Jean: Wo blif dae aafsjpraok noe?

Wiel: Missjiens is ’t sjpoar toe!?

Jean: Nei, dat is oape, d’r kwaam sjus nog ’n trein euverhaèr

Wiel: Missjiens zin ze ’t vergaète

Jean: Jao, dat zou kènne, ’t zeen neet de sjlumste.

Wiel: Nei, want dat zeen veer!

Jean: Dat klopt, en witste waorum veer sjlummer es de meiste zin?

Wiel: Nei

Jean: Dat kump omdat veer altied mit z’n twjeeën zin en die angere meistal allein.

Ongertussje komme de tjwee aan bie de Beautyfarm

Hans: Wits doe de weag?

2^e Hans: Jao, Mam haèt mich precies opgesjréve wo veer moste zin.

Hans: Net es of veer dat zelf neet haije kènne vinge!?

2^e Hans: Nou doe vongst angesj bie dien geboorte al de waèg nao boete neet!

Hans: Toen koosj ich auch nog neet laèze wat op die bördjes sjtong!

2^e Hans: Nei, want toen haijs ze auch nog gein brilke!

Hans: Joa en bie dich hubbe ze de noageboarte bewaard…..

2^e Hans: (teage Jean en Wiel) Veer zeen hie toch waal good he?

Jean en Wiel zin oppe buhn en de breurs Leunisse komme aangelaupe.

Jean: Nou veer verwachtte eigenlik de dames Leunissen, die stjond op veeru dizze tied.

Hans: Ja de mam heat de aafsjproak veur os gemaak.

Jean: Mer allè welkom bie Beautyfarm de Beese! Ich bèn Jean de Beese…….

Wiel: En ich bèn Wiel de Beese….ze nummen os auch waal de Bees-Brothers, ha,ha, ha,ha……..

Jean: Veer doon hie alles om de boetkantj sjoander of aantrekkelikker te make, dat zuuste al aan os geboew. Hie kènste terech veur al dien Faceliften, Liposucties, Ont- en behaoringe, en borstvergroating

Wiel: Mer wat kinne veer veur uch beteikene?

Hans: Dat weite veer auch neet.

Wiel: Wie?

2e Hans: De mam heat os gesjik en zei dat veer dat allemaol neet neudig hauwe, veer ware volgens heur al knap genog van os zelf, mèr ’t koosj noats kaod veur ’t zelfvertroewe.

Jean: Numt geer mèr plaats in de ligsjtool, dan beginne veer metein mit de behanjeling.

Jean en Wiel doon vanaaf noe alles te geliek, de sjolk om, de handjdook om, de hènj wèsje, de sjaèrzeip opdoon, de krulsjpange, ’t moddermaske, enz.

Jean: Zègk, wie heisj geer eigelik?

Hans: Ich heisj Hans

2^e Hans: En ich auch.

Wiel: Het geer allebei dan Hans? Is dat neet lestig? 2 Hansen in ein hoes?

2^e Hans: Nei dat is mekkelik, want ich heisj Hans en es eemes opbelt en haè vreug is Hans dao, dan is d’r altied dao, of ich dat noe bèn of dat Hans dat noe is.

Jean: Höbbe uche auwèsj zich daomit vergist danne ?

Hans: Nei, ich zal uch dat oetlègke: kiek Ich waar hunne éesjte zoon en woord Hans geneumd, daonao koosjte mien auwesj gein kènjer meer kriege en höbbe ze Hans geadopteerd…….en omdat haè auch toevallig Hans heesj mèr eigelik ’n aangenomme kèndj waar neume ze heum 2^e Hans…………..

Wiel: En zeet geer auch getrouwd?

2^e Hans: Nei, de mam hei toch ’n afsjproak gemaak.veur os.

Wiel: Ja ja, hie joa, mer wat heat dat vriegezel zeen te maake?

Hans: Nou de mam hei NOG ’n aafsjproak veur os gemaak, veur vanoavend…. dan goan ver mit twee vrouluuj op sjtap..

Jean: Dat zal toch zeker neet de eersjte keer zeen dat ger mit ’n vrouw ’n aafsjproak hubt?

2e Hans: Ehhh, eigelik waal……….

Wiel: Wie kènt dat dan, zoa’ne knappe kaèrls zonger vrouwluuj, dan pakt geer ’t toch verkeerd aan.

2^e Hans: Hans hie dae is kampioen in verkeerde eupenings zinnen. "Hallo maedje….wie wilst doe murgevreug dien eitje? Gebakke of bevrucht?

Hans: Nei doe dan ’n keer taège zoa’ne sjoan blonj Hollèsse: "Ik heb jou dikker gezien, maar ik kon niet op je komen!"

Wiel: Jao ich heur ’t al…..ich dènk dat geer bés noch gét advies ként gebroeke…….

Jean: Jao dat dènk ich auch veer zulle uch onger de behandeling waal gét adviese toesjpele!
Ich zal uch miene klassieke eupeningszin verklappe, succes gegarandeerd:…….lit op he…….."Höb ich dich al gezag datste veul op mien aansjtaonde Sjoanmam liekst!?"

Wiel: Wie is de mam dan aan die vrouluuj veur vanoavend gekomme?

2^e hans: De mam heat ’n advertentie veur os gezat in de gezet.

Jean: Toch gein contact advertentie he?

Hans: Ehhh jowaal.

J+W HH AH HA H HA
Loat ’s leaze…

Hans: geuf advertentie aan Wiel.

Wiel:

2 GBK’s (ALAAF), 34J, ZKM

ZSM VR (4X) GWK O.S.L.N.t.B.

Dao snjap ich niks vanne, ligk ‘ns oet

Wiel: Vorige tekst van I+II herhalen

Jean: Jongens ich zal uch eine goeje road geave: Ich zou noajt ’n vrouw oet de gezet numme.

Hans: Woarom neet?

Jean: Ich hub ‘ns unne brommer oet de gezet gekoch, doa hub ich meer neave geloupe dan op gezeate.

Behandeling begint en Jean en Wiel pakke hun gereidschjap bie-ein:

Hans: Wat höb geer dao allemaol?

Wiel: Dit is de siliconensjpuit…..dat is veur vrouwluuj die groatere borste wille, en doe zuus veer höbbe ze in versjillende formate……………………. van A tot FF-Kuub! (pakt ontsjtopper) Dit is beiveurbeeld de mal veur de C-kuub!

Jean: (pakt de kruimeldief) Dit kènste gebroeke veur de zogeneumde liposuctie, dao zuuge veer ongerhuids vèt mit èweg….. en dat euvertollig vet résaikele veer auch noch…….veer make dao namelik huitvleisj van……..en dat verkaupe veer dan aan Corine van Meels!

2^e Hans: En wao is daè Citruspers veur?

Wiel: Dat is veur de zogenaamde sinaasappelhuidje!

Jean: En dan höbbe veer hie nog versjillende soorte naaze……Veur feesnummers höbbe veer ’n feesnaas, Veur zoeplep ’n zoepnaas, Veur leeje van de Sjwenskes ’n vèrkesnaas, en veur hél jonges höbbe veer sjtaole naze.

Hans: Mèr wat mot geer noe in Godsnaam mit ‘nne molleklem?

Wiel: Dat is veur feeslifte bie auwer vrouwluuj, die trukste ’t vel euver de oare en zetst ’t dan hie mit vas……..wirk perfekt….geweldig resultaat!

Jean: En es d’r dan get veul vel noa boave is getrokke höbbe veer hie ’n schjaèrapparaat veur ‘t euvertollig borsthaor weg te schjaère…..

Wiel: (Pakt de verfaafbrénner) En es ’t mit schjaère neet weggeit, höbbe veer nog altied dit!

2e Hans: Höb geer auch gét taège kaalheid?

Jean: Jao, dao höbbe veer versjillende pruuke veur kiek mèr…in alle maote en kleure!

Hans: En blieve die auch good zitte?

Wiel: Mèr zeker mit 10-seconde liem zit alles good vast en zoa neet höbbe veer noch altied de niet-tang!

2e Hans: …….uh…(hi hi)..hub geer auch get om ’t dink get langer te make?

Jean: Wat bedoeld geer mit dink langer make?

2^e Hans: Ja…uh….geer wit waal ut gewear…..uh…..hie van onger….

Hans: Haè bedoelt of geer auch ziene wielie langer kènt make!

Jean: Oh, mèr natuurlik kènne veer dat, dan zètte veer d’r geweun ’n sjtuk flexibele buus tussje…..in elke gewenste lengte en/of dikte te kriege

Wiel: Hie höbste get veurbeelde (euverhandigd Hans ’n fotobook)

2^e Hans: Zo, zo…….

Wiel: Jao, dat is VEUR de operatie…….(klapt poster nao onger)…..en dit is NAO de operatie….

2^e Hans: (HELLER) ZO, ZO!

Valle keartjes op de grond

Hans: wat zeen dit hie?

Wiel: Ja, veer hubbe hie al mier luuj blie gemaak…

2^e Hans AUW MUK! geer hub succes zek, bie de vrouluuj. Geer zult vast waal gelukkig getrouwd zeen?

Wiel: Nea, eh…veer zeen neet getrouwd

Hans: allebei neet,

Jean: Nea

2^e Hans: Dan zult ger waal knappe vriendinnen hubbe..

WieL: Nea, eh…. eigenlik zeen veer auch vriegezel…

H 1+2: Geer, vriegezel, wie kint dat noe

Jean Mer ver hubbe der waal veul gekind.

H 1+2 Ja, veer auch veer kinne der zat………..