|
Dikbillies
2005: Neet euver Sjaak!
Alle veer opkomme en eine zaet:
John: Jonges, jonges, effe get aafsjpraeke, Veer goan ut neet euver Sjaak hubbe dees revue.
Jos pakt gezet oet koffer en lus veur: "2006 gekozen burgemeester".
(drie angere)
Jn/B/R: "Veer zouwe ut neet euver Sjaak hubbe"
Jos/Koster: Kump podium op en pakt pasjtoarshood oet koffer.
B/Jour: Veer zin vandaag op locatie in 't sjoane bergdörpke Sjweikese en wille get luuj interviewe
B/Jour: Ah, geer zeet de nuuje koster. Wie bevilt ut uch hiej in Sjweikese?
Js/Koster: Good,….
B/Jour: Wat zeen uch take es nuuje koster
Js/Koster: Nou ich ben verantwoordelijk veur ut tuinongerhoud, ich mot ut kirkklokske controlere op sjpellingsfoute, aansjtoande bruidspare veurlichte, jong gezinne sjtimulere.
B/Jour: Jonge gezinne sjtimulere?
Js/Koster: Jaozeker, vreuger deeg pasjtoor dat. Mer noe dae d'r neet meer is doan ich dat.
B/Jour: En wie doot geer dat dan es ich vraoge maog
Js/Koster: Nou ich gaon dan nao die luuj toe en zegk: "Höb geer alles euver kenjer kriege naogedach? Meistal sjudde ze dan van nae en dan vertel ich hun 't verhaol euver de bloomkes en de biekes….
Mer ut omgekeerde kumt auch veur. Veer hubbe hiej auch un gezin mit 14 kinjer en toen nummer 15 op koms waar ben ich toch mer uns goan kalle.
Ich zek tege die vrouw. Misjiens is ut versjtenjig, om te veurkomme dat geer nog meer kinjer kriegt, dat geer mer uns un tiedje oppe zulder goat sjloape. Zeat de vader: Mer meneer de koster, es geer denkt dat dat hulp, dan wil ich doa auch waal goan ligge.
B/Jour: En hub geer auch nog angere take?
Js/Koster: Jazeker. Ich los gesjille tussje bewoners van 't dorp op, ich doon de exploitatie van de kirk. En ich mot der veur zorge dat ut kirkbezeuk weer omhoog geit.
B/Jour: En wie goat ger dat dan doan?
Js/Koster: Ich höb 'n lift laote plaatse…. En ich heb bieveurbeeld alle buim ronjdom de kirk loate kappe.
B/Jour: Buim loate kappe?
Js/Koster: Joa, es de luuj de kirk weer kenne zeen ligge dan zulle ze auch waal weer komme. Dat wirkt sjus wie op de reclame es ze get sjoans zuus dat krigste weer zin d'r in….
B/Journalist lupt weg. Ongertussje sjteit aan angere kanjt podium unne kleine sjnotaap (Jantje) te sjpringe en kumt zogenaamd neet aan de bel van de veurdeur.
Jn/Jantje: daag koster
Js/Koster: daag Jantje, kumste neet aan de bel?
Jn/Jantje: nei meneer de koster, zo groat ben ich nog neet gegreud (kinjersjtumke)
Js/Koster: kom hie jong, dan til ich dich effe op
Jn/Jantje: dat is good meneer de koster
(koster tilt Jantje op)…. Trrrrriiinnnnngggggg…………… (koster zet Jantje weer neer)
Jn/Jantje: (kiekt de koster aan) ja.. koster, en noe renne
Beide renne van ut podium aaf
Drie man zitte in krink, bietje verveald te kieke. Veerde kump binne.
Jn/4e man: Och wat is ut druk hie in ut zurgcentrum… noa we ben ich aan de beurt
R/B/3e man: Noa mich…
Js/2e man: En mich…
B/1e man: En miche…
Jn/4e man: (Geit zitte) miljaar… veurige weak hub ich hie in 't zurgcentrum auch zeker drie kwarteer gewach.
Js/2e man: Dat sjtelt nog gaar niks veur. Ich zit hie al zeker 45 minute
B/1e man: Woveur bes doe hie
Js/2e man: Ich höb neersjtein
B/1e man: Jao ich höb voch in de knee
R/Jn: Nog get cement en zandj d'r bie dan kent geer 'nne metselploog beginne..
Jn/4e man: Och… dat sjtelt toch gaar niks veur… zal ich uch uns get zekke…
LEEDJE: DAT HUB ICH GEHAD
Koeplet: (John)
Mien aambeien die jeuke
en mien eksterauch dat pietsjt
höb unne ingegreujde nagel
wo de etter zoa oet prietsjt
Es ich hie duuj deit 't doa pien
es ich doa duuj pietsjt 't hie
en es ich te hel duuj bie 't poepe
krieg ich sjteake in mien zie
Refr: (allen)
Dat hub ich auch gehad
Dat kin ich allenej
Ich dink dat ich 't zelfs
nog get erger heij
Want es ich dich zoa heur
Dan is 't mer gezeur
't sjtelt toch eigelik gaar niks veur
Ben: Jao dat is verschrikkelijk, ich veul mich de letste tied auch gaar niks good.
hub get vog achter de longe )
en mien hart dat tik te sjnel
bin al derteen keer geholpe
aan mien sjrumpelende vel.
es ich de dokter moosj geluive
heij ich nog hoagoet drie kwart jaor
wat dus eigenlik beteikent
dat ich noe de piep oet waor.
Refr.
Jos: Jao dat is auch, ja en ich dan:
Op mien lippe zitte blöäskes
tussje mien tiene zit ekzeem
es ich mich doa 'n weak neet wesj
dan ruukt 't ech heel erg extreem
Aan dat geale in mien oare
zit unne hele rare reuk.
Ich laup de ganze daag te sjoere
ich wear gek van al dae jeuk
Refr.
Ralph/John: Dat is allemaol nog niks. Mosse mich hubbe:
miene bypass is gaon laeke
en mien kunstneer is defect
Ich krieg hele rare oetsjlaag
wo de sjtoma haet gelekt
ich hub al weer 'n bloas ontsjteaking
ich weit neet wo 't van kump
ich höb onger van die dinger
die men 'nne SOA nump…..
Dat hub GEER auch gehad
Dat kint GEER allenej
Ich dink dat GEER 't zelfs
nog waal get erger heij't
Want es ich UCH zoa heur
Dan is DIT mer gezeur
En sjtelt toch eigelik gaar niks veur
Noa leedje rinkelt un bel. Ben deit gauw pruuk (?) en bril op en geit op sjtool zitte type.
Jn/1e man: ah, ich bin eindelik aan de beurt
sjteit op en klopt oppe deur
Zorgman (Ben) zit op sjtool te type. Meneer Janse (Jn/1e man) kump binne. Deit zich de patsj aaf.(Alle teks op dreuge emotieloze toon)
Jn/Men Janse: goeie-murge, ich geluif dat ich noe aan de beurt bin
B/Zorgman: goeie-murge meneer Janse, jao ich geluif auch dat geer aan de beurt zeet. Kom binne.
Jn/Men Janse: Wo kèn geer mich mit helpe? Dit is toch het zurgcentrum he?
B/Zorgman: Joa, dit is 't zurgcentrum
Jn/Men Janse: "oké danne…ken ich hie veur mien zurg terech".
B/Zorgman: Jao, geer kent hie veur uch zurg terech. Veer höbbe kraamzorg, bejaardezorg, veurzorg en naozorg. Wo ken ich uch mit helpe?
Jn/Men Janse: Geer kent mich helpe mit mien kopzurg , die ich kwiet wil.
B/Zorgman: Uch kopzurg wilt geer kwiet…. dat kent. En wilt geer dan de kop kwiet, de zurg of allebei
Jn/Men Janse: De kop, de zurg of allebei? Och es ich dat auch nog keze ken, dan gear allein de zurg. De kop wil ich waal behauwte.
B/Zorgman: Oke… (typt ongertusche op computer) dat is dus kopzurg kwiet, mer de kop behauwte. Wilt geer veur die zurg ut geljd teruk of wilt geer die ruile veur anger zurg?
Jn/Men Janse: Geldj truuk of ruile veur anger zurg? Nou, wo ken ich dan veur ruile?
B/Zorgman: Uns kieke wo't geer die veur kent ruile(typt weer op computer)…. kraamzurg is oetverkoch op dit moment, 't geit namelik good mit de babies in Sjweikese hè, bejaardezurg is erg duur op ut moment…….. Veurzorg, doa hub ich nog unne haup van. Wieveul kopzurg wilt geer ruile.
Jn/Men Janse: Wieveul kopzurg wil ich ruile? Nou alle kopzurg es ut kent.
B/Zorgman: Alle kopzurg….Oke, mer wieveul kopzurg is dat?
Jn/Men Janse: Wieveul kopzurg? (tilt aan ziene kop). Nou ich sjat unne kilo of 2.
B/Zorgman: Typt… 'n kilo of 2 kopzurg …. dat is dan 2 doaze veurzorg
Jn/Men Janse: 2 doaze veurzurg, 2 doaze veurzorg… is dat alles wat ich krieg veur mien kopzurg… 2 doaze veurzurg!
B/Zorgman: Ja meneer Janse, dat is ech alles wat ich d'r van kèn make. Veurzurg is noe einmoal duur en kopzurg hubbe ver zelf auch zat., mer geer krit d'r waal zegelkes bie…
Jn/Men Janse: Ich krieg d'r waal zegelkes bie….Nou, dan hawt dich dien zegelkes mer. Ich zet mien kopzurg waal op internet. Doa krieg ich der vas vöäl meer veur (sjteit ongertusche kwoat op en lupt, grauwel de grauwel, weg).
B/Zorgman: (Sjteit auch op en lup heum achternao) Hallo, hallo meneer Janse uch zegelkes
Jn/Men Janse: Mien zegelkes? Sjtop die mer urges wo 't daaglich neet komme kènt…
Mop Jan en Bets: euvernachting Herberg de Zwaan € 350
R/B(reis): (reupt) Meneer Boyens, meneer Boyens (sjleit op belke)
Js/(jan): …….Ja..
R/B(reis): Zou ich effe moage aafrekene
Js/(jan): Mèr zeker, uns kieke, dat is dan 1 nach, zonger ontbijt, dat is dan € 350
R/B(reis): Wat??, € 350, ich hub hie mer 1 nach gesjloape, en ich hub neet 'ns ontbete!!
Js(jan): Dat klopt, merg er heit waal kenne ontbijte
R/B(reis): Ja, mèr dan noch, € 350 veur ein nach
Js(jan): Jao, en veer hubbe hie achterom auch unne deeretuin
R/B(reis): Mèr, ich ben gaar neet noa de deeretuin gewaes
Js(jan): Nae, mèr dat heij waal gekend
R/B(reis): Ja, mèr dan noch, 350 euro, ut is toch neet ech un 5 sjterre hotel hie
Js(jan): Nou, nou, veer hubbe auch roomservice
R/B(reis): Mèr ich hub gaar gein gebroek gemaakt van de roomservice
Js(jan): Nae, mèr dat hei waal gekend. En veer hubbe auch unne wienkelder
R/B(reis): Mèr ich hub gaar geine wien gedronke
Js(jan): Nae, mèr dat hei waal gekend
R/B(reis): (denkt effe noa, pakt unne sjek oet de bennetesch en vult 100 euro in) Estebleef, ….100 euro
Js(jan): Ja mèr, Ja mèr, ut is 350 euro, gein 100!!
R/B(reis): Klopt, mèr mien vrouw haet hie de ganse nach onger uch daak gesjlaope en dao haijt geer veur 250 euro gebroek van kinne make
Js(jan): Mèr ich hub gaar gein gebroek gemaakt van uch vrouw
R/B(reis): Nae dat klopt,…… mèr dat haij waal gekend.
Audio Guide.
Veer vinje 4 walkmans in 't koffer. Es ze heum opzets dan heurt jederein 't geluid van de walkman. 't is 't geluid van ein Duutsjtalige audio guide veur Sjweikese.
Veer sjpele toeriste die zich oprecht verbazen euver wat er verteld wurd of komme neet meer bie van 't lache euver wat veer heure.
Start bendje:
Voor Belgisch toets 1, voor Frans toets 2, voor Pools toets 3, voor Duits toets 0049-2540-15673
Tekst in 't Duutsj (ingesjproake door Hanna):
Hallo Lieber Gaste, Herzlich wilkommen beim (aarzelend,vragend) der, die, dem, den, das…… mit, nach, bei, seit, von, zu, suwieder, entgegen, auser, aus,….Rundleitung durch Idillischer Sweichhoisen.
Beim binnenkumst zeen wier an die linkerzeite von der Weg ein Boerderij genaamd den BiesenHof. Dieser Boerderij wurde in 1750??... gestichtet und werde bis vohrkurz auch gebraucht als Boerderij. Den Fenz um die Boerderij ist dafuhr zu zorgen das die Kuhe nicht auf die Straße laufen zu plassen eh lassen und auch um die Leute nicht zu dicht bei der Boerderij zu lassen ivm vallender Pfannen.
Die kleine Kirchjen in Neo Romanischer Stiel wurde gestichtet in 1739 nach ein Entwurf von Josef von Truuj von Bets von Jacobs. Biesonders ist das die Kirche ein Dach hat mit einem richtigen Turm und Hahn. (Veer kieke elkaar sjtom verbaasd aan)
Das Anzahl von Einwoner dieses Dörf werdet geschjats auf etwa 700-800. Verteilt über 7 Straßen , 2 Cafees und vielleicht ein Pfannenkuche-Haus. Ein halber Pagina in den Telefoonbuch ist genügend.
Ervolgens gehen Sie links, dan links, und dan wieder links und Sie ervaren wie auch in Sweichhoizen die Erde dreht.
Gleich hinter das Haus vom Koster ziet man an die gleiche linker Seite das RaevenHaus, ein Gemeindehaus behert vom….Sja……aber von den sprechen wir heute nicht….
Un jetzt gehen wir weiter den sjteiler Sjweichhoiser Berg hinauf wo fruher den berumter Sjweichhoiser KlauterKurs statt vont….
Und dan gleich an die Rechterzeite ziet ihr das Haus von den Prins John von die Sjwenskes wie man sieht brent das gerade…….. (korte sjtilte, dan Sjwraewend) Oh Mein Gott, das ist ja auch mein Haus!!!
(LIVE:
SJEISE)
(2 man pakke boewhelme oet kist, eine 'n sjriefblok veursjtellend 2 Polen en 'n Opzichter van de Gemeinte)
Polen:
(Jn)Opz.: Hallo, ich ben dhr.Riga de opzichter van de Gemeinte en ich wou effe uch wirkvergunning controlere….
(R/Js) pl2: Lech
(B) pl1: Walensa
(Jn) Opz: Ich hub begrepe geer kump oet Pole…zeet geer unne Noordpool of unne Zuidpool?
(Polen kieke elkaar aan en haole de sjouwers op. De Pole goan ongerein kalle in ut Pools. Via de beamer de ongertiteling.)
(B)Pool 1: Wits doe wo dae man 't euver haet? Wiski do wo daetski manski eufi aet
(R/Js)Pl 2: Nei Njet
(B)Pool 1: Ich auch neet, ich denk dat 'r wilt weite wo veer die sjoan boewhelme höbbe gekrege Iks au njet, Iks denkski da'r wil weitski wo veetsj da sjonski bowskihelme kreegski hebski
(R/Js)Pl 2: Die höbbe veer toch gelaend van Bob…. Die hebski geleenski da BOB…
(Jn)Opz.: Wae is Bob?
(R/Js)Pl 2: Bob de Bouwer. BOB de Bouwski
(B) Pool 1: Kunne veer 't make? Kenski veer maakski?
(R/Js) Pl2: Nou en of!!! Nouenofski!!!
(Jn)Opz.: Bob de wat???, geer zeet mich veur de gek aan 't hawte, laot mich mer 'ns uch papiere zeen?
(B)Pl 1: Wat zou 'r noe weer wille?? Watski zouti noeski weersk??
(R/Js)Pl 2: Ich denk dat 'r geldj van os wilt höbbe, dat wille toch al die ambtenaere…
Iks denski dater sjlotties an ossi hebski, ambtenaarski alleski zelfski
(B)Pl 1: Mer ich höb gein geldj meer, ich höb gister alles opgezoape… Iks hebski gein sjlotties meeski, iks hebski gistski al opgezopski
(R/Js)Pl 2: Opgezoape? Opgezopski
(B)Pool 1: Jao, veer haije toch mei-viering gister Walensa… vees haijski Mei-vierski giski!!
(R/Js)Pl 2: Och jao….dat klopt…en veer höbbe de Gemeinte vergaete oet te neudige… Ossoo jetski …datski klopski….enski vees hebski Gemeinski vergeetski neudski
(Jn)Opz.: En, kump d'r noch get vanne…
(B)Pool1: (Lup nao kis en pakt d'r 'n krat beer oet en guf dat aan de opzichter)
(Jn) Opz.: Aha, Veer versjtaon os neet, mèr geer sjprèk waal mien taal, goedemiddig!
Pannekookehoes
(alle 3 opkomme en muts mit baard oet koffer numme en 'n groate biel veur eine oppe nek, opzette en leedje van de 7 dwergen zinge…eine verkleid zich es Sjaak.)
Hai hoo, hai hoo, v'r höbbe honger wie 'n koo….hai hoo, hai hoo, hai hoo, hai hoo…… hai hoo, hai hoo
(Js) Ho, ho, wat is dat dan noe hie?
(Jn) Volgens mich is dat 'n herberg….
(R/Js) 'n Herberg?? Dan kènne veer hie vas waal wat aete….
Hallo, zeet geer de herberg-hier?
(B) Jao ich ben dae wo't geer 't vanaovend neet euver zoud höbbe….
(R/Js) Kènne veer hie get aete??
(B) Jao,dat kent
(Jn) Kenne veer hie auch 'n fjeeske hawte? (broelof Sjnee-witje)
(B) Nae dat kent neet
(Js) Waorum dat dan neet?
(B) Dit is 'n Pannekookehoes…
(Jn) 'n Pannekokehoes????
(R/Js) Kenste hie dus van die lekkere pannekeuk aete??
(B) Jao, zoaveul es geer wilt….
Wat voor 'n pannekeuk wilt geer höbbe??
(al) "Pannekeuk mit HONINGs!
Kabouter Sjaak-PLOP
(allen)
Sjtamp un plan oet de grondj
Sjmeer get honing om de mondj
Bie't colleeg van B&W
En doe kris un nuuj cafe
Vilt neet good bie jederein
Zeker neet bie de Blauwe Sjtein
Mèr luuj is 't noe zoa erg
'n Restaurantje oppe berg
Veer aete sjtraks veur weinig geldj
Op 't auwe voetbalveldj
Laot os in dit dorp versjtaon
Same pannekook aete gaon…
Veer gaon noe in kabaouterdans
Pannekook aete bie Jack & Ans…
(Jn) Ho, Ho, Ho , Ho Veer zouwe ut toch neet euver Sjaak höbbe!!!
|
|