer zanjd in ’t aète. Dao hub ich mich uns euver beklaagd bie de Sergeant. Ich zei: “Meneer de Sergeant, wij eten elke dag koude soep en er zit altijd zand in ut eten. Zaèt de Sergeant: “Jongen, jij bent niet in ’t leger om te eten, maar om je land te verdedigen!”
Ich zègk: “Dat klopt Sergeant, Ik ben hier ook om ’t land te
verdedigen, maar niet om ’t op te vreten!” Sj:
Zo, höbt geer de pan laèg? Joa…. Dan motte veer aafwèsjche.
Robbert, geist doe effe sjpeule?? Ro:
Woarum Ich? Ich bin ummer de pineut, normaal doon de
mansluuj oppe camping de aafwèsj! Sj:
Höbst doe effe pech, veer zitte hie neet op ein camping! Ro:
Ummer ich ‘ns weer! (persiflage
John Goessens)
D-J:
Hé, op die ketelen kan
je fijn trommelen, ik heb
vroeger bij ’n salonorkest gezeten als slagmeester! Ra:
Doe zulst bedoele es vaandeldrager bie de Sjutterie St.Jozef in
Sjweikese! Sj:
Hei, dat klinkt best good! Ra:
Ssssst, wat heur ich dao in ’t sjtruikgewas????? (pakt
metein zien jachmets en geit in gevechtshouding sjtaon) Allen:
Wat ruist er door ut (Ro:) STRUIKGE………………(rest:)
STRUIKGEWAS! Ritmisch
Leedje opgedrage aan Toon Hermans (door John en Ben) (onger
begeleiding van trommele op panne en dèksels => Jos en Ralph) Sj: Zo, ’t wurd tied dat veer gaon sjlaope.
Murge is weer ’n nuuje daag en sjtaon veer vreug op om ‘ns ’n
flinke wandeling te make, zodat veer sjtraks ’n optimale konditie höbbe
es veer in de Ardenne zin. Sj:
Waè haèt de sjlaopzèk mitgenomme? Ro:
Iche…..hie zin ze! Sj:
Mèr nondeju, doe höbst d’r mèr 3
sjtuks mitgenomme!? Ro:
Ach, wat maakt dat oet, miene sjlaopzak is groat genog, dao kènt
Rambo bés bie! Ra:
Ich hoof van dich gein relatiegesjènk!! Ich
sjlaop nog leever boete in de oape luch!! D-J:
Ik ga toch niet in een tent slapen. Dat is ook iets voor minder
intellectuelen, die gaan elk jaar met hun sleurhut richting Zuid-Frankrijk
om daar op ’n Hollandse camping naast hun buren te gaan staan! Ro:
Of nog erger,……..naève ‘nne Pruusj! D-J: Ik heb ook ‘ns in ‘n Hotel in Beieren een Duitser ontmoet, en s’ avonds heel gezellig over aandelen en zo gepraat en ’n glas port gedronken, vraagt die Duitser opeens: “Zagk mahl Herr Diederich-Jan, haben sie schon mit meine Frau getantzt?” “Nein”
zei ik: “Das SCHWEIN hab ich
nog nicht gehabt!” Sj: Ich kèn nog ’n Duutsj raôdselke: Bedenk uns un zin daè eindigt op un Duitsche plaatsnaam zonger dat ut un plaatsnaam is……..dat is moeilik. Ich
zal uch un veurbeeld geve: “Das büch
auf dem tisch ist Mainz” D-J: Oh, dan weet ik ook een: “Ilse und Jennifer gehen in Wies-Baden” Ro:
Ich weit auch eine: Wenn
zwei homo-sexuellen sex haben, findet den Orgasmus im Darm-Statt” Ra:
Godmiljaar, wat höbs doe in daè soep gedaon Sjaak? Sj:
Wiezo Rambo? Ra:
Ich mot opèns heel erg! Sj:
Ich höb angèsj waal un buuske Noriet bie mich! Ra:
Ich dènk neet dat dat hulp, dat buuske krieg ich der nooit inne.
Ich haij dat gister auch al………is hie urges ’n toilet? Ro: Jao, sjtruuk allein, ze höbbe hie nog neet ‘ns ’n Frans toilet! D-J:
’n Frans toilet? Wat is dat ? Ro:
Dat is zoa’n hurkcloset mit ’n gaat in de grondj, wat ze op die
Franse campings höbbe. D-J:
Hoe moet je dan je behoefte doen op zo’n Frans hurkcloset? Ro:
Kiek……(deit ein en anger veur)…. Ein handj höbste neudig om de deur vast te hawte, want in de meiste gevallen zit dao gein sjloat op of ’t sjloat is kapot!. De angere handj höbste neudig veur dien brook omhoag te hawte, angèsj vilt d’r in de nate zooi. De rol closetpapier moste onger de kin geklemd hawte, probeer zoa mèr ‘ns dien vot aaf te vaège! D-J:
Gatsie…..dat is lekker…..bah, ik weet ’t nu zeker, ik zal
nooit op ’n camping gaan, dat is beneden mijn stand, zo’n HURKSTAND! Ra:
Ich hawt ’t neet mië!!!
Gaon veer noe eindelik ‘ns sjiete….eehh…sjlaope!? Jeder krup in de veul te kleine tent via gaat
onger ‘t podium in. Langzaam wurt ut leeg in de zaal minder, in de tent
geit un sjterke lamp aan. Ra: Gank van mich aaf Robbert, doe vieze homo! Ro:
Oh, sorry Rambo! D-J:
Zit d’r geen airco in deze tent? Sj: Jaowaal…..de ingank!
Rambo blaos ’t luchbèd ‘ns op, doe kèns dat good! Ra:
Ich dènk dat Robbert baèter blaoze kènt! Ro: Rambo, wat höbs doe veur ’n luchbèd bie dich???? Dao zitte erm en bein aan!! Geluid van opbloaze van luchbèd. Sj:
Eindelik kloar? Dan kènt ’t leech oet! (knipt
leech oet) Ra:
Waahoeoe…..doon èstebleef
’t leech aan….ich bèn bang in ’t duuster!
(Even
stilte!) Ro:
Rambo,
wat bès doe ’n MIETJE!!!!! EINDE
|
|||
| noa boeave | |||